Xingheniso Xa Xiyenge 12

Yesu a djondzise vanhu hi Mfumu wa Xikwembu. Yena a tlhele a djondzisa leswaku hi fanele hi khongelisa ku yini. Swi lava hi kombela leswaku vito la Xikwembu li kwetsimisiwa ni swaku Mfumu wa Xikwembu wu ta, ni ku rhandza ka xona ku yendleka lani misaveni. Se loko u li papayi kumbe mamani tlhamusela n’wana wa wena swaku hi mhaka muni xikhongelo lexi xi li xa lisima. Tlhela u mu komba leswaku Yesu minkama hinkwayu a tshembekile ka Yehovha, hambiloko a xengeteliwa hi Sathana. Yesu a lange vapostolo funtshi hi vona va nga sungula va lumba Mfumu wa yena. Se pfuna n’wana wa wena ku vona leswi Yesu a a swi rhandzisa xiswona ku gandzela Yehovha ni ku seketela wugandzeli la ntiyiso. Leswi a a lava ku pfuna vanhu, Yesu a hanyise lava a va vabya, a nyika swakudla lava a va nga li na swona, a tlhela a pfuxa lava a va file. Se hi minchumu leyi hinkwayu ya ku hlamalisa, Yesu a a lava ku kombisa leswi Mfumu wa Xikwembu wu nga ta swi yendlela vanhu hinkwavu.