Samuwele Wa Ku Sungula

21 Hi ku famba ka nkama, Davhida a fika ka muprista Ahimeleki aNobi.+ Ahimeleki a sungula ku rhurhumela loko a tlhangana na Davhida, a gama a mu vutisa a ku: “Hi mhaka muni u ta na u li wexe?”+ 2 Davhida a hlamula muprista Ahimeleki a ku: “Ku ni leswi hosi yi nga ni rhuma swaku ni ya swi yendla, kambe yi te: ‘U nga byeli munhu leswi ni ku rhumaka swona ni leswi ni nga ku byela swona.’ Se ni twanane ni madjaha ya mina lomu hi nga ta tlhangana kona. 3 Loko u ni 5 wa mapawu, ni kombela u ni nyika wona, kambe loko u nga li na wona ni kombela u ni nyika xin’wani ni xin’wani lexi nga kona.” 4 Kambe muprista a hlamula Davhida a ku: “A ku na mapawu ya ku fana ni ya masiku, ko va ni pawu la ku kwetsima ntsena.+ Madjaha ma nga dla loko ma ni masiku ma nga se famba masangu.”+ 5 Davhida a hlamula muprista a ku: “A hi fambanga masangu ku fana ni minkama yin’wani loko hi ya nyimpini.+ Leswi madjaha ma tengaka loko ma yendla ntirho wa ku fana ni lowu, namuntlha ma fanele ma tenge hintamu ku tlula masiku!” 6 Kutani muprista a mu nyika pawu la ku kwetsima,+ hikusa a ku nga na pawu lin’wani, a ko va ni pawu la ku kwetsima, leli a li susiwile ka tabernakela ya Yehovha swaku ku vekiwa pawu la nyuwani hi siku lolelo.

7 Kambe hi siku lolelo a ku ni mutirhi wa Sawulo kolanu; a a pfaleliwile phambheni ka Yehovha aNobi. Vito la yena a ku li Dowegi+ wa Muedomu+ funtshi a a li murhangeli wa valusi va Sawulo.

8 Se Davhida a vutisa Ahimeleki a ku: “A ku na tlharhi kumbe xipada lani ke? Ni siye xipada xa mina ni matlharhi ya mina nkama ni nga suka, hikusa ntirho wa hosi a wu li wa xihantla.” 9 Kutani muprista a mu hlamula a ku: “Ko va ni xipada xa Goliyadi+ lweyi wa Mufilista, lweyi u nga mu dlaya ka Nkova wa Elayi;+ xi phutseliwe hi panu xi gama xi vekiwa andzhaku ka efodi.*+ Loko u xi lava xi teki hikusa a ku na xin’wanyani.” Davhida a ku: “Ni nyiki hikusa a ku na xin’wanyani xa ku fana na xona.”

12 Davhida a sungula ku pimisa hi leswi va nga swi hlaya, se a sungula ku mu chava hintamu+ Akixi hosi ya Gati. 13 A gama a sungula ku tiyendla ingaku o hlanya,+ a tihlanyisa lani a ku ni vanhu. A khwayakhwaya swipfalu swa nyanghwa wa doropa a tlhela a tshika ni marhi ma xiririka ka malepfu. 14 A gama Akixi a byela vatirhi va yena a ku: “Ma swi vona swaku munhu lweyi wa hlanya. Se mi mu tisela yini la ka mina? 15 Mu yo twa swaku ni lava tinhlanyi leswi mi ni tiselaka munhu wa ku hlanya? Hi mhaka muni mi mu tshika a nghena akaya ka mina?”