Tipisalema
BUKU LA WUNHARHU
(Tipisalema 73-89)
Pisalema ya Azafi.+
73 Phela Xikwembu i xinene ka Israyele, ka lava va nga ni timbilu leti nga basa.+
2 Kambe mina, a ku yo sala katsongo swaku minenge ya mina yi huma ndleleni;
A ku yo sala katsongo swaku minenge ya mina yi rhetemuka.+
3 Hikusa ni navele lava tibyelaka
Loko ni vona lava ku biha va hanya hi ku rhula.+
7 Ku ganya ka vona ku yendla swaku va kuluka ma za matihlo ya vona ma nghena ndzeni;
Va ni swa swinyingi ku tlula leswi a va swi pimisa ka timbilu ta vona.
8 Va poyilela van’wani ni ku vula swilo swa ku biha.+
Va tibyela hi ku hlupha van’wani.+
9 Va vulavula ingi hiloko va tlakuke ku fana ni tilo,
Ni lirimi la vona li vulavula leswi li swi lavaka misaveni.
10 Kutani vanhu va Xikwembu va va landzelela,
Naswona va phuza mati ya vona ya manyingi.
11 Va li: “Xikwembu xi swi tivisa ku yini?+
Indjhe a ni wutivi Lweyi A Nga Tlakuka?”
12 Lava hi lava ku biha, lava swi va fambelaka kahle nkama hinkwawu.+
Va tshamela ku yengetela ku ganya ka vona.+
13 Phela ni yi basise mahala mbilu ya mina
Ni tlhela ni hlamba mavoko ni kombisa swaku a ni na nandzu.+
15 Kambe loko a ni vule swilo leswi,
A ni ta va ni xavise vanhu va wena.
16 Nkama a ni zama ku swi twisisa
A swi ni karhata,
17 Kambe ni twisise swaku a va ta gamela kwini,
Nkama ni nga nghena ka ndhawu leyi kwetsimaka ya Xikwembu.
18 Phela u va veke ka ndhawu ya ku rhetemuka.+
Swaku va ta wa va helisiwa.+
19 Va helisiwa na va nga swi nyimelanga!+
Va helisiwa hi ku tsopeta ka tihlo!
20 Yehovha Xikwembu xa mina, u ta va khohlwa loko u pfuka,
Ku fana ni milorho leyi munhu a yi khohlwaka loko a pfuka.
22 A ni nga pimisi naswona a ni nga twisisi nchumu;
A ni fana ni xiharhi lexi kalaka xi nga pimisi phambheni ka wena.
23 Kambe swoswi ni na wena nkama hinkwawu;
U khome voko la mina la xinene.+
25 Ni na mani tilweni loko ku nga li wena?
Ni lani misaveni ni tsakela wena ntsena.+
26 Muzimbha wa mina ni mbilu ya mina swi nga hela ntamu,
Kambe Xikwembu i ribye la mbilu ya mina ni tshomba la mina hi masiku ni masiku.+
27 Phela lava fambelaka kule na wena va ta helisiwa.
U ta helisa* mun’wani ni mun’wani lweyi a kalaka a nga tshembeki* ka wena.+
28 Kambe ku tshinela ka Xikwembu i swinene ka mina.+
Ni yendle Yehovha Hosi Leyikulu a va ndhawu ya mina ya ku tumbela,
Swaku ni vula mintirho ya wena hinkwayu.+