• Matewu 7:16-18
    Wuhundzuluxeli La Misava Ya Nyuwani La Matsalwa Ya Ku Kwetsima

    • 16 Mi ta va tiva hi leswi va swi yendlaka.* A swi nge koteki swaku vanhu va khaya mawuvha kumbe makuwa ka mimintwa, a hi swona ke?+ 17 Hi ku fanana, nsinya wawunene wu psala mihandzu yayinene, kambe nsinya wa ku bola wu psala mihandzu ya ku bola.+ 18 Nsinya wawunene a wu nge psali mihandzu ya ku bola, hambi nsinya wa ku bola a wu nge psali mihandzu yayinene.+