Mahungu Ya Ku Tsakisa Ya Ku Tsaliwa Hi Marka

16 Nkama siku la Savata+ li nga hundza, Mariya Madalena, Mariya+ mamani wa Yakobe na Salome va xave mafurha ya ku nun’hwela leswaku va ya tota ntsumbu wa Yesu.+ 2 Va ye ka sirha nimpundzu hi siku la ku sungula* la vhiki naswona va fike na dlambu se li humile.+ 3 A va karhateka va ku: “I mani lweyi a nga ta hi wumbulutela ribye a li susa ka nyanghwa wa sirha?” 4 Kambe nkama va nga txuvuka, va vone swaku ribye se li wumbulutiwile, hambileswi a li li likulu hintamu.+ 5 Nkama va nga nghena ka sirha, va vone djaha na li tshame ka tlhelo la xinene, na li yambale mpahla ya ku leha ya ku basa; se va hlamala. 6 Se djaha li ku: “Mi nga hlamaleni.+ Na swi tiva swaku mi lavetela Yesu wa le Nazareta lweyi a nga dlayiwa ka mhandzi. A pfuxiwile.+ A nga kona lani. Vonani, hi lani a a vekiwe kona.+ 7 Fambani mi ya byela vadjondzisiwa va yena ku patsa na Pedru mi ku: ‘Mi ta ya mu kuma aGalileya.+ Mi ta mu vona kohala, hi ku landza leswi a nga mi byela swona.’”+ 8 Nkama va nga huma ka sirha, va tsutsuma na va rhurhumela hi ku chava ni ku hlamala. A va byelanga munhu mhaka leyi hikusa a va chava.*+