Tipisalema
Ka mayextru; lisimu leli yimbeleliwaka na ku chayiwa switende.* Pisalema ya Davhida.
4 Ni hlamuli loko ni ku vitana, wena Xikwembu xa mina xa ku lulama.+
Ni ponisi ka mahlomulu ya mina.
Ni kombi timpsalu, u tlhela u yingisa xikhongelo xa mina.
2 N’wina vanhu, kasi mi ta ni danisa anze siku muni?
Mi ta rhandza swa ku kala swi nga pfuni nchumu ni ku lava swa ku kala swi nga li ntiyiso anze siku muni ke? (Sela)
3 Swi tiveni swaku Yehovha a ta mu khoma hi ndlela ya ku hlawuleka lweyi a tshembekaka ka yena;
Phela Yehovha a ta ni yingisa loko ni mu vitana.
4 Kwatani kambe mi nga djohi.+
Vulavulelani mbilwini na mi li ka mubedu wa n’wina, mi gama mi miyela. (Sela)
5 Yendlani magandzelo ya swa ku lulama,
Naswona tshembani Yehovha.+
6 Ku ni va ku tala lava nge: “I mani lweyi a nga ta hi yendlela swaswinene?”
Hi kombi timpsalu, wena Yehovha.+
7 U yendla swaku mbilu ya mina yi tsaka swinene
Ku tlula lava nga ni trigu la linyingi ni vhinyu la nyuwani.