BIBLIYOTEKA KA INTERNETI la Watchtower
Watchtower
BIBLIYOTEKA KA INTERNETI
xiChangana (Moçambique)
  • BIBELE
  • MABUKU
  • MINTLHANGANU
  • lfb djondzo 55 páj. 132
  • Ntsumi Ya Yehovha Yi Vhikele Hezekiya

Aku na vhidiyu lihlawuliweke.

Hivaleli, aswikotekanga kuchaya vhidiyu.

  • Ntsumi Ya Yehovha Yi Vhikele Hezekiya
  • Djondza Ka Switoriya Swa Bibele
Djondza Ka Switoriya Swa Bibele
lfb djondzo 55 páj. 132
Ntsumu yi dlaya masonchwa ya Vaasiriya

XITORIYA 55

Ntsumi Ya Yehovha Yi Vhikele Hezekiya

Mfumu wa Vaasiriya se a wu dumele 10 wa tinxaka ta Israyele wu tlhela wu ti hlula. Funtshi se a wu lava ku dumela mfumu wa tinxaka timbirhi ta Yuda. Senakeribi hosi ya Vaasiriya a a dumela madoropa ya Yuda hi lin’we hi lin’we. Kambe doropa leli a a li lava hintamu a a li doropa la Yerusalema. Kambe leswi a a nga swi tivi hi leswaku Yehovha a a li vhikela doropa leli.

Hezekiya hosi ya Yuda a nyike Senakeribi male ya yinyingi leswaku a nga dumeli aYerusalema. Senakeribi a yi tekile male leyo, hambileswo a rhumele masonchwa ya yena ya matimba leswaku ma ya dumela a doropa leli. Vanhu va sungule ku chava hintamu, kambe Vaasiriya a va ya va tshinela. Se Hezekiya a byele xitshungu a ku:

— Mi nga chavi, Vaasiriya va ni matimba kambe Yehovha a ta hi pfuna leswaku hi va ni matimba ku va tlula.

Senakeribi a rhume Rabuxaki leswaku a ya aYerusalema, nkama lowu Rabuxaki a nga fika aYerusalema, a fike a nyima phambheni ka doropa a sungula ku poyilela xitshungu a ku:

— Yehovha a nga ta mi pfuna n’wina, Hezekiya o lava ku mi kanganyisa, a ku na xikwembu lexi nga kotaka ku vhikela doropa la xona ka hina.

Hezekiya a vutise Yehovha leswi a a fanele a swi yendla, Yehovha a hlamule Hezekiya a ku:

— U nga chavi leswi Senakeribi a nga swi vula, Senakeribi a nga ta li dumela doropa la Yerusalema.

Loko se ku hundze leswo, Hezekiya a yamukele a makarta lawa a ma ta hi ka Senakeribi lawa a ma ku:

— Yehovha a nge mi vhikeli ka mina.

Hezekiya a sungule ku khongela ka Yehovha a ku:

— Yehovha ha ku kombela leswaku u hi vhikela, leswaku vanhu va ta swi tiva swaku hi wena Xikwembu xa ntiyiso.

Yehovha a hlamule Hezekiya a ku:

— A hosi ya Vaasiriya a yi nga ta li dumela doropa la Yerusalema, mina ni ta vhikela doropa la mina.

Masonchwa ya Vaasiriya ma fambile ma ya aYerusalema, na ma lava ku ya dumela a doropa. Phela Senakeribi a a pimisa swaku a ta swi kota ku nghena ka doropa la Yerusalema. Kambe wa swi tiva swaku ku yendleke yini? Niwusiku Yehovha a rhumele a ntsumi ya yena leswaku yi ya lani masonchwa ya Vaasiriya a ma li kona, yi fika yi dlaya 185.000 wa masonchwa. Masonchwa hinkwawu ya matimba ya Senakeribi ma dlayiwile. Phela Senakeribi a a nga ha na xa ku xi yendla, a yo suka a muka kaya ka yena. Yehovha a swi yendlile hinkwaswu leswi a nga swi tshembisa, a vhikele Hezekiya ni doropa la Yerusalema. Se wena ke, loko a wo va Yerusalema i mpsini leswi a wu ta va u swi yendlile?

“Ntsumi ya Yehovha yi gwimba tende hinkwaku lomu ku nga ni lava mu chavaka, naswona ya va ponisa.” — Tipisalema 34:7

Hi yihi nhlamulu ya wena? Yehovha a li vhikelise ku yini doropa la Yerusalema? Indjhe na wena u pimisa leswaku Yehovha a nga ku vhikela?

2 Tihosi 17:1-6; 18:13-37; 19:1-37; 2 Tikronika 32:1-23

    Mabuku ya xiChangana (2003-2025)
    Huma
    Nghena
    • xiChangana (Moçambique)
    • Rhumela
    • Hlawula
    • Copyright © 2025 Watch Tower Bible and Tract Society of Pennsylvania
    • Minawu ya Matirhiselo
    • Nawu wa Xihundla
    • Seta Swa Xihundla
    • JW.ORG
    • Nghena
    Rhumela