Lulamisela Mbilu Ya Wena

Leswaku hi pfuneka hi leswi hi swi djondzaka ka Bibele swi lava hi lulamisela timbilu ta hina. Ezra a hi vekele xikombiso xaxinene ka mhaka leyi hikusa yena a “lulamisele mbilu ya yena swaku a kambisisa Nawu wa Yehovha”. (Ezr. 7:10) Se wena ke, u nga swi yendlisa ku yini leswo?

Khongela. Na u nge se djondza, khongela ka Yehovha u mu kombela a ku pfuna ku twisisa leswi u swi djondzaka u tlhela u swi tirhisa ka wutomi la wena. — Ps. 119:18, 34.

Tiveki hansi. Phela vanhu va ku tibyela lava pimisaka swaku va tiva hinkwaswu a va lavi ku pfuniwa. Se Yehovha a va fihlela mintiyiso leyi nga ka Bibele. (Luk. 10:21) A hi lavi ku djondza leswaku vanhu van’wani va rendera hi wutivi leli hi nga na lona. Loko u djondza nchumu u vona swaku ku ni lani u faneleke u yampsisa, tiveki hansi u vhela u yampsisa.

Yingisela tinsimu ta hina. Leswi tinsimu ti nga ni matimba ya ku khumba leswi hi titwisaka xiswona ti tlhela ti hi lulamisela ku gandzela Yehovha, ku ti yingisela swi nga hi pfuna leswaku hi pimisa hi Yehovha ti tlhela ti hi pfuna kuva hi swi twisisa kahle leswi hi nga ta djondza hi swona.