Tipisalema
Ka mayextru. Pisalema ya Davhida.
41 Wa tsaka lweyi a pimiselaka xisiwana;+
Yehovha a ta mu ponisa hi siku la khombo.
2 Yehovha a ta mu hlayisa a hanya.
3 Yehovha a ta mu pfuna loko a vabya;+
A ta mu hlayisa loko a vabya.
4 Hikusa ni te: “Yehovha, ni kombe timpsalu.+
Ni holise+ hikusa ni ku djohelile.”+
5 Kambe valala va mina va vulavula ku biha hi mina va ku:
“Kasi a ta fa siku muni swaku hi ta mu khohlwa ke?”
6 Loko mun’we wa vona a ta swaku a ta ni vona, a vulavula mavunhwa.
A fika a lava swa ku biha swaku a ta swi vula hi mina;
A gama a famba a ya swi hangalasa.
7 Hinkwavu lava ni nyenyaka va ni hleva;
Va ni yendlela maplanu* ya ku biha, va ku:
8 “A humeleliwe hi nchumu xa ku chavisa;
Leswi a nga wa, a nge he pfuki.”+
9 Hambi munhu lweyi a hi twanana, lweyi a ni mu tshemba,+
10 Kambe Yehovha Xikwembu xa mina, ni kombe timpsalu, u ni pfuxa,
Swaku ni ta tlhelisela.
11 Leswi swi ta yendla ni swi tiva swaku wa ni tsakela:
Loko nala wa mina a nga ha huweleli a tsaka hileswi a nga ni hlula.+
12 Phela mina, wa ni seketela hikusa ni tshembekile;+
U ta ni veka phambheni ka wena hi masiku ni masiku.+
13 A ku dzunisiwe Yehovha Xikwembu xa Israyele
Masiku hinkwawu.+
Amen, Amen!