Tipisalema

115 Yehovha Xikwembu xanga, hina a hi faneliwi hi nchumu, a hi faneliwi hi nchumu,*

Kambe dzunisa vito la wena+

Hi mhaka ya lirhandzu ni ku tshembeka ka wena.+

 3 Xikwembu xa hina xi le matilweni;

Xi yendla hinkwaswu leswi xi lavaka ku swi yendla.

 4 Swikwembu swa vona i prata ni woru,

Swi yendliwe hi munhu.+

 5 Swi ni nomo kambe a swi vulavuli;+

Swi ni matihlo kambe a swi voni;

 6 Swi ni tindleve kambe a swi twi;

Swi ni nhompfu kambe a swi nun’hweteli;

 7 Swi ni mavoko kambe a swi koti ku khoma;

Swi ni minenge kambe a swi koti ku famba;+

Ka nkolo wa swona a ku twali nchumu.+

 8 Vanhu lava swi yendlaka va ta fana na swona,+

Ni hinkwavu lava va swi tshembaka.+

 9 Tshemba Yehovha, wena Israyele+

I mupfuni wa wena ni xivhikelo xa wena.+

10 Tshemba Yehovha, wena ndjangu wa Aroni+

I mupfuni wa wena ni xivhikelo xa wena.

11 Tshembani Yehovha, n’wina lava chavaka Yehovha+

I mupfuni wa n’wina ni xivhikelo xa n’wina.+

12 Yehovha wa hi khumbuka naswona a ta hi katekisa;

A ta katekisa vana va Israyele;+

A ta katekisa vana va Aroni.

13 A ta katekisa lava chavaka Yehovha,

Vavatsongo ni vavakulu.

14 Yehovha a ta yendla swaku mi va vanyingi,

N’wina ni vana* va n’wina.+

15 Yehovha Muyendli wa tilo ni misava,+

A a mi katekise.+

16 Matilo i ya Yehovha,+

Kambe misava a yi nyike vanhu.+

17 Lava nga fa a va mu dzunisi Yehovha;+

Hambi hinkwavu lava yaka ku miyeleni ka lifu.+

18 Kambe hina hi ta dzunisa Yehovha

Ku sukela swoswi ni hi masiku ni masiku.