Uta Yendla Kurhandza ka Yehovha ke?

Haku khensa swinene hi nkama lowu unga tinyika swaku u djondza broxura leli swaku uti tiva kahle Timboni ta Yehovha, mintirho leyi hiyi yendlaka ni leswi nhlengeletanu ya hina yi tirhisaka xiswona. Ha tiyiseka swaku a broxura leli liku pfune kuhi tiva kahle tani hi vanhu lava yendlaka kurhandza ka Yehovha namuntlha. Haku kombela swaku u tama u djondza hi Xikwembu, u bulela vanghanu va wena ni maxaka hi leswi uswi djondzaka ni kutama u va na hina ka minhlanganu ya Wukreste nkama hinkwawu. — Vaheveru 10:23-25.

Loko u ya u djondza hi Yehovha, uta ya uyi tsumbula kahle ndlela leyi aku rhandzaka swinene hi yona. Se na wena uta zama kuyendla hinkwaswu leswinga matimbeni ya wena swaku umu komba swaku na wena wamu rhandza. (1 Yohane 4:8-10, 19) Kambe a mahanyelo ya wena ya siku ni siku mangaswi kombisisa kuyini swaku wamu rhandza Yehovha? Unga pfuniwa hi yini swaku u yendla kurhandza ka Yehovha kufana na hina? Lweyi a djondzaka Bibele na wena angaswi tsakela kuku pfuna kukuma tinhlamulu ta swivutiso leswi, swaku wena ni ndjangu wa wena mi hambeta mi ‘tshama alirhandzwini la Xikwembu, leli yisaka awuton’wini lelinga heliki.’ — Yudha 21.

Haku kombela swaku u tama u yendla nhluvuku hi kudjondza buku leyinge “Tama U Rhandza Xikwembu”.