Djondzisa Hi Ku Hiseka

Loko u vulavula hi ku hiseka, lava u vulavulaka na vona va ta ku yingisela kahle. Nakambe loko u hiseka u ta kombisa swaku u swi nyika lisima leswi u vulavulaka hi swona. Ku nga na mhaka swaku hi kuleli kwini, hi nga swi kota ku va vanhu va ku hiseka loko hi vulavula. (Rm 12:11) Kambe hi nga swi kotisa ku yini?

Xa ku sungula, pimisa hi lisima la leswi u vulavulaka hi swona. Phela u nyikiwe ntirho wa lisima wa ku ‘chumayela mahungu ya ku tsakisa ya swilo swa swinene!’ (Rm 10:15) Xa wumbirhi, pimisa hi leswi swi nga va pfunisaka xiswona leswi u nga ta va byela. Va swi lava hikakunene ku twa leswi wena u lavaka ku va byela. (Rm 10:13, 14) Hi wugamu, vulavula hi ku hiseka, hi ndlela leyi u vulavulaka hi yona siku ni siku loko u bula, naswona tirhisa mavoko loko u vulavula u tlhela u kombisa swaku u tsakile.

SIXTIRA VHIDIYO LELI NGE: TAMA U TSAKA HI KU DJONDZISA VANHU — YAMPSISA MACHUMAYELELO YA WENA — DJONDZISA HI KU HISEKA, U GAMA U HLAMULA SWIVUTISO LESWI:

• 

  I ntxini lexi nga yentxa Neta a nga ha hiseki loko a djondza na Júlia?

• 

  I ntxini xi nga pfuna Neta swaku a tlhela a hiseka?

• 

  Hi mhaka muni hi fanele hi vona swilo swa swinene ka vanhu lava hi va djondzisaka?

• Ku hiseka ka hina ku nga va pfunisa ku yini vanhu lava hi djondzaka na vona Bibele?