Xana Bibele Lita hi ka Xikwembu Hakunene?

1. I mani angatsala Bibele?

Mahungu yotsakisa ya leswaku vanhu vatahanya hilaha kungaheliki laha misaveni matsaliwe ka Bibele. (Tipisalema 37:29) Bibele livumbiwa hi 66 wa mabuku ya matsongo. Xikwembu xitirhise kolomu ka 40 wa vavanuna leswaku vamatsala. Mabuku yosungula ya 5 matsaliwe hi Moxe ka 3.500 wa malembe lama hundzeke; abuku la wugamu litsaliwe hi mupostola Yohane ka 1.900 wa malembe lama hundzeke. Xana aswita hi ka mani hinkwaswu leswi vaswitsaleke? I Xikwembu axivulavula ni vatsali va Bibele hi kutirhisa moya wa xona lowokwetsima. (2 Samuwele 23:2) Avatsala mimpimisu ya Xikwembu kungali ya vona. Hikolaho, hingagimeta hi kuvula leswaku Yehovha hi yena mutsali wa Bibele. — Lerha 2 Timotiya 3:16; 2 Petro 1:20, 21.

Sixtira vhidiyu lelinge I Mani Angatsala Bibele?

2. I yini lexingahi kholwisaka leswaku leswinga Bibeleni i ntiyisu?

Haswitiva leswaku Bibele lita hi ka Xikwembu hikuva leswi liswiprofetaka hi wumundzuku swahetiseka. Anga kona munhu lweyi angakotaka kuswimaha leswo. (Yoxuwa 23:14) I Xikwembu xa matimba hinkwawu ntsena lexinga kotaka kuprofeta hi wumundzuku la vanhu switlhela swihetiseka. — Lerha Esaya 42:9; 46:10.

Aku na kukanakana ka leswaku buku lolelo, lelihumaka ka Xikwembu, lihlawulekile. MaBibele yotlula mabiliyoni mambirhi mahangalasiwile hi tirimi letitlulaka 450. Hambileswi linga la khale, lapfumelelana ni siyensiya. Naswona ka 40 wa vavanuna lavangali tsala, anga kona angalwisana ni leswi tsaliweke hi mun’wani.a Kuyengetela lanu, alirhandzu leli Bibele lilidjondzisaka li ni matimba yoyampsisa wutomi la vanhu. Swilo leswi hinkwaswu swikholwisa vanhu votala leswaku Bibele i Ritu la Xikwembu. — Lerha 1 Vatesalonika 2:13.

Sixtira vhidiyu lelinge I Yini Lexingahi Kholwisaka Leswaku Bibele Li Vulavula Ntiyiso?

3. Xana Bibele livulavula hi yini?

Bibele livulavula ngopfu hi mahungu yotsakisa ya leswaku Xikwembu xi ni makungu ya lirhandzu hi vanhu. Litlhela lihlamusela ndlela leyi mfanelo ya vanhu yohanya hilaha kungaheliki amisaveni leyinga paradeyisi yilahlekeke ha yona ni leswi Xikwembu xingataswi mahaka leswaku xitlhela xiyivuyisa. — Lerha Nhlavutelo 21:4, 5.

Nakambe Ritu la Xikwembu li ni minawu ni switsundzuxu. Kuyengetela lanu, li ni swikombisu swa ndlela leyi Xikwembu xivakhomaka ha yona vanhu. Ka swikombisu sweswo ungadjondza leswaku Xikwembu i munhu wa njhani. Hi ndlela yoleyo, Bibele lingakupfuna leswaku uxitiva Xikwembu, litlhela likuhlamusela ndlela leyi ungavaka munghana wa xona ha yona. — Lerha Tipisalema 19:7, 11; Yakobo 2:23; 4:8.

4. Xana ungalitwisisa njhani Bibele?

Broxura leli litakupfuna kutwisisa Bibele hikuva litirhisa endlelo leli Yesu alitirhiseke. Loko avula versikulu yokarhi ya le Bibeleni aatlhela anyikela “nhlamuselo ya Matsalwa.” — Lerha Luka 24:27, 45.

Mahungu yotsakisa lamataka hi ka Xikwembu mathova mbilu swinene kutlula nchumu wihi na wihi. Kambe vanhu van’wani avamatsakeli naswona vanyenyentseka hi wona. Sweswo swingakutsemi nhlana. Ntshembo wa wena wotikhorisa hi wutomi lelingaheliki laha misaveni wutitshege hi kuva uxitiva kahle Xikwembu. — Lerha Yohane 17:3.