Sathana A Ringa Yesu

Loko se a tsakamisiwile Yesu a ye amananga, yena a tshame 40 wa masiku na a nga dli nchumu, naswona a a twa ndlala hintamu. Se Sathana a yile a ya ringa Yesu a ku:

— Loko swi ku u N’wana wa Xikwembu txintxa maribye lawa ma va mapawu.

Yesu a hlamule Sathana na a tirhisa Nawu wa Yehovha a ku:

— Munhu a nga fanelanga a hanya hi pawu ntsena, kambe a fanele a hanya ni hi rito lin’wani ni lin’wani leli li humaka hi ka nomo wa Yehovha.

Sathana a tlhele a ringa Yesu ka wumbirhi a ku:

— Loko u li N’wana wa Xikwembu titxukumeteli na u li henhla ka tempele, hikusa ku tsaliwile leswaku Xikwembu xi ta rhuma tintsumi leswaku ti ku tlhamukela.

Yesu a tlhele a hlamula hi ku tirhisa Nawu wun’wani wa Xikwembu a ku:

— A hi fanelanga hi ringa Xikwembu.

Se Sathana a tlhele a ta ka wunharhu, a fika a komba Yesu mimfumu hinkwayu leyi nga kona lani misaveni a ku:

— Ni ta ku nyika mimfumu leyi hinkwayu loko wo ni gandzela kan’we ntsena.

Yesu a hlamule hi ku tirhisa nawu wun’wani wa Xikwembu, a ku:

— Suka Sathana, hi fanele hi gandzela Xikwembu ntsena.

Sathana a suke a famba, se ku gama ku humelela tintsumi ti fika ti mu nyika swakudla Yesu. Loko leswo swi hundzile, Yesu a sungule ku yendla ntirho lowu Yehovha a a mu nyikile wona wa ku vulavula hi Mfumu wa Xikwembu ka vanhu. Vanhu a va swi rhandza leswi Yesu a a swi djondzisa, lani Yesu a a ya kona na vona a va mu landza.