Vatesalonika Va Ku Sungula

4 Xa wugamu vamakwerhu, hi mi djondzisile leswi mi faneleke mi hanyisa xiswona leswaku mi tsakisa Xikwembu,+ naswona ma swi yendla leswo. Swoswi, ha mi kombela ni ku mi khongotela hi vito la Hosi Yesu leswaku mi tama mi swi yendla hintamu. 2 Hikusa ma yi tiva minawu leyi hi nga mi nyika yona hi vito la Hosi Yesu.

3 Hikusa ku rhandza ka Xikwembu i ka leswaku mi kwetsima+ naswona mi baleka wuntunga la swa masangu.*+ 4 Mun’wani ni mun’wani wa n’wina a fanele a tiva ndlela ya ku fuma muzimbha wa yena+ swaku wu kwetsima+ wu tlhela wu hlonipheka, 5 a nga fani ni vamatiko lava kalaka va nga xi tivi Xikwembu+ lava ngo pfurha hi ku navela ka ku nyenyentsa ka masangu naswona va kalaka va nga kolwi hi swona.+ 6 Ku nga tshuki ku va ni munhu lweyi a yendlaka minchumu ya ku kala yi nga fanelanga ni ku djohisa makwavu ka mhaka leyi, hikusa Yehovha* a ta khatisa lava yendlaka swilo leswi hinkwaswu hilani hi nga mi byela hi kona hi tlhela hi mi tsundzuxa swinene. 7 Hikusa Xikwembu a xi hi vitanelanga ku hanya wutomi leli nga chaka kambe xi lava swaku hi kwetsima.+ 8 Se munhu lweyi a yi vonelaka hansi minchumu leyi, a nga yeyisi munhu kambe a yeyisa Xikwembu+ lexi mi nyikaka moya wa xona wa ku kwetsima.+

9 Kambe loko swi ta ka ku rhandza vamakwerhu,+ a swi lavi hi mi tsalela nchumu hikusa Xikwembu xa mi djondzisa swaku mi rhandzana.+ 10 Phela ma swi yendla leswo ka vamakwerhu hinkwavu lava nga ka tiko hinkwalu la Makedoniya. Kambe ha mi kombela vamakwerhu leswaku mi tama mi kulisa lirhandzu lolelo. 11 Tinyimiseleni ku hanya hi ku rhula,+ mi nga tipeti ka timhaka ta van’wani+ naswona mi tirha hi mavoko ya n’wina+ hilani hi nga mi djondzisa hi kona, 12 leswaku vanhu lava kalaka va nga lumbi bandla+ va ta swi vona swaku mi ni mahanyelo yamanene naswona a mi pfumali nchumu.

13 Vamakwerhu hi lava swaku mi twisisa ntiyiso hi lava nga fa,*+ leswaku mi nga vaviseki ku fana ni lava kalaka va nga na ntshembo.+ 14 Hikusa loko hi kholwa swaku Yesu a file a tlhela a pfuxiwa,+ kutani ha kholwa swaku lava nga fa na va landzela Kreste,+ Xikwembu xi ta va pfuxa swaku va va na yena. 15 Leswi hi mi byelaka swona swoswi i rito la Yehovha:* Hina lava nga ta hanya anze ku fika nkama wa ku vuya ka Hosi a hi nge va rhangeli nikatsongo lava se va nga fa; 16 hikusa Hosi yi ta xika hi le tilweni hi rito la ku manda, hi rito la ntsumi yayikulu+ ni hi mhalamhala* ya Xikwembu, kutani lava nga fa na va landzela Kreste va ta rhanga va pfuxiwa.+ 17 Loko leswo se swi hundzile, hina lava hanyaka hi ta tekiwa xikan’we na vona hi nghenisiwa ka marhefu+ hi ya tlhangana ni Hosi+ ampfhukeni; kutani hi ta tshama ni Hosi minkama hinkwayu.+ 18 Se tamani mi tiyisana hi marito lawa.