Zakariya
2 Se ni txuvuka henhla, kutani ni vona munhu lweyi a nga khoma ngoti ya ku pima hi yona.+ 2 Ni mu vutisile ni ku: “U ya kwini?”
Yena a ni hlamula a ku: “Ni ya pima doropa la Yerusalema, ni ta tiva ku yanama ni ku leha ka lona.”+
3 Ntsumi leyi a yi vulavula na mina yi suke yi famba, kutani ku ta ntsumi yin’wani yi yi tlhangaveta. 4 Se ntsumi yi byela leyin’wanyani yi ku: “Tsutsuma u ya byela djaha leliyani u ku: ‘“Ka doropa la Yerusalema ku ta tlhela ku tshama vanhu+ kambe a li nga ta va ni mimuru hikusa li ta va ni vanhu va vanyingi ni swifuyu swa swinyingi.+ 5 Kutani ka lona,” ku vula Yehovha, “ni ta va muru wa ndzilu lowu nga matlhelweni ka lona,+ ni ta tata Yerusalema hi ku phatima ka mina hinkwaku.”’”+
6 “Hantlisani! Hantlisani! Humani ka tiko la le norte,”*+ ku vula Yehovha.
“Hikusa ni mi hangalasile ka matlhelo hinkwawu,”*+ ku vula Yehovha.
7 “Tani Siyoni! Baleka, wena lweyi u tshamaka ni doropa* la Babilona.+ 8 Hikusa Yehovha murhangeli wa tintsumi, lweyi loko se a dzunisiwile a nga ni rhuma ka matiko lama nga teka nhundzu ya wena a li:+ ‘Lweyi a ku khumbaka a khumba ni ndzoloti ya tihlo la mina.+ 9 Hikusa ni ta ma kombeta, kutani ma ta tekeliwa swilo swa wona hi swikarawa swa wona.’+ Mi ta swi tiva swaku impela Yehovha murhangeli wa tintsumi hi yena a nga ni rhuma.
10 “Banani minkulungwani, n’wina vanhu* va Siyoni;+ hikusa na ta,+ ni ta tshama na n’wina,”+ ku vula Yehovha. 11 “Hi siku lolelo, matiko ya manyingi ma ta namarhela Yehovha,+ ma ta va vanhu va mina; kutani ni ta tshama na n’wina.” Mi ta swi tiva swaku Yehovha murhangeli wa tintsumi hi yena a nga ni rhuma ka n’wina. 12 Yehovha a ta teka tiko la Yuda li va nhundzu ya yena ka tiko la ku kwetsima, wa ha ta tlhela a langa Yerusalema.+ 13 Miyelani mi ku ntsee phambheni ka Yehovha, n’wina hinkwenu, hikusa a ta yendla xan’wanchumu ka ndhawu ya yena ya ku kwetsima.