Hlamuselo ya le hansi

c Ka Bibele ku ni swikombiso swimbirhi swa ndlela leyi vana va Eli va kalaka va nga wu yingisanga Nawu hi yona. Xa ku sungula, a Nawu a wu vula leswi vaprista a va fanele va swi dla ka swiharhi leswi a ku nyikeliwa hi swona magandzelo. (Det. 18:3) Kambe ka tabernakela, a vaprista lava va wukanganyisi a va yendla swilo swa ku hambana ni leswi Yehovha a a va byele swona. Phela a va rhuma vapfunisi va vona swaku va peta garfu lalikulu ka panela leli a li sweka nyama leswaku va humesa nyama leyi vona a va yi lava. Xa wumbirhi, loko vanhu va ya nyikela magandzelo leswaku ma hisiwa ka altari, a vaprista lavayani a va rhuma vapfunisi va vona swaku va ya chavisela munhu lweyi a nga tisa gandzelo va tlhela va mu sindzisa ku va nyika nyama ya yimbisi na ku nga se nyikeliwa mafurha ya yona swaku ma va gandzelo ka Yehovha. — Lev. 3:3-5; 1 Sa. 2:13-17.