DJONDZO 5

Kulerha hi Ndlela Leyinene

1 Timotiya 4:13

U FANELE U YENDLA YINI? Lerha hi rito la le henhla leswi tsaliweke.

Lunghiselela kahle. Yehleketa leswaku hayini rungula lelo li tsaliwile. Titoloveti kulerha ntlawa wa marito, kunga li ntsena rito lin’we hi lin’we. Tivonele leswaku unga yengeteli marito, ungama tluli, kumbe kucinca marito. Hlonipha tiponto ni mavirgula hinkwawo.

Kombela munghanu wa wena leswaku aku yingisela loko u li karhi u lerha leswaku ndzhaku ka leswo, aku komba marito lawa u kalaka ungama lerhanga kahle.
Vula rito lin’wana ni lin’wana hi ndlela leyinene. Loko ungayi tivi ndlela yovula rito lokarhi, u fanele u kambisisa ka xihlamuselamarito; u yingisela rungula la buku la Bibele leli gravhariweke, kumbe u kombela munhu lweyi a lerhaka kahle kuva aku pfuna.
Vulavula hi ndlela leyi twisisekaka. Vula marito hi ndlela leyi twisisekaka; u tlakusa nhloko ni kupfula nomo wa wena kahle. Yendla minzamo leswaku u vula rito lin’wana ni lin’wana hi ndlela leyi twisisekaka.

Unga kandzihisi marito kutlula mpimo hikusa se uta va ungaha vulavuli hi ndlela ya ntumbuluku.