EZEKIYELE

1 Hi siku la wu 5 la wheti ya wu 4 ka lembe la wu 30, matilo ma pfulekile na na ha li xikarhi ka vanhu lava nga yisiwa wukaraweni+ kusuhi ni nambu wa Kebari,+ se ni sungula ku vona leswi Xikwembu a xi ni komba swona hi ndlela ya singita.* 2 Hi siku la wu 5 la wheti, hi lembe la wu 5 la ku yisiwa ka Hosi Yoyakini+ awukaraweni, 3 Yehovha a vulavule na mina Ezekiyele,* n’wana wa Buzi lweyi a a li muprista, akusuhi ni nambu wa Kebari ka tiko la Vakalidiya.+ Na na ha li kolanu matimba ya Yehovha ma sungule ku tirha ka mina.*+

4 Loko na ha txuvuka, ni vone moya wa matimba+ lowu taka hi norte* naswona a ku ni rhefu lalikulu ni ku hatima+ leswi a swi rhendzeliwe hi ku vonakala kakukulu, naswona axikarhi ka ku hatima a ku ni nchumu lowu a wu tikomba na wu fana ni woru leli nga patsiwa ni prata.+ 5 Axikarhi ka ku hatima a ku ni leswi a swi voneka na swi fana ni 4 wa tintsumi+ naswona ha yin’we a yi fana ni munhu. 6 Yin’wani ni yin’wani a yi ni 4 wa tinghohe* ni 4 wa timpapa.+ 7 A ti ni minenge ya ku wololoka naswona minkondzo ya tona a yi fana ni ya xihon’wani, a yi phatima ku fana ni kobre leli nga phatimisiwa.+ 8 A ti ni mavoko ya vanhu hansi ka timpapa ta tona ka matlhelo hinkwawu ya 4 naswona hinkwatu ta 4 a ti ni tinghohe ni timpapa. 9 Timpapa ta tona a ti khumbana. Tintsumi leti a ti nga ndzuluki loko ti famba; hinkwatu a ti ya phambheni.+

10 Tinghohe ta tona a ti tshamise xileswi: Hinkwatu ta 4 a ti ni nghohe ya munhu ni ya nghonyama+ ka tlhelo la xinene, ni nghohe ya homu+ ka tlhelo la ximatsi naswona hinkwatu a ti ni nghohe+ ya gama.*+ 11 Tinghohe ta tona a ti tshamise swoleswo. A ti pfule timpapa ta tona ti ya henhla. Ntsumi yin’wani ni yin’wani a yi ni timpapa timbirhi leti a ti khumbanile ni timpapa timbirhi leti a ti mbhonye muzimbha wa tona.+

12 Hinkwatu a ti ya phambheni, a ti ya kun’wani ni kun’wani lomu moya wa ku kwetsima a wu ti kongomisa ku ya kona.+ A ti nga ndzuluki loko ti famba. 13 Tintsumi leti a ti voneka ku fana ni makhala lawa ma pfurhaka ndzilu naswona a ku ni nchumu wa ku fana ni swindzilwani leswi pfurhaka lowu a wu ya phambheni ni le ndzhaku xikarhi ka tintsumi naswona a ku huma ku hatima hi ka ndzilu.+ 14 Loko tintsumi ti famba, ndlela leyi a ti famba* hi yona a yi fana ni ku voninga ka ku hatima.

15 Loko ni txuvuka tintsumi, ni vone roda lin’we amisaveni atlhelweni ka ntsumi yin’wani ni yin’wani leyi nga ni 4 wa tinghohe.+ 16 Leswi maroda ya kona a ma tshamise xiswona a ma phatima ku fana ni ribye leli vitaniwaka krizolita naswona hinkwawu ya 4 a ma fana. Naswona a ma tshame ingaku roda lin’we li yo nghenisiwa phakati ka roda lin’wani. 17 Loko ma famba, a ma swi kota ku ya ka matlhelo hinkwawu ya 4 na ma nga djikanga. 18 Maroda a ma lehe hi ndlela ya ku hlamalisa naswona hinkwawu ya 4 a ma ni matihlo ka matlhelo hinkwawu.+ 19 Loko tintsumi ti famba, maroda a ma famba na tona naswona loko ti tlakuka ahenhla ka misava, maroda na wona a ma tlakuka na tona.+ 20 Tintsumi a ti ya lomu moya wa ku kwetsima wu ti kongomisaka ku ya kona, hinkwaku lomu moya wa ku kwetsima wu yaka kona. Maroda a ma tlakuka hi nkama wun’we ni tintsumi hikusa moya wa ku kwetsima lowu a wu tirha ka tona a wu tirha ni le ka wona. 21 Loko tintsumi ti famba, na wona a ma famba; loko ti nyima, na wona a ma nyima; loko ti tlakuka henhla ka misava, maroda na wona a ma tlakuka hi nkama wun’we ni tintsumi hikusa moya wa ku kwetsima lowu a wu tirha ka tona a wu tirha ni le ka wona.

22 Ahenhla ka tinhloko ta tintsumi a ku ni nchumu xaxikulu lexi a xi yandlalekile xa ku phatima ku fana ni jelu naswona a xi hlamalisa.+ 23 Tintsumi a ti nyimise timpapa ta tona ti khumbana ahansi ka nchumu lexi xaxikulu xa ku phatima. Ntsumi yin’wani ni yin’wani a yi ni timpapa timbirhi leti nga mbhonya tlhelo lin’we la muzimbha ni timpapa timbirhi leti a ti mbhonye tlhelo lelin’wani la muzimbha wa tona. 24 Loko ni yingisela guwa la timpapa ta tona, a li fana ni la mati lama tsutsumaka, ku fana ni guwa la Lweyi Wa Matimba Hinkwawu.+ Loko ti famba, guwa la tona a li fana ni la masonchwa. Loko ti nyima, a ti pfala timpapa ta tona.

25 A ku twakala rito henhla ka nchumu xaxikulu xa ku phatima lexi a xi yandlaliwile henhla ka tinhloko ta tintsumi. (Loko ti nyima, a ti pfala timpapa ta tona.) 26 Ahenhla ka nchumu lexi xaxikulu xa ku phatima lexi a xi yandlalekile ahenhla ka tinhloko ta tintsumi a ku ni nchumu xin’wani xa ku fana ni ribye leli vitaniwaka safira,+ lexi a xi voneka na xi fana ni xitshamu xa wuhosi.+ Lweyi a a tshame ka xitshamu xolexo xa wuhosi a a tikomba na a fana ni munhu.+ 27 Ni vone nchumu wa ku hatima wa ku fana ni woru leli nga patsiwa ni prata+ lowu a wu fana ni ndzilu, ni wu vone na wu huma hi ka nchumu xa ku fana ni masenge ya yena wu ya henhla; se ku sukela ka masenge ya yena ku ya hansi, ni vone nchumu xa ku fana ni ndzilu.+ Matlhelweni ka yena hinkwaku a ku phatima 28 ku fana ni kwangulatilo*+ ka marhefu hi siku leli ku naka mpfula. Leyo a ku li ndlela leyi ku phatima koloko a ku voneka hi yona. A ku fana ni ku phatima ka Yehovha.+ Nkama ni nga ku vona ni wile, nghohe ya mina yi txuvuka hansi, se ni gama ni sungula ku twa rito la mun’wani na a khuluma.

2 Se a ni byela leswi: “N’wana wa munhu,* sekeleka u nyima swaku ni ta vulavula na wena.”+ 2 Na wa ha vulavula na mina, moya wa ku kwetsima wu nghene ka mina wu ni nyimisa hi minenge+ swaku ni kota ku twa Lweyi a a vulavula na mina.

3 A ni byele a ku: “N’wana wa munhu, ni ku rhuma ka Vayisrayele,+ ka matiko lawa ma nga ni djikela, lawa ma kalaka ma nga ni yingisanga.+ Vona ni vavhovho va vona va ni djohelile ku ta fikela namuntlha.+ 4 Ni ku rhuma ka vanhu lava kalaka va nga yingisi ni lava nga woma tinhloko+ kutani u fanele u va byela u ku: ‘Leswi, hi leswi Yehovha Hosi Leyikulu a swi vulaka.’ 5 Hambi va yingisa kumbe va yala ku yingisa, hikusa i vanhu lava kalaka va nga ni yingisi,+ va ta swi tiva swaku a ku ni muprofeta xikarhi ka vona.+

6 “Kambe wena n’wana wa munhu, u nga va chavi,+ u nga chavisiwi hi leswi va swi vulaka, hambileswi u nga rhendzeliwa hi mimintwa*+ naswona u tshamaka xikarhi ka swizavanani. U nga chavisiwi hi leswi va swi hlayaka+ naswona u nga chavisiwi hi tinghohe* ta vona+ hikusa i vanhu lava va nga ni djikela. 7 U fanele u va byela leswi ni swi hlayaka, hambi va ku yingisa kumbe va nga ku yingisi hikusa i vanhu lava nga ni djikela.+

8 “Kambe wena n’wana wa munhu, yingisa leswi ni ku byelaka swona. U nga ni djikeli ku fana ni vanhu lava va nga ni djikela. Pfula nomo wa wena u dla leswi ni ku nyikaka swona.”+

9 Nkama ni nga txuvuka, ni vone voko leli a li ta ka mina,+ na li khome buku* leli nga tsaliwa marito.+ 10 Loko a li pfula phambheni ka mina a li tsaliwe phambheni ni le ndzhaku.+ A li tsaliwe tinsimu ta xirilo ni swilo leswi a swi ta yendla swaku vanhu va rila.+

3 Kutani a ni byela a ku: “N’wana wa munhu, dlana leswi nga phambheni ka wena.* Dlana buku* leyi, u gama u famba u ya vulavula ni Vayisrayele.”+

2 Se ni pfula nomo, a ni dlisa buku leyi. 3 A tama a khuluma a ku: “N’wana wa munhu, dlana buku leyi ni ku nyikaka yona, u tata khwirhi la wena.” Kutani ni sungula ku yi dla naswona a yi tsokombela ku fana ni wulombe.+

4 A gama a ni byela a ku: “N’wana wa munhu, famba ka Vayisrayele u fika u va byela leswi ni nga ku byela swona. 5 Hikusa a wu rhumiwi ka vanhu lava va vulavulaka lirimi leli swi karhataka ku li twisisa kumbe lava vulavulaka lirimi leli u kalaka u nga li tivi, kambe u rhumiwa ka Vayisrayele. 6 A wu rhumiwi ka vanhu lava vulavulaka lirimi leli swi karhataka ku li twisisa kumbe lava vulavulaka lirimi leli u kalaka u nga li tivi, leli marito ya lona u kalaka u nga ma twisisi. Loko a ni ku rhuma ka vona a va ta ku yingisa.+ 7 Kambe Vayisrayele va ta yala ku ku yingisa hikusa a va swi lavi ku ni yingisa.+ Hinkwavu va wome tinhloko naswona va tiyele timbilu.+ 8 Ni yendle swaku nghohe* ya wena yi tiyela ku fana ni tinghohe ta vona; ni ximombo xa wena ni yendle swaku xi tiyela ku fana ni swimombo swa vona.+ 9 Ni yendle swaku ximombo xa wena xi fana ni diyamanti,* xi tiya ku tlula ni ribye la ku tiya.+ U nga va chavi kumbe u chavisiwa hi tinghohe ta vona+ hikusa i vanhu lava va kalaka va nga yingisi.”

10 A tama a khuluma na mina a ku: “N’wana wa munhu, yingisa marito hinkwawu lawa ni nga ku byela wona u tlhela u ma veka mbilwini ya wena. 11 Famba ka vanhu va lixaka la wena lava nga wukaraweni+ u fika u khuluma na vona. U va byela u ku: ‘Leswi, hi leswi Yehovha Hosi Leyikulu a swi vulaka,’ hambi va yingisa kumbe va yala ku yingisa.”+

12 Se matimba* ma ni tlakula+ ni gama ni twa rito lalikulu ndzhaku ka mina na li ku: “Ku phatima ka Yehovha a ku dzunisiwe ka ndhawu ya yena.” 13 Ni tlhele ni twa guwa la timpapa ta tintsumi loko ti khumbana,+ guwa la maroda lawa a ma li matlhelweni ka tona,+ ni guwa lin’wani lalikulu. 14 Se matimba ma ni tlakula ma famba na mina, ni fambe na ni xukuvalile naswona na ni kwatile, kutani matimba* ya Yehovha ma sungula ku tirha swinene ka mina. 15 Ni gama ni ya ka vanhu lava nga wukaraweni aTeli-Abibi, lava a va tshama kusuhi ni nambu wa Kebari,+ ni fika ni tshama na vona kolanu; ni tshame na vona 7 wa masiku na ni karhatekile.+

16 Loko 7 wa masiku se ma hundzile, Yehovha a gama a vulavula na mina a ku:

17 “N’wana wa munhu, ni ku langile swaku u va murindzi wa Vayisrayele,+ naswona loko ni ku byela swilo u fanele u ni basopisela vona.+ 18 Loko ni byela lweyi a yendlaka swa ku biha ni ku: ‘U ta fa’ kambe wena u nga mu basopisi, u nga mu byeli leswaku a txintxa ndlela ya yena ya ku biha leswaku a nga fi,+ a ta fa hi mhaka ya xihoxo xa yena hikusa a yendla swa ku biha,+ kambe ngati ya yena ni ta yi lava ka wena.*+ 19 Kambe loko u basopisa lweyi a yendlaka swa ku biha kutani a nga tshiki ku yendla swilo swa ku biha ni ndlela ya yena ya ku biha, a ta fa hi mhaka ya xihoxo xa yena kambe wena u ta va na u ponise wutomi la wena.+ 20 Kambe loko lweyi wa ku lulama a tshika ku yendla swa ku lulama se a yendla swa ku biha, ni ta mu vekela swa ku mu wisa ka ndlela ya yena naswona a ta fa.+ Loko u nga mu basopisi a ta fela xidjoho xa yena naswona swilo swaswinene leswi a nga swi yendla a swi nga ta khumbukiwa, kambe ngati ya yena ni ta yi lava ka wena.*+ 21 Kambe loko u basopisa lweyi wa ku lulama swaku a nga djohi, kutani a nga djohi, a nga ta fa hikusa a basopisiwile,+ se wena u ta va u ponise wutomi la wena.”

22 Matimba* ya Yehovha ma sungule ku tirha ka mina na ni li kolanu, a gama a ni byela a ku: “Sekeleka u nyima u ya ka ndhawu leyi nga pfuleka ni ta ya vulavula na wena koseniyani.” 23 Se ni suka ni famba ni ya ka ndhawu leyi nga pfuleka ni gama ni vona ku phatima ka Yehovha kolanu,+ a ku fana ni ku phatima loku ni nga ku vona akusuhi ni nambu wa Kebari,+ se ni khizama, nghohe ya mina yi txuvuka hansi. 24 Kutani moya wa ku kwetsima wu nghena ka mina wu ni yendla ni nyima hi minenge,+ se Xikwembu xi gama xi khuluma na mina xi ku:

“Famba u ya tipfalela ka yindlo ya wena. 25 Wena n’wana wa munhu, va ta ku bohelela hi magoda swaku u nga fambafambi xikarhi ka vona. 26 Ni ta yendla swaku lirimi la wena li namarhela lomu non’wini, u ta va mbheveve, a wu nga ta swi kota ku va laya hikusa i vanhu lava va kalaka va nga ni yingisi. 27 Kambe loko ni vulavula na wena ni ta wu pfula nomo wa wena, se u ta va byela u ku:+ ‘Leswi, hi leswi Yehovha Hosi Leyikulu a swi vulaka.’ Lweyi a yingisaka a a yingisi+ ni lweyi a yalaka ku yingisa a nga yingisi hikusa i vanhu lava va nga woma tinhloko.+

4 “Se wena n’wana wa munhu, teka xitini* u xi veka phambheni ka wena. U gama u tsala doropa la Yerusalema henhla ka xona. 2 U fanele u yendla ingi wo lwa na lona doropa leli,+ u yaka muru u li hlasela,+ u yaka ni mimuru ya ku pfunisa ku hlasela doropa,+ u gwimba matende u tlhela u rhendzela doropa hi swa ku diliza muru.+ 3 Teka xixapani xa nsimbi u xi veka xikarhi ka wena ni doropa ingi o va muru wa nsimbi u gama u li txuvukisisa kahle doropa. U fanele u kombisa ndlela leyi li nga ta rhendzeliwa hi yona. Lexi i xikombiso ka Vayisrayele.+

4 “Kutani u fanele u yetlela hi rheve la ximatsi, u rhwala xidjoho xa Vayisrayele.+ U ta rhwala xidjoho xa Vayisrayele ku ringana masiku lawa u nga ta va u yetlele hi rheve la ximatsi. 5 Kutani u ta yetlela 390 wa masiku lawa ma ringanaka ni malembe ya xidjoho xa vona,+ u ta rhwala xidjoho xa Vayisrayele. 6 U fanele u ma heta.

“Se u gama u yetlela hi rheve la xinene, u ta rhwala xidjoho xa tiko la Yuda+ ku ringana 40 wa masiku. Siku lin’we li nyimela lembe lin’we. Ni ku nyike nawu wa leswaku siku lin’we li nyimela lembe lin’we. 7 U ta txuvukisela doropa la Yerusalema+ leli nga rhendzeliwa, u ta khondla mavoko ya mpahla ya wena u gama u profeta leswi nga ta yendlekela doropa leli.

8 “Ni ta ku boha hi magoda swaku u nga ndzuluki ka tlhelo lin’wani, anze ku hela masiku lawa u nga ta rhendzela doropa leli hi wona.

9 “U fanele u teka trigu, maxalani,* tifijawu, timbaweni, swichocho* swa mpunga ni trigu la ku pshuka, u swi chela ka xibya xin’we u tihambela pawu hi swona. U ta li dla anze ku hela 390 wa masiku lawa u nga ta ma heta na u yetlele hi rheve.+ 10 U ta pima swakudla leswi ringanaka kolomuyani ka 230 wa magrama* u dla swona hi siku. U ta swi dla hi nkama lowu wu nga vekiwa.

11 “U ta phuza tikopo timbirhi ntsena* ta mati. U ta ti phuza hi nkama lowu wu nga vekiwa.

12 “U ta li dlisa leswi a wu ta li dlisa swona pawu la maxalani; u ta li woxa hi chaka* la vanhu la ku woma na hinkwavu va ku vona.” 13 Yehovha a tlhela a ku: “Hi ku fana, Vayisrayele va ta dla pawu la vona la ku kala li nga basanga axikarhi ka matiko lawa ni nga ta va hangalasela ka wona.”+

14 Se ni ku: “A ni nge swi yendli leswo, Yehovha Hosi Leyikulu! Phela ku sukela na na ha li mutsongo ku ta fikela swoswi, a ni se tshama ni tichakisa hi ku dla nyama ya xiharhi lexi nga fa hi xoxe kumbe lexi nga dlayiwa hi swiharhi swin’wani+ naswona a ni se tshama ni dla nyama leyi kalaka yi nga tenganga.”+

15 Se a ni hlamula a ku: “Hi swona, ni ta ku pfumelela swaku u tirhisa chaka la tihomu, ku nga li chaka la vanhu; u ta tihambela pawu hi lona.” 16 A tlhela a ni byela a ku: “N’wana wa munhu, ni ta yendla swaku ku nga ha vi na swakudla aYerusalema,+ vanhu va ta dla pawu la vona leli nga pimiwa+ na va chava swinene naswona va ta phuza mati ya vona lawa ma nga pimiwa na va chava.+ 17 Leswi swi ta va humelela leswaku nkama va nga ta pfumala pawu ni mati, va ta hlamalana va tlhela va wondza hi mhaka ya xidjoho xa vona.

5 “Wena n’wana wa munhu, teka xipada u xi tirhisa ku fana ni xisingwani xa munhu lweyi a tsemetaka misisi. Tsemeta nhloko ni malepfu ya wena u gama u teka misisi ya kona u yi peza hi balansa,* u yi yava yi va mintlawa yinharhu. 2 Ntlawa wun’we u ta wu hisa hi ndzilu ndzeni ka doropa loko masiku ya ku li rhendzela se ma helile.+ U ta gama u teka ntlawa lowun’wani u wu tsemelela hi xipada ka doropa hinkwalu+ naswona ntlawa lowun’wani wa wugamu u ta wu tshika wu haha ni moya, kutani ni ta tlomula xipada leswaku ni va txatxa.+

3 “U fanele u tlhela u teka misisi yayitsongo u yi phutsela hi mpahla ya wena. 4 Teka misisi yin’wani u yi hoxa ka ndzilu u yi hisa. Ndzilu wolowo wu ta hisa yindlo hinkwayu ya Israyele.+

5 “Yehovha Hosi Leyikulu a li: ‘Lweyi i Yerusalema. Ni mu veke xikarhi ka matiko hinkwawu lawa ma nga matlhelweni ka yena. 6 Kambe a yale ku yingisa swiboho swa mina swa ku yavanyisa ni minawu ya mina, a yendle swilo swa ku biha hintamu ku tlula ni matiko hinkwawu lawa ma nga kusuhi na yena.+ A yale swiboho swa mina swa ku yavanyisa naswona a nga yi yingisanga minawu ya mina.’

7 “Kutani Yehovha Hosi Leyikulu a li: ‘Leswi mi nga yendla swilo swa ku biha hintamu ku tlula ni matiko hinkwawu lawa ma nga kusuhi na n’wina naswona mi kalaka mi nga yingisanga minawu ya mina kumbe swiboho swa mina swa ku yavanyisa, kambe mi nga yingisa swiboho swa ku yavanyisa swa matiko hinkwawu lawa ma nga kusuhi na n’wina,+ 8 Yehovha Hosi Leyikulu a li: “Wena doropa la Yerusalema,+ ni nala wa wena. Ni ta ku yavanyisa na u voniwa hi matiko lawa ma nga kusuhi na wena.+ 9 Ni ta ku yendla leswi ni kalaka ni nga se tshama ni swi yendla naswona a ni nge he tlheli ni swi yendla, hi mhaka ya mintirho ya wena hinkwayu ya ku nyenyentsa.+

10 “‘“Vapapayi lava nga xikarhi ka n’wina va ta dla vana va vona+ ni vana va ta dla vapapayi va vona, kutani ni ta mi yavanyisa ni mi hangalasa ka tindhawu hinkwatu.”’+

11 “‘Kutani leswi ni hanyaka,’ ku vula Yehovha Hosi Leyikulu, ‘leswi mi nga chakisa ndhawu ya mina leyi kwetsimaka hi swifaniso swa n’wina hinkwaswu swa ku nyenyentsa leswi mi swi gandzelaka ni mintirho ya n’wina hinkwayu ya ku nyenyentsa,+ na mina ni ta mi tsukula;* a ni nga ha ta mi twela wusiwana naswona a ni nga ha ta mi tsetselela.+ 12 Ntlawa wun’wani wa vanhu lava tshamaka doropeni wu ta dlayiwa hi ntungu* kumbe wu fa hi ndlala. Ntlawa wun’wanyani wu ta dlayiwa hi xipada.+ Lava nga sala ni ta va hangalasa ka matlhelo hinkwawu naswona ni ta tlomula xipada swaku ni va txatxa.+ 13 Se a ni nga ha ta va kwatela hikusa ni ta va se ni yendlile leswi a ni swi lava.+ Kutani nkama ni nga ta tshika ku va kwatela, va ta swi tiva swaku mina Yehovha, ni ze ni vulavula hi mhaka ya leswi ni lavaka swaku ku gandzeliwa mina ntsena.+

14 “‘Ni ta yendla swaku u va ndhawu ya ku wonhekela naswona matiko lawa ma nga kusuhi na wena ni lava hundzaka hi ndlela va ta ku rhuketela.+ 15 U ta rhuketeliwa u tlhela u poyiliwa,+ naswona u ta va xikombiso naswona u ta chaviwa hi matiko lawa u nga kusuhi na wona nkama ni nga ta ku yavanyisa na ni kwatile ni tlhela ni ku khatisa hi ndlela ya ku vava. Hi mina Yehovha ni nga swi vula.

16 “‘Ni ta mi vangela ndlala leyi nga ta mi dlaya ku fana ni mimpaxwa* leyi dlayaka. Mimpaxwa leyi ni nga ta yi rhumela yi ta mi dlaya.+ Ni ta yendla swaku ndlala ya kona yi va yikulu hi ku yendla swaku mi nga kumi swakudla.+ 17 Ni ta mi vangela ndlala ni mi rhumela ni swiharhi swa khwati leswi nga ni nghozi,+ swi ta mi dlayela vana. Ku ta va ni ntungu naswona ku ta halatiwa ngati ya yinyingi, kutani ni ta mi hlasela hi xipada.+ Hi mina Yehovha ni nga swi vula.’”

6 Yehovha a tlhela a vulavula na mina a ku: 2 “N’wana wa munhu, txuvuka ka tintshava ta Israyele u profeta hi leswi nga ta ti humelela. 3 U fanele u ku: ‘N’wina tintshava ta Israyele, twanani leswi Yehovha Hosi Leyikulu a swi vulaka: Yehovha Hosi Leyikulu a byela tintshava, maganga, swinambyani ni minkova a ku: “Phela ni ta lwa na n’wina hi xipada naswona ni ta helisa tindhawu ta n’wina ta ku tlakuka. 4 Maaltari ya n’wina ma ta fayeteliwa, minchumu ya n’wina ya ku tlhateka ka yona swinun’hwelisu* yi ta tshoviwa+ naswona vanhu va n’wina lava nga dlayiwa ni ta va txukumeta phambheni ka swikwembu swa n’wina swa ku nyenyentsa.*+ 5 Ni ta txukumeta mintsumbu ya Vayisrayele phambheni ka swikwembu swa vona swa ku nyenyentsa naswona ni ta hangalasa marhambu ya n’wina ka matlhelo hinkwawu ya maaltari ya n’wina.+ 6 Ka tindhawu hinkwatu leti mi tshamaka ka tona, madoropa ma ta helisiwa+ ni tindhawu ta ku tlakuka ti ta dilizeliwa ti sala na ti hohlokile.*+ Maaltari ma ta dilizeliwa ma hahluleliwa, swikwembu swa n’wina swa ku nyenyentsa swi ta helisiwa, minchumu ya n’wina ya ku tlhateka ka yona swinun’hwelisu* yi ta wiseteliwa ni leswi mi nga swi yendla swi ta helisiwa. 7 Van’wani va ta dlayiwa xikarhi ka n’wina,+ kutani mi ta swi tiva swaku hi mina Yehovha.+

8 “‘“Kambe van’wani va n’wina ni ta va siya va hanya, hikusa van’wani va n’wina va ta pona ku dlayiwa hi xipada xikarhi ka matiko, nkama mi nga ta hangalaseliwa ka matiko man’wani.+ 9 Lava nga ta pona va ta ni khumbuka na va li ka matiko lawa va nga yisiwa wukaraweni ka wona.+ Va ta swi vona swaku a ni twe ku vava swinene hi mhaka ya leswi va kalaka va nga tshembekanga* ka mina+ ni hi mhaka ya leswi matihlo ya vona ma nga navela swikwembu swa vona swa ku nyenyentsa.+ Va ta dana va tlhela va nyenya swilo hinkwaswu swa ku biha ni swa ku nyenyentsa leswi va nga swi yendla.+ 10 Va ta swi tiva swaku hi mina Yehovha ni swaku a ni tiyisile nkama ni nga hlaya swaku ni ta va tisela khombo leli.”’+

11 “Yehovha Hosi Leyikulu a li: ‘Bani mavoko* u tlhela u ba hansi hi nenge u rila hi mhaka ya swilo hinkwaswu swa ku biha ni swa ku nyenyentsa leswi nga yendliwa hi Vayisrayele, hikusa va ta dlayiwa hi xipada, hi ndlala ni hi ntungu.+ 12 Lweyi a nga ta va na a li kule a ta dlayiwa hi ntungu, lweyi a nga ta va na a li kusuhi a ta dlayiwa hi xipada, kasi lweyi a nga ta pona swilo leswi a ta dlayiwa hi ndlala; ni ta chulula ku kwata ka mina hinkwaku henhla ka vona.+ 13 U ta swi tiva swaku hi mina Yehovha,+ nkama lowu vanhu va vona lava nga dlayiwa va nga ta txukumetiwa xikarhi ka swikwembu swa vona swa ku nyenyentsa, akusuhi ni maaltari ya vona,+ ka maganga hinkwawu ya ku tlakuka, ahenhla ka tintshava hinkwatu, ahansi ka nsinya wun’wani ni wun’wani wawukulu ni le hansi ka tigadja ta minsinya yayikulu lomu va nga yendla magandzelo ya ku nun’hwela kona swaku va tsakisa swikwembu swa vona hinkwaswu swa ku nyenyentsa.+ 14 Ni ta tlakusa voko la mina ni va khatisa kutani ni yendla swaku tiko la vona li hohlokela naswona tindhawu ta vona hinkwatu leti va tshamaka ka tona ti ta hohlokela ti nga ha tshami munhu ti tlula ni mananga lama nga kusuhi ni le Dibla. Va ta swi tiva swaku hi mina Yehovha.’”

7 Yehovha a tlhela a vulavula na mina a ku: 2 “Wena n’wana wa munhu, Yehovha Hosi Leyikulu a vule leswi hi tiko la Israyele: ‘Magamu! Magamu ma fikele tiko hinkwalu. 3 Swoswi magamu ma ku fikelile, kutani ni ta chulula ku kwata ka mina henhla ka wena naswona ni ta ku yavanyisa hi ku ya hi tindlela ta wena ni tlhela ni ku khatisa hi mhaka ya mintirho ya wena ya ku nyenyentsa. 4 A ni nga ta ku twela wusiwana naswona a ni nga ta ku tsetselela,+ hikusa ni ta ku hakela hi ku ya hi mintirho ya wena naswona u ta xaniseka hi mhaka ya mintirho ya wena ya ku nyenyentsa.+ U ta swi tiva swaku hi mina Yehovha.’+

5 “Yehovha Hosi Leyikulu a li: ‘Khombo, la ta khombo la ku kala li nga tolovelekanga.+ 6 Magamu ma le ku teni; magamu ma ta fika; ma ta fika na u nga ma nyimelanga. Phela ma le ku teni. 7 Khombo li ku fikelile wena lweyi a tshamaka tikweni. Nkama wa ta, siku la kona li kusuhi.+ Ka tintshava ku ni mpfilumpfilu, ku nga li ku huwelela ka ku tsaka.

8 “‘Ku nga li khale ni ta chulula ku kwata ka mina ahenhla ka wena,+ kutani ni ta chulula ku kwata ka mina hinkwaku henhla ka wena+ naswona ni ta ku yavanyisa hi ku ya hi tindlela ta wena ni tlhela ni ku khatisa hi mhaka ya mintirho ya wena ya ku nyenyentsa. 9 A ni nga ta ku twela wusiwana naswona a ni nga ta ku tsetselela.+ Ni ta ku hakela hi ku ya hi mintirho ya wena naswona u ta xaniseka hi mhaka ya mintirho ya wena ya ku nyenyentsa. U ta swi tiva swaku hi mina Yehovha lweyi a ku baka.+

10 “‘Siku li le ku teni! Li tshinele!+ Khombo li ku fikelile; nhonga ya ku khatisa hi yona yi lunghekile swaku ni ta yi tirhisa naswona nala a ya a titlakusa swinene. 11 Tinyimpi ti talile ti za ti va nhonga ya swa ku biha.+ Vona kumbe tshomba la vona kumbe vanhu va vona kumbe ndhuma ya vona a swi nga ta pona. 12 Nkama wa ta, siku li ta fika. Muxavi a nga tsaki ni muxavisi a nga rili hikusa vanhu hinkwavu va ta weliwa hi ku kwata* ka mina.+ 13 Hikusa muxavisi a nga ha ta swi kuma leswi a nga swi xavisa, hambiloko wa ha hanya, hikusa swilo leswi ni nga ku komba swona hi ndlela ya singita* swi khumba vanhu hinkwavu. A nga kona lweyi a nga ta pona khombo. A nga kona lweyi a yendlaka swa ku biha lweyi a nga ta pona.

14 “‘Va chaye mhalamhala*+ naswona vanhu hinkwavu va lunghekile, kambe a ku na munhu lweyi a yaka nyimpini hikusa ni kwatele vanhu hinkwavu.+ 15 Xipada xi le handle+ naswona ntungu ni ndlala swi le ndzeni. Mun’wani ni mun’wani lweyi a nga le handle ka doropa a ta dlayiwa hi xipada, kasi lava nga ndzeni ka doropa va ta dlayiwa hi ndlala ni ntungu.+ 16 Lava nga ta pona xikarhi ka vona va ta baleka va ya ka tintshava naswona mun’wani ni mun’wani wa vona a ta rila ku fana ni matuva, hi mhaka ya xihoxo xa yena.+ 17 Mavoko ya vona hinkwawu ma ta lengalenga, va ta xiririka mixixito ka matsolo ya vona hinkwawu hi mhaka ya ku chava.*+ 18 Va yambale masaka+ naswona va rhurhumela hi mhaka ya ku chava. Vanhu hinkwavu va ta dana naswona nhloko yin’wani ni yin’wani yi ta va ni mpandlha.*+

19 “‘Va ta txukumeta prata la vona aswitaratwini naswona va ta nyenya woru la vona. Prata ni woru la vona a swi nga ta va ponisa hi siku la ku kwata ka Yehovha.+ A va nga ta tsaka kumbe ku xurha hikusa prata ni woru la vona swi yendle swaku va djoha. 20 Va titlakusile hi mhaka ya ku saseka ka swiphatiphati swa vona naswona va tirhise prata ni woru swaku va yendla swifaniso swa ku nyenyentsa, swikwembu swa vona swa ku nyenyentsa.+ Hi mhaka leyo ni ta swi yendla swi va nchumu lowu va wu nyenyaka. 21 Ni ta swi* nyika vanhu lava taka hi ka matiko man’wani ni vanhu lava yendlaka swa ku biha swaku va swi teka, va ta swi chakisa.

22 “‘Ni ta va tshika+ naswona ndhawu* ya mina ya ku fihleka va ta yi chakisa, swigevenga swi ta nghena ka yona swi yi chakisa.+

23 “‘Yendla machini,*+ hikusa ngati ya lava yavanyisiwaka na swi nga fanelanga ya halakela ka tiko hinkwalu+ naswona doropa li tale hi tinyimpi.+ 24 Ni ta tisa vanhu va matiko lava yendlaka swa ku biha+ naswona va ta teka tiyindlo ta vona,+ ni ta helisa ku tibyela ka lava nga ni matimba naswona tindhawu ta vona ta ku kwetsima ti ta chakisiwa.+ 25 Loko va xaniseka va ta lava ku rhula kambe a va nga ta ku kuma.+ 26 Va ta weliwa hi khombo henhla ka khombo lin’wani naswona va ta twa marungula ya ku hambanahambana. A swi nga ta va pfuna hi nchumu ku lava ku tiva leswi nga voniwa hi muprofeta hi ndlela ya singita.*+ Tidjondzo ta vaprista ni xitsundzuxu xa madoda a swi nga ta va pfuna hi nchumu.+ 27 Hosi yi ta rila+ ni murhangeli a ta xukuvala naswona mavoko ya vanhu va tiko ma ta rhurhumela hi mhaka ya ku chava. Ni ta va khoma hi ku ya hi tindlela ta vona naswona ni ta va yavanyisa ku fana ni leswi ni nga swi yendlisa swona ka vanhu van’wani. Va ta swi tiva swaku hi mina Yehovha.’”+

8 Hi siku la wu 5, ka wheti ya wu 6, hi lembe la wu 6, na na ha tshamile kaya ka mina naswona madoda ya Yuda na ma tshame phambheni ka mina, matimba* ya Yehovha Hosi Leyikulu ma sungule ku tirha ka mina. 2 Nkama ni nga txuvuka ni vone nchumu wa ku fana ni munhu wa ku ingaku a yo rhendzeliwa hi ndzilu; ahansi ka nchumu lowu a wu tikomba na wu fana ni masenge ya yena, a ku ni ndzilu naswona ku sukela ka masenge ya yena+ ku ya henhla a ku ni nchumu wa ku phatima ku fana ni ku phatima ka woru leli nga patsiwa ni prata.+ 3 Se a tlakusa nchumu wa ku fana ni voko a ni khoma hi misisi, kutani matimba ya Xikwembu ma ni tlakula ma ni yisa mpfhukeni ma gama ma ni teka ma ni yisa aYerusalema hi ku tirhisa leswi a ni swi vona hi ndlela ya singita* na ni kombiwa hi Xikwembu; ma ni fikise ka nyanghwa wa le ndzeni+ lowu nga txuvukana ni tlhelo la le norte* la tempele, lomu a ku ni xifaniso lexi kwatisaka Xikwembu.+ 4 Naswona ku phatima ka Xikwembu xa Israyele a ku li kolanu,+ ku fana ni lexiyani ni nga xi vona ka ndhawu liyani ya ku pfuleka.+

5 Kutani a ni byela a ku: “N’wana wa munhu, ni kombela u txuvuka norte.” Kutani ni txuvuka ka tlhelo la le norte naswona ka nyanghwa wa altari wa tlhelo la le norte a ku ni xifaniso lexi kwatisaka Xikwembu. 6 A gama a ni byela a ku: “N’wana wa munhu, indjhe wa swi vona swilo swa ku biha ni swa ku nyenyentsa leswi Vayisrayele va swi yendlaka lani,+ leswi yendlaka swaku ni va kule swinene ni ndhawu ya mina leyi kwetsimaka?+ Kambe wa ha ta vona swilo swa ku nyenyentsa swa ku chavisa swinene.”

7 Se a gama a ni yisa ka nyanghwa wa kintari* kutani loko ni txuvuka ni vone mbhovo ka muru. 8 Kutani a ku: “N’wana wa munhu, ni kombela u boxa muru.” Kutani ni wu boxa, ni gama ni vona nyanghwa. 9 Se a ku: “Nghena u vona swilo swa ku biha swa ku nyenyentsa leswi va swi yendlaka lani.” 10 Kutani ni nghena ni gama ni vona swifaniso swa mixaka hinkwayu ya swilo leswi fambaka hi khwirhi ni swiharhi swa ku nyenyentsa*+ ni swikwembu hinkwaswu swa ku nyenyentsa swa ndjangu wa Israyele;+ a swi tsaliwe ka matlhelo hinkwawu ya khumbi. 11 A ku ni 70 wa madoda ya ndjangu wa Israyele lawa a ma nyime phambheni ka swona naswona Yazaniya n’wana wa Xafani+ a a nyime na wona. Mun’wani ni mun’wani a a khome xibya xa ku hisa xinun’hwelisu* naswona a ku tuvika ximusi xa swinun’hwelisu.+ 12 A ni byela a ku: “N’wana wa munhu, indjhe wa swi vona leswi madoda ya ndjangu wa Israyele ma swi yendlaka amunyameni, mun’wani ni mun’wani na a li ka kwartu la yena lomu a vekaka swikwembu swa yena? Hikusa va li: ‘Yehovha a nga hi voni. Yehovha a li tshikile tiko leli.’”+

13 A tlhela a ni byela a ku: “U ta vona swilo swa ku nyenyentsa leswi chavisaka swinene leswi va swi yendlaka.” 14 Se a gama a ni yisa ka nyanghwa wa le norte wa yindlo ya Yehovha, kutani ni fika ni vona vavasati na va tshamile va rilela xikwembu lexi vitaniwaka Tamuzi.

15 A tama a ni byela a ku: “Wena n’wana wa munhu, indjhe wa swi vona swilo leswi? Phela u ta vona swilo swa ku chavisa swinene ku tlula leswi.”+ 16 Se a ni yisa ka kintari wa vaprista wa yindlo ya Yehovha.+ Kolanu ka nyanghwa wa tempele ya Yehovha, axikarhi ka vharanda ni altari, a ku ni kolomuyani ka 25 wa vavanuna lava a va txuvuke wuxeni va yi komba nhlana tempele ya Yehovha, a va khizamela dlambu awuxeni.+

17 A ni byela a ku: “N’wana wa munhu, indjhe wa swi vona swilo leswi? Phela tiko la Yuda li swi vona swi nga li swa nchumu ku yendla swilo leswi swa ku nyenyentsa, li tata tiko hi tinyimpi+ ni ku tama li ni kwatisa. Li nghenisa ligadja* ka nhompfu ya mina. 18 Kutani ni ta yendla xanchumu na ni kwatile. A ni nga ta li twela wusiwana naswona a ni nga ta li tsetselela.+ Hambiloko lo huwelela hi rito lalikulu ka tindleve ta mina, a ni nga ta li yingisa.”+

9 Se a huwelela ka tindleve ta mina hi rito lalikulu, a ku: “Vitana lava nga ta khatisa doropa, mun’wani ni mun’wani na a khome nchumu xa ku dlaya hi xona ka voko la yena!”

2 Ni vona 6 wa vavanuna lava a va huma hi tlhelweni ka nyanghwa wa le henhla+ lowu nga txuvukana ni norte,* mun’wani ni mun’wani na a khome nchumu xa ku pfotlosa hi xona; naswona a ku ni wanuna mun’wani xikarhi ka vona lweyi a a yambale mpahla ya ku yendliwa hi panu, a a ni limhondzo* la ku chela ka lona tinta la sekretariyu* ka masenge ya yena; se va nghena va fika va nyima tlhelweni ka altari ya kobre.+

3 Kutani ku phatima ka Xikwembu xa Israyele+ ku suka henhla ka makerubu ku ya ka nyanghwa wa yindlo,+ se Xikwembu xi tlakusa rito xi sungula ku vulavula ni wanuna lweyi a a yambale mpahla ya ku yendliwa hi panu, lweyi a a ni limhondzo la ku chela ka lona tinta la sekretariyu ka masenge ya yena. 4 Yehovha a mu byela a ku: “Famba doropeni, ka tiko hinkwalu la Yerusalema, u markara swimombo swa vanhu lava nga ni nhlomulu ni lava konyaka+ hi mhaka ya swilo hinkwaswu swa ku nyenyentsa leswi yendliwaka adoropeni.”+

5 A gama a byela lavan’wani na ni swi twa a ku: “Mu landzeleni mi ya doropeni mi fika mi dlaya vanhu. Mi nga va tweli wusiwana naswona mi nga va tsetseleli.+ 6 Mi fanele mi dlaya lava nga guga, madjaha, tintombhi, swivanani ni vavasati.+ Kambe munhu mun’wani ni mun’wani lweyi a nga ni marka mi nga mu dlayi.+ Mi fanele mi sungula hi ka ndhawu ya mina leyi kwetsimaka.”+ Se va sungula hi madoda lawa a ma li phambheni ka yindlo.+ 7 A gama a va byela a ku: “Chakisani yindlo mi tata mikintari* hi vanhu lava nga dlayiwa.+ Fambani!” Kutani va famba va ya dlayetela vanhu adoropeni.

8 Nkama na va va dlayetela, ni sale na ni li noxe ni gama ni khizama nghohe* ya mina yi txuvuka hansi, ni huwelela ni ku: “Yehovha Hosi Leyikulu! U ta dlaya Vayisrayele hinkwavu lava nga sala na wu chulula ku kwata ka wena henhla ka Yerusalema?”+

9 Kutani a ni byela a ku: “Xihoxo xa vanhu va Israyele ni va Yuda i xikulu ngopfu.+ Tiko li tale hi ku halata ngati+ naswona doropa li tale hi wukanganyisi.+ Hikusa va li: ‘Yehovha a li tshikile tiko leli funtshi Yehovha a nga voni nchumu.’+ 10 Kambe a ni nga ta va twela wusiwana naswona a ni nga ta va tsetselela.+ Ni ta va khoma hi ku ya hi mintirho ya vona.”

11 Se ni vona wanuna lweyi a nga yambala mpahla ya ku yendliwa hi panu, lweyi a a ni limhondzo la ku chela ka lona tinta ka masenge ya yena, a fika a ku: “Ni yendle hinkwaswu leswi u nga ni rhuma swona.”

10 Nkama na na ha txuvuka, ahenhla ka nchumu xaxikulu xa ku phatima lexi a xi yandlalekile lexi a xi li henhla ka tinhloko ta makerubu, ni vone nchumu xa ku fana ni ribye leli vitaniwaka safira ahenhla ka xona naswona a xi voneka na xi fana ni xitshamu xa wuhosi.+ 2 Se Xikwembu xi byela wanuna lweyi a a yambale mpahla ya ku yendliwa hi panu*+ xi ku: “Nghena xikarhi ka maroda lawa ma ndzulukelaka+ ahansi ka makerubu, u tata mavoko ya wena hi makhala lawa ma pfurhaka+ lama nga xikarhi ka makerubu u gama u ma hoxa ka doropa.”+ Se a nghena na ni mu txuvukile.

3 Makerubu a ma nyime ka tlhelo la xinene la yindlo nkama wanuna lweyi na a nghena naswona rhefu a li tate kintari* wa vaprista. 4 Kutani ku phatima ka Yehovha+ ku suka ka makerubu ku ya ka nyanghwa wa yindlo, se hi katsongokatsongo yindlo yi mbhonyiwa hi rhefu,+ kintari wu tala hi ku vonakala ka Yehovha loku phatimaka. 5 Guwa la timpapa ta makerubu a li twala ni ka kintari lowu a wu tirhisiwa hi vanhu hinkwavu, a li fana ni rito la Xikwembu xa Matimba Hinkwawu loko xi vulavula.+

6 Kutani Xikwembu xi byela wanuna lweyi a a yambale mpahla ya ku yendliwa hi panu xi ku: “Teka ndzilu xikarhi ka maroda lama ndzulukelaka ni le xikarhi ka makerubu,” se a nghena a nyima tlhelweni ka roda. 7 Kutani kerubu lin’wani li yisa voko la lona ka ndzilu lowu a wu li xikarhi ka makerubu.+ Li teka ndzilu wun’wani li wu veka ka mavoko ya wanuna lweyi a a yambale mpahla ya ku yendliwa hi panu,+ se a wu teka a gama a huma. 8 Makerubu a ma ni minchumu ya ku fana ni mavoko ya munhu ahansi ka timpapa ta wona.+

9 Nkama na ni txuvuka, ni vona 4 wa maroda atlhelweni ka makerubu, a ku ni roda tlhelweni ka kerubu lin’wani ni lin’wani naswona maroda a ma phatima ku fana ni ribye leli vitaniwaka krizolita.+ 10 Hinkwawu ya 4 a ma fana, a ma tshame ingaku roda lin’we li yo nghenisiwa phakati ka roda lin’wani. 11 Loko ma li ku fambeni, a ma kota ku ya ka matlhelo hinkwawu ya 4 na ma nga zanga ma djika, hikusa a ma ya lomu nhloko yi nga txuvuka kona na ma nga zanga ma djika. 12 Muzimbha wa wona, minhlana ya wona, mavoko ya wona, timpapa ta wona ni maroda, ku nga maroda hinkwawu ya 4 wa makerubu a ma tale hi matihlo ka matlhelo hinkwawu.+ 13 Se ni game ni twa rito na li byela maroda li ku: “Ndzulukelani!”

14 Kerubu lin’wani ni lin’wani a li ni 4 wa tinghohe.* Nghohe ya ku sungula a yi li ya kerubu, nghohe ya wumbirhi a yi li ya munhu, nghohe ya wunharhu a yi li ya nghonyama kasi nghohe ya wu 4 a yi li ya gama.*+

15 Makerubu a ma tlakuka, wona a ma li tintsumi leti ni nga ti vona ka nambu wa Kebari.+ 16 Loko makerubu ma famba, maroda a ma famba tlhelweni ka wona; naswona loko makerubu ma tlakusa timpapa ta wona henhla ka misava, maroda a ma nga djiki kumbe ku suka tlhelweni ka makerubu.+ 17 Loko makerubu ma nyima, maroda na wona a ma nyima; naswona loko ma tlakuka na wona a ma tlakuka, hikusa moya wa ku kwetsima lowu a wu tirha ka tintsumi a wu tirha ni ka maroda.

18 Se ku phatima ka Yehovha+ ku suka henhla ka nyanghwa wa yindlo ku ya nyima henhla ka makerubu.+ 19 Makerubu ma tlakusa timpapa ta wona ma tlakuka henhla ka misava na ni ma txuvukile. Loko ma tlakuka, maroda na wona a ma li tlhelweni ka wona. Makerubu ma fike ma nyima ka nyanghwa wa le wuxeni wa yindlo ya Yehovha naswona ku phatima ka Xikwembu xa Israyele a ku li henhla ka wona.+

20 Leto a ku li tintsumi leti ni nga ti vona ahansi ka xitshamu xa wuhosi xa Xikwembu xa Israyele ka Nambu wa Kebari,+ se ni swi tiva swaku a ku li makerubu. 21 Kerubu lin’wani ni lin’wani ka lawa ya 4 a li ni 4 wa tinghohe, 4 wa timpapa ni minchumu leyi a yi fana ni mavoko ya munhu hansi ka timpapa ta lona.+ 22 Tinghohe ta wona a ti fana ni tinghohe leti ni nga ti vona ka Nambu wa Kebari.+ Makerubu hinkwawu a ma ya phambheni.+

11 Se matimba ya Xikwembu ma ni tlakula ma ni yisa ka nyanghwa wa le wuxeni wa yindlo ya Yehovha, ku nga nyanghwa lowu nga txuvukana ni wuxeni.+ Kolanu nyanghweni ni vone 25 wa vavanuna funtshi xikarhi ka vona a ku na Yazaniya n’wana wa Azuri na Pelatiya n’wana wa Benaya, lava va nga varhangeli va vanhu.+ 2 Kutani a ni byela a ku: “N’wana wa munhu, lava i vanhu lava pimisaka ku yendla swa ku biha, lava byelaka vanhu ku yendla swilo swa ku biha ka doropa leli. 3 Va li: ‘Phela lowu i nkama wa leswaku hi yaka tiyindlo!+ Doropa leli i panela la ku swekela ka lona+ naswona hina hi nyama.’

4 “Kutani profeta u va laya. Profeta, n’wana wa munhu.”+

5 Se moya wa ku kwetsima wa Yehovha wu gama wu fika henhla ka mina,+ a ni byela a ku: “Vula u ku: ‘Yehovha a li: “Leswi mi nga swi vula i ntiyiso n’wina yindlo ya Israyele, naswona na swi tiva leswi mi swi pimisaka. 6 Mi yendle swaku vanhu va vanyingi va dlayiwa ka doropa leli funtshi mi tate switaratu swa lona hi mintsumbu.”’”+ 7 “Kutani Yehovha Hosi Leyikulu a li: ‘Mintsumbu leyi mi nga yi hangalasela ka doropa i nyama naswona doropa i panela la ku swekela ka lona.+ Kambe n’wina mi ta humesiwa ka lona.’”

8 “‘Ma xi chava xipada+ kambe ni ta mi tisela xona,’ ku vula Yehovha Hosi Leyikulu. 9 ‘Ni ta mi humesa doropeni ni mi nyikela ka vanhu va matiko man’wani, ni mi yavanyisa.+ 10 Mi ta dlayiwa hi xipada.+ Ni ta mi yavanyisa kusuhi ni lomu tiko la Israyele li tsemaka hi kona+ naswona mi ta swi tiva swaku hi mina Yehovha.+ 11 Doropa a li nga ha ta va panela la ku swekela ka lona ka n’wina funtshi n’wina a mi nga ha ta va nyama ndzeni ka lona; ni ta mi yavanyisa kusuhi ni lomu tiko la Israyele li tsemaka hi kona. 12 Kutani mi ta swi tiva swaku hi mina Yehovha, hikusa a mi yi yingisanga minawu ya mina naswona a mi hanyanga hi ku landza ku yavanyisa ka mina,+ kambe mi tekelele matiko lawa mi nga kusuhi na wona.’”+

13 Nkama ni nga heta ku profeta, Pelatiya n’wana wa Benaya a fa, se ni khizama nghohe* ya mina yi txuvuka hansi, ni huwelela hi rito lalikulu ni ku: “Yehovha Hosi Leyikulu, u ta helisa Vayisrayele hinkwavu lava nga sala?”+

14 Yehovha a tlhela a vulavula na mina a ku: 15 “N’wana wa munhu, vamakwenu va wena, vamakwenu lava nga ni mfanelo ya ku tlhela va xava ndhawu ni Vayisrayele hinkwavu, va byeliwe leswi hi lava tshamaka aYerusalema: ‘Fambani mi ya kule na Yehovha. Tiko i la hina; li nyikiwe hina swaku li va tshomba la hina.’ 16 Kutani hlaya u ku: ‘Yehovha Hosi Leyikulu a li: “Hambileswi ni nga va yisa kule swaku va ya tshama xikarhi ka matiko, ni leswi ni nga va hangalasela xikarhi ka wona,+ ni ta va ndhawu leyi kwetsimaka ka vona swa nkamanyana ka matiko lawa va nga ya ka wona.”’+

17 “Se hlaya u ku: ‘Yehovha Hosi Leyikulu a li: “Ni ta mi hlengeleta xikarhi ka vanhu, ni mi hlengeleta ka matiko lawa mi nga hangalaseliwa ka wona, ni ta mi nyika tiko la Israyele.+ 18 Kutani va ta tlhelela ka lona, va fika va susa minchumu hinkwayu ya ku nyenyentsa ni mintirho ya ku nyenyentsa.+ 19 Ni ta yendla leswaku va twanana*+ naswona ni ta va nyika matimba ya nyuwani+ swaku ma tirha ndzeni ka vona; ni ta susa mbilu ya ribye ka muzimbha wa vona+ kutani ni va nyika mbilu ya nyama,*+ 20 leswaku va yingisa minawu ya mina, va hlayisa swiboho swa mina swa ku yavanyisa, va swi yingisa. Va ta va vanhu va mina, mina ni ta va Xikwembu xa vona.”’

21 “‘“Kambe lava timbilu ta vona ti nga tinyimisela ku yendla minchumu ya ku nyenyentsa ni mintirho ya ku nyenyentsa, ni ta va khoma hi ku ya hi leswi va nga swi yendla,” ku vula Yehovha Hosi Leyikulu.’”

22 Se makerubu ma nyimisa timpapa ta wona, maroda na ma li kusuhi na wona+ funtshi ku phatima ka Xikwembu xa Israyele na ku li henhla ka wona.+ 23 Kutani ku phatima ka Yehovha+ ku suka ka doropa ku ya nyima henhla ka ntshava leyi nga ka tlhelo la le wuxeni la doropa.+ 24 Se matimba ma ni tlakula, hi ku tirhisa leswi a ni kombiwa swona hi ndlela ya singita* hi moya wa ku kwetsima wa Xikwembu, ma ni yisa ka vanhu lava nga wukaraweni aKalidiya. Kutani leswi Xikwembu a xi ni komba swona swi gama swi nyamalala. 25 Se ni sungula ku byela vanhu lava nga wukaraweni swilo hinkwaswu leswi Yehovha a nga ni komba swona.

12 Yehovha a tlhela a vulavula na mina a ku: 2 “N’wana wa munhu, u tshama xikarhi ka vanhu lava nga ni djikela. Va ni matihlo kambe a va voni, va ni tindleve kambe a va twi,+ hikusa i vanhu lava nga ni tshika.+ 3 Wena n’wana wa munhu, longela xidjumba ingaku wo ya wukaraweni. Se ninhlikanhi u fanele u famba ingi u ya wukaraweni na vanhu va ku vona. Suka kaya ka wena u yendla ingi u ya wukaraweni ka ndhawu yin’wani na va ku vona. Kumbexana va ta swi twisisa swaku leswo swi vula yini, hambileswi va nga vanhu lava nga ni tshika. 4 Humesa xidjumba lexi u nga ta famba na xona wukaraweni ninhlikanhi na vanhu va ku vona, se nimadlambu u fanele u famba ku fana ni munhu lweyi a yisiwaka wukaraweni na vanhu va ku vona.+

5 “Boxa mbhovo ka muru na va ku vona u gama u humesa xidjumba xa wena hi ka wona.+ 6 Pakatsa xidjumba xa wena na va ku vona u gama u famba na xona hi ka munyama. Mbhonya nghohe* ya wena leswaku u nga yi voni misava, hikusa ni ku yendla xikombiso ka Vayisrayele.”+

7 Ni yendle leswi ni nga rhumiwa swona. Ninhlikanhi ni humese xidjumba lexi a ni ta famba na xona awukaraweni, se nimadlambu ni boxa mbhovo ka muru hi voko. Loko se li mphumile ni teke xidjumba xa mina ni xi pakatsa na va ni vona.

8 Yehovha a tlhela a vulavula na mina nimixo a ku: 9 “N’wana wa munhu, Vayisrayele, vanhu lava nga ni tshika, a va ku vutisanga va ku: ‘U yendla yini?’ 10 Va byeli u ku: ‘Yehovha Hosi Leyikulu a li: “Loku i ku yavanyisiwa ka murhangeli+ wa le Yerusalema ni Vayisrayele hinkwavu lava nga doropeni.”’

11 “Va byeli u ku: ‘Ni xikombiso ka n’wina.+ Leswi ni nga swi yendla hi leswi va nga ta yendliwa swona. Va ta yisiwa wukaraweni.+ 12 Murhangeli lweyi a nga xikarhi ka vona a ta pakatsa xidjumba a gama a famba ka munyama. A ta boxa mbhovo ka muru a humesa xidjumba xa yena hi wona.+ A ta mbhonya nghohe ya yena swaku a nga voni misava.’ 13 Ni ta hoxa redi la mina la ku hlota hi lona ka yena naswona li ta mu phasa.+ Se ni ta gama ni mu yisa aBabilona, ka tiko la Vakalidiya, kambe a nga ta li vona; a ta fela koseniyani.+ 14 Hinkwavu lava nga matlhelweni ka yena, lava mu pfunaka ni masonchwa ya yena, ni ta va hangalasa ka matlhelo hinkwawu;+ ni ta tlomula xipada ni va txatxa.+ 15 Va ta swi tiva swaku hi mina Yehovha nkama ni nga ta va hangalasa xikarhi ka matiko. 16 Kambe ni ta siya vanhu vavatsongo swaku va nga dlayiwi hi xipada, ndlala ni ntungu, leswaku va ta byela vanhu va matiko lawa va nga ta yisiwa ka wona hi ta mintirho ya vona hinkwayu ya ku nyenyentsa; se va ta swi tiva swaku hi mina Yehovha.”

17 Yehovha a tlhela a vulavula na mina a ku: 18 “N’wana wa munhu, u fanele u dla pawu la wena na u rhurhumela funtshi u phuza mati ya wena na u karhatekile u tlhela u vilela.+ 19 Byela vanhu atikweni u ku: ‘Yehovha Hosi Leyikulu a byela lava tshamaka aYerusalema ka tiko la Israyele, a ku: “Va ta dla pawu la vona na va vilela va tlhela va phuza mati ya vona na va chava, hikusa tiko la vona li ta hohlokela*+ hi mhaka ya tinyimpi leti yendliwaka hi vanhu hinkwavu lava tshamaka ka lona.+ 20 Madoropa ma ta helisiwa, tiko li ta hohlokela;*+ kutani mi ta swi tiva swaku hi mina Yehovha.”’”+

21 Yehovha a tlhela a vulavula na mina a ku: 22 “N’wana wa munhu, kasi xi vula yini xihlayahlaya lexi mi nga na xona aIsrayele lexi nge: ‘Masiku ma hundzile naswona hinkwaswu leswi nga voniwa hi ndlela ya singita* a swi hetisekanga’?+ 23 Kutani va byeli u ku: ‘Yehovha Hosi Leyikulu a li: “Ni ta yendla swaku xihlayahlaya lexi xi nga ha tirhi, a va nga ha ta xi tirhisa aIsrayele.”’ Kambe va byeli u ku: ‘Masiku ma tshinele+ naswona hinkwaswu leswi nga voniwa hi ndlela ya singita* swi ta hetiseka.’ 24 Hikusa a mi nga ha ta vona minchumu ya mavunhwa kumbe ku va ni ku hlahluva ka wukanganyisi ka yindlo ya Israyele.+ 25 ‘“Hikusa mina Yehovha ni ta vulavula. Hinkwaswu leswi ni nga ta swi hlaya swi ta yendliwa hi ku hantlisa.+ Ka masiku ya n’wina,+ n’wina vanhu lava nga ni tshika, ni ta hlaya rito ni tlhela ni li yendla,” ku vula Yehovha Hosi Leyikulu.’”

26 Yehovha a tlhela a vulavula na mina a ku: 27 “N’wana wa munhu, Vayisrayele va li: ‘Leswi a swi vonaka hi ndlela ya singita* a swi nge yendleki swoswi funtshi a profeta hi minchumu leyi nga ta yendleka ka nkama lowu taka.’+ 28 Kutani va byele u ku: ‘Yehovha Hosi Leyikulu a li: “‘Leswi ni swi vulaka a swi nga ta hlwela; hinkwaswu leswi ni swi vulaka swi ta yendleka,’ ku vula Yehovha Hosi Leyikulu.”’”

13 Yehovha a tlhela a vulavula na mina a ku: 2 “N’wana wa munhu, profeta hi ta vaprofeta va le Israyele,+ u byela lava tisungulelaka wuprofeta la vona u ku:+ ‘Yingisani rito la Yehovha. 3 Yehovha Hosi Leyikulu a li: “Khombo ka vaprofeta va swiphunta, lava landzelaka mbilu ya vona hambiloko va nga vonanga nchumu!+ 4 Wena Israyele, vaprofeta va wena va fana ni timbyana ta khwati* leti tshamaka ka tindhawu leti nga hohlokela.* 5 A mi nge yi ka tindhawu leti nga boxekela ka muru lowu nga yakiwa hi maribye swaku mi ya pfuxa muru wa yindlo ya Israyele,+ swaku Israyele a ta tshama na a tiyile anyimpini hi siku la Yehovha.”+ 6 “Va vone minchumu ya mavunhwa va tlhela va profeta swa mavunhwa, vanhu lava nge: ‘Yehovha a li,’ kuve Yehovha a nga va rhumanga funtshi va nyimele leswaku leswi va swi vulaka swi yendleka.+ 7 Indjhe a mi vonanga minchumu ya mavunhwa nkama mi nga profeta mi ku: ‘Yehovha a li,’ kuve mina a ni vulanga nchumu?”’

8 “‘Se Yehovha Hosi Leyikulu a li: “‘Leswi mi nga vulavula mavunhwa ni leswi minchumu leyi mi nga yi vona ku nga mavunhwa, ni lwa na n’wina,’ ku vula Yehovha Hosi Leyikulu.”+ 9 Voko la mina li lwa ni vaprofeta lava vonaka* minchumu ya mavunhwa ni lava profetaka mavunhwa.+ A va nge vi kona xikarhi ka vanhu lava ni tirhisanaka na vona; funtshi a va nga ta tsaliwa ka lixta la vanhu va yindlo ya Israyele; a va nga ta tlhelela ka tiko la Israyele; kutani mi ta swi tiva swaku hi mina Yehovha Hosi Leyikulu.+ 10 Leswo swi ta yendleka hi mhaka ya leswi va nga djikisa vanhu va mina va ku: “Ku ni ku rhula,” kasi a ku na ku rhula.+ Loko ku yakiwa khumbi la ku kala li nga tiyanga, vona va li penda hi pendi la ku basa la ku vevuka.’+

11 “Byela lava pendaka khumbi hi pendi la ku basa la ku vevuka swaku li ta wa. Ku ta na mpfula ya matimba ni marhalala se swidzedze swaswikulu swi ta li wisa.+ 12 Se loko khumbi li ta wa va ta mi vutisa va ku: ‘Swi kwini leswi a mi pende hi swona?’+

13 “Kutani Yehovha Hosi Leyikulu a li: ‘Ni ta tisa swidzedze swaswikulu ni nisa ni mpfula ya matimba hi mhaka ya ku kwata ka mina. Ni ta nisa mpfula ya marhalala leyi nga ta wisa khumbi lolelo hi mhaka ya leswi ni nga kwata swinene. 14 Ni ta diliza khumbi leli mi nga li penda hi pendi la ku basa la ku vevuka, masungulo ya lona ma ta sala handle. Loko doropa li helisiwa na n’wina mi ta helisiwa na lona; kutani mi ta swi tiva swaku hi mina Yehovha.’

15 “‘Nkama ni nga ta chulula ku kwata ka mina ka khumbi lolelo ni ka lava nga li penda hi pendi la ku basa la ku vevuka, ni ta mi byela ni ku: “Khumbi a la ha li kona, ni lava a va li penda a va ha li kona.+ 16 Vaprofeta va le Israyele a va ha li kona, lava a va profeta hi Yerusalema ni lava a va mu vonela* minchumu ya ku rhula, kuve a ku na ku rhula,”’+ ku vula Yehovha Hosi Leyikulu.

17 “Wena n’wana wa munhu, profeta minchumu leyi nga ta lwisana ni vana va tintombhi va vanhu va wena lava tisungulelaka wuprofeta la vona. 18 Va byeli u ku: ‘Yehovha Hosi Leyikulu a li: “Khombo ka vavasati lava rhungaka mabandhi ya ku boha ka mavoko* va tlhela va yendla tipanu ta ku vevuka ta ku mbhonya tinhloko ta mimpimu hinkwayu leswaku va rhiya vanhu! Mi rhiya vanhu va mina, mi gama mi zama ku ponisa wutomi la n’wina? 19 Ma ni chakisa xikarhi ka vanhu va mina swaku mi kuma maxalani* lama tataka mavoko ni swikhemu swa mapawu,+ mi dlaya vanhu lava kalaka va nga fanelanga va fa ni ku tshika vanhu lava faneleke va fa, mi yendla leswo hi ku hembela vanhu va mina lava yingisaka mavunhwa ya n’wina!”’+

20 “Se Yehovha Hosi Leyikulu a li: ‘N’wina vavasati, na ma nyenya mabandhi lawa mi ma tirhisaka swaku mi rhiya vanhu ingaku hi loko va li swinyanyani, ni ta ma tsemelela ka mavoko ya n’wina, ni chunsa vanhu lava mi va rhiyaka ku fana ni swinyanyani. 21 Ni ta handzula tipanu ta n’wina ta ku vevuka ta ku mbhonya tinhloko ni chunsa vanhu va mina ka mavoko ya n’wina, a mi nge he va rhiyi; kutani mi ta swi tiva swaku hi mina Yehovha.+ 22 Hambileswi a ni nga swi lavi swaku lweyi wa ku lulama a xaniseka kambe n’wina mi mu hete matimba hi mavunhwa ya n’wina,+ mi tiyise mavoko ya lweyi a yendlaka swa ku biha+ leswaku a nga tshiki ndlela ya yena ya ku biha leswaku a tama a hanya.+ 23 Kutani n’wina vavasati a mi nga ha ta vona swilo* swa mavunhwa naswona a mi nga ha ta hlahluva;+ ni ta ponisa vanhu va mina ka n’wina, kutani mi ta swi tiva swaku hi mina Yehovha.’”

14 Kutani madoda man’wani ya Vayisrayele ma ta ka mina ma fika ma tshama hansi phambheni ka mina.+ 2 Se Yehovha a vulavula na mina a ku: 3 “N’wana wa munhu, vavanuna lava va tinyimisele ku gandzela swifaniso swa vona swa ku nyenyentsa* naswona va veke ntlhamu lowu yendlaka swaku vanhu va djoha. Ni fanele ni va yingisa loko va ni lavetela?+ 4 Swoswi va byele u ku: ‘Yehovha Hosi Leyikulu a li: “Loko Muyisrayele a tinyimisela ku gandzela swifaniso swa yena swa ku nyenyentsa naswona a veka ntlhamu lowu yendlaka swaku vanhu va djoha, a gama a ya vutisa ka muprofeta, mina Yehovha ni ta mu hlamula hi ku ya hi ku tala ka swifaniso swa yena swa ku nyenyentsa. 5 Ni ta yendla swaku timbilu ta Vayisrayele hinkwavu ti chava, hikusa va ni tshikile funtshi va gandzela swifaniso swa vona swa ku nyenyentsa.”’+

6 “Kutani byela Vayisrayele u ku: ‘Yehovha Hosi Leyikulu a li: “Vuyani, mi tshika swikwembu swa n’wina swa ku nyenyentsa naswona mi tshika mintirho ya n’wina hinkwayu ya ku nyenyentsa.+ 7 Hikusa loko Muyisrayele kumbe munhu lweyi a taka hi ka tiko lin’wani a ni tshika kutani a tinyimisela ku gandzela swifaniso swa yena swa ku nyenyentsa naswona a veka ntlhamu lowu yendlaka leswaku vanhu va djoha a gama a ya vutisa muprofeta wa mina,+ mina Yehovha ni ta mu hlamula. 8 Ni ta lwa na yena munhu yelweyo, ni yendla swaku a va xikombiso ni xipoyilo funtshi ni ta mu susa xikarhi ka vanhu va mina;+ kutani mi ta swi tiva swaku hi mina Yehovha.”’

9 “‘Kambe loko muprofeta yelweyo o xengiwa a za a hlamula, ku ta va ku li mina Yehovha ni nga mu xenga.+ Ni ta lwa na yena ni mu helisa xikarhi ka vanhu va mina ku nga Vayisrayele. 10 Va ta boheka ku tshovela leswi va nga swi byala hi mhaka ya xidjoho xa vona; xidjoho xa lweyi a vutisaka xi ta fana ni xa muprofeta, 11 leswaku Vayisrayele va nga ha djiki ka tindlela ta mina naswona va tshika ku tichakisa hi swidjoho swa vona hinkwaswu. Va ta va vanhu va mina se mina ni ta va Xikwembu xa vona,’+ ku vula Yehovha Hosi Leyikulu.”

12 Yehovha a tlhela a vulavula na mina a ku: 13 “N’wana wa munhu, loko tiko lo ni djohela hi ku kala li nga tshembeki, ni ta lwa na lona funtshi ni ta yendla swaku li nga ha vi ni swakudla,+ ni ta rhumela ndlala ka tiko lolelo+ ni tlhela ni dlaya vanhu ni swifuyu leswi nga ka lona.”+ 14 “‘Hambiloko vavanuna lavanharhu ku nga Nowa,+ Daniyele+ na Yobo,+ a va li kona xikarhi ka lona, a ku to pona vona ntsena hi mhaka ya leswi va nga lulama,’+ ku vula Yehovha Hosi Leyikulu.”

15 “‘Kumbe a hi nge, ni rhumela swiharhi swa khwati leswi dlayaka swi hundza hi le tikweni swi dlaya vanhu* va kona se li va ndhawu leyi nga hohlokela ku nga ha hundzi munhu ka lona hi mhaka ya swiharhi swoleswo,+ 16 leswi ni hanyaka,’ ku vula Yehovha Hosi Leyikulu: ‘Hambiloko vavanuna lavanharhu a va li ka tiko lolelo, a va nga ta va ponisa vana va vona va madjaha kumbe va tintombhi; a ku to pona vona ntsena funtshi tiko hinkwalu a li ta va ndhawu ya ku hohlokela.’”*

17 “‘Kumbe a hi nge, ni tisa xipada ka tiko lolelo,+ ni gama ni ku: “Xipada a xi hundze hi le tikweni,” xi dlaya vanhu ni swifuyu,+ 18 hambiloko vavanuna lavanharhu a va li kona ka tiko lolelo, leswi ni hanyaka,’ ku vula Yehovha Hosi Leyikulu: ‘A va nga ta va ponisa vana va vona va madjaha kumbe va tintombhi; a ku to pona vona ntsena.’”

19 “‘Kumbe a hi nge ni rhumela ntungu ka tiko lolelo+ naswona ni chulula ku kwata ka mina henhla ka lona hi ku dlaya vanhu ni swifuyu, 20 hambiloko Nowa,+ Daniyele+ na Yobo+ a va li kona ka tiko lolelo, leswi ni hanyaka,’ ku vula Yehovha Hosi Leyikulu: ‘A va nga ta va ponisa vana va vona va madjaha kumbe va tintombhi; a ku to pona vona ntsena hi mhaka ya ku lulama ka vona.’”+

21 “Yehovha Hosi Leyikulu a li: ‘Swi ta yendlekisa swoleswo nkama ni nga ta rhumela 4 wa makhombo ya ku va khatisa* hi wona,+ ku nga xipada, ndlala, swiharhi swa khwati leswi dlayaka, khombo ni ntungu+ leswaku ni dlaya vanhu ni swifuyu ka doropa la Yerusalema.+ 22 Kambe vana va madjaha ni va tintombhi lava nga ta sala va ta pona va tlhela va humesiwa ka lona.+ Va mi tela naswona nkama mi nga ta vona tindlela ta vona ni mintirho ya vona, mi ta tiyisiwa ka khombo leli ni nga li tisa ka doropa la Yerusalema, ka hinkwaswu leswi ni nga swi yendla ka lona.’”

23 “‘Va ta mi tiyisa nkama mi nga ta vona tindlela ta vona ni mintirho ya vona naswona mi ta swi tiva swaku a ni ni xivangelo nkama ni nga yendla leswi a ni fanele ni swi yendla ka lona,’+ ku vula Yehovha Hosi Leyikulu.”

15 Yehovha a tlhela a vulavula na mina a ku: 2 “N’wana wa munhu, indjhe tihunyi ta nsinya wa mawuvha ti nga fananisiwa ni tihunyi ta minsinya yin’wani kumbe ni tigadja ta minsinya leyi nga khwatini? 3 Indjhe nhonga ya nsinya wa mawuvha yi nga tirhisiwa swaku yi yendla xanchumu? Indjhe vanhu va nga yi tirhisa swaku va yendla nchumu xa ku hayeka swilo ka xona? 4 Phela nhonga yoleyo yi hoxiwa ka ndzilu se ndzilu wu yi hisa matlhelo hinkwawu anze xikarhi. Indjhe yi nga ha tirhisiwa? 5 Hambiloko a yi nga pshanga, a yi nga ta tirhiseliwa ku yendla nchumu. A yi nge he pfuni nchumu hileswi yi nga psha!”

6 “Se Yehovha Hosi Leyikulu a li: ‘Ku fana ni tihunyi ta nsinya wa mawuvha leti ni nga ti susa xikarhi ka minsinya ya le khwatini leswaku ku tshiveliwa ndzilu hi tona, ni ta yendla swa ku fana hi lava tshamaka Yerusalema.+ 7 Ni ta lwa na vona. Va ponile ka ndzilu kambe ndzilu wu ta va hisa. Kutani mi ta swi tiva leswaku hi mina Yehovha nkama ni nga ta lwa na vona.’”+

8 “‘Tiko la vona ni ta li yendla li va ndhawu ya ku hohlokela*+ hikusa a va tshembekanga ka mina,’+ ku vula Yehovha Hosi Leyikulu.”

16 Yehovha a tlhela a vulavula na mina a ku: 2 “N’wana wa munhu, byela Yerusalema mintirho ya yena ya ku nyenyentsa.+ 3 U fanele u ku: ‘Yehovha Hosi Leyikulu a byela Yerusalema a ku: “U huma ka tiko la Vakanana funtshi u psaliwe koseniyani. Papayi wa wena a a li Muamori+ kasi mamani wa wena a a li Muheti.+ 4 Siku leli u nga psaliwa hi lona, nkava wa wena a wu tsemiwanga, a wu hlambisiwanga hi mati leswaku u basa, a wu chukuchiwanga hi munyu funtshi a wu phutseliwanga hi tinguvu. 5 A ku na lweyi a nga ku twela wusiwana, a ku yendlela yin’wani ya minchumu leyi. A ku na lweyi a nga ku twela wusiwana. Kambe u txukumetiwe handle hikusa a wu nyenyiwa hi siku leli u nga psaliwa hi lona.

6 “‘“Loko ni hundza, ni ku vone na u yetlelile kolanu na u wumbulukela na u talile hi ngati, ni gama ni ku: ‘Tama u hanya!’ Ni ku byele leswo na u yetlele kolanu na u tale hi ngati ni ku: ‘Tama u hanya!’ 7 Ni yendle swaku u tala ku fana ni swinsinyani leswi milaka nhoveni funtshi u kulile u yambala swiphatiphati swa xiyimu xa le henhla. Mavele ya wena ma kulile ni misisi ya wena yi kulile; kambe a wu nge se yambala nchumu.”’

8 “‘Nkama ni nga hundza ni ku vona, ni tsumbule swaku se u kulile leswaku u nga sungula timhaka ta ku rhandzana. Ni gama ni ku mbhonya hi nguvu ya mina+ leswi a wu nga yambalanga nchumu, se ni funga ni tlhela ni yendla ntwananu na wena,’ ku vula Yehovha Hosi Leyikulu, ‘se u gama u va wa mina. 9 Ni tlhele ni ku hlambisa hi mati ni susa ngati leyi a yi li ka muzimbha wa wena se ni ku tota mafurha.+ 10 Se ni ku yambexa mpahla leyi nga sasekiseliwa, ni ku nyika ni masandaliya lama nga yendliwa hi xikhumba,* ni ku mbhonya hi panu ya xiyimu xa le henhla ni tlhela ni ku yambexa mpahla ya ku durha. 11 Ni ku sasekisile hi swiphatiphati, ni ku veka mapulsera ka mavoko ni kolari* ka nhamu. 12 Ni tlhele ni ku vekela xitlan’wani* ka nhompfu ni switlan’wani ka tindleve ni harhi* ya ku saseka ka nhloko. 13 A wu tama u tisasekisela hi woru ni prata, a wu yambala mpahla ya ku yendliwa hi panu ya xiyimu xa le henhla, ya ku durha leyi nga sasekiseliwa. A wu dla mpupu wa ku siliwa kahle, wulombe ni mafurha anze u kula u saseka swinene+ u za u faneleka ku va nsati wa hosi.’”

14 “‘Ku saseka ka wena ku yendle leswaku ndhuma* ya wena yi hangalaka ka matiko,+ a ku nga soliwi hi munhu hi mhaka ya leswi ni nga veka ku phatima ka mina henhla ka wena,’+ ku vula Yehovha Hosi Leyikulu.”

15 “‘Kambe u sungule ku tshemba ku saseka ka wena+ naswona u ve nghwavani hi mhaka ya ndhuma ya wena.+ Leswi a wu li nghwavani u tinyikele ka mun’wani ni mun’wani lweyi a ndlhulaka.+ 16 U teke mpahla yin’wani ya wena u sasekisela hi yona tindhawu ta wena ta ku tlakuka leti a wu yendla wunghwavani ka tona;+ swilo swoleswo a swi nga fanelanga swi yendleka funtshi swi nga ha yendleki. 17 U tlhele u teka swiphatiphati swa ku saseka leswi nga yendliwa hi woru ni prata leli ni nga ku nyika lona, u yendla swifaniso swa vavanuna u gama u yendla wunghwavani na swona.+ 18 U teke mpahla ya wena leyi nga sasekiseliwa u swi* mbhonya hi yona, u tlhela u nyikela mafurha ni swinun’hwelisu* swa mina ka swona.+ 19 Pawu leli ni nga ku nyika lona leli nga hambiwa hi mapa ya ku siliwa kahle, mafurha ni wulombe leswi ni nga ku nyika swona swaku u dla, u nyikele hi swona swaku swi va nun’hwelo wa ku tsakisa ka swifaniso leswi u nga swi yendla.+ Hi swoleswo u nga swi yendla,’ ku vula Yehovha Hosi Leyikulu.”

20 “‘U teke vana va wena va madjaha ni va tintombhi lava u nga ni psalela vona,+ kutani u nyikela hi vona ka swifaniso,+ kasi a wu kolwanga hi wunghwavani leli u nga li yendla ku ta fikela swoswi? 21 U dlaye vana va mina va madjaha, u yendla magandzelo hi vona hi ku va hisa hi ndzilu.+ 22 Nkama na u yendla mintirho ya wena hinkwayu ya ku nyenyentsa ni wunghwavani, a wu ma khumbukanga masiku lawa na u li jovhem nkama a wu nga yambalanga nchumu, na u wumbulukela u talile hi ngati. 23 Khombo! Khombo ka wena hi mhaka ya leswi u nga yendla swilo leswi hinkwaswu swa ku biha,’+ ku vula Yehovha Hosi Leyikulu. 24 ‘U tiyakele ndhawu ya ku gandzela swikwembu swa mavunhwa ni ndhawu ya ku tlakuka xikarhi ka doropa ka ndhawu yin’wani ni yin’wani ya ku pfuleka. 25 U tiyakele tindhawu ta ku tlakuka ka tindhawu leti nga ni ndhuma ka xitaratu xin’wani ni xin’wani, u txintxe ku saseka ka wena ku va nchumu xa ku nyenyentsa, hi ku tinyikela* ka mun’wani ni mun’wani lweyi a ndlhulaka+ funtshi u yendle mintirho ya yinyingi ya wunghwavani.+ 26 U yendle wunghwavani ni Vagibita,+ vavhizinyu va wena lava ku navelaka naswona u ni kwatisile hi mintirho ya wena ya yinyingi ya wunghwavani. 27 Swoswi ni ta lwa na wena ni helisa swakudla swa wena+ kutani ni ta ku nyikela ka vavasati lava ku nyenyaka,+ ku nga vana va tintombhi va Vafilista, lava nga tsemeka nhlana hi mhaka ya manyala ya wena.+

28 “‘Leswi a wu nga kolwi, u yendle wunghwavani ni Vaasiriya,+ kambe hambiloko se u yendle wunghwavani na vona a wu kolwanga. 29 Se u tame u yendla wunghwavani ka tiko la vaxavisi* ni ka Vakalidiya+ kambe a wu kolwanga. 30 Mbilu ya wena a yi vabya,’ * ku vula Yehovha Hosi Leyikulu, ‘nkama u nga yendla minchumu leyi hinkwayu, u tikhoma ku fana ni nghwavani leyi kalaka yi nga na tingana!+ 31 Kambe nkama u nga tiyakela ndhawu ya ku gandzela swikwembu swa mavunhwa ka tindhawu leti nga ni ndhuma ka xitaratu xin’wani ni xin’wani ni nkama u nga yendla ndhawu ya ku tlakuka axikarhi ka doropa ka ndhawu yin’wani ni yin’wani ya ku pfuleka, a wu nga fani ni nghwavani hikusa a wu yala ku hakeliwa. 32 U wansati lweyi a mbuyetaka lweyi a yetlelaka ni vavanuna van’wanyani a tshika nuna wa yena!+ 33 Vanhu va nyika tinghwavani tinyiko+ kambe wena u nyika hinkwavu lava ku navelaka tinyiko+ funtshi wa va xava leswaku va suka ka tindhawu hinkwatu va ta ka wena leswaku va ta yendla wunghwavani.+ 34 A wu fani ni vavasati van’wani lava nga tinghwavani. A ku na lweyi a yendlaka wunghwavani ku fana na wena! Hi wena u hakelaka van’wani, a hi vona va hakelaka wena. U hambanile ni tinghwavani tin’wani.’

35 “Kutani wena nghwavani,+ yingisa leswi Yehovha a swi vulaka. 36 Yehovha Hosi Leyikulu a li: ‘Phela u kombise leswi u swi navelisaka swona ku famba masangu naswona u voniwe na u nga yambalanga nchumu hi nkama lowu a wu yendla wunghwavani ni vanhu lava u rhandzanaka na vona ni swikwembu swa wena hinkwaswu swa ku nyenyentsa*+ leswi u nga swi yendlela magandzelo hi ngati ya vana va wena va madjaha;+ 37 kutani ni ta hlengeleta vanhu hinkwavu lava u nga rhandzana na vona lava u nga va tsakisa, hinkwavu lava u nga va rhandza ni hinkwavu lava u nga va nyenya. Ni ta va hlengeleta va huma ka tindhawu hinkwatu leswaku va ta lwa na wena, va ta ku siya na u nga yambalanga nchumu, naswona va ta vona tingana ta wena.+

38 “‘Ni ta ku khatisa hi ndlela leyi ni va yavanyisaka hi yona vavasati lava mbuyetaka+ ni lava halataka ngati+ funtshi ngati ya wena yi ta halatiwa hi ndlela ya mona ni ya wukwele.+ 39 Ni ta ku nyikela ka vona, va ta wisetela tindhawu ta wena leti u gandzelaka ka tona swikwembu swa wena swa mavunhwa naswona va ta dilizela tindhawu ta wena ta ku tlakuka;+ va ta ku hlivila mpahla+ va teka swiphatiphati swa wena swa ku saseka,+ va ku siya na u nga yambalanga nchumu. 40 Va ta rhamba vanhu va vanyingi+ leswaku va ta lwa na wena, va ta ku ba hi maribye+ naswona va ta ku dlaya hi swipada swa vona.+ 41 Va ta hisa tiyindlo ta wena hi ndzilu+ naswona va ta ku yavanyisa aphambheni ka vavasati va vanyingi; ni ta ku tshikisa ku va nghwavani+ funtshi a wu nge he hakeli munhu. 42 Ndlela leyi ni nga ku kwatela hi yona+ yi ta pumbeka naswona a ni nga ha ta ku kwatela;+ mbilu ya mina yi ta va na yi rhulile funtshi a ni nge he kwati.’

43 “‘Leswi u kalaka u nga ma khumbukanga masiku lawa na u li jovhem+ naswona u nga ni kwatisa hi ku yendla swilo leswi, ni ta ku khoma hi ku ya hi leswi u nga swi yendla,’ ku vula Yehovha Hosi Leyikulu, ‘naswona a wu nga ha ta tama u yendla manyala ni ku yendla mintirho ya wena ya ku nyenyentsa.

44 “‘Phela mun’wani ni mun’wani lweyi a tirhisaka swihlayahlaya a ta tirhisa xihlayahlaya lexi ka wena: “Ku tlula ka mhala* ku djondzisa n’wana lweyi a nga ndzeni!”+ 45 U n’wana wa mamani wa wena, lweyi a nga nyenya nuna wa yena ni vana va yena. U makwavu wa xisati wa vamakwenu va xisati lava nga nyenya vanuna va vona ni vana va vona. Mamani wa wena a a li Muheti kasi papayi wa wena a a li Muamori.’”+

46 “‘Makwenu wa wena wamukulu wa xisati i Samariya+ lweyi a tshamaka ka tlhelo la norte* ni vana va yena va tintombhi*+ naswona makwenu wa wena wamutsongo wa xisati i Sodoma,+ lweyi a tshamaka ka tlhelo la le sul* ni vana va yena va tintombhi.+ 47 U tekelele mahanyelo ya vona ni mintirho ya vona ya ku nyenyentsa, u tlhela u hanya hi ndlela ya ku biha ku tlula na vona hi nkamanyana.+ 48 Leswi ni hanyaka,’ ku vula Yehovha Hosi Leyikulu, ‘Sodoma makwenu wa wena wa xisati ni vana va yena va tintombhi a va swi yendlanga leswi wena ni vana va wena va tintombhi mi nga swi yendla. 49 Phela Sodoma makwenu wa wena wa xisati a yendle xihoxo lexi: Yena ni vana va yena va tintombhi+ a va titlakusa+ funtshi a va ni swakudla swa swinyingi,+ a va nga karhatiwi hi nchumu;+ kambe a va swi pfunanga swisiwana ni lava a va xaniseka.+ 50 Va titlakusile+ funtshi va tame va yendla mintirho ya ku nyenyentsa phambheni ka mina,+ kutani ni swi vone na swi fanela swaku ni va susa.+

51 “‘Hambi Samariya,+ a nga yi yendlanga hambi hafu ya swidjoho leswi u nga swi yendla. U tame u yendla mintirho ya ku nyenyentsa ku tlula leyi va nga yi yendla, vamakwenu va wena va xisati va za va voneka na va lulamile hi mhaka ya mintirho ya wena hinkwayu ya ku nyenyentsa.+ 52 Swoswi u fanele u tiyisela ku danisiwa hikusa u nyimelele mintirho ya vamakwenu va wena va xisati. Va lulamile ku ku tlula hi mhaka ya leswi u nga yendla xidjoho xa ku nyenyentsa ku tlula xa vona. Se swoswi tiyisela ku danisiwa hi leswi u nga yendla vamakwenu va wena va xisati va voneka na va lulamile.’

53 “‘Ni ta hlengeleta swikarawa swa vona, swikarawa swa Sodoma ni vana va yena va tintombhi ni swikarawa swa Samariya ni vana va yena va tintombhi; ni ta tlhela ni hlengeleta swikarawa swa wena ku patsa na vona,+ 54 leswaku u ta tiyisela ku danisiwa; phela u ta dana hi mhaka ya leswi u nga va tiyisa. 55 Vamakwenu va wena va xisati, ku nga Sodoma ni vana va yena va tintombhi va ta tlhelela ka xiyimu xa vona xa ku sungula, na Samariya ni vana va yena va tintombhi va ta tlhelela ka xiyimu xa vona xa ku sungula, wena ni vana va wena va tintombhi mi ta tlhelela ka xiyimu xa n’wina xa ku sungula.+ 56 A wu nga fanelanga u vulavule hi Sodoma makwenu wa wena wa xisati hi siku leli u nga titlakusa hi lona, 57 na wubihi la wena li nge se kombisiwa.+ Swoswi vana va tintombhi va Siriya ni vavhizinyu va yena ni vana va tintombhi va Vafilista va ku rhuketela,+ hinkwavu lava nga kusuhi na wena va ku poyila. 58 U ta tshovela mihandzu ya manyala ya wena ni ya mintirho ya wena ya ku nyenyentsa,’ ku vula Yehovha.”

59 “Yehovha Hosi Leyikulu a li: ‘Ni ta ku khoma hi ku ya hi leswi u nga swi yendla,+ hikusa u swi tekele hansi switshembiso swa wena leswi u nga swi yendla hi ku tshika ntwananu wa mina.+ 60 Kambe ni ta khumbuka ntwananu lowu ni nga wu yendla na wena na wa ha li jovhem naswona ni ta tiyisa ntwananu wolowo leswaku wu tshama hi masiku.+ 61 U ta khumbuka mahanyelo ya wena naswona u ta dana+ nkama u nga ta yamukela vamakwenu va wena va xisati, lava i nga vakulu ni lava i nga vatsongo ka wena, ni ta ku nyika vona swaku va va vana va wena va tintombhi ku nga li hi mhaka ya ntwananu wa wena.’

62 “‘Ni ta tiyisa ntwananu wa mina na wena; u ta swi tiva swaku hi mina Yehovha. 63 Nkama ni nga ta ku rivalela ku nga na mhaka hinkwaswu leswi u nga swi yendla,+ u ta gama u khumbuka leswi u nga swi yendla naswona swi ta ku danisa swinene+ hambi ku vulavula hi mhaka ya leswi u nga vekiwa hansi,’ ku vula Yehovha Hosi Leyikulu.”

17 Yehovha a tlhela a vulavula na mina a ku: 2 “N’wana wa munhu, vula xihlayahlaya ni xivuriso hi ta yindlo ya Israyele.+ 3 U fanele u ku: ‘Yehovha Hosi Leyikulu a li: “Gama* lalikulu+ leli nga ni timpapa tatikulu ta ku leha ni tinsiva ta tinyingi ta tikorikori, li te aLebanoni+ li fika li tshova xigadjani hala henhla magamu ka nsinya wa mukedari.+ 4 Li tshove xigadjani xa le henhla swinene, li xi tisa ka tiko la vaxavisi* li fika li xi veka ka doropa la vaxavisi.+ 5 Se li gama li teka mbewu yin’wani atikweni+ li yi byala ka nsimu ya ku nona. Li yi byala ku fana ni nsinya lowu vitaniwaka munengenezi* akusuhi ni mati ya manyingi. 6 Yi kula yi nava yi va nsinya wawukulu wa mawuvha wa ku kala wu nga lehanga,+ lowu matluka ya wona ma nga khotsekela ndzeni, timintsu ta wona ti kula hansi ka wona. Kutani mbewu leyi yi va nsinya wa mawuvha lowu nga ni tigadja.+

7 “‘“Se ku ta gama lin’wani lalikulu,+ leli nga ni timpapa tatikulu.+ Kutani nsinya lowu wa mawuvha wu yisa timintsu ta wona ka lona, ti ya kule ni lani a wu byaliwe kona, wu yise tigadja ta wona ka gama swaku li ta wu regara.+ 8 A wu byaliwe ka nsimu yayinene leyi nga kusuhi ni mati ya manyingi, leswaku wu humesa tigadja, wu psala mihandzu, wu va nsinya wawukulu wa mawuvha.”’+

9 “Hlaya u ku: ‘Yehovha Hosi Leyikulu a li: “Indjhe wu ta kula? Indjhe munhu mun’wani a nge tsuvuli timintsu ta wona,+ a yendla mihandzu ya wona yi bola ni matluka ya wona ma vuna?+ Wu ta woma lakakuva a ku nga ta laveka munhu wa matimba kumbe vanhu va vanyingi swaku va wu tsuvula. 10 Hambileswi wu nga tsuvuliwa wu tlhela wu byaliwa, indjhe wu ta kula? Indjhe a wu nga ta woma swa wugamu loko wu biwa hi moya wa le wuxeni? Wu ta woma ka nsimu leyi wu nga byaliwa ka yona.”’”

11 Yehovha a tlhela a vulavula na mina a ku: 12 “Ni kombela u byela vanhu lava va ku kala va nga ni yingisi, u ku: ‘A mi swi tivi swaku swilo leswi swi vula yini?’ Vula u ku: ‘Maswivo! Hosi ya le Babilona yi te Yerusalema yi fika yi teka hosi ya kona ni varhangeli va yona yi famba na vona aBabilona.+ 13 Yi tlhela yi teka n’wana* mun’wani wa le wuhosini+ yi yendla ntwananu na yena, kutani yi mu yendla a funga.+ Se yi gama yi teka vavanuna lava rhangelaka atikweni,+ 14 leswaku mfumu wu vekiwa hansi, wu nga ha vi ni matimba, ni swaku wu ta kota ku tama wu va kona ntsena loko wu hlayisa ntwananu wa yona.+ 15 Kambe hi wugamu hosi ya Yuda yi djikele hosi ya le Babilona+ yi rhumela vanhu va yona aGibita, swaku yi kuma makavhalu+ ni masonchwa ya manyingi.+ Indjhe maplanu* ya yona ma ta tirha? Indjhe lweyi a yendlaka swilo leswi a nga ta khatisiwa? Indjhe a ta tshova ntwananu a tlhela a pona?’+

16 “‘“Leswi ni hanyaka,” ku vula Yehovha Hosi Leyikulu, “Zedekiya a ta fela Babilona, ka tiko leli Hosi Nebukadinazara lweyi a nga mu veka swaku a va hosi a tshamaka kona, hikusa a delele leswi va nga mu fungisa a tlhela a tshova ntwananu wa hosi ya le Babilona.+ 17 Masonchwa ya manyingi ya Faru a ma nga ta mu pfuna nyimpini,+ nkama ku nga ta yakiwa muru wa ku pfuna ku hlasela doropa leswaku ku ta dlayiwa vanhu va vanyingi. 18 A delele leswi nga fungiwa kutani a tshova ntwananu. A yendletele swilo leswi hinkwaswu, hambileswi a nga tshembisa, kutani a nga ta baleka.”’

19 “‘Se Yehovha Hosi Leyikulu a li: “Leswi ni hanyaka, ni ta yendla swaku a tshovela ku vava hi mhaka ya leswi a nga delela leswi ni nga swi funga+ a tlhela a tshova ntwananu wa mina. 20 Ni ta mu hoxa redi la mina la ku hlota hi lona naswona a ta phasiwa.+ Ni ta mu yisa Babilona ni fika ni mu yavanyisa kona hi mhaka ya leswi a kalaka a nga tshembekanga ka mina.+ 21 Masonchwa ya yena hinkwawu lama nga baleka ma ta dlayiwa hi xipada, kasi lama nga pona ma ta hangalasiwa ka tindhawu hinkwatu.+ Kutani mi ta swi tiva leswaku mina Yehovha, ni vulavulile.”’+

22 “‘Yehovha Hosi Leyikulu a li: “Ni ta tshova xigadjani kole henhla magamu ka nsinya wawukulu wa mukedari+ ni xi byala, ni ta phatlula xigadjani xa ku wolova ka tigadja ta wona ta le henhla swinene,+ ni xi byala ka ntshava ya ku leha swinene.+ 23 Ni ta xi byala ka ntshava ya ku tlakuka ya Israyele; tigadja ta xona ti ta kula, xi ta psala mihandzu kutani xi va nsinya wawukulu wa mukedari. Swinyanyani swa mixakaxaka swi ta tshama hansi ka wona ni ka ndzhuti wa matluka ya wona. 24 Minsinya hinkwayu ya khwati yi ta swi tiva swaku mina Yehovha, ni xixe nsinya wawukulu ni tlakusa nsinya wawutsongo;+ ni womise nsinya lowu nga ni matluka ya vherdi,* ni yendla swaku nsinya lowu nga woma wu hluka.+ Mina Yehovha, ni swi vulile naswona ni swi yendlile.”’”

18 Yehovha a tlhela a vulavula na mina a ku: 2 “Xi vula yini xivuriso lexi, lexi mi xi tirhisaka ka tiko la Israyele lexi nge: ‘Vapapayi va dle mawuvha ya ku dzunga, kambe ku rhurhumela matinyu ya vana’?+

3 “‘Leswi ni hanyaka,’ ku vula Yehovha Hosi Leyikulu, ‘a mi nga ha ta tama mi xi tirhisa xivuriso lexi aIsrayele. 4 Vonani! Wutomi la vanhu hinkwavu i la mina. Wutomi la papayi ni la n’wana i la mina. Munhu lweyi a djohaka hi yena a nga ta fa.

5 “‘A hi nge munhu a lulamile, a yendla swaswinene a tlhela a tshembeka. 6 A nga dli magandzelo lawa ma nga yendleliwa swikwembu ka tintshava,+ a nga gandzeli swifaniso swa ku nyenyentsa* swa Vayisrayele, a nga yetleli ni nsati wa wanuna mun’wani+ kumbe wansati lweyi a nga ka masiku ya yena,+ 7 a nga khomi munhu hi ndlela ya ku biha+ kambe a tlhelisa leswi a nga tamelisiwa swona hi lweyi a mu devhaka swaku swi va xitiyisekisu,+ a nga tekeli munhu swilo swa yena+ kambe lweyi a twaka ndlala a mu nyika swakudla+ naswona lweyi a kalaka a nga yambalanga nchumu a mu mbhonya hi nguvu,+ 8 a nga lavi majuru ka lava a va lombaka,+ a nga yendli swilo swa ku kala swi nga lulamanga,+ a yavanyisa vanhu hi ndlela ya ku lulama,+ 9 a tama a yingisa minawu ya mina ni swiboho swa mina swa ku yavanyisa leswaku a tshama na a tshembekile. Munhu wa ku fana ni lweyo a lulamile naswona a ta tama a hanya,’+ ku vula Yehovha Hosi Leyikulu.

10 “‘Kambe a hi nge munhu lweyi i papayi wa n’wana wa djaha lweyi a nga xigevenga+ kumbe mudlayi+ kumbe munhu lweyi a yendlaka xin’wani xa swilo leswi landzelaka, 11 (hambileswi papayi lweyi a kalaka a nga swi yendlanga swilo leswi) n’wana lweyi, a dla magandzelo lawa ma nga yendleliwa swikwembu ka tintshava, a yetlela ni nsati wa wanuna mun’wani, 12 a xanisa lava pfumalaka ni swisiwana,+ a tekela vanhu swilo swa vona, a nga xi tlhelisi nchumu lexi a nga tamelisiwa xona swaku xi va xitiyisekisu, a gandzela swifaniso swa ku nyenyentsa,+ a yendla minchumu ya ku nyenyentsa,+ 13 a lombisa hi majuru,+ n’wana lweyi a nge tami a hanya. A ta dlayiwa hi mhaka ya swilo leswi hinkwaswu swa ku nyenyentsa leswi a swi yendlaka. A ta va ni nandzu wa ngati ya yena.

14 “‘Kambe a hi nge papayi a ni n’wana wa djaha lweyi a nga vona swidjoho hinkwaswu leswi papayi wa yena a nga swi yendla kambe yena a nga swi yendli hambileswi a nga swi vona. 15 A nga dli magandzelo lawa ma nga yendleliwa swikwembu ka tintshava, a nga gandzeli swikwembu swa ku nyenyentsa swa Vayisrayele, a nga yetleli ni nsati wa wanuna mun’wani, 16 a nga khomi munhu hi ndlela ya ku biha, a tlhelisa nchumu lexi a nga tamelisiwa xona hi lava mu devhaka swaku xi va xitiyisekisu, a nga va tekeli vanhu swilo swa vona, lweyi a twaka ndlala a mu nyika swakudla naswona lweyi a kalaka a nga yambalanga nchumu a mu mbhonya hi nguvu; 17 a nga swi karhati swisiwana, a nga lavi majuru, a hanya hi swiboho swa mina swa ku yavanyisa a tlhela a yingisa minawu ya mina. Munhu yelweyo a nge fi hi mhaka ya xidjoho xa papayi wa yena. A ta tama a hanya. 18 Kambe leswi papayi wa yena a kalaka a nga tshembekanga, a nga tekela makwavu swilo swa yena ni leswi a nga yendla swilo swa ku biha axikarhi ka vanhu va tiko la yena, a ta fa hi mhaka ya xihoxo xa yena.

19 “‘Kambe n’wina mi ta ku: “Hi mhaka muni n’wana a nga nyikiwi nandzu hi mhaka ya xihoxo xa papayi wa yena?” Leswi n’wana lweyi wa djaha a nga yendla swa ku lulama ni swaswinene, a nga yingisa minawu ya mina hinkwayu, a ta tama a hanya.+ 20 Munhu lweyi a djohaka hi yena a nga ta fa.+ N’wana a nge nyikiwi nandzu hi mhaka ya xihoxo xa papayi wa yena, na yena papayi a nge nyikiwi nandzu hi mhaka ya xihoxo xa n’wana wa yena. Lweyi wa ku lulama a ta yavanyisiwa hi ku ya hi ku lulama ka yena ni lweyi wa ku biha a ta yavanyisiwa hi ku ya hi wubihi la yena.+

21 “‘Loko munhu lweyi a yendlaka swa ku biha a tisola ka swidjoho swa yena hinkwaswu leswi a nga swi yendla, kutani a yingisa minawu ya mina hinkwayu a yendla swa ku lulama ni swaswinene, a ta tama a hanya. A nga ta fa.+ 22 Swidjoho hinkwaswu leswi a nga swi yendla a swi nga ta khumbukiwa.+ A ta tama a hanya hi mhaka ya leswi a nga yendla swa ku lulama.’+

23 “‘Indjhe na tsaka loko munhu lweyi a yendlaka swa ku biha a fa?’+ ku vula Yehovha Hosi Leyikulu. ‘Kasi a ni tsakeli leswaku a txintxa tindlela ta yena kutani a tama a hanya?’+

24 “‘Kambe loko lweyi wa ku lulama a tshika ku yendla swa ku lulama se a yendla swa ku biha, a yendla swilo hinkwaswu swa ku nyenyentsa leswi yendliwaka hi lava va ku biha, indjhe a ta tama a hanya? Swilo hinkwaswu swaswinene leswi a nga swi yendla a swi nga ta khumbukiwa.+ A ta fa hi mhaka ya leswi a kalaka a nga tshembekanga ni hi mhaka ya xidjoho lexi a nga xi yendla.+

25 “‘Kambe n’wina mi ta ku: “Ndlela ya Yehovha a yi lulamanga.”+ Ni kombela mi yingisa, n’wina Vayisrayele. I ndlela ya mina yi kalaka yi nga lulamanga?+ A hi tindlela ta n’wina leti kalaka ti nga lulamanga?+

26 “‘Loko lweyi wa ku lulama a tshika ku yendla swa ku lulama se a yendla swa ku biha a gama a fa hi mhaka ya leswo, a ta va a dlayiwe hi mhaka ya xidjoho xa yena.

27 “‘Kutani loko munhu lweyi a yendlaka swa ku biha a tshika swilo swa ku biha leswi a nga swi yendla, a sungula ku yendla swa ku lulama ni swaswinene, a ta ponisa wutomi la yena.+ 28 Loko a swi tsumbula kutani a tisola ka swidjoho swa yena hinkwaswu leswi a nga swi yendla, a ta tama a hanya. A nga ta fa.

29 “‘Kambe Vayisrayele va ta ku: “Ndlela ya Yehovha a yi lulamanga.” N’wina Vayisrayele i tindlela ta mina ti kalaka ti nga lulamanga?+ A hi tindlela ta n’wina leti kalaka ti nga lulamanga?’

30 “‘Kutani ni ta yavanyisa mun’wani ni mun’wani wa n’wina, n’wina Vayisrayele hi ku ya hi tindlela ta yena,’+ ku vula Yehovha Hosi Leyikulu. ‘Tisoleni, tisoleni hi ku helela ka swidjoho swa n’wina hinkwaswu leswaku mi nga vi ntlhamu lowu yendlaka van’wani va djoha. 31 Tshikani swidjoho swa n’wina hinkwaswu leswi mi nga swi yendla,+ mi txintxa timbilu ta n’wina ni ndlela leyi mi pimisaka hi yona,+ hikusa hi mhaka muni n’wina Vayisrayele mi fanele mi fa?’+

32 “‘A ni tsaki loko munhu a fa,’+ ku vula Yehovha Hosi Leyikulu. ‘Kutani tisoleni leswaku mi ta tama mi hanya.’”+

A yetlele xikarhi ka swinghonyamani swa matimba a kulisa swinghonyamani swa yena.

 3 A kulise xinghonyamani xin’wani xa yena kutani xi va nghonyama ya matimba.+

 5 Mamani wa xona a xi rindzile a za a swi vona swaku a xi nge he vuyi.

Se a teka xinghonyamani xa yena xin’wani a xi kulisa kutani xi va nghonyama ya matimba.

 6 Xi tlhela xi fambafamba xikarhi ka tinghonyama kutani xi va nghonyama leyi nga ni matimba.

Xi djondze ku hlota xi tlhela xi dla ni vanhu.+

 9 Va xi nghenise goda* ka nhompfu ya xona va xi peta ndzeni ka redi kutani va xi yisa ka hosi ya le Babilona.

Va fika va xi pfalela kolanu leswaku rito la xona li nga ha tshuki li twala ka tintshava ta Israyele.

10 Mamani wa wena a a fana ni nsinya wa mawuvha+ ka ngati ya wena,* lowu nga byaliwa kusuhi ni mati.

Wu psale mihandzu naswona wu ni tigadja ta tinyingi hi mhaka ya leswi wu kumaka mati ya manyingi.

11 Wu ve ni tigadja* ta ku tiya leti fanelekaka ku yendla tinhonga ta tihosi.

Tigadja ta wona ta ku tiya ti tshoviwile kutani ti woma+ ti gama ti hisiwa hi ndzilu.+

“‘Leli i lisimu la xirilo naswona li ta tirhela ku va lisimu la xirilo.’”

20 Hi siku la wu 10 ka wheti ya wu 5 hi lembe la wu 7, madoda man’wani ya Vayisrayele ma fike ma tshama hansi phambheni ka mina ma vutisa hi Yehovha. 2 Se Yehovha a vulavula na mina a ku: 3 “N’wana wa munhu, byela madoda ya Vayisrayele u ku: ‘Yehovha Hosi Leyikulu a li: “Mi tele ku ta vutisa hi mina? ‘Leswi ni hanyaka, a ni nga ta mi hlamula,’+ ku vula Yehovha Hosi Leyikulu.”’

4 “N’wana wa munhu, u lunghekile swaku u va yavanyisa? U swi lunghekelile ku va yavanyisa? Va byeli swilo swa ku nyenyentsa leswi vavhovho va vona va nga swi yendla.+ 5 Va byeli u ku: ‘Yehovha Hosi Leyikulu a li: “Siku leli ni nga mu langa hi lona Israyele,+ ni tlhele ni fungela* vana* va Yakobe ni titivisa ka vona ka tiko la Gibita.+ Ni va fungelile ni ku: ‘Hi mina Yehovha Xikwembu xa n’wina.’ 6 Hi siku lolelo ni fungile swaku ni ta va humesa ka tiko la Gibita ni va yisa ka tiko leli ni nga va lavela* lona, tiko leli nga tala hi leiti ni wulombe.+ A li saseke ku tlula matiko hinkwawu. 7 Se ni va byela ni ku: ‘Mun’wani ni mun’wani wa n’wina a a txukumeti swilo swa ku nyenyentsa leswi nga phambheni ka yena; mi nga tichakisi hi swikwembu swa ku nyenyentsa* swa le Gibita.+ Hi mina Yehovha Xikwembu xa n’wina.’+

8 “‘“Kambe va ni djikelile naswona a va swi lavanga ku ni yingisa. A va swi txukumetanga swilo swa ku nyenyentsa leswi a swi li phambheni ka vona naswona a va swi txukumetanga swikwembu swa ku nyenyentsa swa le Gibita.+ Se ni va tshembise ku va chululela ku kwata ka mina ni ku va kwatela swinene ka tiko la Gibita. 9 Kambe ni yendle leswo hi mhaka ya vito la mina leswaku li nga chakisiwi phambheni ka matiko lawa a va tshama xikarhi ka wona.+ Hikusa ni titivise ka vona* phambheni ka matiko nkama ni nga va* humesa ka tiko la Gibita.+ 10 Ni va humese ka tiko la Gibita ni va yisa mananga.+

11 “‘“Ni va nyike minawu ya mina ni tlhela ni va byela swiboho swa mina swa ku yavanyisa,+ leswaku munhu lweyi a swi yingisaka a tama a hanya.+ 12 Ni tlhela ni va nyika tisavata ta mina+ swaku ti va xikombiso xikarhi ka mina na vona,+ leswaku va ta swi tiva swaku mina Yehovha, hi mina ni va kwetsimisaka.

13 “‘“Kambe Vayisrayele va ni djikelile amananga.+ A va yi yingisanga minawu ya mina ni swiboho swa mina swa ku yavanyisa, leswi nga yendlaka swaku munhu a tama a hanya loko a swi yingisa. A va ti hloniphanga tisavata ta mina. Kutani ni va tshembise ku va chululela ku kwata ka mina amananga leswaku ni va helisa.+ 14 Ni yendle leswo hi mhaka ya vito la mina leswaku li nga chakisiwi phambheni ka matiko lawa ni nga va* humesa na ma va vona.+ 15 Ni tlhele ni va fungela amananga leswaku a ni nga ta va yisa ka tiko leli a ni va nyike lona,+ tiko leli nga tala hi leiti ni wulombe,+ tiko la ku saseka ku tlula matiko hinkwawu, 16 hi mhaka ya leswi va kalaka va nga swi yingisanga swiboho swa mina swa ku yavanyisa ni minawu ya mina naswona va kalaka va nga ti hloniphanga tisavata ta mina, hikusa timbilu ta vona a ti gandzela swifaniso swa vona swa ku nyenyentsa.+

17 “‘“Kambe ni va twele wusiwana, a ni va dlayanga; a ni va helisanga amananga. 18 Ni byele vana va vona amananga ni ku:+ ‘Mi nga yingisi minawu ya vavhovho va n’wina+ kumbe swiboho swa vona swa ku yavanyisa kumbe mi tichakisa hi swifaniso swa vona swa ku nyenyentsa. 19 Hi mina Yehovha Xikwembu xa n’wina. Yingisani minawu ya mina ni swiboho swa mina swa ku yavanyisa, mi swi yendla.+ 20 Kwetsimisani tisavata ta mina,+ ti va xikombiso xikarhi ka mina na n’wina leswaku mi ta swi tiva leswaku hi mina Yehovha Xikwembu xa n’wina.’+

21 “‘“Kambe vana va vona va sungule ku ni djikela.+ A va yi yingisanga minawu ya mina ni swiboho swa mina swa ku yavanyisa, leswi nga yendlaka swaku munhu a tama a hanya loko a swi yingisa. A va ti hloniphanga tisavata ta mina. Kutani ni va tshembise ku va chululela ku kwata ka mina ni ku va kwatela swinene amananga.+ 22 Kambe a ni swi yendlanga leswo+ hi mhaka ya vito la mina,+ leswaku li nga chakisiwi phambheni ka matiko lawa ni nga va* humesa na ma va vona. 23 Ni tlhele ni va fungela amananga swaku ni ta va hangalasa xikarhi ka matiko,+ 24 hi mhaka ya leswi va kalaka va nga swi yingisanga swiboho swa mina swa ku yavanyisa ni minawu ya mina,+ a va ti hloniphanga tisavata ta mina naswona va gandzele swifaniso swa ku nyenyentsa swa vavhovho va vona.+ 25 Ni tlhele ni va tshika swaku va yingisa minawu ya ku kala yi nga li yinene ni swiboho swa ku yavanyisa leswi a swi ta yendla swaku va nga tami va hanya.+ 26 Ni va tshike va tichakisa hi magandzelo ya vona, va hisa vana va vona va matevula hi ndzilu+ leswaku ni ta va helisa, leswaku va ta swi tiva swaku hi mina Yehovha.”’

27 “Kutani vulavula ni Vayisrayele wena n’wana wa munhu u ku: ‘Yehovha Hosi Leyikulu a li: “Vavhovho va n’wina va ni poyile hi ndlela ya ku fana hi ku kala va nga tshembeki ka mina. 28 Ni va yise ka tiko leli ni nga funga ku va nyika lona.+ Nkama va nga vona maganga ni minsinya hinkwayu leyi nga ni matluka ya manyingi+ va sungule ku yendla magandzelo lawa ma ni kwatisaka. Va nyikele nun’hwelo wa ku tsakisa wa magandzelo ya vona va tlhela va chulula magandzelo ya vona ya vhinyu kolanu. 29 Se ni va vutisa ni ku: ‘Mi yela yini ka ndhawu leyi ya ku tlakuka? (Ninamuntlha ya ha vitaniwa Ndhawu Ya Ku Tlakuka.)’”’+

30 “Swoswi byela Vayisrayele u ku: ‘Yehovha Hosi Leyikulu a li: “Se na n’wina mi tichakisa hi ndlela ya ku fana ni leyi vavhovho va n’wina va nga tichakisa hi yona hi ku gandzela swifaniso swa vona swa ku nyenyentsa va yendla wunghwavani* na swona?+ 31 Ma ha tichakisa hi ku yendlela swikwembu swa n’wina hinkwaswu swa ku nyenyentsa magandzelo ku ta fikela namuntlha, mi hisa vana va n’wina hi ndzilu?+ Indjhe ni fanele ni mi hlamula n’wina Vayisrayele loko mi vutisa hi mina?”’+

“‘Leswi ni hanyaka,’ ku vula Yehovha Hosi Leyikulu, ‘a ni nga ta mi hlamula loko mi vutisa hi mina.+ 32 Leswi mi swi pimisaka loko mi ku: “A hi faneni ni matiko ni mindjangu ya matiko lawa man’wani lawa ma gandzelaka mhandzi ni ribye,”+ a swi nga ta yendleka.’”

33 “‘Leswi ni hanyaka,’ ku vula Yehovha Hosi Leyikulu, ‘ni ta va hosi ya n’wina ni mi fuma hi voko la matimba ni hi matimba yamakulu* ni tlhela ni mi chululela ku kwata ka mina.+ 34 Ni ta mi humesa hi voko la matimba ni hi matimba ya mina yamakulu* ni hi ku kwata, ni mi hlengeleta axikarhi ka vanhu mi huma ka matiko lawa mi nga hangalakela ka wona.+ 35 Ni ta mi yisa amananga ya vanhu va matiko ni ya mi yavanyisa kona, na hi txuvukanile.+

36 “‘Ku fana ni leswi ni nga yavanyisa vavhovho va n’wina amananga ya tiko la Gibita, na n’wina ni ta mi yavanyisa,’ ku vula Yehovha Hosi Leyikulu. 37 ‘Ni ta mi hundzisa hi hansi ka nhonga ya mulusi,+ ni yendla ntwananu na n’wina. 38 Kambe ni ta helisa lava delelaka ni lava kalaka va nga yingisi nawu wa mina axikarhi ka n’wina.+ Ni ta va humesa ka tiko la ku kala li nga li la vona leli va tshamaka ka lona kambe a va nga ta nghena ka tiko la Israyele;+ kutani mi ta swi tiva swaku hi mina Yehovha.’

39 “N’wina Vayisrayele, Yehovha Hosi Leyikulu a li: ‘Mun’wani ni mun’wani wa n’wina a a fambi a ya tirhela swikwembu swa yena swa ku nyenyentsa.+ Kambe hi ku famba ka nkama loko mi nga ni yingisi, a mi nga ha ta swi kota ku chakisa vito la mina la ku kwetsima hi magandzelo ya n’wina ni hi swikwembu swa n’wina swa ku nyenyentsa.’+

40 “‘Hikusa ka ntshava ya mina ya ku kwetsima, ka ntshava ya ku tlakuka ya Israyele,’+ ku vula Yehovha Hosi Leyikulu, ‘hi kona ka tiko leli Vayisrayele hinkwavu va nga ta ni tirhela kona.+ Kolanu ni ta va tsakela naswona ni ta lava minyikelo ya n’wina ni swilo swa n’wina swa ku sungula swa lisima, swilo hinkwaswu swa n’wina swa ku kwetsima.+ 41 Hi mhaka ya nun’hwelo wa ku tsakisa wa magandzelo ya n’wina, ni ta mi tsakela nkama ni nga ta mi humesa xikarhi ka vanhu, ni mi hlengeleta ka matiko lawa a mi hangalasiwe ka wona;+ ni ta tikwetsimisa axikarhi ka n’wina phambheni ka matiko.’+

42 “‘Mi ta swi tiva swaku hi mina Yehovha+ nkama ni nga ta mi tisa ka tiko la Israyele,+ tiko leli ni nga funga swaku ni ta li nyika vavhovho va n’wina. 43 Se na mi li kolanu mi ta khumbuka mahanyelo ni mintirho ya n’wina hinkwayu leyi mi nga tichakisa hi yona,+ mi ta tinyenya hi mhaka ya swilo hinkwaswu swa ku biha leswi mi nga swi yendla.+ 44 Mi ta swi tiva swaku hi mina Yehovha nkama ni nga ta yendla xanchumu hi mhaka ya vito la mina,+ ku nga li hi ku ya hi mahanyelo ya n’wina ya ku biha kumbe mintirho ya n’wina ya chaka, n’wina Vayisrayele,’ ku vula Yehovha Hosi Leyikulu.”

45 Yehovha a tlhela a vulavula na mina a ku: 46 “N’wana wa munhu, txuvuka ka tlhelo la le sul,* u huwelela asul, u profetela khwati la le sul. 47 Byela khwati la le sul u ku: ‘Twana rito la Yehovha. Yehovha Hosi Leyikulu a li: “Ni ku hisa hi ndzilu,+ wu ta hisa minsinya hinkwayu ya vherdi* ni minsinya hinkwayu ya ku woma ka wena. Ndzilu wa kona a wu nge timiwi+ naswona tinghohe* hinkwatu ti ta hisiwa hi wona ku sukela asul ku ya anorte.* 48 Vanhu hinkwavu va ta swi tiva swaku hi mina Yehovha lweyi a nga wu tshivela leswaku wu nga timiwi.”’”+

49 Se ni ku: “Yehovha Hosi Leyikulu, va hlaya leswi hi mina: ‘Indjhe a ngo vulavula swihlayahlaya?’”*

21 Yehovha a tlhela a vulavula na mina a ku: 2 “N’wana wa munhu, txuvuka aYerusalema u vulavula hi ta tindhawu ta ku kwetsima, u profeta leswi lwisanaka ni tiko la Israyele. 3 Byela tiko la Israyele u ku: ‘Yehovha a li: “Ni lwa na wena, ni ta tlomula xipada xa mina lomu xi tshamaka kona,+ ni dlaya wa ku lulama ni lweyi a yendlaka swa ku biha xikarhi ka wena. 4 Leswi ni nga ta dlaya wa ku lulama ni lweyi a yendlaka swa ku biha xikarhi ka wena, xipada xa mina xi ta tlomuliwa lomu xi tshamaka kona xi dlaya vanhu hinkwavu ku sukela asul* ku ya norte.* 5 Vanhu hinkwavu va ta swi tiva swaku mina Yehovha, ni tlomule xipada xa mina lomu xi tshamaka kona. A xi nga ha ta tlhelisiwa lomu xi tshamaka kona.”’+

6 “Wena n’wana wa munhu, hefemuteka na u* rhurhumela, hefemuteka swinene phambheni ka vona.+ 7 Loko va ku vutisa va ku: ‘Hi mhaka muni u hefemuteka?’ u ta va hlamula u ku: ‘Hi mhaka ya mahungu lawa ma taka.’ Hikusa ma ta fika naswona timbilu hinkwatu ti ta deretera hi mhaka ya ku chava ni mavoko hinkwawu ma ta lengalenga naswona vanhu hinkwavu va ta xukuvala, matsolo hinkwawu ma ta xiririka mati.*+ ‘Phela ma ta fika naswona leswo swi ta yendleka,’ ku vula Yehovha Hosi Leyikulu.”

8 Yehovha a tlhela a vulavula na mina a ku: 9 “N’wana wa munhu, profeta u ku: ‘Yehovha a li: “Hlaya u ku: ‘Xipada! Xipada+ xi lotiwile xi tlhela xi phatimisiwa. 10 Xi lotiwile leswaku xi dlaya vanhu va vanyingi; xi phatimisiwile leswaku xi phatima ku fana ni ku hatima.’”’”

“A hi fanelanga hi tsaka?”

“‘Indjhe xi ta susa nhonga ya wuhosi ya n’wana wa mina+ ku fana ni leswi xi* nga susa nsinya wun’wani ni wun’wani?

11 “‘Xi nyikiwe munhu swaku a xi phatimisa a tlhela a xi khoma hi voko. Xipada lexi xi lotiwile xi tlhela xi phatimisiwa leswaku xi khomisiwa mudlayi.+

12 “‘Wena n’wana wa munhu, huwelela u tlhela u karhateka+ hikusa xi tele ku ta lwa ni vanhu va mina; xi lwa ni varhangeli hinkwavu va Israyele.+ Va ta hlaseliwa hi xipada ni vanhu va mina. Se bani nenge* wa wena hi mhaka ya ku karhateka. 13 Hikusa ku kambisisiwile,+ se ku ta yendleka yini loko xipada xi susa nhonga ya wuhosi? A yi* nga ha ta va kona,’+ ku vula Yehovha Hosi Leyikulu.

14 “Wena n’wana wa munhu, profeta u ba mavoko u vula kanharhu u ku: ‘Xipada!’ I xipada lexi dlayaka vanhu, xipada lexi dlayetelaka vanhu va vanyingi, lexi va rhendzelaka.+ 15 Timbilu ta vona ti ta deretera hi mhaka ya ku chava+ naswona ku tala ka vona va ta wa ka tinyanghwa ta doropa la vona; ni ta va dlaya hi xipada. Xa phatima ku fana ni ku hatima naswona xi phatimisiwile leswaku xi ta dlaya! 16 Wena xipada lexi nga lotiwa tsema hi ka tlhelo la xinene! U txintxa u tsema hi ka tlhelo la ximatsi! Yana kun’wani ni kun’wani lani u kongomisiwaka kona! 17 Na mina ni ta ba mavoko naswona ku kwata ka mina ku ta pumbeka.+ Mina Yehovha ni vulile.”

18 Yehovha a tlhela a vulavula na mina a ku: 19 “Se wena n’wana wa munhu, yendla tindlela timbirhi leti xipada xa hosi ya le Babilona xi nga ta ta hi tona. Hatimbirhi ti ta huma ka tiko lin’we naswona ku fanele ku vekiwa marka* lomu tindlela ti hambanaka kona loko ti ya ka madoropa hamambirhi. 20 U fanele u yendla ndlela leyi xipada xi nga ta ta hi yona swaku xi ta lwa ni doropa la Vaamoni ku nga Raba,+ ndlela leyin’wani yi va ya ku lwa ni doropa la Yerusalema+ aYuda leli nga ni mimuru ya ku tiya. 21 Hikusa hosi ya le Babilona yi nyimile yi hlahluva lani tindlela letimbirhi ti hambanaka kona. Yi tsekatsekise mimpaxwa.* Yi vutisa swikwembu* swa yona; yi kambisisa xivindzi. 22 Leswi a yi hlahluva hi swona ka voko la yona la xinene swi kombetele aYerusalema. Yi ta veka matlhari ya ku helisa doropa, yi vula rito leswaku ku dlayiwa vanhu, ku yimbeleliwa tinsimu ta nyimpi ni leswaku ku vekiwa matlharhi ya ku helisa tinyanghwa.+ 23 Kambe lava nga funga ka vona* va ta pimisa swaku leswi nga hlahluviwa a hi ntiyiso.+ Kambe hosi ya Babilona yi ta xi khumbuka xidjoho xa vona naswona yi ta va khoma.+

24 “Kutani Yehovha Hosi Leyikulu a li: ‘Mi yendle leswaku xidjoho xa n’wina xi khumbukiwa hi ku kombisa swidjoho swa n’wina ni hi ku yendla leswaku swidjoho swa n’wina swi voneka ka swilo hinkwaswu leswi mi swi yendlaka. Leswi mi nga khumbukiwa, mi ta tekiwa hi nkanu.’*

25 “Kambe siku la wena li fikile wena murhangeli wa ku biha wa Israyele, wena u nga vavisiwa ngopfu,+ wu fikile nkama wa leswaku u khatisiwa ka wugamu. 26 Yehovha Hosi Leyikulu a li: ‘Susa xifunengeto xa nhloko,* u susa harhi.*+ Swilo swi ta txintxa.+ Tlakusa munhu wa xiyimu xa le hansi+ u xixa munhu wa xiyimu xa le henhla.+ 27 Ni ta yi wonhetela, ni yi wonhetela, ni yi wonhetela. A ni nga ta yi nyika munhu anze ku fika lweyi a nga ni mfanelo swaku yi va ya yena+ se ni ta mu nyika yona.’+

28 “Wena n’wana wa munhu, profeta u ku: ‘Yehovha Hosi Leyikulu a vulavulile hi ta Vaamoni ni xirhuku xa vona.’ Vula u ku: ‘Xipada! Xipada xi tlomuliwile leswaku xi dlaya; xi loteliwe ku dlaya naswona xa phatima ku fana ni ku hatima. 29 Hambileswi va nga vona swilo swa mavunhwa ni leswi va nga hlahluva swilo swa mavunhwa hi wena, u ta tlhatekiwa henhla ka vanhu lava nga dlayiwa,* vanhu lava yendlaka swa ku biha lava siku la vona li nga fika, ku nga nkama wa ku khatisiwa ka vona ka wugamu. 30 Tlhelisela xipada ka ndhawu ya xona. Ni ta ku yavanyisa ka ndhawu leyi u nga tumbuluxiwa ka yona, ka tiko leli u taka hi ka lona. 31 Ni ta ku khatisa hi mhaka ya leswi ni nga kwata. Ku kwata ka mina ku ta ku hisa ku fana ni ndzilu naswona ni ta ku nyikela ka mavoko ya vanhu lava nga ni mona, lava swi kotaka ku dlaya vanhu.+ 32 U ta va tihunyi ta ndzilu;+ ngati ya wena yi ta halatiwa atikweni, a wu nga ha ta khumbukiwa hikusa mina Yehovha ni vulile.’”

22 Yehovha a tlhela a vulavula na mina a ku: 2 “Se wena n’wana wa munhu, indjhe u swi lunghekelile ku vula marito ya ku yavanyisa* doropa leli nga ni nandzu wa ngati+ ni ku li tivisa swilo swa lona hinkwaswu swa ku nyenyentsa?+ 3 Hlaya u ku: ‘Yehovha Hosi Leyikulu a li: “Wena doropa leli nga ni nandzu wa ngati,+ leli nkama wa lona wu nga le ku teni,+ leli tiyendlelaka swikwembu swa ku nyenyentsa* leswaku li tichakisa,+ 4 u ni nandzu hi mhaka ya ngati leyi u nga yi halata+ naswona swikwembu wa wena swa ku nyenyentsa swi ku chakisile.+ U hantlisise magamu ya masiku ya wena naswona magamu ya malembe ya wena ma fikile. Hi mhaka leyo ni ta yendla swaku u va xirhuku ka vanhu va matiko ni xipoyilo ka matiko hinkwawu.+ 5 Matiko lawa ma nga kusuhi ni lawa ma nga kule na wena ma ta ku poyila,+ wena lweyi vito la wena li nga chaka naswona u nga ni hasahasa. 6 Phela murhangeli mun’wani ni mun’wani wa Israyele xikarhi ka wena a tirhisa matimba ya yena swaku a halata ngati.+ 7 Vanhu a va va hloniphanga vapsali va vona.+ Va kanganyise vanhu va matiko man’wani naswona va hluphe n’wana lweyi a kalaka a nga na papayi* ni wansati lweyi a nga feliwa hi nuna.”’”+

8 “‘U ti tekele hansi tindhawu ta mina ta ku kwetsima naswona a wu ti hloniphanga tisavata ta mina.+ 9 Xikarhi ka wena ku ni valumbeti lava nga tinyimisela ku halata ngati.+ Va dla magandzelo ka tintshava ta wena naswona va tama va yendla swilo swa tingana.+ 10 Xikarhi ka wena vanhu va yetlela ni nsati wa papayi wa vona+ naswona va pfinya wansati lweyi a nga ka masiku ya yena.+ 11 Xikarhi ka wena, wanuna a yetlela ni nsati wa wanuna mun’wani,+ mun’wani a yendla swa tingana hi ku yetlela ni nsati wa n’wana wa yena+ naswona mun’wani a pfinya makwavu wa yena wa xisati, ku nga n’wana wa ntombhi wa papayi wa yena.+ 12 Xikarhi ka wena vanhu va pfumela ku xaviwa leswaku va halata ngati.+ U lombisa hi ku lava ku kuma majuru*+ naswona u tekela van’wani male hi nkanu.+ U ni khohlwile swa wugamu,’ ku vula Yehovha Hosi Leyikulu.

13 “‘Phela ni ba mavoko na ni nyenyentsekile hi mhaka ya leswi u kumaka minchumu hi ndlela ya ku kanganyisa ni hi mhaka ya ngati leyi nga halatiwa xikarhi ka wena. 14 Indjhe mbilu ya wena yi ta tiyisela ni mavoko ya wena ma ta va ni matimba ka masiku lawa ni nga ta yendla xanchumu swaku ni lwa na wena?+ Mina Yehovha ni vulile naswona ni ta yendla xanchumu. 15 Ni ta ku hangalasa xikarhi ka matiko ni ku yisa ka matiko man’wani+ naswona ni ta helisa swilo swa chaka leswi u nga swi yendla.+ 16 A wu nga ha ta hloniphiwa xikarhi ka matiko, kutani u ta swi tiva swaku hi mina Yehovha.’”+

17 Yehovha a tlhela a vulavula na mina a ku: 18 “N’wana wa munhu, Vayisrayele va fana ni chaka ka mina. Hinkwavu i kobre, xitanyu, nsimbi ni muthofu, leswi nga hoxiwa axitikweni. Va fana ni chaka leli salaka loko ku dereterisiwa prata.+

19 “Se Yehovha Hosi Leyikulu a li: ‘Leswi hinkwenu mi fanaka ni chaka,+ na mi hlengeleta aYerusalema. 20 Ku fana ni leswi prata, kobre, nsimbi, muthofu ni xitanyu swi hlengeletisiwaka swona axitikweni leswaku swi hisiwa swi gama swi deretera, na mina ni ta mi hlengeleta na ni kwatile ni mi pfurhetela ni mi dereterisa.+ 21 Ni ta mi hlengeleta ka ndhawu yin’we ni mi pfurhetela hi ndzilu wa ku kwata ka mina,+ kutani mi ta dereterisiwa ka doropa la n’wina.+ 22 Ku fana ni leswi prata li dereterisiwaka axitikweni, na n’wina mi ta dereterisiwa ka doropa la n’wina; mi ta swi tiva swaku mina Yehovha ni chulule ku kwata ka mina ka n’wina.’”

23 Yehovha a tlhela a vulavula na mina a ku: 24 “N’wana wa munhu byela doropa la Yerusalema u ku: ‘U tiko leli nga ta kala li nga basisiwi kumbe ku neliwa hi mpfula hi siku la ku kwata ka mina. 25 Vaprofeta va wena va hambe maplanu* ya ku yendla swa ku biha+ ku fana ni nghonyama leyi bongaka yi hahlulela xiharhi.+ Va dlayetela vanhu. Va teka xuma ni swilo swa lisima. Va yendle swaku ku va ni vavasati va vanyingi lava nga feliwa hi vanuna va vona. 26 Vaprista va yena a va wu yingisanga nawu wa mina,+ va tama va chakisa tindhawu ta mina ta ku kwetsima.+ A va swi hambanisi swilo swa ku kwetsima ni leswi nga toloveleka,+ va tsandzeka ku byela vanhu swilo leswi nga basa ni leswi kalaka swi nga basanga+ naswona va yala ku hlayisa tisavata ta mina, naswona va ni chakisa. 27 Varhangeli lava nga xikarhi ka yena va fana ni mahlolwa* lawa ma hahlulelaka xiharhi; va halata ngati ni ku dlaya vanhu swaku va kuma minchumu hi ndlela ya ku kanganyisa.+ 28 Vaprofeta va yena va fihle mintirho ya vona ya ku biha ku fana ni khumbi leli nga pendiwa hi pendi la ku basa. Va vona swilo* swa mavunhwa ni ku hlahluva mavunhwa,+ se va ku: “Yehovha Hosi Leyikulu a li,” kuve Yehovha a nga vulanga nchumu. 29 Vanhu va tiko va yendle wukanganyisi va tlhela va tekela vanhu swilo swa vona,+ va xanise xisiwana ni lweyi a pfumalaka, va kanganyise munhu wa tiko lin’wani naswona a va nga mu khomi kahle.’

30 “‘A ni lava munhu xikarhi ka vona lweyi a nga ta lunghisa muru lowu nga yendliwa hi maribye kumbe a nyima phambheni ka mina, hi lani muru wu nga pandzeka hi kona leswaku tiko li nga helisiwi+ kambe a ni kumanga munhu. 31 Kutani ni ta va chululela ku kwata ka mina, ni va helisa hi ndzilu wa ku kwata ka mina. Ni ta va khoma hi ku ya hi leswi va nga swi yendla,’ ku vula Yehovha Hosi Leyikulu.”

23 Yehovha a tlhela a vulavula na mina a ku: 2 “N’wana wa munhu, a ku ni vavasati vambirhi lava a va li vana va wansati mun’we.+ 3 Va tiyendle tinghwavani aGibita;+ va ve tinghwavani ku sukela loko va ha li majovhem. Mavele ya vona ma khomakhomiwile kolanu naswona va lahlekeliwe hi wuntombhi la vona. 4 Vito la lweyi wamukulu a ku li Ohola* kasi vito la lweyi wamutsongo a ku li Oholiyabu.* Kutani ni va teka va va vasati va mina se va psala vana va madjaha ni va tintombhi. Ohola i Samariya+ kasi Oholiyabu i Yerusalema.

5 “Ohola a sungule ku tiyendla nghwavani+ na wa ha na mina. A navele lava a a rhandzana na vona,+ ku nga Vaasiriya lava a va li kusuhi na yena.+ 6 A va li vagovhernadori lava nga yambala mpahla ya azuli ni varhangeli, madjaha hinkwawu ya ku saseka lawa ma fambaka hi makavhalu ya wona. 7 A tame a yendla wunghwavani ni hinkwavu lava a nga va langa, ku nga Vaasiriya naswona a tichakise+ hi swifaniso swa ku nyenyentsa* swa lava a a navela ku famba masangu na vona. 8 A nga li tshikanga wunghwavani leli a nga li yendla Gibita, hikusa va yetlele na yena na wa ha li jovhem, va wonhe wuntombhi la yena hi ku famba masangu na yena.+ 9 Se ni mu nyikele ka lava a a rhandzana na vona, ku nga Vaasiriya,+ lava a a navela ku famba masangu na vona. 10 Va mu siye na a nga yambalanga nchumu+ va teka vana va yena va madjaha ni va tintombhi,+ va gama va mu dlaya hi xipada. A dume hi swilo swa ku biha xikarhi ka vavasati naswona va mu yavanyisile.

11 “Nkama makwavu wa yena Oholiyabu a nga swi vona, ndlela leyi a a swi navela hi yona ku famba masangu yi kulile yi tlhela yi biha ngopfu naswona wunghwavani la yena li ve likulu ku tlula la makwavu.+ 12 A navele ku famba masangu ni Vaasiriya,+ lava nga vavhizinyu va yena, vagovhernadori ni varhangeli lava nga yambala mpahla ya ku saseka hintamu lava fambaka hi makavhalu, ku nga madjaha hinkwawu ya ku saseka. 13 Nkama na a tichakisa, ni tsumbule swaku hiwumbirhi ka vona a va ni mahanyelo ya ku fana.+ 14 Kambe a tame a yendla wunghwavani. A vonetele ni vavanuna lava nga tsaliwa ka khumbi, ku nga swifaniso swa Vakalidiya leswi nga tsaliwa swi tlhela swi pendiwa hi pendi la ku pshuka, 15 na va bohe mabandhi ka masenge, va veke swifunengeto* ka tinhloko ta vona, va tikomba na va fana ni masonchwa, hinkwavu ka vona va nyimela vanhu va le Babilona, lava nga psaliwa ka tiko la Vakalidiya. 16 Nkama a nga va vona a sungule ku navela ku famba masangu na vona, kutani a rhumela vanhu ka vona aKalidiya.+ 17 Vababilona a va tshamela ku ta ka yena, va famba masangu na yena va mu chakisa. Loko se va mu chakisile a va tshikile na a nyenyentsekile.

18 “Loko a tama a yendla wunghwavani la yena na a nga chavi nchumu ni ku sala na a nga yambalanga nchumu,+ ni mu tshikile hi mhaka ya ku nyenyentseka ku fana ni leswi ni nga mu tshikisa xiswona makwavu wa yena na ni nyenyentsekile.+ 19 A tame a yendla wunghwavani,+ a khumbuka masiku ya wujovhem la yena na a yendla wunghwavani ka tiko la Gibita.+ 20 A navele ku famba masangu ni lava a a rhandzana na vona ku fana ni vavasati vavatsongo* lava vanuna va vona va nga ni swirho swa xinuna swa ku fana ni swa mbongolo ni lava swirho swa vona swa xinuna swi fanaka ni swa makavhalu. 21 U swi navele hintamu ku yendla swa tingana na wa ha li jovhem aGibita+ loko va ku khomakhoma mavele, mavele ya wujovhem la wena.+

22 “Se wena Oholiyabu, Yehovha Hosi Leyikulu a li: ‘Ni yendla swaku lava u nga rhandzana na vona+ lava u nga va tshika hi mhaka ya ku nyenyentseka, va lwa na wena ku sukela ka matlhelo hinkwawu,+ 23 Vababilona+ ni Vakalidiya hinkwavu,+ vavanuna va le Pekodi,+ Xowa, Kowa ku patsa ni Vaasiriya hinkwavu. Hinkwavu i madjaha ya ku saseka, vagovhernadori ni varhangeli, tinhenha ni vavanuna lava nga langiwa, hinkwavu na va li ka makavhalu. 24 Va ta ku hlasela hi tinyolo* ta tinyingi ta nyimpi ni masonchwa ya manyingi lama nga khoma swivhikelo swaswikulu ni swaswitsongo na ma yambale ni makapaseti ya nyimpi. Ma ta ku rhendzela naswona ni ta ma pfumelela swaku ma ku yavanyisa, ma ta ku yavanyisa ku rhandza.+ 25 Ni ta ku komba leswi ni nga kwatisa xiswona naswona ma ta lwa na wena hi ndlela ya mona. Ma ta ku tsema nhompfu ni tindleve naswona lava nga ta pona va ta dlayiwa hi xipada. Ma ta teka vana va wena va madjaha ni va tintombhi naswona lava nga ta pona va ta hisiwa hi ndzilu.+ 26 Ma ta ku hlivila mpahla+ ma tlhela ma ku tekela ni swilo leswi u tisasekisaka hi swona.+ 27 Ni ta yendla swaku u tshika ku yendla swilo swa tingana ni wunghwavani+ leli u nga li sungula ka tiko la Gibita.+ U ta tshika ku va txuvuka naswona a wu nge he li khumbuki tiko la Gibita.’

28 “Yehovha Hosi Leyikulu a li: ‘Ni kusuhi ni ku ku nyikela ka lava u va nyenyaka, lava u nga va tshika hi mhaka ku nyenyentseka.+ 29 Va ta lwa na wena hi ndlela ya mona, va ku tekela swilo leswi u nga swi tirhela hi matimba,+ va ku siya na u nga yambalanga nchumu. Mahanyelo ya wena ya ku biha lama danisaka ni ya tingana ni wunghwavani la wena swi ta tiviwa hi vanhu hinkwavu.+ 30 U ta humeleliwa hi swilo leswi hinkwaswu hi mhaka ya leswi u landzelelaka matiko ku fana ni nghwavani+ hikusa u tichakise hi swifaniso swa vona swa ku nyenyentsa.+ 31 Leswi u nga tikhoma ku fana ni makwenu wa wena,+ ni ta ku yavanyisa ku fana na yena ku fana ni kopo ya vhinyu leyi ni nga mu nyika yona.’+

32 “Yehovha Hosi Leyikulu a li:

“Hikusa ni vulavulile,” ku vula Yehovha Hosi Leyikulu.’

35 “Kutani Yehovha Hosi Leyikulu a li: ‘Leswi u nga ni khohlwa u tlhela u ni tshika,+ u ta tihlamulela hi mhaka ya mahanyelo ya wena ya tingana ni hi mhaka ya wunghwavani la wena.’”

36 Yehovha a ni byela a ku: “N’wana wa munhu, famba u ya yavanyisa Ohola na Oholiyabu+ u va byela swilo swa ku nyenyentsa leswi va swi yendlaka. 37 Va mbuyete+ ni swikwembu swa vona swa ku nyenyentsa naswona mavoko ya vona ma tale ngati. A va yo mbuyeta ntsena kambe va tlhele va hisa ni vana va vona hi ndzilu lava va nga ni psalela vona, va va yendla swakudla swa swikwembu swa vona.+ 38 Naswona va tlhele va ni yendla leswi: Va chakise ndhawu ya mina leyi kwetsimaka naswona a va ti hloniphanga tisavata ta mina. 39 Hi siku lolelo nkama va nga heta ku dlaya vana va vona va yendlela swikwembu swa vona swa ku nyenyentsa magandzelo hi vona,+ va game va ta ka ndhawu ya mina leyi kwetsimaka va fika va yi chakisa.+ Va yendle leswo phakati ka yindlo ya mina. 40 Va tlhela va rhuma vanhu swaku va ya vitana vanhu va le kule.+ Nkama na va li ku teni, wena Oholiyabu u hlambile u tipenda matihlo u tlhela u tisasekisa.+ 41 U gama u tshama ka xitulu xa ku saseka+ lexi phambheni ka xona a ku ni meza+ lowu u nga veka swinun’hwelisu* swa mina+ ni mafurha ya mina ka wona.+ 42 A ku twakala marito ya vanhu lava nga tsaka, xikarhi ka vona a ku ni swidakwa leswi a swi ta hi mananga. Va vekele mapulsera ka mavoko ya vavasati ni tiharhi* ta ku saseka ka tinhloko ta vona.

43 “Se ni vulavule hi ta lweyi a a hlakatiwe hi ku mbuyeta ni ku: ‘A ta tama a yendla wunghwavani la yena.’ 44 Va tame va mu yela, ku fana ni munhu lweyi a yaka ka nghwavani. Va mu yelise swoleswo Ohola na Oholiyabu, vavasati lava nga ni mahanyelo ya tingana. 45 Kambe vavanuna va ku lulama va ta mu yavanyisa hi ku ya hi mintirho ya yena, ku nga ku mbuyeta+ ni ku halata ngati;+ hikusa i tinghwavani naswona mavoko ya vona ma tale hi ngati.+

46 “Yehovha Hosi Leyikulu a li: ‘Ku ta tisiwa masonchwa lama nga ta lwa na vona, minchumu ya vona yi ta tekiwa naswona vanhu va ta sala na va tsemeke nhlana.+ 47 Masonchwa ma ta va ba hi maribye+ ma tlhela ma va tsemelela hi swipada. Ma ta dlaya vana va vona+ ma tlhela ma hisa tiyindlo ta vona hi ndzilu.+ 48 Ni ta helisa mahanyelo ya wena ya tingana atikweni naswona leswo swi ta djondzisa vavasati hinkwavu, a va nge ma tekeleli mahanyelo ya wena ya tingana.+ 49 Va ta ku khoma hi ku ya hi mahanyelo ya wena ya tingana ni swidjoho leswi u nga swi yendla ni swikwembu swa wena swa ku nyenyentsa; u ta swi tiva swaku hi mina Yehovha Hosi Leyikulu.’”+

24 Yehovha a tlhela a vulavula na mina hi siku la wu 10, ka wheti ya wu 10, hi lembe la wu 9 a ku: 2 “N’wana wa munhu, li tsale hansi siku* leli. Hi siku leli, hosi ya Babilona yi sungule ku hlasela doropa la Yerusalema.+ 3 Li byeli xifananiso* tiko leli li nga ni terekela, u vula leswi hi lona:

“‘Yehovha Hosi Leyikulu a li:

“Tseleka panela; li tseleke ka ndzilu u li chela mati.+

 5 Teka nyempfu yayinene ngopfu,+ u tshivela tihunyi matlhelweni ka panela.

U gama u sweka nyama ni marhambu ya yona.”’

6 “Kutani Yehovha Hosi Leyikulu a li:

‘Khombo ka doropa leli halataka ngati,+ panela leli nga kurha,* leli ku kurha ka lona ku kalaka ku nga susiwanga!

Humesa nyama hinkwayu ka lona;+ naswona u nga hoxi swiribyani* leswaku u langa leyi u nga ta yi humesa.

 7 Hikusa ngati ya yona yi le ndzeni ka yona;+ doropa li yi chulule henhla ka ribye.

A li yi chululanga misaveni leswaku yi seleteliwa hi misava.+

9 “Se Yehovha Hosi Leyikulu a li:

‘Khombo ka doropa leli halataka ngati!+

Ni ta hlengeleta nyandza yayikulu ya tihunyi.

Ku chaka ka lona ku ta dereterela ndzeni ka lona+ ni ku kurha ka lona ku ta hela.

Li hoxe ka ndzilu ni ku kurha ka lona!’

13 “‘U chakisiwe hi mahanyelo ya ku nyenyentsa.+ Ni zame ku ku basisa kambe a wu basi. A wu nga ta basa anze ku kwata ka mina ku pumbeka.+ 14 Mina Yehovha ni swi vulile. Swilo leswi swi ta yendleka. Ni ta yendla xanchumu na ni nga kanakani naswona a ni nga ta va ni ntwelawusiwana kumbe ku tisola.+ Va ta ku yavanyisa hi ku ya hi mintirho ya wena,’ ku vula Yehovha Hosi Leyikulu.”

15 Yehovha a tlhela a vulavula na mina a ku: 16 “N’wana wa munhu, lweyi u mu rhandzaka ni ta mu dlaya hi ku tsopeta ka tihlo.+ A wu fanelanga u xukuvala kumbe u rila. 17 Konya na u miyelile naswona u nga yendli leswi yendliwaka loko ku riliwa munhu lweyi a nga fa.+ Yambala xifunengeto xa nhloko*+ ni masandaliya ya wena.+ A wu fanelanga u timbhonya malepfu ya le henhla ka nomo+ naswona u nga dli pawu leli u nga tiseliwa lona hi vanhu van’wani.”*+

18 Ni vulavule ni vanhu nimixo se nsati wa mina a fa nimadlambu. Kutani hi mundzuku ka kona nimixo ni yendla leswi ni nga rhumiwa ku swi yendla. 19 Se vanhu va ni byela va ku: “Hi byeli swaku hina hi nghena kwini ka leswi u swi yendlaka.” 20 Ni va hlamule ni ku: “Yehovha a vulavule na mina a ku: 21 ‘Byela Vayisrayele u ku: “Yehovha Hosi Leyikulu a li: ‘Ni ta chakisa ndhawu ya mina leyi kwetsimaka ku nga li khale,+ ku nga ndhawu leyi mi tibumaka swinene hi yona, ndhawu leyi nga ya lisima ka n’wina ni leyi mi yi rhandzaka hi mbilu hinkwayu. Vana va n’wina lava mi nga va siya va ta dlayiwa hi xipada.+ 22 Kutani mi ta boheka ku yendla swa ku fana ni leswi ni nga swi yendla. A mi nga ta ma mbhonya malepfu ya le henhla ka nomo naswona a mi nga ta li dla pawu leli mi nga tiseliwa lona hi vanhu van’wani.+ 23 Mi ta yambala xifunengeto xa nhloko naswona mi ta yambala masandaliya. A mi nga ta xukuvala kumbe mi rila. Mi ta wonha wutomi la n’wina mi karhalisiwa hi swihoxo swa n’wina+ naswona mi ta konya na mi txuvukana. 24 Ezekiyele a ve xikombiso ka n’wina.+ Mi ta yendla swa ku fana ni leswi a nga swi yendla. Loko swi yendleka, mi ta swi tiva swaku hi mina Yehovha Hosi Leyikulu.’”’”

25 “Se wena n’wana wa munhu, siku leli ni nga ta va tekela lexi va tivhikelaka hi xona, ku nga ndhawu ya ku saseka leyi va tsakisaka, ndhawu leyi nga ya lisima ka vona leyi va yi rhandzaka hi mbilu ya vona hinkwayu ku patsa ni vana va vona,+ 26 ku ta ta munhu lweyi a nga pona a ta ku byela.+ 27 Hi siku lolelo u ta pfula nomo wa wena u vulavula ni munhu lweyi a nga pona, a wu nga ha ta tsandzeka ku vulavula.+ U ta va xikombiso ka vona, se va ta swi tiva swaku hi mina Yehovha.”

25 Yehovha a tlhela a vulavula na mina a ku: 2 “N’wana wa munhu, txuvuka ka Vaamoni+ u gama u profeta leswi lwisanaka na vona.+ 3 U fanele u hlaya leswi hi Vaamoni: ‘Yingisani leswi Yehovha Hosi Leyikulu a swi hlayaka. Yehovha Hosi Leyikulu a li: “Leswi mi nga te: ‘Ahaa,’ nkama ndhawu ya mina leyi kwetsimaka yi nga chakisiwa, nkama tiko la Israyele li nga sala na li hohlokelile* ni nkama tiko la Yuda li nga yisiwa wukaraweni, 4 ni ta mi nyikela ka vanhu va le Wuxeni leswaku va mi fuma. Va ta gwimba matende ya vona xikarhi ka n’wina. Va ta dla mihandzu ya n’wina va tlhela va phuza leiti la n’wina. 5 Tiko la Raba+ ni ta li yendla ndhawu leyi makamela ma dlelaka ka yona, tiko la Vaamoni li ta va ndhawu leyi mintlhambi yi humulaka ka yona; mi ta swi tiva swaku hi mina Yehovha.”’”

6 “Hikusa Yehovha Hosi Leyikulu a li: ‘Leswi mi nga ba mavoko+ mi tlhela mi ba hansi hi minenge, mi li poyilela swinene tiko la Israyele na mi tsakile,+ 7 ni ta tlakusa voko la mina ni mi nyikela ka matiko ku fana ni nchumu lowu nga tekiwa. Ni ta mi dlaya xikarhi ka vanhu, ni mi helisa ka matiko.+ Ni ta mi helisa, se mi ta swi tiva swaku hi mina Yehovha.’

8 “Yehovha Hosi Leyikulu a li: ‘Leswi Mowabu+ na Seyiri+ va nge te: “Phela tiko la Yuda li fana ni matiko laman’wani hinkwawu,” 9 ni ta yendla swaku madoropa lama nga lomu Mowabu a tsemaka hi kona ma hlaseliwa, ku patsa ni madoropa yamanene ngopfu ya tiko leli, ku nga Beti-Yeximoti, Bali-Meyoni hambi na Kiriyatayimi.+ 10 Ni ta nyikela tiko lolelo ni Vaamoni swaku va fumiwa hi vanhu va le Wuxeni,+ swaku Vaamoni va nga ha khumbukiwi xikarhi ka matiko.+ 11 Ni ta yavanyisa Mowabu+ kutani va ta swi tiva swaku hi mina Yehovha.’

12 “Yehovha Hosi Leyikulu a li: ‘Edomu a tlheliselile ka tiko la Yuda kutani a tivangela nandzu wawukulu hi ku va hakelisa;+ 13 se Yehovha Hosi Leyikulu a li: “Ni ta tlhela ni tlakusa voko la mina ni lwa na Edomu, ni ta dlaya vanhu ni swifuyu swa yena, ni ta mu siya na a hohlokelile.*+ Va ta dlayiwa hi xipada ku sukela aTemani anze aDedani.+ 14 ‘Ni ta mu hakelisa Edomu hi ku tirhisa vanhu va mina ku nga Vayisrayele.+ Va ta tisa ku kwata ka mina ka kukulu henhla ka Edomu, leswaku a ta vona ku hakelisa ka mina,’+ ku vula Yehovha Hosi Leyikulu.”’

15 “Yehovha Hosi Leyikulu a li: ‘Leswi Vafilista a va va nyenya hintamu Vayisrayele va lave ku va hakelisa ni ku va helisa hi ndlela ya mona.+ 16 Se Yehovha Hosi Leyikulu a li: “Ni tlakusa voko la mina swaku ni lwa ni Vafilista,+ ni ta helisa Vakereti+ naswona ni ta helisa lava nga sala lava tshamaka kusuhi ni lwandle.+ 17 Ni ta va hakelisa hi ku va khatisa hi ndlela ya ku vava, kutani va ta swi tiva swaku hi mina Yehovha nkama ni nga ta va hakelisa.”’”

26 Hi lembe la wu 11, hi siku la ku sungula la wheti, Yehovha a vulavule na mina a ku: 2 “N’wana wa munhu, leswi Tiru a nga vulavula hi Yerusalema+ a ku: ‘Ahaa! Nyanghwa wa vanhu wu tshoviwile!+ Hinkwaswu swi ta kumiwa hi mina naswona leswi a nga helisiwa swoswi ni ta ganya;’ 3 Yehovha Hosi Leyikulu a li: ‘Ni lwa na wena Tiru naswona ni ta tisa matiko ya manyingi swaku ma ta lwa na wena, ku fana ni leswi lwandle li swi yendlaka loko li humesa magandlati ya lona. 4 Ma ta dilizela mimuru ya Tiru, ma wisa maprediyu* ya yena;+ ni ta susa misava ka yena ni mu yendla ribye la ku phatima leli kalaka li nga na nchumu. 5 A ta va ndhawu ya ku womisa maredi axikarhi ka lwandle.’+

“‘Hikusa mina Yehovha ni swi vulile, a ta va nchumu lowu xololiwaka hi matiko, a ta va nchumu lowu tekiwaka hi matiko. 6 Swidoropani* leswi nga kusuhi na yena swi ta dlayiwa hi xipada, se vanhu va ta swi tiva swaku hi mina Yehovha.’

7 “Hikusa Yehovha Hosi Leyikulu a li: ‘Ni ta tisa Nebukadinazara* hosi ya le Babilona lweyi a taka hi norte*+ swaku a ta lwa ni doropa la Tiru; i hosi ya tihosi+ leyi nga ni makavhalu,+ tinyolo* ta nyimpi,+ vafambisi va makavhalu ni masonchwa ya manyingi. 8 A ta helisa swidoropani leswi nga kusuhi na wena hi xipada, a ta yaka muru wu ku rhendzela a tlhela a yaka ni prediyu lomu masonchwa ma nga ta hlasela na ma li kona a tlhela a yendla ni xivhikelo xaxikulu swaku a ku hlasela. 9 A ta diliza mimuru ya wena hi matlharhi lama kotaka ku diliza khumbi naswona a ta wisa maprediyu ya wena hi mabewula* ya yena. 10 Makavhalu ya yena ma ta va manyingi swinene lakakuva u ta mbhonyiwa hi wuthulu la wona naswona guwa la vafambisi va makavhalu, guwa la maroda ni la makalichi li ta tsekatsekisa mimuru ya wena loko a nghena ka tinyanghwa ta wena, ku fana ni vavanuna lava hlaselaka doropa leli nga ni mimuru leyi nga wa. 11 Minenge ya makavhalu ya yena yi ta kandzihetela switaratu swa wena hinkwaswu;+ a ta dlaya vanhu va wena hi xipada naswona mapilari ya wena ya ku tiya ma ta wetetela hansi. 12 Va ta teka tshomba la wena, va teka nhundzu ya wena,+ va dilizela mimuru ya wena, va wisa ni tiyindlo ta wena ta ku saseka; se maribye ya wena ni swilo swa wena leswi nga yendliwa hi timhandzi ni misava ya wena va ta swi txukumeta ka mati.’

13 “‘Ni ta helisa guwa la tinsimu ta wena, naswona guwa la tiharipa ta wena a li nga ha ta twiwa.+ 14 Ni ta ku yendla ribye leli phatimaka leli kalaka li nga na nchumu naswona u ta va ndhawu ya ku womisa maredi.+ A wu nge he tlheli u yakiwa, hikusa mina Yehovha ni swi vulile,’ ku vula Yehovha Hosi Leyikulu.

15 “Yehovha Hosi Leyikulu a byela Tiru a ku: ‘Indjhe swihlala* a swi nga ta tsekatseka nkama swi nga ta twa guwa la ku wa ka wena, nkama lava fetetelaka* va nga ta konya ni nkama vanhu va dlayeteliwaka xikarhi ka wena?+ 16 Varhangeli hinkwavu va le lwandle va ta xika ka switshamu swa vona swa wuhosi, va hlivila mpahla ya vona ya ku leha ni mpahla ya vona leyi nga sasekiseliwa va gama va rhurhumela. Va ta tshama hansi va rhurhumela nkama hinkwawu, va ku txuvuka hi ku hlamala.+ 17 Va ta ku yimbelelela lisimu la xirilo+ va ku:

19 “Hikusa Yehovha Hosi Leyikulu a li: ‘Loko ni ku helisa ku fana ni madoropa lama nga hohlokela,* loko ni ku mbhonya hi mati ya manyingi lama nga ni matimba,+ 20 ni ta ku yehlisa sirheni ku fana ni leswi ni nga swi yendla ka vanhu lavan’wani hinkwavu lomu vanhu lava nga fa khale va nga kona; ni ta yendla swaku u tshama ka ndhawu ya le hansi swinene, ku fana ni tindhawu tin’wani leti nga helisiwa khale, xikan’we ni lava yaka sirheni,+ leswaku ku nga ha tshami munhu ka wena. Kutani ni ta sasekisa tiko la lava hanyaka.

21 “‘Hi ku tsopeta ka tihlo ni ta yendla swaku u chava swinene, a wu nga ha ta va kona.+ Va ta ku lava kambe a wu nga ha ta kumeka,’ ku vula Yehovha Hosi Leyikulu.”

“Wena Tiru u te: ‘Ni saseke swa wugamu.’+

 8 Lava tshamaka aSidoni ni lava tshamaka aAvhadi+ hi vona a va li vatluti* va wena.

Wena Tiru, vatluti va wena a ku li vanhu va wena lava wu tivaka kahle ntirho wa vona.+

 9 Vavanuna* va le Jebali+ lava nga ni xiperiyensa* ni wutlharhi hi vona va nga lema maboti ya wena swaku ma nga ngheni mati.+

Maboti hinkwawu ya le lwandle ni vafambisi va wona a va ta ka wena swaku mi ta xaviselana minchumu.

10 Vavanuna va le Persiya, Ludi ni Puti+ a va li xikarhi ka masonchwa ya wena, a va li vavanuna va wena va nyimpi.

Va hayeke swivhikelo swa vona ni makapaseti ya vona ya nyimpi ka wena, va ku tisela ku dzuneka.

12 “‘“Tarxixi+ a yendle negosiyu na wena hi mhaka ya leswi u nga ganya.+ Va ku nyike prata, nsimbi, xitanyu ni muthofu, se wena u va nyika nhundzu ya wena.+ 13 Yavhani, Tubali+ na Mixeke,+ va xaviselane swilo na wena, va ku nyike swikarawa+ ni swilo leswi nga yendliwa hi kobre se wena u va nyika nhundzu ya wena. 14 Vatukulu va Torgama+ va ku nyike makavhalu ni timbongolo* se wena u va nyika nhundzu ya wena. 15 Vanhu va le Dedani+ a va xaviselana minchumu na wena; a wu ni vaxavisi ka swihlala swa swinyingi lava a va ku tirhela; va ku nyika matinyu ya tindlopfu+ ni timhandzi ta ntima ta lisima swaku va hakela rhesa* ka wena. 16 Edomu a yendle negosiyu na wena hi mhaka ya leswi u nga ni nhundzu ya yinyingi. Va ku nyike maribye ya lisima lama vitaniwaka turkesa, tipanu ta mavoya ta ku pshuka, tipanu leti nga sasekiseliwa ta tikorikori, tipanu ta ku vevuka, tikorali* ni maribye ya lisima ya ku pshuka lama vitaniwaka rubi se wena u va nyika nhundzu ya wena.

17 “‘“Yuda ni tiko la Israyele va xaviselane minchumu na wena, va ku nyike trigu la le Miniti,+ swakudla swa xiyimu xa le henhla, wulombe,+ mafurha ni balsamu+ se wena u va nyika nhundzu ya wena.+

18 “‘“Damaxka+ a yendle negosiyu na wena hi mhaka ya ku tala ka swilo leswi a wu swi yendla ni tshomba la wena; a ku nyike vhinyu la le Eliboni ni tipanu ta ku yendliwa hi mavoya ta le Zahara.* 19 Vhedani na Yavhani va le Uzali va ku nyike nsimbi, nsinya wa kasiya* ni tinhlanga* se wena u va nyika nhundzu ya wena. 20 Dedani+ a ku xavisele tipanu leti kapekiwaka henhla ka swifuyu swaku ku tshamiwa ka tona. 21 U thole Vaarabiya ni varhangeli hinkwavu va le Kedari,+ lava a va xavisa swinyempfani, tinyempfu ni timbuti.+ 22 Vaxavisi va le Xeba ni va le Rhama+ a va xaviselana minchumu na wena; va ku nyike mixaka hinkwayu ya maperfumi yamanene, maribye ya lisima ni woru se wena u va nyika nhundzu ya wena.+ 23 Harani,+ Kane, Edeni,+ vaxavisi va le Xeba,+ Asuri+ na Kilimadi a va xaviselana minchumu na wena. 24 Ka mabazara ya wena a va xavisa mpahla ya ku saseka, mpahla leyi nga yendliwa hi tipanu ta azuli, tipanu leti nga sasekiseliwa ta tikorikori ni matapeti ya tikorikori, hinkwaswu na swi bohiwe hi magoda.

28 Nkama lava ku tlutaka va nga ta huwelela, matiko lama nga kusuhi ni lwandle ma ta tsekatseka.

32 Nkama va rilaka va ta ku yimbelelela lisimu la xirilo va ku:

‘I mani lweyi a fanaka na Tiru, lweyi swoswi a nga miyela phakati ka lwandle?+

33 Loko nhundzu ya wena yi huma alwandle, u tsakise vanhu va vanyingi.+

Tshomba la wena la linyingi ni nhundzu ya wena swi ganyise tihosi ta misava.+

36 Vaxavisi va le matikweni man’wani va ta ku bela noti hi mhaka ya leswi nga ku humelela.

28 Yehovha a tlhela a vulavula na mina a ku: 2 “N’wana wa munhu, byela murhangeli wa Tiru u ku: ‘Yehovha Hosi Leyikulu a li:

“Leswi mbilu ya wena yi nga titlakusa,+ u tshamela ku vula u ku: ‘Ni xikwembu.

Ni tshama ka xitshamu xa wuhosi xa xikwembu axikarhi ka lwandle.’+

 3 Phela u tlharihile ku tlula Daniyele.+

A ku na swihundla leswi u nga tumbeteliwa swona.

6 “‘Se Yehovha Hosi Leyikulu a li:

 9 Wa ha ta vula u ku: ‘Ni xikwembu,’ ka lweyi a ku dlayaka?

A wu nga ta va xikwembu, u to va munhu ntsena, ka mavoko ya lava ku chakisaka.”’

11 Yehovha a tlhela a vulavula na mina a ku: 12 “N’wana wa munhu, yimbelela lisimu la xirilo u yimbelelela hosi ya Tiru, u ku: ‘Yehovha Hosi Leyikulu a li:

13 A wu li aEdeni, ka jardim la Xikwembu.

Ni ma lulamisele hi siku leli ni nga ku vumba hi lona.

14 Ni ku langile ni tlhela ni ku veka swaku u va kerubu leli vhikelaka.

A wu li ka ntshava ya ku kwetsima ya Xikwembu,+ a wu fambafamba xikarhi ka maribye lama pfurhaka.

17 Mbilu ya wena yi titlakusile hi mhaka ya ku saseka ka wena.+

U wonhe wutlharhi la wena hi mhaka ya ku phatima ka wena kakukulu.+

Ni ta ku txukumeta misaveni.+

Ni ta yendla leswaku tihosi ti ku txuvukisela.

18 U chakise tindhawu ta wena ta ku kwetsima hi mhaka ya swidjoho swa wena swaswikulu ni hi mhaka ya manegosiyu ya wena ya wukanganyisi.

Ni ta yendla swaku ku va ni ndzilu axikarhi ka wena, kutani wu ta ku hisa.+

Ni ta ku yendla u va nkuma henhla ka misava phambheni ka hinkwavu lava nga ku txuvuka.

19 Hinkwavu lava a va ku tiva xikarhi ka vanhu va ta ku txuvuka na va hlamala.+

20 Yehovha a tlhela a khuluma na mina a ku: 21 “N’wana wa munhu, txuvuka aSidoni+ u profeta leswi lwisanaka na yena. 22 U fanele u ku: ‘Yehovha Hosi Leyikulu a li:

23 Ni ta rhumela ntungu ka yena naswona ngati yi ta tala ka switaratu swa yena.

24 “‘“Vanhu va le Israyele a va nga ha ta rhendzeliwa hi mimintwa leyi nga ni khombo ni leyi vavaka,+ ku nga vanhu lava va poyilanaka; vanhu va ta swi tiva swaku hi mina Yehovha Hosi Leyikulu.”’

25 “‘Yehovha Hosi Leyikulu a li: “Nkama ni nga ta tlhela ni hlengeleta Vayisrayele axikarhi ka vanhu lava a va hangalasiwe ka vona,+ ni ta kwetsimisiwa axikarhi ka vona matiko na ma swi vona.+ Va ta tshama ka tiko la vona+ leli ni nga li nyika mutirheli wa mina Yakobe.+ 26 Va ta tshama ka lona na va hlayisekile,+ va yaka tiyindlo, va rima ni masimu ya mawuvha,+ kutani va ta tshama na va hlayisekile nkama ni nga ta yavanyisa hinkwavu lava va va poyilaka, lava tshamaka kusuhi na vona;+ va ta swi tiva swaku hi mina Yehovha Xikwembu xa vona.”’”

29 Hi siku la wu 12, ka wheti ya wu 10, hi lembe la wu 10, Yehovha a vulavule na mina a ku: 2 “N’wana wa munhu, txuvuka ka Faru hosi ya Gibita, u profeta leswi lwisanaka na yena ni tiko hinkwalu la Gibita.+ 3 Hlaya u ku: ‘Yehovha Hosi Leyikulu a li:

Ni tiyendlele wona.’+

 4 Kambe ni ta tlhoma tindzovo* ka tinhlaya* ta wena, ni yendla swaku tihlampfi ta Nilu ti namarhela ka makwakwarimba* ya wena.

Ni ta ku humesa aNilu ni tihlampfi hinkwatu ta Nilu leti nga namarhela ka makwakwarimba ya wena.

 5 Ni ta ku tshika amananga, wena ni tihlampfi hinkwatu ta Nilu.

U ta wela akhwatini naswona a ku na munhu lweyi a nga ta ku rhwala a ya ku lahla.+

Ni ta yendla swaku u dliwa hi swiharhi ni swinyanyani.+

8 “‘Kutani Yehovha Hosi Leyikulu a li: “Ni ta tisa xipada henhla ka wena+ naswona ni ta dlaya vanhu ni swiharhi swa wena. 9 Tiko la Gibita li ta hohlokela* li tlhela li wonhekela;+ va ta swi tiva swaku hi mina Yehovha, hikusa u te: ‘Nambu wa Nilu i wa mina; wu yendliwe hi mina.’+ 10 Kutani ni lwa na wena na Nilu, ni ta yendla swaku tiko la Gibita li va ndhawu ya ku wonhekela ni leyi nga woma yi tlhela yi hohlokela,+ ku sukela aMigidoli+ anze Siyeni+ ni ku ya fika lomu tiko la Etiyopiya li tsemaka hi kona. 11 A ku nge tsemakanyi munhu kumbe xifuyu ka lona+ naswona a ku nga ta tshama munhu ka lona anze ku hela 40 wa malembe. 12 Ni ta yendla swaku tiko la Gibita li hohlokela ku tlula matiko hinkwawu, madoropa ya lona ma ta hohlokela ku tlula madoropa hinkwawu anze ku hela 40 wa malembe;+ ni ta hangalasa Vagibita axikarhi ka matiko, ni va hangalasa ka tindhawu ta ku hambanahambana.”+

13 “‘Hikusa Yehovha Hosi Leyikulu a li: “Loko se ku hundzile 40 wa malembe ni ta hlengeleta Vagibita xikarhi ka vanhu lava nga ta va va hangalaseliwe ka vona;+ 14 ni ta tlhelisa swikarawa swa Vagibita ka tiko la Patiru,+ ka tiko leli va nga psaliwa ka lona, va ta ya va mfumu wa ku kala wu nga koti ndhawu koseniyani. 15 Gibita a ta va wa xiyimu xa le hansi ku tlula mimfumu leyin’wani naswona a nge he fumi matiko man’wani,+ ni ta va yendla va va vatsongo va za va nga ha swi koti ni ku hlula matiko man’wani.+ 16 Vanhu va Israyele a va nge he tshembi tiko la Gibita,+ kambe li to va khumbukisa xihoxo xa vona hi mhaka ya leswi va nga kombela ku pfuniwa hi lona. Va ta swi tiva swaku hi mina Yehovha Hosi Leyikulu.”’”

17 Hi siku la ku sungula, ka wheti ya ku sungula, hi lembe la wu 27, Yehovha a vulavule na mina a ku: 18 “N’wana wa munhu, Nebukadinazara*+ hosi ya le Babilona a yendle swaku masonchwa ya yena ma hlasela Tiru.+ Tinhloko hinkwatu ti tsemetiwe mpandlha, katla lin’wani ni lin’wani li tshoviwile. Kambe yena ni masonchwa ya yena a va hakeliwanga hi mhaka ya leswi va nga hlasela Tiru.

19 “Se Yehovha Hosi Leyikulu a li: ‘Tiko la Gibita ni li nyika Nebukadinazara* hosi ya le Babilona,+ a ta teka tshomba la lona a tlhela a teketela minchumu ya yinyingi; yi ta va muholo wa masonchwa ya yena.’

20 “‘Ni ta mu nyika tiko la Gibita swaku ni mu holela hi mhaka ya leswi a nga hlasela doropa la Tiru, hikusa va ni tirhelile,’+ ku vula Yehovha Hosi Leyikulu.

21 “Hi siku lolelo ni ta nyika tiko la Israyele* matimba,+ naswona wena ni ta ku nyika nkama wa ku vulavula xikarhi ka vona; va ta swi tiva swaku hi mina Yehovha.”

30 Yehovha a tlhela a vulavula na mina a ku: 2 “N’wana wa munhu, profeta u ku: ‘Yehovha Hosi Leyikulu a li:

“Huwelelani mi ku: ‘Yoo, siku li le ku teni!’

 3 Hikusa siku li le kusuhi, siku la Yehovha li le kusuhi.+

Li ta va siku la marhefu,+ nkama lowu nga vekeliwa matiko.+

 6 Yehovha a li:

“‘Va ta dlayiwa hi xipada ku sukela aMigidoli+ anze Siyeni,’+ ku vula Yehovha Hosi Leyikulu. 7 ‘Va ta hohloteliwa* ku tlula matiko hinkwawu, madoropa ya kona ma ta wonheteliwa ku tlula madoropa hinkwawu.+ 8 Va ta swi tiva swaku hi mina Yehovha nkama ni nga ta tlhavika ndzilu aGibita ni tlhela ni helisa matiko hinkwawu lawa a tirhisanaka na wona. 9 Hi siku lolelo ni ta rhuma vanhu hi maboti swaku va yendla Etiyopiya lweyi a titshembaka a rhurhumela; va ta chava siku leli telaka Gibita, hikusa li ta ta hikakunene.’

10 “Yehovha Hosi Leyikulu a li: ‘Ni ta helisa switshungu swa Gibita hi ku tirhisa Nebukadinazara* hosi ya le Babilona.+ 11 Yena ni masonchwa ya yena lama nga ni mona swinene xikarhi ka matiko,+ va ta tisiwa swaku va ta helisa tiko leli. Va ta tlomula swipada swa vona swaku va lwa ni Gibita, va tata tiko lolelo hi mintsumbu.+ 12 Ni ta yendla swaku misele ya Nilu+ yi woma naswona tiko lolelo ni ta li xavisela vanhu lava yendlaka swa ku biha. Ni ta tirhisa vanhu lava taka hi ka matiko man’wani swaku va hohlotela* tiko lolelo ni swilo hinkwaswu leswi nga ka lona.+ Mina Yehovha ni swi vulile.’

13 “Yehovha Hosi Leyikulu a li: ‘Ni ta tlhela ni helisa swifaniso swa ku nyenyentsa* ni swikwembu swa ku kala swi nga pfuni nchumu swa le Nofu.*+ A ku nga ha ta va ni murhangeli lweyi a taka hi ka tiko la Gibita naswona ni ta yendla swaku tiko la Gibita li chava.+ 14 Ni ta yendla swaku Patiru+ a va ndhawu ya ku hohlokela,* ni tlhavika ndzilu aZowani, ni yavanyisa No.*+ 15 Ni ta chulula ku kwata ka mina henhla ka Sini, xivhikelo xa Gibita, ni helisa lava tshamaka No. 16 Ni ta tlhavika ndzilu aGibita; Sini a ta chava naswona masonchwa ma ta nghena hi nkanu aNo, kasi Nofu* a ta hlaseliwa na dlambu li yo baa! 17 Madjaha ya le Oni* ni le Pibeseti ma ta dlayiwa hi xipada kasi lava tshamaka ka madoropa wolawo va ta yisiwa awukaraweni. 18 Ninhlikanhi ku ta va ni munyama aTapanesi nkama ni nga ta tshova makange* ya Gibita kolanu.+ Matimba lawa a tibyelaka hi wona ma ta hela,+ a ta mbhonyiwa hi marhefu naswona vanhu lava tshamaka ka swidoropani swa yena va ta yisiwa awukaraweni.+ 19 Ni ta yavanyisa Gibita, se va ta swi tiva swaku hi mina Yehovha.’”

20 Hi siku la wu 7, la wheti ya ku sungula, hi lembe la wu 11, Yehovha a vulavule na mina a ku: 21 “N’wana wa munhu, ni tshovile voko la Faru hosi ya le Gibita; a li nga ha ta boheleliwa swaku li ta hola kumbe li bandichiwa swaku li ta va ni matimba ya ku khoma xipada.”

22 “Se Yehovha Hosi Leyikulu a li: ‘Ni lwa na Faru hosi ya Gibita,+ ni ta tshova mavoko ya yena, leli nga ni matimba ni leli nga tshoveka+ naswona ni ta yendla swaku xipada xi wa ka voko la yena.+ 23 Ni ta hangalasa Vagibita xikarhi ka matiko, ni va hangalasa ka tindhawu ta ku hambanahambana.+ 24 Ni ta tiyisa mavoko* ya hosi ya le Babilona,+ ni yi khomisa xipada xa mina,+ ni ta tshova mavoko ya Faru naswona a ta konya hintamu ku fana ni munhu lweyi a faka phambheni ka hosi ya Babilona. 25 Ni ta tiyisa mavoko ya hosi ya Babilona kambe mavoko ya Faru ma ta hela matimba; va ta swi tiva swaku hi mina Yehovha nkama ni nga ta khomisa hosi ya Babilona xipada xa mina, yi xi tirhisa swaku yi lwa ni tiko la Gibita.+ 26 Ni ta hangalasa Vagibita xikarhi ka matiko,+ va ta swi tiva swaku hi mina Yehovha.’”

 4 Wu kulisiwe hi mati, swihlovo swa ku yenta swa mati swi yendle swaku wu kula wu ya henhla.

 5 Hi leswo swi nga yendla swaku wu kula wu leha ku tlula minsinya hinkwayu ya khwati.

 8 A ku nga na nsinya ni wun’we wa mukedari lowu a wu fana na wona ka jardim la Xikwembu.+

A ku nga na nsinya wun’wani ka jardim la Xikwembu lowu a wu fana na wona hi ku saseka.

10 “Kutani Yehovha Hosi Leyikulu a li: ‘Leswi wu nga leha wu fika ni ka marhefu naswona mbilu ya wona yi titlakusaka hi mhaka ya ku leha ka wona, 11 ni ta wu nyikela ka hosi ya matiko leyi nga ni matimba.+ Yi ta lwa na wona naswona ni ta wu tshika hi mhaka ya wubihi la wona. 12 Se vanhu lava taka hi ka matiko man’wani, matiko lama nga ni mona swinene, va ta wu tsema va wu tshika ka tintshava, matluka ya wona ma ta wetetela ka minkova hinkwayu naswona tigadja ta wona leti nga tshoveka ti ta kumeka ka swinambyani hinkwaswu swa tiko.+ Vanhu hinkwavu va ta suka ka ndzhuti wa wona, va wu siyisa swoleswo. 13 Swinyanyani hinkwaswu swi ta tshama ka nsinya lowu nga wa, ni swiharhi hinkwaswu swi ta tshama ka tigadja ta wona.+ 14 Ku ta yendleka leswo leswaku nsinya wun’wani ni wun’wani lowu milaka kusuhi ni mati wu nga kuli wu leha kumbe wu fika ka marhefu ni leswaku ku nga vi ni nsinya lowu regariwaka kahle lowu lehaka wu za wu ya fika ka marhefu. Hikusa hinkwayu yi ta dlayiwa, yi txeleliwa xikan’we ni vanhu lava yaka sirheni.’

15 “Yehovha Hosi Leyikulu a li: ‘Siku leli wu nga ta ya aSirheni* hi lona ni ta yendla swaku ku riliwa. Kutani ni ta sivela mati ya ku yenta ni swinambyani swa wona swaku swi nga fambi. Ni ta yendla swaku ku va ni munyama aLebanoni hi mhaka ya wona naswona minsinya hinkwayu ya khwati yi ta vuna. 16 Nkama wu nga ta vanga guwa lalikulu hi ku wa ka wona, ni ta yendla swaku matiko ma rhurhumela loko ni wu yehlisa aSirheni* xikan’we ni hinkwavu lava yaka sirheni naswona minsinya hinkwayu ya le Edeni,+ minsinya ya ku hlawuleka ngopfu ni yayinene ya Lebanoni, minsinya hinkwayu leyi regariwaka kahle yi ta tiyisiwa asirheni. 17 Yi ye aSirheni* ni nsinya wa mukedari wa Lebanoni, yi ye ka vanhu lava nga dlayiwa hi xipada+ ni ka lava a va wu seketela lava a va tshama ka ndzhuti wa wona xikarhi ka matiko.’+

18 “‘Hi wihi nsinya lowu a wu fana na wena hi ku phatima ni hi wukulu ka minsinya ya le Edeni?+ Kambe u ta yehlisiwa asirheni ni minsinya ya Edeni. U ta yetlela xikarhi ka lava kalaka va nga tsemanga nsuvu* lava nga dlayiwa hi xipada. Leswi swi ta yendlekela Faru ni vanhu va yena hinkwavu,’ ku vula Yehovha Hosi Leyikulu.”

 3 Yehovha Hosi Leyikulu a li:

 7 ‘Nkama u nga ta timiwa, ni ta pfala matilo ni yendla tinyeleti ti va munyama.

11 Hikusa Yehovha Hosi Leyikulu a li:

‘U ta hlaseliwa hi xipada xa hosi ya le Babilona.+

Ma ta helisa swilo leswi tiko la Gibita li tibyelaka hi swona naswona vanhu va vanyingi lava nga tikweni va ta helisiwa.+

Va ta li yimbelelela tiko la Gibita ni vanhu va lona hinkwavu,’ ku vula Yehovha Hosi Leyikulu.”

17 Se hi siku la wu 15 ka wheti, hi lembe la wu 12, Yehovha a vulavula na mina a ku: 18 “N’wana wa munhu, rilela vanhu va Gibita, u mu yehlisa asirheni, yena ni vanhu va matiko lava nga ni matimba ni lava yehlaka asirheni.

19 “‘U tlula mani hi ku saseka? Famba u ya lahliwa ni lava kalaka va nga tsemanga nsuvu!’*

20 “‘Va ta wa xikarhi ka lava nga dlayiwa hi xipada.+ A nyikeliwe ka xipada; mu kokeni a suka xikan’we ni vanhu va yena hinkwavu.

21 “‘Tinhenha leti nga ni matimba swinene ti ta vulavula na yena ni lava mu pfunaka na ti li phakati ka Sirha.* Va ta yehla naswona va ta lahliwa ku fana ni vanhu lava kalaka va nga tsemanga nsuvu lava nga dlayiwa hi xipada. 22 Asiriya ni vanhu va yena hinkwavu va kolanu. Masirha ya vona ma le matlhelweni ka yena, hinkwavu va dlayiwe hi xipada.+ 23 Masirha ya yena ma le phakati ka sirha ni vanhu va yena va le matlhelweni ka sirha la yena, hinkwavu va dlayiwe hi xipada hikusa va vange ku chava ka tiko la lava hanyaka.

24 “‘Elamu+ a kolanu ni vanhu va yena hinkwavu amatlhelweni ka sirha la yena, hinkwavu va dlayiwe hi xipada. Lava va nga vanga ku chava ka tiko la lava hanyaka, va yehlisiwe sirheni na va nga tsemanga nsuvu. Va ta dana koseniyani ni lava yehlaka asirheni. 25 Va mu yendlele mubedu axikarhi ka lava nga dlayiwa naswona vanhu va yena hinkwavu va le matlhelweni ka masirha ya yena. Hinkwavu a va tsemanga nsuvu, va dlayiwe hi xipada hikusa va vange ku chava ka tiko la lava hanyaka; naswona va ta dana ni lava yaka sirheni. A vekiwe xikarhi ka lava nga dlayiwa.

26 “‘Mixeke na Tubali+ ni vanhu va vona hinkwavu va kolanu. Masirha ya vona* ma le matlhelweni ka yena.* Hinkwavu a va tsemanga nsuvu, va dlayiwe hi xipada hikusa va vange ku chava ka tiko la lava hanyaka. 27 Indjhe a va nga ta lahliwa ni tinhenha ta matimba leti kalaka ti nga tsemanga nsuvu, leti nga ya aSirheni* ni matlharhi ya tona? Va ta veka swipada swa tona hansi ka tinhloko ta tona* naswona swidjoho swa tona swi ta va henhla ka marhambu ya tona, hikusa tinhenha leti ta matimba ti vange ku chava ka tiko la lava hanyaka. 28 Kambe wena u ta helisiwa xikarhi ka lava kalaka va nga tsemanga nsuvu naswona u ta lahliwa ni lava nga dlayiwa hi xipada.

29 “‘Edomu+ a kolanu, tihosi ta yena ni varhangeli va yena hinkwavu va lahliwe xikarhi ka lava nga dlayiwa hi xipada hambileswi a va ni matimba; na vona va ta lahliwa ni lava kalaka va nga tsemanga nsuvu+ ni lava yaka asirheni.

30 “‘Varhangeli va le norte* va kolanu xikan’we ni Vasidoni hinkwavu,+ lava yehlaka sirheni na va dana xikan’we ni lava nga dlayiwa hambileswi va nga vanga ku chava hi mhaka ya matimba ya vona. Va ta lahliwa na va nga tsemanga nsuvu xikan’we ni lava nga dlayiwa hi xipada naswona va ta dana ni lava yehlaka asirheni.

31 “‘Faru a ta vona vanhu lava hinkwavu naswona a ta tiyisiwa ka hinkwaswu leswi nga yendlekela vanhu va yena;+ Faru ni masonchwa ya yena hinkwawu va ta dlayiwa hi xipada,’ ku vula Yehovha Hosi Leyikulu.

32 “‘Leswi a nga vanga ku chava ka tiko la lava hanyaka, Faru ni vanhu va yena hinkwavu va ta lahliwa* ni lava kalaka va tsemanga nsuvu, lava nga dlayiwa hi xipada,’ ku vula Yehovha Hosi Leyikulu.”

6 “‘Kambe loko murindzi a vona xipada na xi ta kutani a nga li chayi limhondzo,+ naswona vanhu va nga basopisiwi, se xipada xi gama xi dlaya mun’wani wa vona, munhu yelweyo a ta fa hi mhaka ya xihoxo xa yena, kambe ngati ya yena ni ta yi lava ka murindzi.’*+

7 “Wena n’wana wa munhu, ni ku langile swaku u va murindzi wa Vayisrayele; naswona loko ni ku byela swilo u fanele u ni basopisela vona.+ 8 Loko ni byela lweyi a yendlaka swa ku biha ni ku: ‘Wena u yendlaka swa ku biha u ta fa,’+ kambe wena u nga mu basopisi swaku a txintxa ndlela ya yena ya ku biha, a ta fa na a li munhu wa ku biha hi mhaka ya xihoxo xa yena,+ kambe ngati ya yena ni ta yi lava ka wena. 9 Kambe loko u basopisa lweyi a yendlaka swa ku biha swaku a txintxa kambe a yala, a ta fa hi mhaka ya xihoxo xa yena+ kambe wena u ta va na u ponise wutomi la wena.+

10 “Wena n’wana wa munhu, byela vanhu va Israyele u ku: ‘Mi te: “Ku tereka ka hina ni swidjoho swa hina swa hi tikela swinene, a ha ha koti nchumu;+ hi ta swi kotisa ku yini ku tama hi hanya?”’+ 11 Va byeli u ku: ‘“Leswi ni hanyaka,” ku vula Yehovha Hosi Leyikulu, “a ni tsaki loko lweyi a yendlaka swa ku biha a fa,+ kambe ni lava swaku a txintxa+ a tama a hanya.+ Txintxani, txintxani tindlela ta n’wina ta ku biha,+ hi mhaka muni mi fanele mi fa, n’wina Vayisrayele?”’+

12 “Wena n’wana wa munhu, byela vana va vanhu va tiko la wena u ku: ‘Ku lulama ka munhu wa ku lulama a ku nge mu ponisi loko a ni djikela;+ loko munhu lweyi a yendlaka swa ku biha a txintxa a nga ta dlayiwa hi mhaka ya leswi a a yendla swa ku biha;+ ni munhu wa ku lulama a nge tami a hanya hi mhaka ya ku lulama ka yena hi siku leli a nga ta djoha hi lona.+ 13 Loko ni byela lweyi wa ku lulama ni ku: “U ta tama u hanya,” se a pimisa swaku swilo swa ku lulama leswi a nga swi yendla ka nkama lowu nga hundza swi ta mu ponisa, kutani a yendla swa ku biha,+ mintirho ya yena ya ku lulama a yi nge he khumbukiwi, kambe a ta fa hi mhaka ya swilo swa ku biha leswi a swi yendlaka.+

14 “‘Loko ni byela lweyi a yendlaka swa ku biha ni ku: “U ta fa,” se a tisola ka xidjoho xa yena a yendla swaswinene,+ 15 naswona a tlhelisa nchumu lexi a nga nyikiwa xona swaku xi va xitiyisekisu xa leswaku a ta hakeliwa xikweneti,+ a tlhela a hakela swilo leswi a nga swi tekela vanhu,+ a hanya hi minawu leyi nyikaka wutomi hi ku kala a nga yendli swa ku biha, a ta tama a hanya.+ A nge fi. 16 Swidjoho leswi a nga swi yendla a swi nga ha ta khumbukiwa.+ A ta tama a hanya hi mhaka ya leswi a yendlaka swa ku lulama.’+

17 “Kambe vanhu va n’wina va te: ‘Ndlela ya Yehovha a yi lulamanga,’ kuve i ndlela ya vona yi kalaka yi nga lulamanga.

18 “Loko lweyi wa ku lulama a tshika ku yendla swa ku lulama se a yendla swa ku biha, a fanele a fa hi mhaka ya leswo.+ 19 Kambe loko munhu lweyi a yendlaka swa ku biha a tshika swa ku biha, a yendla swa ku lulama ni swaswinene, a ta tama a hanya hi ku yendla leswo.+

20 “Kambe mi te: ‘Ndlela ya Yehovha a yi lulamanga.’+ Ni ta yavanyisa mun’wani ni mun’wani wa n’wina hi ku ya hi tindlela ta yena, n’wina Vayisrayele.”

21 Hi ku famba ka nkama hi siku la wu 5, ka wheti ya wu 10, hi lembe la wu 12 na hi li wukaraweni, wanuna mun’wani lweyi a nga baleka aYerusalema a ni telile+ a fika a ku: “Doropa li hlaseliwile!”+

22 Hi tolo ka kona nimadlambu na ku nge se ta wanuna lweyi a nga baleka, matimba* ya Yehovha ma fikile henhla ka mina, se a ni pfula nomo na ku nge se ta wanuna lweyi a nga ni tela nimixo. Kutani nomo wa mina wu pfuleka se ni kota ku vulavula.+

23 Kutani Yehovha a khuluma na mina a ku: 24 “N’wana wa munhu, lava tshamaka ka madoropa lawa ma nga hohloteliwa*+ va vula leswi hi tiko la Israyele: ‘Abrahamu a a li yexe kambe a teke tiko.+ Hina hi vanyingi; hikakunene hi nyikiwile tiko leli li va la hina.’

25 “Kutani va byeli u ku: ‘Yehovha Hosi Leyikulu a li: “Mi dla swakudla leswi nga ni ngati,+ mi tshemba swifaniso swa n’wina swa ku nyenyentsa* naswona mi tshamela ku halata ngati.+ Se hi mhaka muni mi fanele mi teka tiko? 26 Mi tshembe xipada xa n’wina,+ mi yendla swilo swa ku nyenyentsa naswona mun’wani ni mun’wani wa n’wina a fambe masangu ni nsati wa wanuna mun’wani.+ Kutani hi mhaka muni mi fanele mi teka tiko?”’+

27 “U fanele u va byela u ku: ‘Yehovha Hosi Leyikulu a li: “Leswi ni hanyaka, lava tshamaka ka tindhawu leti nga hohlokela* va ta dlayiwa hi xipada; lava nga nhoveni ni ta va tshika va dliwa hi swiharhi; lava nga ka tindhawu leti nga hlayiseka ni ka mimhakwa* va ta dlayiwa hi mavabyi.+ 28 Ni ta yendla swaku tiko li va ndhawu ya ku chavisa leyi nga hohlokela,+ ku tibyela ka lona kakukulu ku ta helisiwa, tintshava ta Israyele ti ta hohlokela,+ ku nga ha hundzi munhu ka tona. 29 Va ta swi tiva swaku hi mina Yehovha nkama ni nga ta yendla swaku tiko li va ndhawu ya ku chavisa leyi nga hohlokela+ hi mhaka ya swilo hinkwaswu swa ku nyenyentsa leswi va swi yendlaka.”’+

30 “Se wena n’wana wa munhu, vanhu va tiko la wena va vulavula hi wena na va nyime ka mimuru ni ka tinyanghwa ta tiyindlo.+ Va byelana va ku: ‘Tanani hi ta twa rito leli taka hi ka Yehovha.’ 31 Va ta ku tela na va li vanyingi va fika va tshama phambheni ka wena ku fana ni vanhu va mina; va ta ma twa marito ya wena kambe a va nga ta swi yendla leswi va swi twaka.+ Va ku khuzela hi nomo kambe ka timbilu ta vona va ni wukanganyisi la ku lava swilo hi ndlela ya ku biha. 32 Ka vona u fana ni munhu lweyi a nga ni rito la ku saseka lweyi a chayaka xitende, lweyi a yimbelelaka lisimu leli khulumaka hi lirhandzu. Va ta ma twa marito ya wena kambe a nga kona lweyi a nga ta swi yendla leswi a swi twaka. 33 Kutani loko marito wolawo ma hetiseka, hikusa vhela ma ta hetiseka, va ta swi tiva swaku a ku ni muprofeta xikarhi ka vona.”+

34 Yehovha a tlhela a vulavula na mina a ku: 2 “N’wana wa munhu, profeta leswi lwisanaka ni varisi va Israyele. Profeta u byela varisi u ku: ‘Yehovha Hosi Leyikulu a li: “Khombo ka varisi va Israyele,+ lava va tihlayisaka vona vinyi! Kasi a va nga fanelanga va hlayisa ntlhambi?+ 3 Mi dla mafurha, mi yambala mpahla ya ku yendliwa hi mavoya naswona mi dlaya swifuyu swa ku nona+ kambe a mi wu hlayisi ntlhambi.+ 4 A mi ti tiyisanga tinyempfu leti nga hela ntamu kumbe ku holisa leti vabyaka kumbe mi bohelela leti nga vavisiwa kumbe mi vuyisa leti nga huma ndleleni kumbe mi lava leti nga lahleka;+ kambe mi ti fume hi ndlela ya ku biha ni ya mona.+ 5 Se ti hangalakelile hikusa a ti nga na murisi;+ ti hangalakile ti va swakudla swa swiharhi. 6 Tinyempfu ta mina ti lahlekile ka tintshava hinkwatu ni ka maganga hinkwawu; tinyempfu ta mina ti hangalakelile ni misava hinkwayu ku nga na munhu lweyi a yaka a ya ti lava.

7 “‘“Kutani n’wina varisi yingisani rito la Yehovha leli nge: 8 ‘“Leswi ni hanyaka,” ku vula Yehovha Hosi Leyikulu, “leswi tinyempfu ta mina ti nga dlayiwa ti tlhela ti va swakudla swa swiharhi hinkwaswu hikusa a ku nga na murisi naswona varisi va mina a va ti lavetelanga tinyempfu ta mina, kambe va tame va tihlayisa vona vinyi va nga na mhaka ni tinyempfu ta mina,”’ 9 yingisani rito la Yehovha, n’wina varisi. 10 Yehovha Hosi Leyikulu a li: ‘Ni lwa ni varisi naswona ni ta lava tinyempfu ta mina ka vona, ni ta va tshikisa ku hlayisa tinyempfu ta mina+ naswona na vona varisi a va nga ha ta tihlayisa vona vinyi. Ni ta ponisa tinyempfu ta mina ka nomo wa vona, a ti nge he vi swakudla swa vona.’”

11 “‘Yehovha Hosi Leyikulu a li: “Ni kona naswona ni ta lavetela tinyempfu ta mina, ni ta ti hlayisa.+ 12 Ni ta hlayisa tinyempfu ta mina ku fana ni murisi lweyi a nga kuma tinyempfu ta yena leti a ti hangalakelile kutani a ti risa.+ Ni ta ti ponisa ka tindhawu hinkwatu leti nga hangalakela ka tona hi siku la marhefu ni la munyama wawukulu.+ 13 Ni ta ti humesa axikarhi ka vanhu, ni ti hlengeleta ka matiko man’wani lawa ti nga ka wona, ni ti tisa ka tiko la tona ni ti hlayisa ka tintshava ta Israyele,+ ka swinambyani ni ka tindhawu hinkwatu ta tiko leti ku tshamiwaka ka tona. 14 Ni ta ti lusa ka byanyi lalinene naswona tiko leli ti nga ta dlela ka lona li ta va ka tintshava ta ku tlakuka ta Israyele.+ Ti ta humula ka tiko lolelo leli nga ni byanyi lalinene+ naswona ti ta dla byanyi lalinene ka tintshava ta Israyele.”

15 “‘“Ni ta hlayisa tinyempfu ta mina hi noxe,+ ni ta ti tshika ti humula,”+ ku vula Yehovha Hosi Leyikulu. 16 “Leyi nga lahleka ni ta yi lavetela,+ leyi nga huma ndleleni ni ta yi vuyisa, leyi nga vavisiwa ni ta yi bohelela, leyi nga hela ntamu ni ta yi tiyisa; kambe leyi nga nona ni leyi nga ni matimba ni ta yi helisa. Ni ta yi yavanyisa naswona ni ta yi khatisa hi ku ya hi mintirho ya yona.”

17 “‘N’wina tinyempfu ta mina, Yehovha Hosi Leyikulu a li: “Ni ta yavanyisa tinyempfu ta mina ku nga li khale, ni ta yavanyisa ta xinuna ni swiphongo.+ 18 Kasi a swi yenelanga leswi mi dlaka byanyi lalinene hintamu? Mi fanele mi tlhela mi kandzihetela ni ndhawu ya n’wina leyin’wani leyi mi dlelaka ka yona? Mi fanele mi dunga mati hi minenge ya n’wina loko se mi phuzile mati lama nga tenga swinene? 19 Indjhe tinyempfu ta mina ti fanele ti dla ka byanyi leli nga kandziheteliwa hi n’wina, ti tlhela ti phuza mati lama nga dungiwa hi n’wina?”

20 “‘Kutani Yehovha Hosi Leyikulu a va byela leswi: “Ni kona naswona ni ta yavanyisa xikarhi ka nyempfu ya ku nona ni nyempfu ya ku wondza, 21 hikusa a mi tshamela ku ti susumeta hi muzimbha ni katla naswona a mi tshamela ku susumeta hinkwatu leti vabyaka hi timhondzo anze mi ti hangalasa ka matiko man’wani. 22 Ni ta ponisa tinyempfu ta mina, a ti nga ha ta hlaseliwa;+ ni ta yavanyisa tinyempfu ta mina. 23 Ni ta ti vekela murisi mun’we,+ mutirheli wa mina Davhida,+ a ta ti hlayisa. A ta ti hlayisa naswona a ta va murisi wa tona.+ 24 Mina Yehovha, ni ta va Xikwembu xa tona+ naswona mutirheli wa mina Davhida a ta va murhangeli xikarhi ka tona.+ Mina Yehovha ni swi vulile.

25 “‘“Ni ta yendla ntwananu wa ku rhula na tona+ naswona ni ta helisa swiharhi swa ku chavisa leswi nga ni khombo atikweni+ leswaku ti ta tshama na ti hlayisekile amananga, ti yetlela makhwatini.+ 26 Ni ta yendla swaku tona ni ndhawu leyi nga kusuhi ni ntshava ya mina swi va nkateko+ naswona ni ta yendla swaku mpfula yi na hi nkama wa kona. Minkateko yi ta na ku fana ni timpfula.+ 27 Minsinya yi ta psala mihandzu, misava yi ta humesa ntshovelo wa yona+ naswona tinyempfu ta mina ti ta tshama na ti hlayisekile atikweni. Ti ta swi tiva swaku hi mina Yehovha nkama ni nga ta tshova makange* ya tona+ ni nkama ni nga ta ti ponisa ka lava ti yendlaka swikarawa. 28 Matiko a ma nge he ti hlaseli, swiharhi a swi nge he ti dli naswona ti ta tshama na ti hlayisekile, ti nga chavisiwi hi munhu.+

29 “‘“Ni ta ti yendlela ndhawu ya ku byala ka yona leyi nga ni ndhuma, a ti nge he dlayiwi hi ndlala atikweni+ naswona a ti nge he danisiwi hi matiko.+ 30 ‘Kutani ti ta swi tiva swaku mina Yehovha ni Xikwembu xa tona naswona ni na tona ni leswaku tona, ku nga Vayisrayele i vanhu va mina,’+ ku vula Yehovha Hosi Leyikulu.”’

31 “‘N’wina tinyempfu ta mina,+ tinyempfu leti ni ti hlayisaka, mo va vanhu ntsena naswona mina ni Xikwembu xa n’wina,’ ku vula Yehovha Hosi Leyikulu.”

35 Yehovha a tlhela a vulavula na mina a ku: 2 “N’wana wa munhu, txuvuka ka ndhawu ya tintshava ya Seyiri,+ u profeta leswi lwisanaka na yona.+ 3 Yi byeli u ku: ‘Yehovha Hosi Leyikulu a li: “Ni lwa na wena, wena ndhawu ya tintshava ya Seyiri, ni ta tlakusa voko la mina ni lwa na wena naswona ni ta ku yendla ndhawu ya ku hohlokela.*+ 4 Madoropa ya wena ni ta ma hohlotela, u ta va ndhawu ya ku hohlokela;+ u ta swi tiva swaku hi mina Yehovha. 5 Hikusa u tame u nyenya Vayisrayele+ naswona u va nyikele leswaku va dlayiwa hi xipada nkama va nga kumana ni khombo, hi nkama wa ku khatisiwa ka vona ka wugamu.”’+

6 “‘Se leswi ni hanyaka,’ ku vula Yehovha Hosi Leyikulu, ‘ni ta yendla swaku ku halatiwa ngati naswona ku halatiwa ka ngati ku ta ku txatxa.+ U ta txatxiwa hi ku halatiwa ka ngati hikusa a wu yi nyenya ngati.+ 7 Ni ta yendla swaku ndhawu ya tintshava ya Seyiri yi hohlokela,*+ ni ta dlaya mun’wani ni mun’wani lweyi a hundzaka hi ka yona ni lweyi a tlhelaka hi ka yona. 8 Ni ta tata tintshava ta yona hi mintsumbu; naswona lava nga dlayiwa hi xipada va ta wetetela ka maganga ya wena, ka minkova ya wena ni ka swinambyani swa wena hinkwaswu. 9 Ni ta yendla swaku u tshama na u hohlokelile naswona a ku nge he tshami munhu ka madoropa ya wena;+ u ta swi tiva swaku hi mina Yehovha.’

10 “Hikusa u te: ‘Tinxaka letatimbirhi ni matiko lamambirhi swi ta va swa mina naswona ni ta swi teka,’+ hambileswi Yehovha a a li kolanu. 11 ‘Kutani leswi ni hanyaka,’ ku vula Yehovha Hosi Leyikulu, ‘leswi u nga va kwatela u va ni wukwele u tlhela u va nyenya, na mina ni ta ku khoma hi ndlela ya ku fana;+ ni ta titivisa ka vona nkama ni nga ta ku yavanyisa. 12 U ta swi tiva swaku mina Yehovha, ni ma twile marito hinkwawu ya xidelelo lawa u nga ma vula hi tintshava ta Israyele loko u ku: “Ti hohlotiwile* naswona ti nyikeliwe ka hina swaku hi ti helisa.” 13 Ni swi twile swilo hinkwaswu swa swinyingi leswi u nga swi vula hi mina na u tibyela.’+

14 “Yehovha Hosi Leyikulu a li: ‘Misava hinkwayu yi ta tsaka nkama ni nga ta ku yendla ndhawu ya ku hohlokela. 15 Leswi a wu tsakile nkama ku nga hohloteliwa tiko leli nga nyikiwa Vayisrayele, na mina ni ta yendla swa ku fana ka wena.+ U ta hohloteliwa, wena ndhawu ya tintshava ya Seyiri, tiko hinkwalu la Edomu;+ va ta swi tiva swaku hi mina Yehovha.’”

36 “Kambe wena n’wana wa munhu, profeta hi tintshava ta Israyele u ku: ‘N’wina tintshava ta Israyele, yingisani rito la Yehovha. 2 Yehovha Hosi Leyikulu a li: “Nala a vule leswi hi wena: ‘Aha! Hambi tindhawu ta ku tlakuka ta khale ti ve ta hina!’”’+

3 “Kutani profeta u ku: ‘Yehovha Hosi Leyikulu a li: “Leswi va nga mi hohlotela* ni leswi va nga mi hlasela matlhelo hinkwawu, leswaku mi va tshomba la lava nga sala xikarhi ka matiko naswona vanhu va tshamelaka ku vulavula hi n’wina ni ku mi wonha vito,+ 4 kutani n’wina tintshava ta Israyele, yingisani leswi Yehovha Hosi Leyikulu a swi vulaka! Yehovha Hosi Leyikulu a byela tintshava ni maganga, swinambyani ni minkova, tindhawu ta ku hohlokela+ ni madoropa lama nga tshikiwa lama nga tekiwa ni ku poyiliwa hi lava nga sala xikarhi ka matiko lama nga kusuhi na tona;+ 5 Yehovha Hosi Leyikulu a li: ‘Ni ta vulavula ni lava nga sala xikarhi ka matiko ni tiko hinkwalu la Edomu na ni kwatile swinene,+ lava nga teka tiko la mina na va tsakile naswona na va li poyilela+ va li yendla tshomba la vona, va teka tindhawu ta lona ta ku lusela ka tona va tlhela va teketela swilo swa lona.’”’+

6 “Se profeta hi ta tiko la Israyele, u byela tintshava ni maganga, swinambyani ni minkova u ku: ‘Yehovha Hosi Leyikulu a li: “Maswivo! Matiko ma mi danisile,+ hi leswo swi yendlaka ni twa ku vava naswona ni ta vula leswi ni nga ta swi yendla ka wona na ni kwatile swinene.”’

7 “Kutani Yehovha Hosi Leyikulu a li: ‘Ni tlakusa voko la mina ni funga swaku matiko lama nga kusuhi na n’wina ma ta danisiwa.+ 8 Kambe n’wina tintshava ta Israyele, mi ta humesa tigadja mi tlhela mi psala mihandzu leyi nga ta dliwa hi vanhu va mina ku nga Vayisrayele,+ hikusa va ta vuya ku nga li khale. 9 Ni na n’wina, ni ta mi komba timpsalu, mi ta rimiwa naswona ku ta byaliwa timbewu ka n’wina. 10 Ni ta yendla swaku vanhu va n’wina va tala swinene, ku nga tiko hinkwalu la Israyele, ka madoropa ku ta tshama vanhu+ naswona tindhawu leti nga hohlokela ti ta pfuxiwa.+ 11 Ni ta yendla swaku vanhu va n’wina va va vanyingi ni swifuyu swa n’wina swi ta tala naswona swi ta psalana.+ Ni ta yendla swaku ku tlhela ku tshama vanhu ka n’wina ku fana ni le ku sunguleni,+ ni ta yendla swaku swilo swi mi fambela kahle ku tlula ka nkama lowu nga hundza;+ mi ta swi tiva swaku hi mina Yehovha.+ 12 Ni ta yendla swaku vanhu va mina ku nga Vayisrayele va tshama ka n’wina, va ta mi teka mi lumba vona.+ Mi ta va tshomba la vona naswona a mi nge he tshuki mi yendle leswaku va nga vi ni vana.’”+

13 “Yehovha Hosi Leyikulu a li: ‘Leswi va mi byelaka va ku: “Wena u tiko leli helisaka vanhu naswona u yendla swaku matiko ya wena ma nga vi ni vana,”’ 14 ‘kutani a wu nga ha ta va helisa vanhu kumbe ku yendla swaku matiko ya wena ma nga vi ni vana,’ ku vula Yehovha Hosi Leyikulu. 15 ‘A ni nga ha ta ma pfumelela matiko swaku ma ku poyila kumbe ni yendla swaku vanhu va ku rhuketela+ naswona a wu nga ha ta yendla swaku matiko ya wena ma djoha,’ ku vula Yehovha Hosi Leyikulu.”

16 Yehovha a tlhela a vulavula na mina a ku: 17 “N’wana wa munhu nkama vanhu va yindlo ya Israyele a va ha tshama ka tiko la vona, va li chakisile hi swilo leswi a va swi yendla.+ Swilo leswi a va swi yendla, swi yendle swaku va va lava nga chaka ka matihlo ya mina ku fana ni wansati lweyi a nga ka masiku ya yena.+ 18 Ni chululele ku kwata ka mina henhla ka vona hi mhaka ya ngati leyi va nga yi halata tikweni,+ ni hi mhaka ya leswi va nga chakisa tiko hi swikwembu swa vona swa ku nyenyentsa.*+ 19 Kutani ni va hangalasile xikarhi ka matiko, ni va yisa ka matiko man’wani.+ Ni va yavanyise hi ku ya hi leswi va nga swi yendla. 20 Kambe nkama va nga fika ka matiko wolawo, vanhu va chakise vito la mina la ku kwetsima+ hi ku vula leswi hi vona: ‘Lava i vanhu va Yehovha kambe va boheke ku suka ka tiko la yena.’ 21 Ni ta yendla xanchumu hi mhaka ya vito la mina la ku kwetsima, leli vanhu va Israyele va nga li chakisa ka matiko lawa va nga ya ka wona.”+

22 “Kutani byela vanhu va Israyele u ku: ‘Yehovha Hosi Leyikulu a li: “A ni swi yendleli n’wina vanhu va Israyele kambe ni swi yendlela vito la mina la ku kwetsima, leli mi nga li chakisa ka matiko lawa mi nga ya ka wona.”’+ 23 ‘Ni ta kwetsimisa vito la mina lalikulu,+ leli nga chakisiwa xikarhi ka matiko, leli mi nga li chakisa ka wona; kutani matiko ma ta swi tiva swaku hi mina Yehovha,’+ ku vula Yehovha Hosi Leyikulu, ‘nkama ni nga ta kwetsimisiwa xikarhi ka n’wina na ma swi vona. 24 Ni ta mi humesa ka matiko, ni mi hlengeleta ka matiko hinkwawu lawa mi nga ka wona, ni mi tlhelisa ka tiko la n’wina.+ 25 Ni ta mi n’wan’wasela hi mati ya ku basa kutani mi ta gama mi basa;+ ni ta mi basisa ka chaka la n’wina hinkwalu+ ni ka swikwembu swa n’wina hinkwaswu swa ku nyenyentsa.+ 26 Ni ta mi nyika mbilu ya nyuwani+ naswona ni ta mi nyika matimba ya nyuwani+ swaku ma tirha ndzeni ka n’wina. Ni ta susa mbilu ya ribye+ ka muzimbha wa n’wina kutani ni mi nyika mbilu ya nyama.* 27 Ni ta chela matimba ya mina ndzeni ka n’wina, ni ta yendla swaku mi yingisa minawu ya mina,+ mi ta hlayisa swiboho swa mina swa ku yavanyisa, mi swi yendla. 28 Mi ta tshama ka tiko leli ni nga li nyika vavhovho va n’wina, mi ta va vanhu va mina kutani mina ni ta va Xikwembu xa n’wina.’+

29 “‘Ni ta mi ponisa ka chaka la n’wina hinkwalu, ni ta yendla swaku swakudla swi va swinyingi, a ni nga ta mi tisela ndlala.+ 30 Ni ta yendla swaku mihandzu ya minsinya ni ntshovelo wa le masin’wini swi tala, leswaku mi nga ha tlheli mi hlaseliwa hi ndlala xikarhi ka matiko.+ 31 Kutani mi ta khumbuka tindlela ta n’wina ta ku biha ni mintirho ya n’wina ya ku kala yi nga li yinene, mi ta tinyenya hi mhaka ya xidjoho xa n’wina ni hi mhaka ya mahanyelo ya n’wina ya ku nyenyentsa.+ 32 Kambe tivani leswi: A ni swi yendli hi mhaka ya n’wina,’+ ku vula Yehovha Hosi Leyikulu. ‘Kambe khomiwani hi tingana hi mhaka ya tindlela ta n’wina, n’wina Vayisrayele.’

33 “Yehovha Hosi Leyikulu a li: ‘Siku leli ni nga ta mi basisa hi lona ka swidjoho swa n’wina hinkwaswu, ni ta yendla swaku ka madoropa ku tshama vanhu+ naswona tindhawu leti nga hohlokela ti pfuxetiwa.+ 34 Tiko leli nga hohlokela leli a li voniwa hi munhu mun’wani ni mun’wani lweyi a hundzaka hi ndlela li ta rimiwa. 35 Se vanhu va ta ku: “Tiko leli a li hohlokelile se li fana ni jardim la Edeni,+ madoropa lawa a ma hohlokelile ma tlhela ma dilizeliwa se ma ni mimuru ya ku tiya naswona ku tshama vanhu.”+ 36 Matiko lawa ma nga sala lama nga kusuhi na n’wina ma ta swi tiva swaku mina Yehovha, ni yake swilo leswi a swi diliziwile naswona ni byale minsinya ka tindhawu leti nga siyiwa na ti hohlokelile. Mina Yehovha ni swi vulile naswona ni swi yendlile.’+

37 “Yehovha Hosi Leyikulu a li: ‘Ni ta tlhela ni pfumelela Vayisrayele swaku va ni kombela swaku ni va yendlela swaku vanhu va vona va tala ku fana ni ntlhambi. 38 Kutani va ta fana ni ntlhambi wa vanhu va ku kwetsima, ku fana ni ntlhambi wa Yerusalema* hi nkama wa mafexta ya yena;+ madoropa lawa a ma hohlokelile ma ta tala hi vanhu va vanyingi;+ va ta swi tiva swaku hi mina Yehovha.’”

37 Ni twe matimba* ya Yehovha na ma li ka mina, se Yehovha a ni tlakula hi matimba ya yena, a ni veka ka ndhawu leyi nga pfuleka+ naswona a yi tale hi marhambu. 2 A ni hundzise hi kusuhi na wona, se ni vona marhambu ya manyingi swinene ka ndhawu leyi nga pfuleka naswona a ma wome ngopfu.+ 3 A ni vutisa a ku: “N’wana wa munhu, indjhe marhambu lawa ma nga tlhela ma hanya?” Se ni hlamula ni ku: “Yehovha Hosi Leyikulu, hi wena u swi tivaka.”+ 4 Kutani a ni byela a ku: “Profeta hi ta marhambu lawa, u ma byela u ku: ‘N’wina marhambu ya ku woma, yingisani leswi Yehovha a swi vulaka:

5 “‘Yehovha Hosi Leyikulu a byela marhambu lawa a ku: “Ni ta nghenisa moya wa wutomi* ka n’wina, mi ta tlhela mi hanya.+ 6 Ni ta nghenisa minsiha ni nyama ka n’wina, ni ta mi namarheta xikhumba, ni ta nghenisa moya wa wutomi ka n’wina, mi ta tlhela mi hanya; se mi ta swi tiva swaku hi mina Yehovha.”’”

7 Se ni profeta hi ku landza leswi ni nga rhumiwa swona. Loko se ni profetile ku game ku twakala guwa la ku banana ka marhambu, se marhambu ma sungula ku tlhangana. 8 Se ni ma vona ma va ni minsiha ni nyama, ma gama ma mbhonyiwa hi xikhumba. Kambe a ma nga hefemuli.

9 A gama a ni byela a ku: “Profeta ka moya. Profeta n’wana wa munhu, u byela moya u ku: ‘Yehovha Hosi Leyikulu a li: “Wena moya bana u huma hi ka matlhelo hinkwawu ya misava,* u nghena ka vanhu lava a va dlayiwile swaku va tlhela va hanya.”’”

10 Kutani ni profeta hi ku landza leswi ni nga byeliwa swona, se moya wa wutomi wu nghena ka vona va gama va sungula ku hanya, va nyima hi minenge,+ a va li ntlawa wawukulu swinene wa masonchwa ya nyimpi.

11 Kutani a ni byela a ku: “N’wana wa munhu, marhambu lawa i vanhu hinkwavu va Israyele.+ Vona va li: ‘Marhambu ya hina ma womile, a ha ha na ntshembo.+ Hi hambanisiwile ni vanhu van’wani.’ 12 Se profeta u va byela u ku: ‘Yehovha Hosi Leyikulu a li: “Ni ta pfula masirha ya n’wina,+ ni ta mi humesa ka wona n’wina vanhu va mina, ni mi tisa ka tiko la Israyele.+ 13 Mi ta swi tiva swaku hi mina Yehovha nkama ni nga ta pfula masirha ya n’wina ni nkama ni nga ta mi humesa ka wona, n’wina vanhu va mina.”’+ 14 ‘Ni ta nghenisa matimba ya mina ka n’wina, mi ta tlhela mi hanya,+ ni ta mi tshamisa ka tiko la n’wina; kutani mi ta swi tiva swaku mina Yehovha, ni swi vulile naswona ni swi yendlile,’ ku vula Yehovha.”

15 Yehovha a tlhela a vulavula na mina a ku: 16 “Wena n’wana wa munhu, teka nhonga u tsala ka yona u ku: ‘Ya Yuda ni Vayisrayele hinkwavu lava nga na yena.’*+ U gama u teka nhonga yin’wani u tsala ka yona u ku: ‘Ya Yosefa, ku nga nhonga leyi fanekiselaka Efrayimi ni Vayisrayele hinkwavu lava nga na yena.’*+ 17 Ti khomi u ti tlhanganisa ti va nhonga yin’we ka voko la wena.+ 18 Loko vanhu va tiko la wena va ku vutisa va ku: ‘U nga hi byela swaku swilo leswi swi vula yini?’ 19 Va byeli u ku: ‘Yehovha Hosi Leyikulu a li: “Ni ta teka nhonga ya Yosefa leyi nga ka voko la Efrayimi ni tinxaka ta Israyele leti nga na yena, ni gama ni va tlhanganisa ni nhonga ya Yuda; ni ta va yendla nhonga yin’we,+ va ta va nchumu wun’we ka voko la mina.”’ 20 Tinhonga leti u tsalaka ka tona u fanele u ti khoma hi voko swaku va ta ti vona.

21 “U gama u va byela u ku: ‘Yehovha Hosi Leyikulu a li: “Ni ta teka Vayisrayele xikarhi ka matiko lawa va nga ya ka wona, ni ta va hlengeleta ka matlhelo hinkwawu, ni va tisa ka tiko la vona.+ 22 Ni ta va yendla lixaka lin’we ka tiko leli,+ ka tintshava ta Israyele, hinkwavu va ta fumiwa hi hosi yin’we,+ a va nga ha ta va tinxaka timbirhi; naswona a va nga ha ta va mimfumu yimbirhi.+ 23 A va nga ha ta tichakisa hi swikwembu swa vona swa ku nyenyentsa* ni hi mintirho ya vona ya ku nyenyentsa ni hi swidjoho swa vona.+ Ni ta va ponisa ka ku kala ku tshembeka ka vona loku nga yendla swaku va djoha, ni ta va basisa. Va ta va vanhu va mina kutani mina ni ta va Xikwembu xa vona.+

24 “‘“Mutirheli wa mina Davhida a ta va hosi ya vona+ naswona hinkwavu va ta va ni murisi mun’we.+ Va ta yingisa swiboho swa mina swa ku yavanyisa ni minawu ya mina.+ 25 Va ta tshama ka tiko leli ni nga li nyika mutirheli wa mina Yakobe lani vavhovho va n’wina va nga tshama kona,+ va ta tshama ni vana* va vona ka lona ni vatukulu va vona+ hi nkama wa ku kala wu nga heli;+ naswona mutirheli wa mina Davhida a ta va murhangeli wa vona hi nkama wa ku kala wu nga heli.+

26 “‘“Ni ta yendla ntwananu wa ku va ni ku rhula na vona;+ wu ta va ntwananu wa ku kala wu nga heli na vona. Ni ta va lunghisela ndhawu ni yendla swaku va tala+ naswona ni ta veka ndhawu ya mina leyi kwetsimaka xikarhi ka vona hi nkama wa ku kala wu nga heli. 27 Tende* la mina li ta va xikarhi* ka vona, ni ta va Xikwembu xa vona kutani vona va ta va vanhu va mina.+ 28 Matiko ma ta swi tiva swaku mina Yehovha, ni kwetsimisa Israyele nkama lowu ndhawu ya mina leyi kwetsimaka yi nga ta va xikarhi ka vona hi nkama wa ku kala wu nga heli.”’”+

38 Yehovha a tlhela a khuluma na mina a ku: 2 “N’wana wa munhu, txuvuka Goge wa tiko la Magoge,+ murhangeli wamukulu wa Mixeke na Tubali,+ u gama u profeta leswi lwisanaka na yena.+ 3 U fanele u ku: ‘Yehovha Hosi Leyikulu a li: “Ni lwa na wena Goge, murhangeli wamukulu wa Mixeke na Tubali. 4 Ni ta ku ndzuluta, ni tlhoma swiyove ka tinhlaya* ta wena,+ ni ku humesa ni masonchwa ya wena hinkwawu ya nyimpi,+ makavhalu ya wena ni vafambisi va makavhalu, hinkwavu na va yambale mpahla ya ku saseka ngopfu, ntlawa hinkwawu wawukulu swinene lowu nga khoma swivhikelo swaswikulu ni swaswitsongo, hinkwavu na va ni swipada swa vona; 5 va ta va na Persiya, Etiyopiya na Puti,+ hinkwavu na va khome swivhikelo naswona na va yambale makapaseti ya nyimpi; 6 na Gomeri ni masonchwa ya yena hinkwawu, vatukulu va Torgama+ lava taka hi ka tindhawu ta le kule swinene ta le norte* ni masonchwa ya vona hinkwawu, vanhu va vanyingi va na wena.+

7 “‘“Lunghekani, mi tilunghiselela, wena ni masonchwa ya wena lama nga hlengeletana na wena, se wena u ta va murhangeli* wa wona.

8 “‘“U ta vitaniwa loko se ku hele masiku ya manyingi. Ka malembe ya wugamu u ta hlasela tiko la vanhu lava nga vuyisiwa ni lava nga ponisiwa ka xipada, lava nga hlengeletiwa va huma ka vanhu va vanyingi va tisiwa ka tintshava ta Israyele, lani ku nga hela nkama wa wunyingi na ku nga tshami vanhu. Vanhu lava tshamaka ka tiko leli va vuyisiwe hi ka matiko naswona hinkwavu va tshama na va vhikelelekile.+ 9 U ta va yela ku fana ni xidzedze, u ta mbhonya tiko ku fana ni marhefu, wena ni masonchwa ya wena hinkwawu ni vanhu va vanyingi lava nga na wena.”’

10 “Yehovha Hosi Leyikulu a li: ‘Hi siku lolelo ku ni leswi u nga ta swi pimisa ka mbilu ya wena naswona u ta hamba maplanu* ya ku yendla swa ku biha. 11 U ta ku: “Ni ta hlasela tiko la lava tshamaka ka swidoropani leswi kalaka swi nga vhikeleliwanga.+ Ni ta lwa ni lava tshamaka ka tindhawu leti nga hlayiseka, lava kalaka va nga karhatiwi hi nchumu, hinkwavu va tshama ka swidoropani leswi kalaka swi nga na mimuru ya ku swi vhikela, swa ku khiya hi swona kumbe tinyanghwa.” 12 Planu la kona ku ta va ku teketela minchumu ya yinyingi, ku hlasela tindhawu leti a ti hohlokelile* kambe swoswi se ku tshamaka vanhu+ ni vanhu lava nga tlhela va hlengeleteliwa va huma ka matiko man’wani,+ lava hlengeletaka tshomba ni nhundzu,+ lava tshamaka xikarhi ka misava.

13 “‘Xeba+ na Dedani+ ni vaxavisi va Tarxixi+ ni tinhenha* hinkwatu ta yena va ta ku vutisa va ku: “U ta hlasela swaku u teketela minchumu ya yinyingi? U hlengelete masonchwa ya wena swaku ma teka prata ni woru, ma teka tshomba ni nhundzu ni ku teketela minchumu ya yinyingi hintamu?”’

14 “Se profeta n’wana wa munhu, u byela Goge u ku: ‘Yehovha Hosi Leyikulu a li: “Hi siku lolelo u ta swi tiva swaku vanhu va mina ku nga Vayisrayele va tshama na va vhikelelekile.+ 15 U ta ta hi ka ndhawu ya wena, u sukela ka tindhawu ta le kule swinene ta le norte,+ wena ni vanhu va vanyingi lava nga na wena, hinkwavu na va li ka makavhalu, na va li masonchwa ya manyingi.+ 16 Ku fana ni marhefu lama mbhonyaka tiko, u ta ta u ta lwa ni vanhu va mina ku nga Vayisrayele. Ka masiku ya wugamu ni ta ku tisa swaku u ta lwa ni tiko la mina,+ leswaku matiko ma ta ni tiva nkama ni nga ta tirhisa wena swaku ni tikwetsimisa phambheni ka wona, Wena Goge.”’+

17 “Yehovha Hosi Leyikulu a li: ‘Kasi a hi wena lweyi ni nga vulavula hi yena khale swinene hi ku tirhisa vatirheli va mina ku nga vaprofeta va Israyele, lava nga profeta ku ringana malembe ya manyingi swaku hi wena u nga ta lwa na vona?’

18 “‘Hi siku lolelo, ku nga siku leli Goge a nga ta hlasela tiko la Israyele hi lona,’ ku vula Yehovha Hosi Leyikulu, ‘ni ta kwata swinene.+ 19 Ni ta khuluma na ni kwatile hintamu; hi siku lolelo ku ta va ni ku tsekatseka kakukulu ka misava ka tiko la Israyele. 20 Tihlampfi, swinyanyani, swiharhi swa khwati, ni swiharhi hinkwaswu leswi fambaka hi khwirhi ni vanhu hinkwavu va ta rhurhumela hi mhaka ya mina, tintshava hinkwatu ti ta diliziwa,+ ndhawu yin’wani ni yin’wani leyi yehlaka mati* yi ta wa ni mimuru hinkwayu yi ta wetetela.’

21 “‘Ni ta rhumela xipada swaku xi hlasela Goge ka tintshava ta mina hinkwatu,’ ku vula Yehovha Hosi Leyikulu. ‘Xipada xa munhu mun’wani ni mun’wani xi ta lwa ni makwavu.+ 22 Ni ta mu yavanyisa. Ni ta rhumela ntungu+ ka yena ni ka masonchwa ya yena. Vanhu va ta fa; ni ta nisa mpfula ya matimba ni marhalala*+ ni ndzilu+ ni xivavula*+ ahenhla ka yena ni masonchwa ya yena ni ka vanhu va vanyingi lava a nga na vona.+ 23 Ni ta titlakusa ni tlhela ni tikwetsimisa, ni titivisa phambheni ka matiko ya manyingi; ma ta swi tiva swaku hi mina Yehovha.’

39 “Wena n’wana wa munhu, profeta leswi lwisanaka na Goge,+ u mu byela u ku: ‘Yehovha Hosi Leyikulu a li: “Ni lwa na wena Goge, murhangeli wamukulu wa Mixeke na Tubali.+ 2 Ni ta ku ndzuluta, ni ku kongomisa, ni ku humesa ka tindhawu ta le kule swinene ta le norte,*+ ni ku tisa ahenhla ka tintshava ta Israyele. 3 Ni ta ba ligubu la wena li nga ka voko la wena la ximatsi, ni wisa mimpaxwa* ya wena yi nga ka voko la wena la xinene. 4 U ta wa ka tintshava ta Israyele,+ wena ni masonchwa ya wena hinkwawu ni vanhu lava nga ta va na va na wena. Ni ta yendla swaku u dliwa hi swinyanyani swa mixaka hinkwayu leswi dlaka nyama ni hi swiharhi swa khwati.”’+

5 “‘U ta wa akhwatini,+ hikusa mina ni swi vulile,’ ku vula Yehovha Hosi Leyikulu.

6 “‘Ni ta rhumela ndzilu ka Magoge ni ka lava tshamaka ka swihlala* na va vhikelelekile,+ kutani va ta swi tiva swaku hi mina Yehovha. 7 Ni ta yendla swaku vito la mina la ku kwetsima li tiviwa xikarhi ka vanhu va mina ku nga Vayisrayele, a ni nge he pfumeli swaku vito la mina la ku kwetsima li tlhela li chakisiwa; matiko ma ta swi tiva swaku hi mina Yehovha,+ Mukwetsimi wa Israyele.’+

8 “‘Minchumu leyi ya ta naswona yi ta yendleka,’ ku vula Yehovha Hosi Leyikulu. ‘Leli i siku leli ni nga vulavula hi lona. 9 Lava tshamaka ka madoropa ya Israyele va ta huma va ya tshivela ndzilu hi swilo swa ku lwa hi swona, ku nga swivhikelo swaswikulu ni swaswitsongo, tigubu ni mimpaxwa, tinhonga ta ku lwa hi tona ni matlharhi. Va ta tshivela ndzilu hi swona+ anze ku hela 7 wa malembe. 10 A va nge he boheki ku rhwala tihunyi anhoveni kumbe ku rholela tihunyi amakhwatini, hikusa va ta tshivela ndzilu hi swilo swa ku lwa hi swona.’

“‘Va ta teketela swilo swa lava a va va tekele minchumu ya vona, va hlasela lava a va va hlaselile,’ ku vula Yehovha Hosi Leyikulu.

11 “‘Hi siku lolelo, Goge+ ni ta mu nyika simitela aIsrayele, ka nkova lowu lava yaka awuxeni la lwandle va hundzaka hi ka wona, li ta pfala ndlela ya lava hundzaka. Hi kolanu va nga ta lahla Goge ni vanhu hinkwavu lava nga na yena, se ndhawu yoleyo va ta yi vitana swaku i Nkova wa Hamoni-Goge.*+ 12 Vanhu va Israyele va ta heta 7 wa tiwheti na va va lahla va basisa tiko.+ 13 Vanhu hinkwavu va tiko va ta va lahla, kutani leswi swi ta yendla swaku va va ni ndhuma hi siku leli ni nga ta tikwetsimisa hi lona,’+ ku vula Yehovha Hosi Leyikulu.

14 “‘Ku ni vavanuna lava nga ta vekiwa swaku va rhendzelekela tikweni swaku va lahla mintsumbu leyi nga ta va na yi salile, leswaku va li basisa. Va ta tama va yi lavetela anze ku hela 7 wa tiwheti. 15 Loko lava rhendzelekaka atikweni va vona rhambu la munhu, va ta veka marka atlhelweni ka lona. Se lava nga vekiwa swaku va lahla va ta ya li lahla ka Nkova wa Hamoni-Goge.+ 16 Naswona ku ta va ni doropa leli vitaniwaka Amona* kolanu. Na vona va ta basisa tiko.’+

17 “Wena n’wana wa munhu, Yehovha Hosi Leyikulu a li: ‘Byela swinyanyani hinkwaswu ni swiharhi hinkwaswu u ku: “Hlengeletanani mi ta. Hlengeletanani amatlhelweni ka gandzelo la mina leli ni mi lunghiselelaka lona, ku nga gandzelo lalikulu ka tintshava ta Israyele.+ Mi ta dla nyama mi tlhela mi phuza ngati.+ 18 Mi ta dla nyama ya tinhenha mi tlhela mi phuza ngati ya varhangeli va misava, tinyempfu, timbuti ni tihomu, swifuyu hinkwaswu swa ku nona swa le Baxani. 19 Ka gandzelo leli ni mi lunghiselelaka lona, mi ta dla mafurha ya manyingi swinene mi tlhela mi phuza ngati anze mi dakwa.”’

20 “‘Ka meza wa mina mi ta dla makavhalu ni vafambisi va tinyolo,* vanhu va matimba ni tinhenha ta mixaka hinkwayu,’+ ku vula Yehovha Hosi Leyikulu.

21 “‘Ni ta kombisa ku phatima ka mina xikarhi ka matiko, se matiko hinkwawu ma ta vona ndlela leyi ni nga yavanyisa hi yona ni matimba lawa ni nga ma kombisa xikarhi ka wona.+ 22 Ku sukela hi siku lolelo ku ya phambheni, vanhu va Israyele va ta swi tiva swaku hi mina Yehovha Xikwembu xa vona. 23 Matiko ma ta swi tiva swaku vanhu va Israyele va ye wukaraweni hi mhaka ya xihoxo xa vona, hi mhaka ya leswi va kalaka va nga tshembekanga ka mina.+ Ni va fihlele nghohe* ya mina,+ ni va nyikela ka valala va vona+ se hinkwavu va dlayiwe hi xipada. 24 Ni va khome hi ku ya hi leswi va nga tichakisisa swona ni hi ku ya hi xidjoho xa vona naswona ni va fihlele nghohe ya mina.’

25 “Kutani Yehovha Hosi Leyikulu a li: ‘Vanhu va Yakobe lava a va li wukaraweni+ ni ta va tlhelisela ka tiko la vona naswona ni ta va ni timpsalu ka vanhu hinkwavu va Israyele;+ ni ta tirhisa matimba swaku ni nyimelela vito la mina la ku kwetsima.+ 26 Loko se va danisiwile hi mhaka ya leswi va kalaka va nga tshembekanga ka mina,+ va ta gama va tshama ka tiko la vona na va hlayisekile va nga chavisiwi hi munhu.+ 27 Nkama ni nga ta va vuyisa xikarhi ka vanhu, ni va hlengeleta va huma ka matiko ya valala va vona,+ ni ta tlhela ni tikwetsimisa xikarhi ka vona na swi voniwa hi matiko ya manyingi.’+

28 “‘Va ta swi tiva swaku hi mina Yehovha Xikwembu xa vona nkama ni nga ta va yisa wukaraweni axikarhi ka matiko ni gama ni tlhela ni va hlengeleta va tlhela ka tiko la vona, ni nga siyi munhu.+ 29 A ni nge he va fihleli nghohe ya mina,+ hikusa ni ta chulula moya wa mina wa ku kwetsima ka vanhu va Israyele,’+ ku vula Yehovha Hosi Leyikulu.”

40 Hi lembe la wu 25 na hi li wukaraweni,+ loko lembe li sungula, hi siku la wu 10 la wheti, hi lembe la wu 14 loko doropa se li helisiwile,+ hi siku lolelo matimba ya Yehovha ma sungule ku tirha ka mina,* a ni teka a ni yisa adoropeni.+ 2 Xikwembu xi ni kombe minchumu hi ndlela ya singita* naswona a swi tikomba ingaku no va ka tiko la Israyele se xi ni tshamisa henhla ka ntshava ya ku tlakuka swinene,+ lani a ku ni nchumu lexi nga yakiwa xa ku fana ni doropa hi ka tlhelo la le sul.*

3 Nkama xi nga ni yisa kolanu, ni vone wanuna lweyi a a tikomba na a fana ni kobre.+ A a khome goda la ku yendliwa hi nsinya wa xikwenga ni lihlanga* la ku pima hi lona,+ a a nyime nyanghweni. 4 Wanuna yelweyo a ni byela a ku: “N’wana wa munhu, txuvuka kahle, u yingisela kahle,* u yi txuvuka kahle minchumu hinkwayu leyi ni nga ta ku komba yona hikusa hi leswo u nga tiseliwa swona lani. Byela Vayisrayele swilo hinkwaswu leswi u swi vonaka.”+

5 Ni vone muru lowu a wu li matlhelweni ka tempele. Wanuna yelweyo a a khome lihlanga la ku pima hi lona leli a li lehe kolomuyani ka mametru manharhu.* Se a sungula ku pima muru, ku kula ka wona a ku ringana ni lihlanga naswona ku leha ka wona a ku ringana ni lihlanga.

6 Se a gama a ta ka nyanghwa lowu a wu txuvuke wuxeni,+ kutani a khwela ka swikada swa wona. Nkama a nga pima ndhawu ya ku nghena hi yona, ku yanama ka yona a ku ringana ni lihlanga naswona ku yanama ka ndhawu leyin’wani ya ku nghena hi yona a ku ringana ni lihlanga. 7 Sala lin’wani ni lin’wani la vagwardu a li lehe ku ringana ni lihlanga, li yanama ku ringana ni lihlanga naswona mpfhuka lowu a wu hambanisa masala ya vagwardu a wu li wa kolomuyani ka 2,6 wa mametru.*+ Se a ndhawu ya ku nghena hi yona leyi a yi li tlhelweni ka vharanda la nyanghwa lowu a wu txuvukane ni tempele a yi ringana ni lihlanga.

8 Kutani a pima vharanda la nyanghwa lowu nghenaka ka tempele, a li ringana ni lihlanga. 9 A game a pima vharanda la nyanghwa leli a li lehe kolomuyani ka 4,1 wa mametru;* a pima ni mapilari ya lona ya le matlhelweni lawa a ma lehe kolomuyani ka metru lin’we;* vharanda la nyanghwa a li li ka tlhelo leli a li txuvuke ka tempele.

10 A ku ni makwartu manharhu ya vagwardu ka tlhelo ha lin’we la nyanghwa wa le wuxeni. Hiwunharhu ka wona a ma ringana naswona mapilari ya le matlhelweni a ma ringana ka matlhelo hamambirhi.

11 Se a gama a pima ku yanama ka ndhawu ya ku nghena hi yona ka tempele, a yi ni kolomuyani ka 5,2 wa mametru;* naswona nyanghwa a wu lehe 6,7 wa mametru.*

12 Ndhawu leyi a yi ni muru aphambheni ka masala ya vagwardu a yi lehe kolomuyani ka 51,8 wa masentimetru* ka matlhelo hinkwawu. Masala ya vagwardu a ma lehe 3,1 wa mametru* ka matlhelo hamambirhi.

13 Kutani a pima nyanghwa ku sukela ahenhla ka sala* lin’we la vagwardu ku ya fika ahenhla ka sala lin’wani, a wu yaname kolomuyani ka 13 wa mametru;* ndhawu yin’we ya ku nghena hi yona a yi txuvukane ni leyin’wani.+ 14 Se a pima mapilari ya le matlhelweni lawa a ma lehe kolomuyani ka 31,8 wa mametru* ku patsa ni mapilari ya le matlhelweni ka tinyanghwa lawa a ma rhendzele kintari.* 15 Ku sukela aphambheni ka nyanghwa wa ku nghena hi wona ku ya fika aphambheni ka vharanda la nyanghwa wa le ndzeni ka tempele a ku li 25,9 wa mametru.*

16 A ku ni majanela lawa ma nga ni maaru ya ku lala+ ka matlhelo hamambirhi ya masala ya vagwardu ni ka mapilari lawa ma nga matlhelweni ka wona andzeni ka nyanghwa. Aphakati ka mavharanda a ku ni majanela ka matlhelo hamambirhi naswona mapilari ya le matlhelweni a ma ni swifaniso swa minsinya ya mintxindzu.*+

17 Se a ni yisa ka kintari wa vanhu hinkwavu, kutani ni vona masala ya ku dlela ka wona+ ni ndhawu leyi nga rhendzela kintari leyi nga veketeliwa maribye ahansi. A ku ni 30 wa masala ya ku dlela ka wona ka ndhawu yoleyo. 18 Ku yanama ka ndhawu leyi nga veketeliwa maribye ahansi leyi nga tlhelweni ka tinyanghwa a ku ringana ni ku leha ka tinyanghwa; leyi a ku li ndhawu leyi a yi veketeliwe maribye ya le hansi.

19 Kutani a pima mpfhuka* wa ku sukela aphambheni ka nyanghwa wa le hansi ku ya fika amagamu ka kintari wa vaprista. A ku li kolomuyani ka 51,8 wa mametru* awuxeni ni le norte.*

20 Kintari wa vanhu hinkwavu a wu ni nyanghwa lowu nga txuvuka anorte, se a pima ku leha ni ku yanama ka kintari lowu. 21 A ku ni masala manharhu ya vagwardu ka tlhelo ha lin’we. Mapilari ya nyanghwa ya le tlhelweni ni vharanda la wona a swi ringana ni mpimu wa nyanghwa wa ku sungula. A swi lehe 25,9 wa mametru* swi yanama kolomuyani ka 13 wa mametru.* 22 Majanela ya wona, vharanda la wona ni swifaniso swa wona swa nsinya wa ntxindzu+ a swi ringana ni mpimu wa swa nyanghwa lowu nga wuxeni. Vanhu a va khwela 7 wa swikada loko va nghena ka wona, vharanda la wona a li kumeka aphambheni ka vona.

23 A ku ni nyanghwa ka kintari wa vaprista lowu a wu txuvukane ni nyanghwa wa le norte kasi nyanghwa wun’wani a wu txuvukane ni nyanghwa wa le wuxeni. Se a pima mpfhuka wa ku sukela ka nyanghwa wun’wani ku ya ka wun’wanyani, a wu ni kolomuyani ka 51,8 wa mametru.*

24 Se, a gama a ni yisa asul, kutani ni vona nyanghwa ka tlhelo la le sul.+ Se a pima mapilari ya wona ya le matlhelweni ni vharanda la wona, a swi ringana ni swa tinyanghwa letin’wani. 25 A ku ni majanela ka tlhelo ha lin’we la wona ni ka vharanda la wona, a ma fana ni majanela laman’wani. A ma lehe 25,9 wa mametru* ma yanama kolomuyani ka 13 wa mametru.* 26 A ku ni 7 wa swikada swa ku nghena hi swona+ naswona a ku ni vharanda aphambheni ka swona. A ku ni swifaniso swa nsinya wa ntxindzu ka mapilari ya le matlhelweni ka wona, a ku ni xifaniso xin’we ka tlhelo ha lin’we.

27 Kintari wa vaprista a wu ni nyanghwa lowu a wu txuvuke sul; a pime ku sukela ka nyanghwa wun’we asul ku yaka lowun’wanyani naswona mpfhuka wa kona a wu li wa kolomuyani ka 51,8 wa mametru.* 28 Se a game a ni yisa ka kintari wa vaprista hi nyanghwa wa le sul; nkama a nga pima nyanghwa wa le sul, a wu ringana ni tinyanghwa letin’wani. 29 Masala ya wona ya vagwardu, mapilari ya le matlhelweni ni vharanda la wona a swi ringana ni laman’wani. A ku ni majanela ka tlhelo lin’wani ni lin’wani la wona ni ka vharanda la wona. A wu lehe 25,9 wa ma mametru* wu yanama kolomuyani ka 13 wa mametru.*+ 30 A ku ni mavharanda ka matlhelo hinkwawu; a ma lehe kolomuyani ka 13 wa mametru* ma yanama kolomuyani ka 2,6 wa mametru.* 31 Vharanda la nyanghwa lowu a li txuvuke ka kintari wa vanhu hinkwavu, a ku ni swifaniso swa nsinya wa ntxindzu ka mapilari ya wona ya le matlhelweni+ naswona a ku ni 8 wa swikada swa ku nghena hi swona.+

32 A game a ni yisa ka kintari wa vaprista hi ka tlhelo la le wuxeni, a fike a pima nyanghwa naswona a wu ringana ni tinyanghwa letin’wani. 33 Masala ya wona ya vagwardu, mapilari ya le matlhelweni ni vharanda la wona a swi ringana ni swa tinyanghwa letin’wani naswona a ku ni majanela ka tlhelo lin’wani ni lin’wani la wona ni ka vharanda la wona. A wu lehe kolomuyani ka 25,9 wa mametru* wu yanama kolomuyani ka 13 wa mametru.* 34 Vharanda la wona a li txuvuke ka kintari wa vanhu hinkwavu, a ku ni swifaniso swa nsinya wa ntxindzu ka mapilari ya yona ya le matlhelweni naswona a ku ni 8 wa swikada swa ku nghena hi swona.

35 Se a gama a ni yisa ka nyanghwa wa le norte+ kutani a wu pima; a wu ringana ni tinyanghwa letin’wani. 36 Masala ya wona ya vagwardu, mapilari ya wona ya le matlhelweni ni vharanda la wona a swi ringana ni swa tinyanghwa letin’wani. A wu ni majanela ka tlhelo lin’wani ni lin’wani la wona. A wu lehe 25,9 wa mametru* wu yanama kolomuyani ka 13 wa mametru.* 37 Mapilari ya wona ya le matlhelweni a ma txuvuke ka kintari wa vanhu hinkwavu, a ku ni swifaniso swa nsinya wa ntxindzu ka mapilari ya wona ya le matlhelweni naswona a ku ni 8 wa swikada swa ku nghena hi swona.

38 Kwartu la ku dlela ka lona ni nyanghwa wa ku nghena hi wona a swi li kusuhi ni mapilari ya le matlhelweni ka tinyanghwa lani magandzelo ya ku hisiwa a ma hlampsiwa kona.+

39 Ka tlhelo lin’wani ni lin’wani la vharanda la nyanghwa a ku ni mimeza yimbirhi lani a ku dlayeliwa kona swifuyu swa magandzelo ya ku hisiwa,+ magandzelo ya xidjoho+ ni magandzelo ya nandzu.+ 40 Ka ndlela leyi yaka ka nyanghwa wa le norte, a ku ni mimeza yimbirhi ahandle ka nyanghwa. Naswona a ku ni mimeza yimbirhi ka tlhelo lelin’wani la vharanda la nyanghwa. 41 A ku ni 4 wa mimeza ka matlhelo hamambirhi ya nyanghwa, hinkwayu a yi li 8, mimeza leyi a ku dlayeliwa ka yona swifuyu swa magandzelo. 42 A 4 wa mimeza leyi a ku dlayeliwa ka yona swifuyu swa magandzelo ya ku hisiwa a yi yendliwe hi maribye ya ku vatliwa. A yi lehe kolomuyani ka 77,7 wa masentimetru* yi yanama kolomuyani ka 77,7 wa masentimetru naswona a yi tlakuke kolomuyani ka 51,8 wa masentimetru.* Ahenhla ka yona a ku vekiwe swilo swa ku dlaya hi swona swifuyu swa magandzelo ya ku hisiwa ni magandzelo man’wani. 43 Ka makhumbi ya le ndzeni a ku namarhetiwe swa ku veka swibya leswi a swi yaname 7,4 wa masentimetru; naswona nyama ya magandzelo leyi a yi nyikeliwa* a yi vekiwa ka mimeza.

44 Ahandle ka nyanghwa wa le ndzeni a ku ni masala ya ku dlela ka wona ya vayimbeleli;+ a ma li ka kintari wa vaprista kusuhi ni nyanghwa wa le norte, a ma txuvuke sul. Sala lin’wani ni lin’wani la ku dlela ka lona a li li kusuhi ni nyanghwa wa le wuxeni, a li txuvuke anorte.

45 Se a ni byela a ku: “Sala leli la ku dlela ka lona leli nga txuvuka asul i la vaprista lava tirhaka atempeleni.+ 46 Sala la ku dlela ka lona leli nga txuvuka anorte i la vaprista lava tirhaka ka altari.+ I vana va Zadoki,+ lava humaka ka Valevhi lava nga vekiwa swaku va tshinela ka Yehovha leswaku va mu tirhela.”+

47 Se a gama a pima kintari wa vaprista. A wu lehe kolomuyani ka 51,8 wa mametru,* wu yanama kolomuyani ka 51,8 wa mametru, matlhelo hinkwawu ya 4 a ma ringana. Altari a yi li phambheni ka tempele.

48 Se a gama a ni yisa ka vharanda la tempele,+ a fika a pima pilari la le tlhelweni ka vharanda, a li lehe kolomuyani ka 2,6 wa mametru* ka tlhelo lin’wani naswona a li lehe kolomuyani ka 2,6 wa mametru ka tlhelo lelin’wani. Nyanghwa a wu yaname 1,5 metru* ka tlhelo lin’wani naswona a wu yaname 1,5 metru ka tlhelo lelin’wani.

49 Vharanda a li lehe kolomuyani ka 10,4 wa mametru* li yanama kolomuyani ka 5,7 wa mametru.* Vanhu a va khwela swikada loko va ya ka lona. A ku ni mapilari atlhelweni ka khumbi, ka tlhelo ha lin’we a ku ni pilari lin’we.+

41 Kutani a ni yisa ka ndhawu leyi kwetsimaka ya le handle,* se a pima mapilari ya le matlhelweni; a ma yaname 3,1 wa mametru* ka tlhelo lin’we, ma yanama 3,1 wa mametru ka tlhelo lelin’wani. 2 Ndhawu ya ku nghena hi yona a yi yaname kolomuyani ka 5,2 wa mametru* naswona makhumbi ya le matlhelweni ka ndhawu ya ku nghena hi yona a ma yaname 2,6 wa mametru* ka tlhelo lin’we ni 2,6 wa mametru ka tlhelo lelin’wani. A pime ku leha ka tempele a kuma swaku a ku li 20,7 wa mametru,* naswona a yi yaname 10,4 wa mametru.*

3 Se a gama a nghena phakati,* a pima pilari la le tlhelweni ka ndhawu ya ku nghena hi yona, a li kule kolomuyani ka metru lin’we,* kasi ndhawu ya ku nghena hi yona a yi yaname 3,1 wa mametru. Makhumbi ya le matlhelweni ka ndhawu ya ku nghena hi yona a ma yaname 3,6 wa mametru.* 4 A game a pima kwartu leli nga txuvukana ni ndhawu leyi kwetsimaka ya le handle, a li lehe 10,4 wa mametru li yanama 10,4 wa mametru.+ Se a gama a ni byela a ku: “Leyi i Ndhawu Ya Ku Kwetsima Hintamu.”+

5 Se a gama a pima khumbi la tempele, a li kule 3,1 wa mametru. Makwartu ya le matlhelweni lawa ma nga rhendzela tempele a ma yaname mametru mambirhi.*+ 6 Makwartu ya le matlhelweni a ma ni maandari manharhu, lin’we ahenhla ka lin’wani, andari lin’we a li ni 30 wa makwartu. A ku ni swilo swa ku tiyisa hi swona leswi a swi li matlhelweni ka khumbi la tempele leswi a swi tiyisa makwartu ya le matlhelweni swaku khumbi la tempele li nga boxiwi.+ 7 Ka matlhelo hamambirhi ya tempele a ku ni koredori leli a li rhendzeleka* leli a li ya li pfuleka nkama li yaka ka makwartu ya le henhla.+ A li ya li pfuleka loko u suka ka andari lin’we ku ya ka lin’wanyani, nkama lowu munhu a yaka henhla a suka ka andari la le hansi a hundza hi ka andari la le xikarhi a ya ka andari la le henhla.

8 Ni vone nchumu* xa ku tlakuka ka matlhelo hinkwawu ya tempele naswona masungulo ya makwartu ya le matlhelweni a ma ringana ni lihlanga hinkwalu leli a li ni 3,1 wa mametru ku ya fika ka ponta. 9 Khumbi la le handle la makwartu ya le matlhelweni a li yaname 2,6 wa mametru. A ku ni ndhawu ya ku pfuleka* atlhelweni ka makwartu lawa a ma li matlhelweni leyi na yona a yi lumba tempele.

10 Axikarhi ka tempele ni masala ya ku dlela ka wona+ a ku ni ndhawu leyi a yi yaname 10,4 ma mametru ka tlhelo ha lin’we. 11 A ku ni ndhawu ya ku nghena hi yona axikarhi ka makwartu ya le matlhelweni ni ndhawu leyi nga pfuleka ka tlhelo la le norte* naswona a ku ni ndhawu yin’wani ya ku nghena hi yona ka tlhelo la le sul.* Ndhawu leyi ya ku pfuleka a yi yaname 2,6 wa mametru ka matlhelo hinkwawu.

12 Yindlo leyi a yi yakiwile awupeladlambu leyi a yi txuvukane ni ndhawu ya ku pfuleka a yi yaname 36,3 wa mametru yi leha 46,6 wa mametru; makhumbi ya yindlo yoleyo a ma kule 2,6 wa mametru ka matlhelo hinkwawu.

13 Kutani a pima tempele, a yi lehe 51,8 wa mametru.* Ndhawu ya ku pfuleka, yindlo* leyi a yi yakiwile ni makhumbi ya yona na swona a swi lehe 51,8 wa mametru. 14 Ku yanama ka ndhawu leyi nga phambheni ka tempele leyi nga txuvuka awuxeni ni ku yanama ka ndhawu leyi nga pfuleka a ku li 51,8 wa mametru.

15 Se a gama a pima ku leha ka yindlo leyi nga txuvukana ni ndhawu leyi nga pfuleka andzhaku ka tempele, a tlhela a pima ni makoredori ya kona ka matlhelo hamambirhi, a swi ni 51,8 wa mametru.

A tlhele a pima ni ndhawu leyi kwetsimaka ya le handle, ndhawu leyi kwetsimaka ya le ndzeni+ ni mavharanda ya kintari,* 16 ku patsa ni tindhawu ta ku nghena hi tona, majanela lawa ma nga ni maaru ya ku lala+ ni makoredori lawa a ma li ka tindhawu leto ta tinharhu. Akusuhi ni ndhawu ya ku nghena hi yona a ku namarhetiwe mapulangu+ ku sukela hansi ku ya fika ka majanela; majanela a ma mbhonyiwa. 17 Ku pimiwe ahenhla ka ndhawu ya ku nghena hi yona ni le phakati ka tempele ni handle ka yona ni matlhelo hinkwawu ya muru. 18 A ku ni swifaniso swa makerubu+ leswi nga tsaliwa ni swifaniso swa minsinya ya mintxindzu,+ axikarhi ka makerubu mambirhi a ku ni xifaniso xin’we xa nsinya wa ntxindzu naswona kerubu lin’wani ni lin’wani a li ni tinghohe* timbirhi. 19 Nghohe ya munhu a yi txuvuke xifaniso xa nsinya wa ntxindzu ka tlhelo lin’wani, kasi nghohe ya nghonyama a yi txuvuke xifaniso xa nsinya wa ntxindzu ka tlhelo lelin’wani.+ A swi tsalisiwe swoleswo ka tempele hinkwayu. 20 Ku sukela ahansi ku ya fika henhla ka ndhawu ya ku nghena hi yona a ku tsaliwe makerubu ni swifaniso swa minsinya ya mintxindzu ka khumbi la ndhawu leyi kwetsimaka.

21 Maaru ya swipfalu* swa ndhawu leyi kwetsimaka* a ma ni 4 wa matlhelo ya ku ringana.+ Aphambheni ka ndhawu ya ku kwetsima a ku li ni nchumu wa ku fana ni 22 altari ya mapulangu+ lowu a wu tlakuke 1,5 metru* wu leha kolomuyani ka metru lin’we.* A wu li ni mapilari ka tiponta naswona hansi ni le matlhelweni ka wona a wu yendliwe hi mapulangu. Se a gama a ni byela a ku: “Lowu i meza lowu nga phambheni ka Yehovha.”+

23 Ndhawu leyi kwetsimaka ya le handle a yi ni tinyanghwa timbirhi ni ndhawu ya ku kwetsima a yi ni tinyanghwa timbirhi.+ 24 Tinyanghwa ta kona a ti ni swipfalu swimbirhi leswi a swi pfulekela phakati ni le handle. 25 A ku ni makerubu ni swifaniso swa nsinya wa ntxindzu leswi a swi tsaliwile ka tinyanghwa ta ndhawu leyi kwetsimaka, swa ku fana ni leswi nga tsaliwa ka makhumbi.+ Naswona a ku ni ndhawu leyi nga fuleliwa hi mapulangu aphambheni ka vharanda leli nga handle. 26 A ku ni majanela lawa ma nga ni maaru ya ku lala+ ni swifaniso swa nsinya wa ntxindzu ka matlhelo hamambirhi ya vharanda ni ka makwartu ya le matlhelweni ya tempele ni ka ndhawu leyi nga fuleliwa.

42 Se a gama a ni yisa ka kintari* wa vanhu hinkwavu ka tlhelo la le norte.*+ Kutani a ni yisa ka yindlo leyi nga ni makwartu ya ku dlela ka wona leyi a yi li tlhelweni ka ndhawu leyi nga pfuleka,+ hi ka tlhelo la norte la yindlo leyi nga kusuhi na yona.+ 2 Hi ka tlhelo la le norte lani a ku ni nyanghwa wa ku nghena hi wona, ndhawu leyi a yi lehe 51,8 wa mametru* yi yanama 25,9 wa mametru.* 3 Kintari wa vaprista a wu yaname kolomuyani ka 10,4 wa mametru*+ naswona a masala ya ku dlela ka wona a ma li xikarhi ka kintari wa vaprista ni kintari wa vanhu hinkwavu. Masala ya ku dlela ka wona a ma ni maandari manharhu lawa ma nga ni mavharanda naswona mavharanda ya kona a ma txuvukanile. 4 Aphambheni ka masala ya ku dlela ka wona a ku ni koredori la le phakati+ leli a li yaname 5,2 wa mametru* li leha 51,8* wa mametru naswona tindhawu ta ku nghena hi tona ka masala lawa a ti li anorte. 5 Masala ya ku dlela ka wona ya le ka andari la le henhla a ma nga yanamanga ku fana ni lawa ma nga ka andari la le hansi ni la le xikarhi hikusa mavharanda a ma dle ndhawu ya wona. 6 Hikusa a ma li ka andari la wunharhu, kambe a ma nga na mapilari ya ku fana ni ya mikintari. Hi leswo swi nga yendla swaku ku tekiwa ndhawu yayikulu ka wona ku tlula leyi nga tekiwa ka andari la le hansi ni la le xikarhi.

7 Muru wa maribye wa le handle lowu a wu li kusuhi ni masala ya ku dlela ka wona atlhelweni ka kintari wa vanhu hinkwavu lowu a wu txuvukane ni masala laman’wani ya ku dlela ka wona a wu lehe 25,9 wa mametru. 8 Hikusa masala ya ku dlela ka wona lawa a ma li tlhelweni ka kintari wa vanhu hinkwavu a ma lehe 25,9 wa mametru kambe lawa ma nga txuvuka ka ndhawu leyi kwetsimaka a ma lehe 51,8 wa mametru. 9 Masala ya ku dlela ka wona a ma ni ndlela ya ku nghena hi yona ka tlhelo la le wuxeni loko u sukela ka kintari wa vanhu hinkwavu.

10 Naswona a ku ni masala ya ku dlela ka wona andzhaku ka muru wa maribye wa kintari hi ka tlhelo la le wuxeni, akusuhi ni ndhawu leyi nga pfuleka ni ka yindlo leyi nga yakiwa.+ 11 A ku ni koredori phambheni ka wona la ku fana ni leli nga ka masala ya ku dlela ka wona lawa ma nga ka tlhelo la norte.+ A ma ringana hi ku leha ni hi ku yanama naswona a ma ni tinyanghwa ta ku huma hi tona naswona a ma tshame hi ndlela ya ku fana. Tindhawu ta wona ta ku nghena hi tona 12 a ti fana ni tindhawu ta ku nghena hi tona ta masala ya ku dlela ka wona lama nga ka tlhelo la le sul.* A ku ni ndhawu ya ku nghena hi yona lani koredori li sungulelaka kona, aphambheni ka muru wa maribye lowu a wu li kusuhi ni tlhelo la le wuxeni lani munhu a a kota ku nghena hi kona.+

13 Se a ni byela a ku: “A masala ya ku dlela ka wona ya le norte ni masala ya ku dlela ka wona ya le sul lama nga tlhelweni ka ndhawu leyi nga pfuleka+ i masala ya ku kwetsima ya ku dlela ka wona, lawa vaprista lava tshinelaka ka Yehovha va dlelaka ka wona magandzelo ya ku kwetsima ngopfu.+ Va ma veka kolanu magandzelo ya ku kwetsima ngopfu, gandzelo la swakudla, gandzelo la xidjoho ni gandzelo la nandzu hikusa i ndhawu ya ku kwetsima.+ 14 Loko vaprista va nghena, a va fanelanga va huma ka ndhawu ya ku kwetsima va ya ka kintari wa vanhu hinkwavu na va nga rhanganga hi ku hlivila mpahla leyi va tirhaka hi yona,+ hikusa ya kwetsima. Va ta yambala mpahla yin’wani leswaku va kota ku nghena ka tindhawu leti vanhu van’wani va pfumeleliwaka ku nghena ka tona.”

15 Nkama a nga heta ku pima ndhawu ya le phakati ka tempele, a ni humese hi nyanghwa lowu nga txuvuka awuxeni+ naswona a pime ndhawu hinkwayu.

16 A pime tlhelo la le wuxeni hi lihlanga la ku pima hi lona.* Hi ku ya hi lihlanga leli, tlhelo leli a li lehe 1.555 wa mametru* ku sukela ka tlhelo lin’we ku ya ka tlhelo lelin’wani.

17 A pima tlhelo la le norte naswona hi ku ya hi lihlanga la ku pima hi lona, tlhelo leli a li lehe 1.555 wa mametru.

18 A pima tlhelo la le sul naswona hi ku ya hi lihlanga la ku pima hi lona, tlhelo leli a li lehe 1.555 wa mametru.

19 A game a famba a ya ka tlhelo la le wupeladlambu. A pima ndhawu leyi nga leha 1.555 wa mametru hi lihlanga la ku pima hi lona.

20 A pime matlhelo hinkwawu ya 4. A ku ni muru amatlhelweni+ lowu a wu lehe 1.555 wa mametru, wu yanama 1.555 wa mametru,+ swaku wu hambanisa ndhawu ya ku kwetsima ni leyi kalaka yi nga kwetsimi.+

43 Se a ni yisa ka nyanghwa lowu nga txuvuka awuxeni.+ 2 Ni fika ni vona ku phatima ka Xikwembu xa Israyele na ku huma hi le wuxeni+ naswona rito la xona a li fana ni guwa la mati lama tsutsumaka;+ kutani misava yi voningeliwa hi ku phatima ka xona.+ 3 Leswi ni* nga swi vona a swi fana ni leswi ni nga swi vona nkama ni nga ta swaku ni ta helisa doropa, a swi fana ni leswi ni nga swi vona kusuhi ni nambu wa Kebari;+ se ni khizama ni txuvuka hansi.

4 Kutani ku phatima ka Yehovha ku nghena ka tempele* hi nyanghwa lowu nga txuvuka awuxeni.+ 5 Se matimba ma ni nyimisa ma ni teka ma ni yisa ka kintari* wa vaprista, kutani ni vona swaku tempele a yi tale hi ku phatima ka Yehovha.+ 6 Kutani ni twa munhu na a vulavula na mina na a li ka tempele, se munhu yelweyo a ni tela a fika a nyima atlhelweni ka mina.+ 7 A ni byela a ku:

“N’wana wa munhu, leyi i ndhawu ya xitshamu xa mina xa wuhosi+ ni ndhawu ya minkondzo ya mina,+ lani ni nga ta tshama kona xikarhi ka Vayisrayele hi nkama wa ku kala wu nga heli.+ Vayisrayele a va nge he li chakisi vito la mina la ku kwetsima,+ vona ni tihosi ta vona, hi wunghwavani* la vona ni hi mintsumbu ya tihosi ta vona. 8 Va veke nyanghwa wa vona kusuhi ni nyanghwa wa mina ni aru la xipfalu xa vona ka tlhelo la aru la xipfalu xa mina, hi hambanisiwa hi khumbi ntsena;+ va chakisa vito la mina la ku kwetsima hi swilo swa ku nyenyentsa leswi va nga swi yendla, ni za ni va helisa na ni kwatile.+ 9 A va tshike wunghwavani* la vona va susa ni mintsumbu ya tihosi ta vona yi ya kule na mina, kutani ni ta tshama axikarhi ka vona hi nkama wa ku kala wu nga heli.+

10 “Wena n’wana wa munhu, tlhamusela Vayisrayele hi ta tempele leyi+ leswaku va ta dana hi mhaka ya swihoxo swa vona+ naswona va fanele va kambisisa leswi yi nga tshamisa xiswona.* 11 Loko va dana hi mhaka ya swilo hinkwaswu leswi va nga swi yendla, u fanele u va komba leswi tempele yi nga tshamisa swona, ndlela leyi yi nga lunghiseleliwa hi yona, tindhawu ta yona ta ku huma ni ta ku nghena hi tona.+ Va kombi leswi yi nga tshamisa xiswona hinkwayu ni minawu ya yona, u swi tsala hansi na va ku vona swaku va ta yingisa minawu ya yona.+ 12 Lowu i nawu wa tempele. Ndhawu hinkwayu leyi nga henhla ka ntshava yi kwetsima ngopfu.+ Lowu i nawu wa tempele.

13 “Swoswi ni ta mi komba leswi altari yi nga kulisa xiswona;+ yi pimiwe hi ndlela ya ku fana ni leswi tempele yi nga pimisiwa swona.* A xiyenge xa le hansi xa yona a xi lehe kolomuyani ka 51,8 wa masentimetru* xi yanama kolomuyani ka 51,8 wa masentimetru. Ahenhla ka xona a ku ni bandhi leli a li yaname kolomuyani ka 22,2 wa masentimetru.* Lowu a ku li mpimu wa xiyenge xa le hansi xa altari. 14 Ku sukela ka xiyenge xa le hansi xa altari ku ya ka xiyenge xaxitsongo* lexi nga matlhelweni ka altari a ku ni kolomuyani ka metru lin’we,* ku yanama kolomuyani ka 51,8 wa masentimetru. Ku sukela ka xiyenge xaxitsongo lexi nga matlhelweni ka altari ku ya ka xiyenge xaxikulu lexi nga matlhelweni ka altari a ku ni mametru mambirhi* ku yanama kolomuyani ka 51,8 wa masentimetru. 15 Xitiko xa altari xi tlakuke mametru mambirhi naswona ahenhla ka xitiko xa altari ku ni 4 wa timhondzo.+ 16 Xitiko xa altari xi ni 4 wa matlhelo ya ku ringana, xi lehe 6,2 wa mametru* xi yanama 6,2 wa mametru.+ 17 A 4 wa matlhelo ya xiyenge xaxikulu lexi nga matlhelweni ka altari ma lehe 7,3 wa mametru* ma yanama 7,3 wa mametru; ndhawu leyi nga henhla leyi nga matlhelweni ka altari yi ringana 25,9 wa masentimetru* naswona hansi ka yona a yi ni 51,8 wa masentimetru ka matlhelo hinkwawu.

“Swikada swa yona swi txuvuke awuxeni.”

18 Se a ni byela a ku: “N’wana wa munhu, Yehovha Hosi Leyikulu a li: ‘Leyi i minawu leyi nga ta landzeliwa loko ku yendliwa altari, swaku ku nyikeliwa magandzelo ya ku hisiwa ku tlhela ku n’wan’waseliwa ngati henhla ka yona.’+

19 “‘Vaprista lava nga Valevhi, lava nga vana va Zadoki,+ lava tshinelaka ka mina swaku va ni tirhela, u fanele u va nyika xihon’wani lexi nga gandzelo la xidjoho,’+ ku vula Yehovha Hosi Leyikulu. 20 ‘U fanele u teka ngati yin’wani ya xona u yi tota ka 4 wa timhondzo ta altari, ka 4 wa tiponta ta nchumu lexi nga matlhelweni ka altari ni ka ndhawu leyi nga henhla leyi nga matlhelweni ka altari, leswaku u yi basisa ka xidjoho naswona u yi kombelela ku rivaleliwa.+ 21 Se u gama u teka xihon’wani lexi nga gandzelo la xidjoho swaku xi hisiwa ka ndhawu leyi nga langiwa ya tempele, ahandle ka ndhawu leyi kwetsimaka.+ 22 Hi siku la wumbirhi u ta nyikela xiphongo xa ku hanya kahle, swaku xi va gandzelo la xidjoho; kutani va ta basisa altari ka xidjoho ku fana ni leswi va nga swi yendla swaku va yi basisa ka xidjoho hi xihon’wani.’

23 “‘Loko u heta ku yi basisa ka xidjoho, u ta gama u nyikela xihon’wani xa ku hanya kahle ni nyempfu ya ku hanya kahle. 24 U ta swi nyikela ka Yehovha naswona vaprista va fanele va swi chela munyu+ kutani va swi nyikela swaku swi va gandzelo la ku hisiwa ka Yehovha. 25 U ta nyikela xiphongo swaku xi va gandzelo la xidjoho la siku ni siku ku ringana 7 wa masiku,+ ku patsa ni xihon’wani ni nyempfu; u ta nyikela swifuyu swa ku hanya kahle. 26 Va ta kombelela altari ku rivaleliwa anze ku hela 7 wa masiku, se va fanele va yi basisa va yi veka swaku yi ta tlhela yi tirhisiwa. 27 Hi siku la wu 8,+ loko masiku wolawo se ma helile ku ya phambheni, vaprista va ta nyikela magandzelo ya n’wina* ya ku hisiwa ni magandzelo ya ku kombela ku rhula ka altari; kutani ni ta mi tsakela,’+ ku vula Yehovha Hosi Leyikulu.”

44 A ni vuyisa hi ndlela leyi yaka ka nyanghwa wa le handle wa ndhawu leyi kwetsimaka lowu nga txuvuka awuxeni+ naswona a wu pfaliwile.+ 2 Yehovha a ni byela a ku: “Nyanghwa lowu wu ta tshama na wu pfaliwile. A wu fanelanga wu pfuliwa naswona a ku na munhu lweyi a nga ta nghena hi wona hikusa Yehovha Xikwembu xa Israyele a nghene hi wona,+ kutani wu fanele wu tshama na wu pfaliwile. 3 Kambe murhangeli a ta tshama ka wona swaku a dla pawu phambheni ka Yehovha+ hikusa i murhangeli. A ta nghena hi ka vharanda la nyanghwa a tlhela a huma hi kona.”+

4 Se a ni yisa phambheni ka tempele hi nyanghwa wa le norte.* Nkama ni nga txuvuka ni vone ku phatima ka Yehovha na ku tate tempele ya Yehovha.+ Se ni khizama ni txuvuka hansi.+ 5 Yehovha a ni byela a ku: “N’wana wa munhu, yingisela kahle,* u txuvuka naswona u yingisela hinkwaswu leswi ni nga ta ku byela swona hi ta minawu ya tempele ya Yehovha. Yi txuvuki kahle ndhawu ya ku nghena hi yona ka tempele ni tindhawu hinkwatu ta ku huma hi tona ka ndhawu leyi kwetsimaka.+ 6 U fanele u byela Vayisrayele lava nga ni tshika u ku: ‘Yehovha Hosi Leyikulu a li: “A ni nge he yi pfumeleli mintirho ya n’wina ya ku nyenyentsa, n’wina Vayisrayele. 7 Loko mi tisa vanhu va matiko man’wani ka ndhawu ya mina leyi kwetsimaka, lava nga ni timbilu ta ku biha,* naswona va kalaka va nga tsemanga minsuvu,* va chakisa tempele ya mina. Mi ni yendlela magandzelo hi pawu, mafurha ni ngati kambe na mi tlula ntwananu wa mina hi mintirho ya n’wina hinkwayu ya ku nyenyentsa. 8 A mi yi hlayisanga minchumu ya mina leyi kwetsimaka.+ Kambe, mi langa van’wani swaku va yendla mintirho ya ndhawu ya mina leyi kwetsimaka.”’

9 “‘Kutani Yehovha Hosi Leyikulu a li: “A ku na munhu wa tiko lin’wani lweyi a tshamaka aIsrayele, lweyi a nga ni mbilu ya ku biha* naswona a kalaka a nga tsemanga nsuvu lweyi a nga ta nghena ka ndhawu ya mina leyi kwetsimaka.”’

10 “‘Kambe Valevhi lava nga ni tshika+ nkama Vayisrayele va nga ni tshika va ya gandzela swikwembu swa vona swa ku nyenyentsa,* va ta tshovela mihandzu ya xidjoho xa vona. 11 Va ta tirha ka ndhawu ya mina leyi kwetsimaka va vonelela tinyanghwa ta tempele+ va tlhela va tirha atempeleni. Va ta dlaya swifuyu swa gandzelo la ku hisiwa ni swa gandzelo la vanhu naswona va ta nyima phambheni ka vanhu va va tirhela. 12 Leswi va nga va tirhela phambheni ka swikwembu swa vona swa ku nyenyentsa kutani va djohisa Vayisrayele,+ hi leswo swi nga yendla swaku ni funga hi ku tlakusa voko la mina swaku ni lwa na vona,’ ku vula Yehovha Hosi Leyikulu, ‘kutani va ta tshovela mihandzu ya xihoxo xa vona. 13 A va nge tshineli ka mina leswaku va ni tirhela va va vaprista va mina kumbe va tshinelela minchumu yin’wani ya mina ya ku kwetsima kumbe ya ku kwetsima ngopfu, naswona va ta dana hi mhaka ya swilo swa ku nyenyentsa leswi va nga swi yendla. 14 Kambe ni ta va nyika ntirho wa ku vonelela mintirho leyi yendliwaka atempeleni, va vonelela mintirho leyi yendliwaka ni hinkwaswu leswi faneleke swi yendliwa atempeleni.’+

15 “‘Vaprista lava nga Valevhi, ku nga vana va Zadoki,+ lava a va yendla mintirho ya ndhawu ya mina leyi kwetsimaka nkama Vayisrayele va nga ni tshika,+ va ta tshinela ka mina swaku va ni tirhela naswona va ta nyima phambheni ka mina swaku va nyikela mafurha+ ni ngati ka mina,’+ ku vula Yehovha Hosi Leyikulu. 16 ‘Hi vona lava nga ta nghena ka ndhawu ya mina leyi kwetsimaka, va ta tshinela ka meza wa mina swaku va ni tirhela+ naswona va ta yendla mintirho leyi ni nga va nyika yona.+

17 “‘Loko va nghena ka tinyanghwa ta kintari* wa vaprista va fanele va yambala mpahla ya ku yendliwa hi tipanu ta linyu.+ A va fanelanga va yambala mpahla ya ku yendliwa hi mavoya loko va tirha ka tinyanghwa ta kintari wa vaprista kumbe andzeni ka wona. 18 Va fanele va yambala swifunengeto swa nhloko* leswi nga yendliwa hi panu, va yambala ni swibulukwani swa ku yendliwa hi panu.+ A va fanelanga va yambala swilo leswi nga ta yendla swaku va huma nyuku. 19 Loko va nge se huma va ya ka kintari wa vanhu hinkwavu, ku nga kintari lowu vanhu va nga ka wona, va fanele va hlivila mpahla leyi a va tirha hi yona+ se va yi veka ka masala ya ku kwetsima ya ku dlela ka wona.+ Kutani va ta yambala mpahla yin’wani swaku va nga hundziseli ku kwetsima* ka vanhu hi mpahla ya vona. 20 A va fanelanga va tsemeta mpandlha+ kumbe va tshika misisi ya nhloko ya vona yi leha. Va fanele va pumba misisi ya tinhloko ta vona. 21 Vaprista a va fanelanga va phuza vhinyu loko va nghena ka kintari wa vaprista.+ 22 A va fanelanga va teka wansati wa ku feliwa hi nuna kumbe wansati lweyi a nga tshikiwa;+ kambe va nga teka ntombhi* leyi nga Muyisrayele kumbe wansati lweyi a nga feliwa hi nuna lweyi a a li muprista.’+

23 “‘Va fanele va djondzisa vanhu va mina a ku hambana loku nga kona xikarhi ka swilo swa ku kwetsima ni swilo swa ku kala swi nga kwetsimi; naswona va ta va djondzisa ku hambana loku nga kona xikarhi ka swilo swa ku tenga ni swa ku kala swi nga tenganga.+ 24 Va fanele va va vayavanyisi loko ku thethiwa mhaka;+ va fanele va landza swiboho swa mina swa ku yavanyisa loko va yavanyisa.+ Va fanele va yingisa minawu ya mina loko swi ta ka mafexta* ya mina hinkwawu+ naswona va fanele va kwetsimisa tisavata ta mina. 25 A va fanelanga va tshinela kusuhi ni ntsumbu wa munhu hikusa va nga chaka. Kambe va nga tichakisa ntsena hi papayi wa vona, mamani wa vona, n’wana wa djaha, n’wana wa ntombhi, makwavu wa xinuna kumbe wa xisati lweyi a kalaka a nga tekiwanga.+ 26 Loko muprista se a tengisiwile, a fanele a tshama 7 wa masiku. 27 Siku leli a nga ta nghena hi lona ka ndhawu ya ku kwetsima, ka kintari wa vaprista swaku a ta tirha ka ndhawu ya ku kwetsima, a fanele a nyikela gandzelo la yena la xidjoho,’+ ku vula Yehovha Hosi Leyikulu.

28 “‘Tshomba la vona hi leli: Hi mina tshomba la vona.+ A mi fanelanga mi va nyika tiko aIsrayele hikusa hi mina tshomba la vona. 29 Hi vona va nga ta dla gandzelo la swakudla,+ gandzelo la xidjoho ni gandzelo la nandzu+ naswona nchumu wun’wani ni wun’wani lowu nyikeliwaka ka Xikwembu aIsrayele wu ta va wa vona.+ 30 Mihandzu hinkwayu yayinene ngopfu leyi nga ta rhanga yi wupfa ni minyikelo hinkwayu leyi mi nga ta yi nyikela swi ta va swa vaprista.+ Mi fanele mi nyika muprista mpupu wa swilo leswi nga rhanga swi tshoveliwa.+ Leswo swi ta yendla swaku mindjangu ya n’wina yi katekisiwa.+ 31 Vaprista a va fanelanga va dla xinyanyani kumbe xiharhi lexi nga kumiwa na xi file kumbe lexi nga handzuleliwa hi xiharhi xin’wani.’+

45 “‘Loko mi yava tiko swaku li va tshomba,+ mi fanele mi nyika Yehovha ndhawu yin’wani ya tiko swaku yi va ndhawu ya ku kwetsima.+ Yi fanele yi leha 13 wa makilometru,* yi yanama 5,2 wa makilometru.*+ Ndhawu yoleyo hinkwayu yi ta va ndhawu ya ku kwetsima. 2 Phakati ka ndhawu yoleyo ku ta va ni ndhawu ya ku kwetsima leyi nga ni 4 wa matlhelo ya ku ringana, lani tlhelo ha lin’we li nga ta va ni 259 wa mametru*+ naswona yi ta va ni ndhawu ya ku lusela ka yona swifuyu leyi nga leha 25,9 wa mametru* ka matlhelo hinkwawu ya 4.+ 3 Ka mpimu lowu mi fanele mi pima ndhawu leyi nga leha 13 wa makilometru yi yanama 5,2 wa makilometru naswona phakati ka yona ku ta va ni ndhawu leyi kwetsimaka, ku nga nchumu wa ku kwetsima ngopfu. 4 Yi ta va ndhawu ya ku kwetsima ya vaprista atikweni,+ lava va tirhaka ka ndhawu leyi kwetsimaka, lava tshinelaka swaku va tirhela Yehovha.+ Yi ta va ndhawu ya tiyindlo ta vona ni ndhawu leyi kwetsimaka ya tempele.

5 “‘Se a Valevhi lava tirhaka tempeleni va ta va ni ndhawu leyi nga leha 13 wa makilometru, yi yanama 5,2 wa makilometru+ naswona va ta va ni 20 wa masala ya ku dlela ka wona.+

6 “‘Doropa mi fanele mi li nyika ndhawu leyi nga leha 13 wa makilometru (leyi ringanaka ni munyikelo wa ku kwetsima) naswona na yi yaname 2,6 wa makilometru.*+ Yi ta va ya vanhu hinkwavu va Israyele.

7 “‘Ndhawu ya murhangeli yi ta va ka matlhelo hamambirhi ya munyikelo wa ku kwetsima ni ka ndhawu leyi nga nyikiwa doropa. Yi ta va tlhelweni ka ndhawu leyi nga munyikelo wa ku kwetsima ni ka ndhawu leyi nga nyikiwa doropa. Yi ta va hi ka tlhelo la wupeladlambu ni la le wuxeni. Ku leha ka ndhawu leyi loko u sukela lomu doropa li tsemaka hi kona hi tlhelo la wupeladlambu ku ya fika lomu doropa li tsemaka hi kona hi ka tlhelo la le wuxeni ku ta ringana ni yin’wani ya tindhawu leti nga yaveliwa tinxaka letin’wani.+ 8 Ndhawu leyi yi ta va ya yena murhangeli aIsrayele. Varhangeli va mina a va nge he va khomi hi ndlela ya ku biha vanhu va mina+ naswona va ta nyika vanhu va Israyele ndhawu hi ku ya hi tinxaka ta vona.’+

9 “Yehovha Hosi Leyikulu a li: ‘Mi djohile swa xega, n’wina varhangeli va Israyele!’

“‘Tshikani tinyimpi ni ku karhata vanhu, mi yendla swaswinene.+ Tshikani ku teketela tindhawu ta vanhu va mina,’+ ku vula Yehovha Hosi Leyikulu. 10 ‘Mi fanele mi tirhisa mabalansa* lama pimaka kahle, mi pima mpimu lowu nga wona wa efa* ni mpimu lowu nga wona wa bati.*+ 11 Ku fanele ku va ni mpimu wa ku kala wu nga txintxatxintxi wa efa ni wa bati. 10 wa tibati ti ringana ni homere* lin’we ni 10 wa tiefa ti ringana ni homere lin’we. Ku fanele ku tirhisiwa homere swaku ku pimiwa hi lona. 12 A xikele*+ yi fanele yi ringana ni 20 wa tigera.* A 20 wa tixikele loko ti tlhanganisiwa ni 25 wa tixikele ti tlhela ti tlhanganisiwa ni 15 wa tixikele ti ta ringana ni mane* yin’we leyi mi yi tirhisaka.’

13 “‘Lowu i munyikelo lowu mi faneleke mi wu humesa: Ka 160 wa makilu* ya trigu mi fanele mi nyikela makilu manharhu,* ka 130 wa makilu* ya maxalani* mi fanele mi nyikela makilu mambirhi.* 14 Mpimu wa mafurha wu fanele wu pimiwa hi tibati. 10 wa tibati ti ringana ni koro* yin’we naswona 10 wa tibati i homere lin’we, hikusa 10 wa tibati ti ringana ni homere. 15 Ka ntlhambi wa tinyempfu ta Israyele, ku fanele ku tekiwa nyempfu yin’we ka 200 wa tona swaku yi va gandzelo. Magandzelo lawa ma ta va ya gandzelo la swakudla,+ gandzelo la ku hisiwa+ ni magandzelo ya ku kombela ku rhula+ leswaku mi kombelela vanhu ku rivaleliwa,’+ ku vula Yehovha Hosi Leyikulu.

16 “‘Vanhu hinkwavu va tiko va ta nyikela hi swilo leswi+ ka murhangeli wa Israyele. 17 Kambe murhangeli hi yena a nga ta nyikela gandzelo la ku hisiwa,+ gandzelo la swakudla,+ ni gandzelo la vhinyu hi nkama wa mafexta,+ hi nkama wa ku huma ka n’weti, hi nkama wa Tisavata+ ni hi minkama ya mafexta hinkwawu ya vanhu va Israyele.+ Hi yena a nga ta nyikela gandzelo la xidjoho, gandzelo la swakudla, gandzelo la ku hisiwa ni magandzelo ya ku kombela ku rhula leswaku a kombelela vanhu va Israyele ku rivaleliwa.’

18 “Yehovha Hosi Leyikulu a li: ‘Hi wheti ya ku sungula, hi siku la ku sungula la wheti, u fanele u teka xihon’wani xa ku hanya kahle kutani u basisa ndhawu leyi kwetsimaka ka xidjoho.+ 19 Muprista a ta teka ngati yin’wani ya gandzelo la xidjoho, a yi tota ka aru la xipfalu xa tempele,+ ka 4 wa tiponta ta nchumu* lexi nga matlhelweni ka altari ni ka aru la xipfalu xa nyanghwa wa kintari* wa vaprista. 20 Leswo hi leswi u nga ta swi yendla hi siku la wu 7 la wheti loko munhu a djoha hi ku phazama kumbe na a nga swi vonanga;+ naswona u fanele u kombelela tempele ku rivaleliwa.+

21 “‘Hi wheti ya ku sungula, hi siku la wu 14 la wheti, mi ta yendla fexta la Paxkwa.+ Ku fanele ku dliwa pawu la ku kala li nga na fermentu ku ringana 7 wa masiku.+ 22 Hi siku lolelo, murhangeli a ta nyikela hi xihon’wani swaku xi va gandzelo la xidjoho xa yena n’winyi ni xa vanhu hinkwavu atikweni.+ 23 Ka 7 wa masiku ya fexta murhangeli a ta nyikela 7 wa swihon’wani leswi nga hanya kahle ni 7 wa tinyempfu leti nga hanya kahle swaku swi va gandzelo la ku hisiwa ka Yehovha siku ni siku anze ku hela 7 wa masiku+ naswona a ta tlhela a nyikela ni hi xiphongo swaku xi va gandzelo la xidjoho siku lin’wani ni lin’wani. 24 A fanele a tlhela a nyikela hi 11 wa makilu* ya mpupu ka xihon’wani xin’wani ni xin’wani ni 11 wa makilu ya mpupu ka nyempfu yin’wani ni yin’wani swaku swi va gandzelo la swakudla, ni malitru manharhu ni hafu* ya mafurha ka mpimu wun’wani ni wun’wani wa 11 wa makilu ya mpupu.

25 “‘Hi wheti ya wu 7, hi siku la wu 15 la wheti, a fanele a humesa swa ku fana ka gandzelo la xidjoho, ka gandzelo la ku hisiwa, ka gandzelo la swakudla ni mafurha ku ringana 7 wa masiku hi nkama wa fexta.’”+

46 “Yehovha Hosi Leyikulu a li: ‘Nyanghwa wa kintari* wa vaprista, lowu nga txuvuka awuxeni+ wu fanele wu tshama na wu pfaliwile+ ku ringana 6 wa masiku lawa ku tirhiwaka hi wona,+ kambe hi siku la Savata ni hi siku leli ku humaka n’weti wu fanele wu pfuliwa. 2 Murhangeli a ta nghena hi le handle hi ka ndlela ya le ka vharanda la nyanghwa+ naswona a fanele a nyima nyanghweni. Se vaprista va ta nyikela gandzelo la yena la ku hisiwa ni magandzelo ya yena ya ku kombela ku rhula naswona a ta khizama ka nyanghwa a gama a huma. Kambe nyanghwa a wu fanelanga wu pfaliwa anze nimadlambu. 3 Naswona vanhu va tiko va ta khizama phambheni ka Yehovha ka ndhawu ya ku nghena hi yona ka nyanghwa wolowo hi Tisavata ni hi masiku ya ku huma ka n’weti.+

4 “‘Gandzelo la ku hisiwa leli nga ta nyikeliwa hi murhangeli ka Yehovha hi siku la Savata li fanele li va la 6 wa swinyempfani swa ku hanya kahle ni nyempfu leyi nga hanya kahle.+ 5 A gandzelo la swakudla li ta va la 11 wa makilu* ya mpupu ka nyempfu ni hinkwaswu leswi a kotaka ku swi humesa ka swinyempfani swa xinuna ku patsa ni malitru manharhu ni hafu* ya mafurha ka mpimu wun’wani ni wun’wani wa 11 wa makilu ya mpupu.+ 6 Hi siku la ku huma ka n’weti ku ta yendliwa gandzelo hi xihon’wani lexi nga hanya kahle, 6 wa swinyempfani swa xinuna ni nyempfu; hinkwaswu swi fanele swi hanye kahle.+ 7 A fanele a humesa gandzelo la swakudla la 11 wa makilu ya mpupu ka xihon’wani, 11 wa makilu ya mpupu ka nyempfu ni swin’wani leswi a nga kotaka ku swi humesa ka swinyempfani swa xinuna. A fanele a nyikela malitru manharhu ni hafu ya mafurha ka mpimu wun’wani ni wun’wani wa 11 wa makilu ya mpupu.

8 “‘Loko murhangeli a nghena, a fanele a nghena hi ndlela ya vharanda la nyanghwa naswona a fanele a huma hi lani a nga nghena hi kona.+ 9 Loko vanhu va tiko va ta phambheni ka Yehovha hi nkama wa mafexta,*+ lava nghenaka hi nyanghwa wa le norte*+ leswaku va ta gandzela va fanele va huma hi nyanghwa wa le sul,*+ naswona lava nghenaka hi nyanghwa wa le sul va fanele va huma hi nyanghwa wa le norte. A nga kona lweyi a faneleke a huma hi nyanghwa lowu a nga nghena hi wona, hikusa va fanele va huma hi nyanghwa lowu va nga txuvukana na wona. 10 Murhangeli lweyi a nga xikarhi ka vona a fanele a nghena loko va nghena naswona a fanele a huma loko va huma. 11 Hi nkama wa mafexta ni hi tinguva ta mafexta, gandzelo la swakudla li fanele li va la 11 wa makilu ya mpupu ka xihon’wani, 11 wa makilu ya mpupu ka nyempfu ni leswi a kotaka ku swi humesa ka swinyempfani swa xinuna, ni malitru manharhu ni hafu ya mafurha ka mpimu wun’wani ni wun’wani wa 11 wa makilu ya mpupu.+

12 “‘Loko murhangeli a nyikela gandzelo la ku hisiwa+ kumbe gandzelo la ku kombela ku rhula swaku li va gandzelo la ku tirhandzela ka Yehovha, a ta pfuleliwa nyanghwa lowu nga txuvuka wuxeni naswona a ta humesa gandzelo la yena la ku hisiwa ni gandzelo la yena la ku kombela ku rhula ku fana ni leswi a swi yendlaka hi siku la Savata.+ Loko se a humile, nyanghwa wu fanele wu pfaliwa.+

13 “‘Siku ni siku u* fanele u nyikela xinyempfani xa xinuna lexi nga hanya kahle, lexi nga ni lembe lin’we swaku xi va gandzelo la ku hisiwa ka Yehovha.+ Leswi u fanele u swi yendla mixo wun’wani ni wun’wani. 14 Mixo wun’wani ni wun’wani u fanele u nyikela hi makilu mambirhi* ya mpupu swaku wu va gandzelo la swakudla ku patsa ni xinyempfani, ku patsa ni mafurha lama nga henhlanyana ka litru lin’we ya ku n’wan’wasela ka mpupu lowu nga siliwa kahle swaku swi va gandzelo leli nyikeliwaka ka Yehovha nkama ni nkama. Lowu i nawu wa ku kala wu nga heli. 15 Mixo wun’wani ni wun’wani va fanele va humesa xinyempfani xa xinuna, gandzelo la swakudla ni mafurha swaku swi va gandzelo la ku hisiwa la nkama ni nkama.’

16 “Yehovha Hosi Leyikulu a li: ‘Loko murhangeli a nyika vana va yena ndhawu swaku yi va tshomba la vona, yi ta va ya vana va yena. I ndhawu ya vona leyi va nga yi kuma swaku yi va tshomba. 17 Kambe loko a nyika mun’wani wa vatirhi ya yena ndhawu, yi ta va ya yena anze ku fikela hi lembe la chunseko;+ kutani yi ta gama yi tlheliseliwa ka murhangeli. I vana va murhangeli ntsena lava tshomba la vona li nga ta va la vona hi nkama wa ku kala wu nga heli. 18 Murhangeli a nga fanelanga a teka tshomba la vanhu hi ku va susa ka ndhawu ya vona hi nkanu. A fanele a nyika vana va yena tshomba ka ndhawu ya yena leswaku ku nga vi ni munhu xikarhi ka vanhu va mina lweyi a hlongoliwaka ka ndhawu ya yena.’”

19 Kutani a gama a ni nghenisa hi lani ku ngheniwaka hi kona+ atlhelweni ka nyanghwa lowu yaka ka masala ya ku kwetsima ya ku dlela ka wona* ya vaprista, lawa ma nga txuvuka norte+ naswona kolanu ni vone ndhawu atlhelweni la le wupeladlambu hi le ndzhaku. 20 Se a ni byela a ku: “Leyi i ndhawu leyi vaprista va nga ta swekela ka yona gandzelo la nandzu ni gandzelo la xidjoho ni lani va nga ta li hambela kona gandzelo la swakudla,+ leswaku va nga humi ni nchumu ka kintari wa vanhu hinkwavu leswaku va nga tluleti vanhu ku kwetsima.”+

21 A ni humesile a ni yisa ka kintari wa vanhu hinkwavu a ni hundzisa hi ka 4 wa tiponta ka kintari, naswona ka ponta yin’wani ni yin’wani ya kintari wa vanhu hinkwavu a ni vona kintari wun’wani. 22 Ka 4 wa tiponta ta kintari a ku ni kintari wawutsongo, lowu a wu ringana ni mikintari leyin’wani, ha wun’we a wu lehe 20,7 wa mametru* wu yanama 15,5 wa mametru.* Hinkwayu a yi ringana. 23 Ka kintari wun’wani ni wun’wani a ku ni makhumbi yamatsongo lawa ma nga matlhelweni ka wona, naswona xikarhi ka wona a ku yakiwe tindhawu ta ku swekela ka tona magandzelo. 24 Se a ni byela a ku: “Leti i tiyindlo leti lava tirhaka tempeleni va swekelaka ka tona magandzelo.”+

47 Kutani a gama a ni tlhelisela lani ku ngheniwaka hi kona ka tempele+ naswona kolanu ni vone mati lama fambaka ma ya wuxeni na ma huma hi hansi ka ndhawu ya ku nghena hi yona ka tempele,+ hikusa a tlhelo la le phambheni ka tempele a li txuvuke awuxeni. Mati a ma famba na ma huma hi hansi ka tlhelo la xinene la tempele, hi ka tlhelo la sul* la altari.

2 Se a gama a ni humesa hi nyanghwa wa le norte,*+ a ni humesa handle a ni yisa ka nyanghwa wa le handle lowu nga txuvuka ka tlhelo la le wuxeni,+ kutani ni vona mati lama fambaka hi katsongokatsongo hi ka tlhelo la xinene.

3 Nkama wanuna lweyi a nga ya ka tlhelo la le wuxeni na a khome goda la ku pima hi lona,+ a pime 518 wa mametru* a gama a ni tsemakanyisa ka mati; mati a ma fika henhlanyana ka swirhendze swa minenge.

4 Se a tlhela a pima 518 wa mametru a gama a ni tsemakanyisa ka mati, a ma fika hi ka matsolo.

A tlhela a pima 518 wa mametru se a ni tsemakanyisa, mati a ma fika hi ka masenge.

5 Nkama a nga tlhela a pima 518 wa mametru, a ku ni nambu lowu a ni nga swi koti ku wu tsemakanya, hikusa mati ya kona a ma yentile swinene lakakuva munhu a a fanele a yendla hi ku hlambela, a ku ni nambu lowu a swi nga koteki ku wu tsemakanya hi minenge.

6 Se a ni vutisa a ku: “Indjhe u swi vonile leswi, n’wana wa munhu?”

A gama a ni fambisa ni tlhelela akusuhi ni nambu. 7 Nkama ni nga tlhela, ni vone swaku ka matlhelo hamambirhi ya kusuhi ni nambu a ku ni minsinya ya yinyingi swinene.+ 8 Kutani a ni byela a ku: “Mati lawa ma famba ma ya ka ndhawu leyi nga wuxeni se ma ngirimela ma ya fika aAraba*+ ma gama ma nghena alwandle. Loko se ma nghenile alwandle,+ mati ya kona ma ta txintxa ma va ya ku nandziha.* 9 Swiharhi swa swinyingi leswi fambaka hi mintlawa swi ta kota ku hanya kun’wani ni kun’wani lomu mati ma fambaka ma ya kona. Ku ta va ni tihlampfi ta tinyingi swinene hikusa mati lawa ma ta ngirimela ma ya kolanu. Mati ya lwandle ma ta txintxa ma va ya ku nandziha* naswona swilo hinkwaswu swi ta hanya kun’wani ni kun’wani lomu mati* ya nambu lowu ma fambaka ma ya kona.

10 “Vaphasi va tihlampfi va ta nyima tlhelweni ka wona ku sukela aEni-Jedi+ ku ya fika aEni-Eglayimi, lani ku nga ta va ni ndhawu ya ku womisa maredi. Ku ta va ni tihlampfi ta tinyingi swinene ta mixakaxaka, ku fana ni tihlampfi ta le Lwandle Lalikulu.*+

11 “Kolanu ku ta va ni tindhawu leti nga ni mabyanyi ka mati ni tindhawu leti nga ni madaka, naswona tindhawu leti ti ta tshamisa swoleswo.* Ti ta tshama na ti ni munyu.+

12 “Ka matlhelo hamambirhi ya kusuhi ni nambu ku ta mila minsinya leyi psalaka mihandzu ya mixaka hinkwayu. Matluka ya yona a ma nge vuni; ni mihandzu ya yona a yi nge heli. Wheti ni wheti yi ta psala mihandzu ya nyuwani hikusa yi ta regariwa hi mati lama humaka hi ka ndhawu leyi kwetsimaka.+ Mihandzu ya yona yi ta dliwa ni matluka ya yona ma ta va ya ku hanyisa.”+

13 Yehovha Hosi Leyikulu a li: “Leyi i ndhawu leyi mi nga ta yi yavela 12 wa tinxaka ta Israyele swaku yi va tiko leli nga tshomba la tona naswona Yosefa a ta kuma tindhawu timbirhi.+ 14 Yi ta va tshomba la n’wina naswona mi ta kuma tindhawu ta ku ringana. Ni fungile swaku tiko leli ni ta li nyika vavhovho va n’wina+ kutani swoswi li nyikiwa n’wina swaku li va tshomba.

15 “Lani hi lani tiko li tsemaka hi kona hi ka tlhelo la le norte: Li sukela ka Lwandle Lalikulu hi ndlela leyi yaka aEtiloni+ anze aZedadi,+ 16 aAmati,+ aBerota+ ni le Sibrayimi, lani ku kumekaka axikarhi ka tiko la Damaxka ni tiko la Amati anze aAzeri-Atikoni lani ku nga kusuhi ni lani Ayurani+ ku tsemaka hi kona. 17 Kutani ndhawu leyi tiko li tsemaka hi ka yona yi ta sukela ka lwandle yi famba anze aAzari-Enani,+ yi famba yi ya fika lani tiko la Damaxka li tsemaka hi kona li kongoma ka tlhelo la le norte ni lani tiko la Amati+ li tsemaka hi kona. Leyi i ndhawu leyi tiko li nga ta tsema hi ka yona hi ka tlhelo la norte.

18 “Tlhelo la le wuxeni li sukela axikarhi ka Ayurani na Damaxka ni le Yordani axikarhi ka Jiliyadi+ ni tiko la Israyele. Mi fanele mi pima ku sukela lani tlhelo la norte li tsemaka hi kona ku ya ka lwandle la le wuxeni.* Leyi i ndhawu leyi tiko li nga ta tsema hi ka yona hi ka tlhelo la wuxeni.

19 “A lani tiko li tsemaka hi kona hi ka tlhelo la sul* li ta sukela aTamara ku ya ka mati ya Meribati-Kadexi,+ kutani li famba li ya ka Nkova* li ya fika ka Lwandle Lalikulu.+ Leyi i ndhawu leyi tiko li nga ta tsema hi ka yona hi ka tlhelo la le sul.*

20 “A Lwandle Lalikulu li le ka tlhelo la wupeladlambu, ku sukela lani tlhelo la sul li tsemaka hi kona ku ya ka ndhawu leyi nga txuvukana ni Lebo-Amati.*+ Lani hi lani tiko li tsemaka hi kona hi ka tlhelo la wupeladlambu.”

21 “Mi ta yavelana tiko leli hi ku ya hi 12 wa tinxaka ta Israyele. 22 Mi fanele mi yavelana lona swaku li va tshomba mi tlhela mi yavela vanhu lava taka hi ka matiko man’wani lava tshamaka na n’wina lava nga va ni vana na va ha tshama na n’wina; naswona va ta fana ni Vayisrayele ka n’wina. Va ta kuma tshomba xikarhi ka tinxaka ta Israyele xikan’we na n’wina. 23 Munhu lweyi a taka hi ka tiko lin’wani mi fanele mi mu nyika tshomba ka muganga wa lixaka leli a tshamaka ka lona,” ku vula Yehovha Hosi Leyikulu.

48 “Lawa i mavito ya tinxaka a ku sukela magamu ya le norte:* Ndhawu ya Dani+ yi famba hi tlhelweni ka ndlela ya le Etiloni anze aLebo-Amati*+ ku ya fika Azari-Enani, atlhelweni ka ndhawu leyi tiko la Damaxka li tsemaka hi kona hi ka tlhelo la norte, atlhelweni ka Amati;+ naswona yi sukela lani tlhelo la le wuxeni li tsemaka hi kona yi ya fika lani tlhelo la le wupeladlambu li tsemaka hi kona. 2 Ndhawu ya Aseri+ yi sukela lani ndhawu ya Dani yi gamaka kona, ku sukela lani tlhelo la le wuxeni li tsemaka hi kona anze lomu tlhelo la wupeladlambu li tsemaka hi kona. 3 Ndhawu ya Naftali+ yi sukela lani ndhawu ya Aseri yi gamelaka kona, ku sukela lani tlhelo la le wuxeni li tsemaka hi kona anze lomu tlhelo la wupeladlambu li tsemaka hi kona. 4 Ndhawu ya Manasi+ yi sukela lani ndhawu ya Naftali yi gamelaka kona, ku sukela lani tlhelo la le wuxeni li tsemaka hi kona anze lomu tlhelo la wupeladlambu li tsemaka hi kona. 5 Ndhawu ya Efrayimi yi sukela lani ndhawu ya Manasi+ yi gamelaka kona, ku sukela lani tlhelo la le wuxeni li tsemaka hi kona anze lomu tlhelo la wupeladlambu li tsemaka hi kona. 6 Ndhawu ya Rubeni yi sukela lani ndhawu ya Efrayimi+ yi gamelaka kona, ku sukela lani tlhelo la le wuxeni li tsemaka hi kona anze lomu tlhelo la wupeladlambu li tsemaka hi kona. 7 Ndhawu ya Yuda yi sukela lani ndhawu ya Rubeni+ yi gamelaka kona, ku sukela lani tlhelo la le wuxeni li tsemaka hi kona anze lomu tlhelo la wupeladlambu li tsemaka hi kona. 8 Lani ndhawu ya Yuda yi gamelaka kona, ku sukela lani tlhelo la le wuxeni li tsemaka hi kona anze lomu tlhelo la wupeladlambu li tsemaka hi kona, mi fanele mi nyikela ndhawu leyi nga yanama 13 wa makilometru*+ naswona ku leha ka yona ku fanele ku ringana ni tindhawu ta tinxaka letin’wani, ku sukela lani tlhelo la le wuxeni li tsemaka hi kona anze lomu tlhelo la wupeladlambu li tsemaka hi kona. Ndhawu leyi kwetsimaka yi ta va xikarhi ka ndhawu yoleyo.

9 “Munyikelo lowu mi nga ta wu nyikela ka Yehovha wu fanele wu leha 13 wa makilometru wu yanama 5,2 wa makilometru.* 10 Lowu wu ta va munyikelo wa ku kwetsima wa vaprista.+ Wu ta va wa 13 wa makilometru ka tlhelo la le norte, wu va wa 5,2 wa makilometru ka tlhelo la wupeladlambu, wu va 5,2 wa makilometru ka tlhelo la wuxeni naswona wu va wa 13 wa makilometru ka tlhelo la sul.* Ndhawu ya Yehovha leyi kwetsimaka yi ta va xikarhi ka ndhawu yoleyo. 11 Wu ta va wa vaprista lava nga langiwa ka vana va Zadoki,+ lava nga ni tirhela naswona va kalaka va nga ni tshikanga nkama Vayisrayele ni Valevhi va nga ni tshika.+ 12 Va ta kuma ndhawu leyi nga ya munyikelo ka munyikelo wa tiko lowu nga nchumu wa ku kwetsima ngopfu, lani ndhawu ya Valevhi yi tsemaka hi kona.

13 “Kolanu tlhelweni ka ndhawu ya vaprista, Valevhi va ta va ni ndhawu leyi nga leha 13 wa makilometru yi yanama 5,2 wa makilometru. (Ndhawu hinkwayu yi ta va na yi lehe 13 wa makilometru yi yanama 5,2 wa makilometru.) 14 A va fanelanga va xavisa, va txintxisa kumbe va nyika munhu mun’wani ndhawu yayinene hintamu ka ndhawu leyi, hikusa i nchumu wa ku kwetsima ka Yehovha.

15 “Ndhawu leyi nga sala leyi nga yanama 2,6 wa makilometru* yi leha 13 wa makilometru yi ta tirhiseliwa ku yendla swilo leswi tolovelaka ku yendliwa adoropeni;+ ku ta yakiwa ka yona yi tlhela yi va ndhawu ya ku dlisa ka yona swifuyu. Doropa li ta va xikarhi ka yona.+ 16 Leyi i mimpimu ya doropa: Lani doropa li tsemaka hi kona hi ka tlhelo la norte ku ta va 2,3 wa makilometru,* hi ka tlhelo la sul ku ta va 2,3 wa makilometru, hi ka tlhelo la wuxeni ku ta va 2,3 wa makilometru naswona hi ka tlhelo la le wupeladlambu ku ta va 2,3 wa makilometru. 17 Ndhawu ya ku lusa swifuyu ka doropa yi ta va ni 130 wa mametru* ku ya norte, 130 wa mametru ku ya sul, 130 wa mametru ku ya wuxeni ni 130 wa mametru ku ya wupeladlambu.

18 “Ndhawu leyi nga sala yi ta ringana ni munyikelo wa ku kwetsima hi ku leha,+ yi ta va 5,2 wa makilometru ku ya wuxeni ni 5,2 wa makilometru ku ya wupeladlambu. Yi ta ringana ni munyikelo wa ku kwetsima funtshi leswi nga ta tshoveliwa ka yona swi ta dliwa hi lava tirhaka doropeni. 19 Lava tirhaka doropeni lava taka hi ka tinxaka hinkwatu ta Israyele hi vona va nga ta rima ndhawu leyi.+

20 “Matlhelo hinkwawu ya munyikelo i 13 wa makilometru. Mi fanele mi wu nyikela swaku wu va munyikelo wa ku kwetsima ku patsa ni ndhawu leyi nga nyikiwa doropa.

21 “Ndhawu leyi nga ta sala ka matlhelo hamambirhi ya munyikelo wa ku kwetsima ni ndhawu leyi nga nyikiwa doropa yi ta va ya murhangeli.+ Yi ta va tlhelweni ka lomu ti tsemaka hi kona tindhawu leti nga le wuxeni ni le wupeladlambu leti nga nyikeliwa, leti nga ni 13 wa makilometru. Yi ta ringana ni tindhawu leti nga kusuhi naswona yi ta va ya murhangeli. Munyikelo wa ku kwetsima ni ndhawu leyi kwetsimaka ya tempele swi ta va xikarhi ka yona.

22 “Ndhawu ya Valevhi ni ndhawu leyi nga nyikiwa doropa swi ta va xikarhi ka ndhawu leyi nga ya murhangeli. Ndhawu ya murhangeli yi ta va xikarhi ka lomu ndhawu ya Yuda+ yi tsemaka hi kona ni lomu ndhawu ya Benjamini yi tsemaka hi kona.

23 “Loko swi ta ka tinxaka letin’wani hinkwatu, ndhawu ya Benjamini yi ta sukela lani tlhelo la le wuxeni li tsemaka hi kona yi ya fika lani tlhelo la wupeladlambu li tsemaka hi kona.+ 24 Ndhawu ya Simiyoni yi sukela lani ndhawu ya Benjamini+ yi gamelaka kona, ku sukela lani tlhelo la le wuxeni li tsemaka hi kona anze lomu tlhelo la wupeladlambu li tsemaka hi kona. 25 Ndhawu ya Isakara+ yi sukela lani ndhawu ya Simiyoni yi gamelaka kona, ku sukela lani tlhelo la le wuxeni li tsemaka hi kona anze lomu tlhelo la wupeladlambu li tsemaka hi kona. 26 Ndhawu ya Zebuloni yi sukela lani ndhawu ya Isakara+ yi gamelaka kona, ku sukela lani tlhelo la le wuxeni li tsemaka hi kona anze lomu tlhelo la wupeladlambu li tsemaka hi kona.+ 27 Ndhawu ya Gadi yi sukela lani ndhawu ya Zebuloni+ yi gamelaka kona, ku sukela lani tlhelo la le wuxeni li tsemaka hi kona anze lomu tlhelo la wupeladlambu li tsemaka hi kona. 28 Lani tlhelo la sul li tsemaka hi kona leli nga tlhelweni ka lani ndhawu ya Gadi yi tsemaka hi kona, li ta sukela aTamara+ li ya ka mati ya Meribati-Kadexi,+ ku ya fika ka Nkova*+ ni ku ya fika ka Lwandle Lalikulu.*

29 “Leli i tiko leli mi faneleke mi li yavela tinxaka ta Israyele+ swaku li va tshomba+ naswona tindhawu ta lona ti ta va ta vona,” ku vula Yehovha Hosi Leyikulu.

30 “Leti ku ta va tindhawu ta ku huma hi tona ka doropa: Tlhelo la le norte li ta va ni 2,3 wa makilometru.+

31 “Tinyanghwa ta doropa ti ta chuliwa mavito hi ku ya hi tinxaka ta Israyele. Ka tinyanghwa tinharhu ta norte, ku ni nyanghwa wun’we wa Rubeni, nyanghwa wun’we wa Yuda ni nyanghwa wun’we wa Levhi.

32 “Tlhelo la le wuxeni li ta va na li lehe 2,3 wa malikometru naswona ku ni tinyanghwa tinharhu: Nyanghwa wun’we wa Yosefa, nyanghwa wun’we wa Benjamini ni nyanghwa wun’we wa Dani.

33 “Tlhelo la le sul li ta va ni 2,3 wa makilometru naswona li ta va ni tinyanghwa tinharhu: Nyanghwa wun’we wa Simiyoni, nyanghwa wun’we wa Isakara ni nyanghwa wun’we wa Zebuloni.

34 “Tlhelo la le wupeladlambu li ta va na li lehe 2,3 wa makilometru naswona li ta va ni tinyanghwa tinharhu: Nyanghwa wun’we wa Gadi, nyanghwa wun’we wa Aseri ni nyanghwa wun’we wa Naftali.

35 “Mpfhuka lowu nga kona ka matlhelo hinkwawu ya doropa wu ta va wa 9,3 wa makilometru.* Kutani vito la doropa lolelo ku sukela hi siku lolelo ku ya phambheni li ta va: Yehovha A Kolanu.”+