KUHANYA TANI HI VAKRESTE

Langa Wuhungasi la Wena hi Wutlharhi

Hi mhaka muni hi fanele hi langa wuhungasi hi wutlharhi? Hikusa nkama lowu hi langaka mafilmi, wuyimbeleli, ma site lawa hi nghenaka ka wona, mabuku lawa hima lerhaka, kumbe mavhidiyo gemi lawa hi tlangaka hi wona, hi va hi langa leswi hi lavaka kutata mimpimiso ya hina hi swona. Swilo leswi hiswi langaka swi khumba mahanyelo ya hina. Lexi twisaka kuvava, kutala ka wuhungasi namuntlha lini swilo leswi Yehovha aswi nyenyaka. (Ps 11:5; Ga 5:19-21) Hi swivangelo leswi, Bibele lihi byela leswaku hi tama hi yehleketisisa hi swilo leswi yisaka kudzuneka ka Yehovha. — Flp 4:8.

VONA VHIDIYO LELINGE NI FANELE NI LANGA WUHUNGASI LA KUTSHAMISA KUYINI? U GAMA U HLAMULA SWIVUTISO LESWI LANDZELAKA:

Mintlangu ya khale ya Varoma leyi ayini tihanyi yi fanisa kuyini ni wuhungasi lin’wanyana namuntlha?
Swirho swa bandla swingava pfunisa kuyini vampsha kulanga wuhungasi hi wutlhari?
Varhoma 12:9 yi fanele yiyi khumbisa kuyini ndlela leyi hi langaka wuhungasi hi yona?
Hi swihi swikombiso swin’wana swa wuhungasi lelinene a mugangeni wa wena?

UTA LANGA KUHLALELA WUHUNGASI KUMBE KUKATSEKA KA LONA?

Kutala ka wuhungasi namuntlha li djondzisa vanhu kuva vahlaleli kumbe vatwi ntsena handle kakuva vona vali yendlaka. Mafilmi, mabuku, ni maprograma ya televizao, ma kombisa wuswikoti la vanhu van’wana, kungali la hina vinyi. Hambileswi kunga ni tindhawu ta kutala ta kuhungata kona kufana ni masinema ni mateyatro, vanhu va kutala va vona swi yampsa kuhungata hi kuyendla swokarhi kungali kuhlalela van’wanyana. Hi xikombiso van’wana va tikhorisa hi kuchaya mavhiyola, piano ni swin’wana kumbe hi kudezenyara swifaniso. Van’wana va tikhorisa hi kuhungata handle ka le kaya, kufana ni mintlangu ya bola kumbe kudzima matende khwatini. Kambe hambi hi langa wuhungasi lihi ahi ‘yendleni hinkwaswu kudzunisa Xikwembu.’ — 1Ko 10:31.