Mbongolo Yi Vulavula Na Balamu

Ka 40 wa malembe lawa Vayisrayele va nga ma heta na va yendza aMananga va lwe ni madoropa ya manyingi ya matimba va tlhela va ma hlula. Swoswi se a va li kusuhi ni ndhawu leyi a yi vitaniwa Mowabu. Nkama hosi ya Mowabu leyi a yi vitaniwa Balaki yi nga twa swaku Vayisrayele a va li kusuhi, yi chave hintamu ku hluliwa hi vona. Se yi vitane Balamu leswaku yi ta ya mu rhuma a ya byela Vayisrayele swaku a va ta yendlekeliwa hi swilo swa ku biha.

Se Yehovha a vulavula na Balamu a ku:

— U nga vulavuli swa ku biha ka Vayisrayele.

Hi mhaka leyo, Balamu a yalile ku famba ka tiku la Mowabu. Se Balaki a tlhela a mu vita a ku:

— Loko u pfumela ku ta lani, ni ta ku nyika hinkwaswu leswi u swi lavaka.

Kambe Balamu a tame a yala ku ya ka tiko la Mowabu. Se Yehovha a byela Balamu a ku:

— Famba kambe u fanele u vulavula ntsena leswi ni nga ta ku byela swona.

Balamu a ye Mowabu hi mbongolo ya yena, kambe a a lava ku va byela swilo swa ku biha Vayisrayele. Se nkama na a famba ku humelele ntsumi axitaratwini kambe a yo voniwa hi mbongolo ntsena yena a a nga yi voni. Leswaku mbongolo yi hambukela ntsumi yi suke xitaratwini yi djika yi nghena khwatini, se Balamu a yi ba. Loko va tame va famba, ntsumi yi tlhele yi humelela, se mbongolo yi zame ku yi hambukela yi tikhondla yi timanya ni muru, nkama yi nga yendla leswo nenge wa Balamu na wona wu manyiwile hi muru, se Balamu a tlhela a yi ba. Nkama va nga tama va famba ntsumi yi tlhele yi humelela kambe, swoswi mbongolo a ya ha swi kotanga ku hambuka yi yo tshama hansi axitaratwini, se Balamu a tlhela a yi ba.

Kambe hi nkama wolowo Yehovha a yendle leswaku mbongolo yi sungula ku vulavula na Balamu yi ku:

— Kasi hi mhaka muni u tshamela ku ni ba?

Yena a yi hlamula a ku:

— Hi mhaka wena u tshamela ku ni danisa.

Yona yi tlhela yi mu vutisa yi ku:

— Kasi mina a ni mbongolo ya wena leyi u fambaka hi yona masiku hinkwawu? Ni tshama ni ku yendla swa ku fana ni leswi ke?

Se Yehovha a yendla swaku Balamu a yi vona ntsumi. Se yona yi mu byela yi ku:

— Yehovha a te a wu fanelanga u vulavula swa ku biha ka Vayisrayele, a hi swona ke?

Se yena a yi hlamula a ku:

— Ni rivaleli, ni hoxile na ha tlhela ni muka kaya.

Se ntsumi yi ku:

— Famba ka tiko la Mowabu, kambe u fanele u vulavula ntsena leswi Yehovha a nga ta ku rhuma swona.

Indjhe Balamu a djondze nchumu ka leswi nga mu humelela? Ihim. Hikusa nkama a nga fika Mowabu a zame ku byela Vayisrayele leswaku a va ta humeleliwa hi swilo swa ku biha. Balamu a zame kanharhu ku yendla leswo kambe Yehovha a mu yendle a hlaya leswaku Vayisrayele a va ta humeleliwa hi swilo swaswinene. Vayisrayele va game va lwa ni tiko la Mowabu naswona Balamu a dlayiwile. U swi vonisa ku yini, a swi nga ta va swi yampsile loko Balamu a a yo yingisa Yehovha?