Yoxuwa

23 Loko se ku hundze malembe ya manyingi na Yehovha a humulise Vayisrayele+ ka valala va vona lava a va li kusuhi na vona, na Yoxuwa se a gugile naswona a li ni malembe ya manyingi,+ 2 Yoxuwa a vitana Vayisrayele hinkwavu,+ madoda ya vona, varhangeli va vona, vayavanyisi va vona ni tindhuna ta vona+ a va byela a ku: “Se ni gugile naswona ni ni malembe ya manyingi. 3 Mi swi vonile hi n’wexe hinkwaswu leswi Yehovha Xikwembu xa n’wina a nga swi yendla ka matiko lawa hinkwawu hi mhaka ya n’wina, hikusa Yehovha Xikwembu xa n’wina hi yena a a mi lwela.+ 4 Ma swi tiva swaku, ni mi yavele tindhawu ta matiko lawa ma nga sala hi ku tirhisa swiribyani*+ swaku ti va tshomba la tinxaka ta n’wina+ ku patsa ni matiko hinkwawu lawa ni nga ma helisa,+ ku sukela aYordani ku ya ka Lwandle Lalikulu* ka tlhelo la le wupeladlambu. 5 Yehovha Xikwembu xa n’wina hi yena a a tshamela ku ma hlongola phambheni ka n’wina;+ phela a a ma hlongola hi mhaka ya n’wina. Swoswi mi teke tiko la vona hi ku ya hi leswi Yehovha Xikwembu xa n’wina a nga mi tshembisa swona.+

6 “Swoswi mi fanele mi tiya nhlana swinene leswaku mi ta kota ku yingisa ni ku yendla hinkwaswu leswi nga tsaliwa ka buku la Nawu+ wa Moxe. Mi nga tshuki mi djika mi ya ka tlhelo la xinene kumbe ka tlhelo la ximatsi,+ 7 hi ku kala mi nga tshuki mi tipatsa ni vanhu va matiko,+ lava nga sala na n’wina. Mi nga tshuki mi vulavula hi mavito ya swikwembu swa vona+ kumbe mi funga hi swona, naswona mi nga tshuki mi swi tirhela kumbe ku swi khizamela.+ 8 Kambe mi fanele mi namarhela Yehovha Xikwembu xa n’wina,+ ku fana ni leswi mi nga swi yendlisa swona ku ta fikela swoswi. 9 Yehovha a ta hlongola matiko yamakulu ni ya matimba phambheni ka n’wina,+ hikusa a ku na munhu ni mun’we lweyi a nga kota ku mi hlula ku ta fikela namuntlha.+ 10 Munhu mun’we ntsena ka n’wina a ta txatxa 1.000 wa vanhu,+ hikusa Yehovha Xikwembu xa n’wina wa mi lwela+ hi ku ya hi leswi a nga mi tshembisa swona.+ 11 Se tshamani na mi pfule matihlo+ hi ku rhandza Yehovha Xikwembu xa n’wina.+

12 “Kambe loko mo txintxa mi namarhela matiko lawa ma nga sala xikarhi ka n’wina,+ kutani mi yendla ntwananu wa wukati na wona+ mi tlhela mi va vanghanu va wona, 13 swi tiveni swaku Yehovha Xikwembu xa n’wina a nge he tami a ma hlongola matiko lawa.+ Ma ta fana ni ntlhamu ni nhonga leyi mi kwapaka ka nhlana+ ni mimintwa ka matihlo ya n’wina, anze mi hela mi ku jii ka tiko leli lalinene, leli Yehovha Xikwembu xa n’wina a nga mi nyika lona.

14 “Swoswi yingisani! Ni kusuhi ni ku fa naswona mi swi tiva kahle hi mbilu ya n’wina hinkwayu ni hi wutomi la n’wina hinkwalu, swaku a ku wanga ni rito ni lin’we ka switshembiso hinkwaswu swaswinene leswi Yehovha Xikwembu xa n’wina a nga mi tshembisa swona. Hinkwaswu swi hetisekile ka n’wina. A ku wanga rito ni lin’we ka swona.+ 15 Kambe ku fana ni leswi switshembiso hinkwaswu swaswinene leswi Yehovha Xikwembu xa n’wina a nga mi byela swona swi nga hetiseka,+ hi ku fana, Yehovha a ta tiyiseka swaku makhombo hinkwawu lawa a nga mi tshembisa wona a ta mi tisela wona anze mi hela mi ku jii, ka tiko lalinene leli Yehovha Xikwembu xa n’wina a nga mi nyika lona.+ 16 Loko mo tlula ntwananu wa Yehovha Xikwembu xa n’wina lowu a nga mi nyika wona leswaku mi wu hlayisa, ni loko mi famba mi ya tirhela swikwembu swin’wani mi tlhela mi swi khizamela, Yehovha a ta mi kwatela swinene+ naswona mi ta hantla mi helisiwa ka tiko lalinene leli a nga mi nyika lona.”+