Hlamuselo ya le hansi

e Hosi Xerxes Wa Ku Sungula a a li hosi ya ku karhata hintamu ni ya mona. Ntivi yin’wani leyi vulavulaka hi swilo swa khale leyi vitaniwaka Herodoto yi tlhamusele switsongo leswi nga yendleka nkama lowu hosi leyi a yi lwa ni tiko la Gresiya. Hi xikombiso, yi tlhamusela leswaku ka khambi lin’wani a hosi yi yake buluwa, leli a li fika ka ndhawu leyi vitaniwaka Helesponto. Se a nkama xidzedze xaxikulu xi nga ba, xi hahlula a buluwa leliyani, a hosi yi kwate hintamu lakaku yi rhuma vatirhi va yona swaku va ya dlaya vayenjinyeru hinkwavu lava nga yaka buluwa leliyani. Yi tlhele yi byela vanhu va yona swaku va ya betetela mati hi nhonga swaku ndhawu liyani yi rhukiwa hi mhaka leswi nga yendleka. Loko wanuna mun’wani wa ku ganya a yile a ya ku: ‘Ni kombela u humesa n’wana wa mina awusonchweni’, a hosi yi kwatile hintamu lakaku yi rhuma vanhu swaku va yava n’wana lwiyani hi xikarhi va gama va teka ntsumbu wa yena va komba vanhu hinkwavu swaku va ta chava.