Kuchumayela ni Kudjondzisa — I swa Lisima a Kuyendleni ka Vadjondzisiwa

Yesu a lerise vadjondzisiwa va yena kuyendla vadjondzisiwa. (Mt 28:19) Leswi swi katsa kuchumayela ni kudjondzisa. Nkama ni nkama, hi fanela hi tivutisa leswi: Xana ningawu yampsisa njhani ntirhu wa mina wa kuyendla vadjondzisiwa?

KUCHUMAYELA

Hi fanele hi famba hi lavetela vanhu “lava fanelekaka”, matshan’wini ya kurindzela leswaku va ta ka hina. (Mt 10:11) Xana loko hi li ka ntirhu wa kuchumayela hayi londzovota mikhandlu ya kuvulavula ni vanhu lava hi kumanaka na vona? (Min 17:17) Lidiya a hundzuke mudjondzisiwa hikolaho ka leswi Pawulo a achumayela hi kuchivirika. — Min 16:13-15.

HLALELA VHIDIYU LELINGE YANA MAHLWENI U CHUMAYELA “UNGA KARHALI” — HI XITSHUKETA NI HI MUNTI NI MUNTI, UGAMA U HLAMULA SWIVUTISU LESWI LANDZELAKA:

• Ka wutomi la yena la siku ni siku, Pedro aswi kombise kuyini leswaku a ahisekela kubyala mbewu ya ntiyisu?

• Hayini hi fanela hi tiyisela ka muxaka wini ni wini wa ntirhu wa kuchumayela?

• Ka wutomi la wena la siku ni siku, unga yavelana na mani rungula la Mfumu?

KUDJONDZISA

Leswaku hi yendla vadjondzisiwa, hi fanela hi yendla leswi tlulaka kuva nyika mabuku ntsena. Leswaku hiva pfuna kuyendla nhluvuku hi tlhelo la moya, hi fanela hi yendla mayendzo yovuyela hitlhela hi fambisa tidjondzo ta Bibele. (1Ko 3:6-9) Hinga yendla yini loku kutikarhata ka hina ka kudjondzisa munhu rungula la Mfumu kunga tisi vuyelo lelinene? (Mt 13:19-22) Hi fanela hi hambeta hi lavetela vanhu lavanga ni “timbilu leti fanaka ni misava leyinene.” — Mt 13:23; Min 13:48

HLALELA VHIDIYU LELINGE YANA MAHLWENI U CHUMAYELA ‘UNGA KARHALI’ —  ATINDHAWINI LETI TALEKE HI VANHU NI NTIRHWENI WO YENDLA VADJONDZISIWA, UGAMA U HLAMULA SWIVUTISU LESWI LANDZELAKA:

• Xana Salomão na Maria vayi hlakulele njhani mbewu ya ntiyisu atimbilwini ta Ezekiyele na Abigayil?

• Hi xihi xikongomelo xa hina ka mixaka hinkwayu ya kuchumayela, kukatsa ni kuchumayela lomu kutaleke hi vanhu?

• Xana hingawu hisekela njhani ntirhu wa kudjondzisa van’wana ntiyisu?