69 Pedru a a tshame handle, ka kintari wa munti, se ku ta mutirhi wa xisati a ku: “Na wena a wu li na Yesu wa Mugalileya!”+ 70 Kambe a yala na a voniwa hi hinkwavu a ku: “A ni swi tivi leswi u swi vulaka.”

66 Na Pedru a ha tshame ka kintari wa munti, ku fika mutirhi mun’wani wa xisati wa muprista wamukulu.+ 67 Loko a vona Pedru a li ku worheni ka ndzilu, a mu txuvukisisa a ku: “Na wena a wu li na Yesu wa le Nazareta.” 68 Kambe a yala a ku: “A ni mu tivi, ni ku swi twisisa a ni swi twisisi leswi u swi vulaka,” se a huma a ya nyanghweni.

55 Va fike va tshivela ndzilu phambheni ka yindlo ya muprista wamukulu va tshama, se na yena Pedru a tshama na vona.+ 56 Kambe mutirhi mun’wani wa xisati a mu vona na a tshamile a worha ndzilu, se a mu txuvukisisa a ku: “Wanuna lweyi a a li na yena.” 57 Kambe a yala a ku: “Wansati ndziwena, a ni mu tivi munhu lwiya.”

25 Simoni Pedru a a nyime kolanu na a worha ndzilu. Se va ku: “Indjhe na wena a wu mun’we wa vadjondzisiwa va yena ke?” A yala a ku: “A ni yena.”+