Kampanya La Ku Hlawuleka La Ku Sungula Swidjondzo Swa Bibele Hi Setembro

Hi Setembro, hi ta yentxa hinkwaswu leswi hi nga swi kotaka swaku hi djondzisa vanhu hi ku tirhisa broxura leli nge: Tikhorisi Hi Wutomi La Ku Kala Li Nga Heli. Vachumayeli va nga langa ku va vapfuli va ndlela va nkamanyana, va nyikela 30 wa mawora kumbe ku tlula. Se hi ta swi yentxisa ku yini?

• Ka Mabulu Ya Ku Sungula: Tirhisa xingheniso lexi nga ka pajina la wugamu la broxura, u gama u mu komba swaku djondzo ya Bibele yi yentxisiwa ku yini. U nga va khohlwi lava nga tsakela ku patsa ni marevhizita. Funtshi hambi vanhu lava a va nga swi tsakeli ku djondza, swi nga yentxeka va swi navela ku djondza hi broxura leli la nyuwani. A hi fanelanga hi siya mabroxura ka miminti leyi ku kalaka ku nga na vanhu, kumbe hi li nyika munhu lweyi a kalaka a nga tsakeli. A Comissão La Ntirho La Bandla li nga ha yengetela masiku ya ntlhanganu wa nsimu hi wheti yoleyo.

• Swin’wana U Nga Swi Yentxaka: Loko swi ku ka bandla la wena mu tirhisa xikarinyana, nameketa phepha leli kombisaka broxura leli nge: Tikhorisi Hi Wutomi La Ku Kala Li Nga Heli ka xikarinyana xa n’wina. Loko ku ni lava tsakelaka, vhela u va byela swaku va nga djondzeliwa Bibele mahala, u nga tlhela u langa ku tekela ku va tlhamusela swaku djondzo ya Bibele yi yentxisiwa ku yini kumbe u va tlhamusela hi siku lin’wana. Mulanguteli wa ntirho, a nga ha langa vachumayeli lava fanelekaka swaku va ya sungula swidjondzo swa Bibele amabazara. U nga ha tlhela u sungula swidjondzo swa Bibele antirhweni kumbe ni vanhu lava u tlhanganaka na vona.

Yesu a hi byele swaku hi fanele hi famba hi ya “djondzisa vanhu.” (Mt 28:19, 20) Hi navela leswaku kampanya leli, li hi pfuna ku yentxa leswo hi ku tirhisa broxura leli nge: Tikhorisi Hi Wutomi La Ku Kala Li Nga Heli.