Xingheniso Xa Xiyenge 5

Loko se ku hundze tiwheti timbirhi, Vayisrayele na va tlulele ka Lwandle la Ku Pshuka, va fike ka Ntshava ya Sinayi. Yehovha a yendle ntwananu ni Vayisrayele hi ku va byela leswaku a va ta va vanhu va yena. Yehovha a tlhele a vhikela Vayisrayele ni ku va nyika hinkwaswu leswi a va swi lava, swa ku fana ni mana leswaku va dla, ni mpahla ya ku tiya ni ndhawu ya kahle ya ku tshama ka yona. Se loko u li mupsali, pfuna n’wana wa wena kuva a twisisa leswaku hi mhaka muni Yehovha a nyike Vayisrayele minawu, tabernakela ni vaprista. Funtshi pfuna n’wana wa wena kuva a twisisa leswaku hi mhaka muni swi li swa lisima kuva a yendla leswi a nga swi tshembisa, a tama a tiveka hansi ni kuva minkama hinkwayu a tshembeka ka Yehovha.