Nhlawutelo ya Yohani
4 Loko swilo leswi se swi hundzile, ni txuvuka tilweni kutani ni vona xipfalu lexi a xi pfulekile, se ni twa rito la ku sungula leli a li twala ku fana ni mhalamhala,* li ku ka mina: “Tani halenu ni ta ku komba minchumu leyi nga ta yendleka.” 2 Se hi ku hantlisa moya wa ku kwetsima wa Xikwembu wu sungula ku tirha ka mina, se ni vona xitshamu xa wuhosi tilweni ni munhu na a tshame ka xona.+ 3 Kutani Lweyi a a tshame ka xitshamu xa wuhosi a a phatima ku fana ni ribye la jaxpe+ ni ribye la lisima la ku pshuka,* naswona xitshamu xa wuhosi a xi rhendzeliwe hi kwangulatilo* wa ku fana ni ribye la exmeralda.+
4 Xitshamu xa wuhosi a xi rhendzeliwe hi 24 wa switshamu swa wuhosi; ka switshamu swoleswo a ku tshame 24 wa madoda,+ na ma yambale mpahla ya ku basa, na ma ni tiharhi* ta woru ka tinhloko ta wona. 5 Ka xitshamu xa wuhosi a ku huma ku hatima,+ ni marito ni ku duma ka tilo;+ naswona phambheni ka xitshamu xa wuhosi a ku ni 7 wa swa ku voninga hi swona leswi pfurhaka ndzilu; leswi swa ku voninga hi swona i 7 wa matimba ya Xikwembu.+ 6 Phambheni ka xitshamu xa wuhosi a ku ni nchumu xa ku basa hintamu xi tlhela xi hatima ku fana ni lwandle la vhidru.+
Xikarhi ka xitshamu xa wuhosi ni le matlhelweni ka xona a ku ni 4 wa makerubu+ lawa a ma ni matihlo phambheni ni le ndzhaku. 7 Kerubu la ku sungula a li fana ni nghonyama,+ la wumbirhi a li fana ni xihon’wani,+ la wunharhu+ a li ni nghohe* ya ku fana ni ya munhu, kasi la wu 4+ a li fana ni gama* leli hahaka.+ 8 Ka 4 wa makerubu lawa, lin’wani ni lin’wani a li ni 6 wa timpapa leti a ti ni matihlo ya manyingi.+ Naswona wusiku ni nhlikanhi a ma tama ma ku: “Wa kwetsima, wa kwetsima, wa kwetsima Yehovha*+ Xikwembu, lweyi a nga ni Matimba Hinkwawu, lweyi a a li kona, lweyi a nga kona ni lweyi a taka.”+
9 Minkama hinkwayu loko makerubu ma yisa ku dzuneka, xihlonipho ni ku khensa ka Lweyi a nga tshama ka xitshamu xa wuhosi, Lweyi a hanyaka hi masiku ni masiku,+ 10 a 24 wa madoda+ a ma khizama phambheni ka Lweyi a nga tshama ka xitshamu xa wuhosi kutani ma gandzela Lweyi a hanyaka hi masiku ni masiku, ma tlhela ma hoxa tiharhi* ta wona phambheni ka xitshamu xa wuhosi ma ku: 11 “Swa ku fanela wena Yehovha* Xikwembu xa hina, ku dzunisiwa,+ ku hloniphiwa+ ni ku va ni matimba+ hikusa hi wena u nga tumbuluxa swilo hinkwaswu,+ naswona hinkwaswu swi ve kona hi mhaka ya ku rhandza ka wena, swi tumbuluxiwile.”