Tipisalema
Pisalema ya Davhida ya ku khanguliwa* ka yindlo.
30 Ni ta ku dzunisa Yehovha, hikusa u ni tlakusile;
A wu pfumelanga swaku valala va mina va ni hleka.+
2 Yehovha Xikwembu xa mina, ni kombele ku pfuniwa hi wena naswona u ni hanyisile.+
3 Yehovha Xikwembu xa mina, u ni humese aSirheni.*+
A wu ni tshikanga ni fa; u ni ponisile swaku ni nga wi ka xikhele.*+
4 Yimbelelani mi dzunisa Yehovha, n’wina lava tshembekaka ka yena,+
Khensani vito la yena la ku kwetsima;+
5 Hikusa a mi kwatela swa nkamanyana,+
Kambe a ta mi rhandza wutomi hinkwalu.+
Mi ta rila nimadlambu kambe nimixo mi ta ba minkulungwani.+
6 Nkama a swa ha ni fambela kahle ni te:
“A ni nge tshuki ni tsekatsekisiwile.”
7 Yehovha, u ni tiyisile ku fana ni ntshava hi nkama lowu a wu ni vhikela.+
Kambe ni sungule ku chava, nkama u nga ni fihlela nghohe* ya wena.+
8 Yehovha, a ni tshikanga ku ku vitana;+
Ni kombele Yehovha swaku a ni komba timpsalu.
9 Indjhe a kona lweyi a pfunekaka loko ni fa, loko ni nghena asirheni?+
Indjhe wuthulu li nga ku dzunisa?+ Indjhe li nga byela van’wani swaku wa tshembeka?+
10 Yehovha Xikwembu xa mina, yingisa u ni twela wusiwana.+
Ni pfuni Yehovha.+
11 U yendle swaku ni nga ha rili kambe ni txina;
U ni hlivile mpahla* ya masaka, u gama u ni yambexa ku tsaka,
12 Leswaku ni nga miyeli, ni ku dzunisa hi tinsimu.
Yehovha Xikwembu xa mina, ni ta ku dzunisa hi masiku ni masiku.