Tipisalema
71 Yehovha Xikwembu xa mina, ni tumbela ka wena.
U nga ni tshiki ni danisiwa.+
2 Ni ponise hikusa u lulamile.
Ni yingisele kahle, u ni ponisa.+
3 Vana ribye la mina leli ni vhikelaka
Lomu ni nga nghenaka kona nkama hinkwawu.
Rhumisa swaku ni ponisiwa,
Hikusa u ribye la mina ni xivhikelo xa mina.+
4 Ni ponise ka voko la lweyi wa ku biha, Xikwembu xa mina,+
Ka voko la nsimbi la lweyi a ni hluphaka.
6 Ni ku tshembe ku sukela akhwirhini la mamani;
Hi wena u nga ni humesa akhwirhini la mamani.+
Ni tshamela ku ku dzunisa.
7 Ni hlamalisa vanhu va vanyingi,
Kambe wena u ndhawu ya mina ya ku tumbela ka yona leyi nga tiya.
8 Nomo wa mina wu tale hi marito ya ku ku dzunisa;+
Siku ni siku ni vulavula hi ku dzuneka ka wena.
10 Valala va mina va khuluma ku biha hi mina,
Ni lava lavaka ku ni dlaya va ni yendlele maplanu,+
11 Va li: “Xikwembu xi mu tshikile.
Mu txatxeni mi mu khoma, hikusa a nga kona lweyi a nga ta mu ponisa.”+
12 Xikwembu xa mina, u nga vi kule na mina.
Kahlula u ni pfuna, Xikwembu xa mina.+
13 Lava lwaka na mina
A va danisiwe va helisiwa.+
Lava ni navelelaka swa ku biha
A va weliwe hi xirhuku ni ku danisiwa.+
14 Kambe mina, ni ta tshama na ni rindzile;
Ni ta ku dzunisa ku tlula ku sunguleni.
15 Ni ta vulavula hi ku lulama ka wena+
Siku hinkwalu ni ta vulavula hi mintirho ya wena ya ku ponisa,
Hambileswi yi nga yinyingi hintamu lakakuva a ni nge swi koti ku yi kontela.+
16 Ni ta famba ni ya khuluma hi mintirho ya wena ya matimba,
Yehovha Hosi Leyikulu;
Ni ta vulavula hi ku lulama ka wena, wena ntsena.
17 Xikwembu xa mina, u ni djondzisile ku sukela na na ha li djaha,+
Ni swoswi na ha vulavula hi mintirho ya wena ya ku hlamalisa.+
18 Hambiloko se ni gugile, ni ni misisi ya ku basa, u nga ni txukumeti, Xikwembu xa mina.+
Ni pfumelele ni byela lava nga ta va kona ka minkama leyi taka hi ta ntamu* wa wena
Ni hi matimba ya wena ka hinkwavu lava nga ta psaliwa.+
19 Ku lulama ka wena ku tlakukile swinene, Xikwembu xa mina;+
U yendle minchumu yayinene hintamu;
Xikwembu xa mina, i mani lweyi a fanaka na wena?+
20 Hambileswi u nga ni tshika ni humeleliwa hi mahlomulu ya manyingi ni makhombo,+
Tlhela u ni nyika matimba;
21 Vuyisa ku hlonipheka ka mina,
Ni vhikele u tlhela u ni tiyisa.
Ni ta ku yimbelelela, ni ku dzunisa hi haripa,
Wena Mukwetsimi wa Israyele.