Zakariya

5 Ni tlhela ni txuvuka henhla, se ni vona buku* leyi hahaka. 2 Ntsumi yi ni vutisa yi ku: “U vona yini?”

Ni yi hlamula ni ku: “Ni vona buku* leyi hahaka, leyi nga leha kolomuyani ka 9 wa mametru* yi yanama kolomuyani ka 5 wa mametru.”*

3 Kutani yi ni byela yi ku: “Lexi i xirhuku lexi yelaka vanhu va misava hinkwayu, hikusa mun’wani ni mun’wani lweyi a yivaka,+ hi ku ya hi leswi nga tsaliwa ka tlhelo lin’we la yona, a nga khatisiwanga; ni mun’wani ni mun’wani lweyi a fungaka,+ hi ku ya hi leswi nga tsaliwa ka tlhelo lin’we la yona, a nga khatisiwanga. 4 ‘Ni xi rhumelile,’ ku vula Yehovha murhangeli wa tintsumi, ‘xi fanele xi nghena ka yindlo ya muyivi ni ka yindlo ya lweyi a fungaka hi vito la mina a gama a nga yendli leswi a nga swi funga; naswona xi ta tshama ka yindlo yoleyo, xi yi helisa xi tlhela xi helisa timhandzi ni maribye ya yona.’”

5 Kutani ntsumi leyi a yi vulavula na mina yi tlhela yi ni tshinelela yi ku: “Ni kombela u txuvuka henhla, u vona lexi humaka.”

6 Se ni yi vutisa ni ku: “I yini?”

Yona yi ku: “Ku huma xibya xa ku pima xa efa* yin’we.” Yi tama yi ku: “Leswi hi leswi misava hinkwayu yi vonekisaka xiswona.” 7 Kutani ni vona ximbhonyo xa redondu xa ku yendliwa hi muthofu* xi pfuliwa, a ku ni wansati lweyi a a tshame ndzeni ka xibya. 8 Yi ku: “Wansati lweyi a fanekisela Wubihi.” Kutani yi mu tlhelisela ndzeni ka xibya xolexo xa ku pima xa efa, yi gama yi xi pfala hi ximbhonyo xa muthofu.

9 Se ni txuvuka henhla kutani ni vona vavasati vambirhi na va ta, a va haha. A va ni timpapa ta ku fana ni ta ntavila.* Se va tlakula xibya xolexiyani xa ku pima va famba na xona ampfhukeni.* 10 Kutani ni vutisa ntsumi leyi a yi vulavula na mina ni ku: “Se va xi yisa kwini xibya lexiyani xa ku pima xa efa?”

11 Yi ni hlamula yi ku: “Va xi yisa ka tiko la Xinara*+ swaku va ta ya mu yakela yindlo koseniyani; loko se yi helile, a ta tshama koseniyani ka ndhawu ya yena leyi mu fanelaka.”