Vampsha ‘Chivirikelani Kuyendla Leswinene’

Ka papila la yena leli huhuteliweke, mupostola Pawulo a tsale leswaku vavanuna lavanga vampsha, kupatsa na yena Tito, va fanele va tikarhatela kuva “xikombiso xa mintirho leyinene hi matlhelo hinkwawu.” (Tit 2:6, 7) Loko aya mahlweni ka ndzima leyo, Pawulo a kombisa leswaku Yesu a ata basisa vanhu va Yehovha leswaku ‘vachivirikela kuyendla leswinene.’ (Tit 2:14) Yin’wana ya mintirho leyinene i kuchumayela ni kudjondzisa hi Mfumu wa Xikwembu. Loko u li mumpsha, swingo yini u tirhisa matimba ya wena leswaku u tirha tani hi Mupfuli wa Ndlela wa Nkama Hinkwawu kumbe wa Kupfunisa? — Swiv 20:29.

Loko u navela kutirha tani hi Mupfuli wa Ndlela hlela wutomi la wena ni nitrho wa wena leswaku uswi kota. (Lk 14:28-30) Hi xikombiso, uta tihanyisa hi yini loko u li ka ntirho wa nkama hinkwawu? Utaswi kota kupfala mawora ya lembe? Yanakanyisisa hi leswi u tlhela u khongela ka Yehovha. (Ps 37:5) Bula hi mhaka leyi ni vapsali va wena ni maphayona lamanga ni ntokoto. Yendla swokarhi kufikelela xikongomelo xa wena. Kunene, Yehovha ata katekisa kuchivirika ka wena antirhweni wa yena!

HLALELA VHIDIYO LELINGE VAMPSHA LAVA DZUNISAKA YEHOVHA, U GAMA U HLAMULA SWIVUTISU LESWI LANDZELAKA:

• Hi swihi swikarhato leswi van’wana vaswi hluleke leswaku va kota kuva maphayona, naswona vaswi hlulise kuyini?

• Vapsali vangava pfunisa kuyini vana va vona kuva maphayona ya nkama hinkwawu?

• Hi mhaka muni swi pfuna kuva ni xiyimiso xa kuchumayela?

• Swirho swa bandla swingaswi kotisa kuyini kukhutaza ni kupfuna maphayona?

• Hi yihi minkateko ya kuva Mupfuli wa Ndlela?