Xingheniso Xa Xiyenge 7

Ka switoriya leswi landzelaka hi ta djondza hi Hosi Sawulo na Hosi Davhida, hi ta vona leswi nga va yendlekela ka 80 wa malembe ka 5 wa switoriya. Sawulo a a tiveka hansi a tlhela a yingisa Yehovha, kambe hi ku famba ka nkama yena a txintxile. Hi mhaka leyo, Yehovha a a nga ha lavi ku twa nchumu hi yena, a rhume Samuwele leswaku a ya chela Davhida mafurha leswaku a va hosi leyi a yi ta landzela ya Israyele. Kambe Sawulo a sungule ku va ni wukwele la Davhida ni ku lava ku mu dlaya makhambi ya manyingi. Kambe Davhida a nga zanga a tlhelisela. Yonatani n’wana wa Sawulo a a swi tiva swaku Davhida a langiwe hi Yehovha hi mhaka leyo a tshembeke ka Davhida minkama hinkwayu. Davhida a yendle swidjoho swaswikulu, kambe a pfumelele Yehovha leswaku a mu pfuna. Se loko u li papayi kumbe mamani pfuna n’wana wa wena leswaku a vona swaku hi mhaka muni swi li swa lisima kuva a yingisa ni kuva a tshembeka ka Yehovha ni ka vanhu lava a va tirhisaka leswaku va hi hlayisa.