Leswi Vamakwerhu Va Nga Pfunisiwaka Xiswona Loko Ku Li Ni Tinghozi

Namuntlha wa siku tinghozi ti ya ti yengeteleka. Se, leswaku ntirho wa ku pfuna lava va nga humeleliwa hi tinghozi wu yendliwa hi ndlela ya kona, Ntlawa Lowu Rhangelaka wu yendle swaku ka Betele lin’wani ni lin’wani ku va ni Departamentu la vamakwerhu lava pfunisaka loko ku humelelile tinghozi.

Loko vamakwerhu lava tirhaka ka departamentu leli va twa swaku ku ni ndhawu leyi ku nga humelela nghozi, hi xihantla va fonela madoda ya ndhawu yoleyo swaku ku pfuniwa vachumayeli. Loko nghozi yoleyo yi li yikulu naswona vamakwerhu va lava ku pfuniwa, a Betele li rhumela vamakwerhu va xinuna lava nga ni xiperiyensiya swaku va ya rhangela ntirho lowu. Vamakwerhu lava va nga ha kombela swaku vamakwerhu van’wani va tinyikela swaku va ya pfunisa, kumbe va nyikela hi swilo leswi va nga na swona kumbe ku xava minchumu yin’wani leyi nga ha lavekaka swaku ku pfuniwa vamakwerhu.

Lulamiselo leli la pfuna hikusa li yendla swaku ku nga gaxtariwi male yayinyingi kumbe swilo, leswi nga yendlekaka loko vamakwerhu va tiyendlela malulamiselo hi voxe.

Vamakwerhu lava va nga langiwa hi Betele va ta swi vona swaku ku laveka male muni ni swaku ku laveka vamakwerhu vangani swaku va ya pfunisa lani ku nga humelela nghozi. Va nga tlhela va tirhisana ni varhangeli va muganga swaku ntirho wa ku pfunisa lani ku nga humelela nghozi wu yendliwa hi ku kahlula. U nga hlengisi vanhu male na u nga rhumiwanga, u nga yi lani ku nga humelela nghozi kumbe ku rhumela swilo loko u nga byeliwanga swaku u swi yendla swoleswo.

Loko ku humelela tinghozi hinkwerhu ha swi lava ku pfunisa. (Heb 13:16) Leswi hi va rhandzaka vamakwerhu, xa lisima lexi hi nga xi yendlaka loko ku humelela tinghozi i ku va khongelela hi tlhela hi khongelela lava va nga ya va pfuna. Hi nga tlhela hi peta male ka kaxa la ntirho wa misava hinkwayu leswaku hi pfunisa. Hi ku kongomisiwa hi Ntlawa Lowu Rhangelaka, a Mabetele hi wona ma swi tivaka swaku male yoleyo yi nga tirhisiwa ku yini. Loko u lava ku famba hi ku kongoma u ya pfunisa lomu ku nga humelela nghozi, prenxera Petição para Voluntário do Departamento Local de Projeto/Construção (DC-50).

SIXTIRANI VHIDIYO LELI NGE: NDHAMBI LEYI NGA HLASELA MADOROPA YA BRASIL, MI GAMA MI HLAMULA XIVUTISO LEXI:

I mpsini swi nga ku tsakisa ka ndlela leyi vamakwerhu lava nga hlaseliwa hi ndhambi hi 2020 va nga pfuniwa hi yona?