Bibele la pfumela swaku hi “hanya nkama wa wutsongo funtshi wutomi li tale hi swikarhatu.” (Yobo 14:1) Ku nga va swaku leswo hi leswi Xikwembu a xi swi lava ka hina? Loko ku nga li swona, se i mpsini leswi a xi swi lava? Indje swi ta yentxeka leswi a xi swi lava? Vona tinhlamulu ta Bibele leti tiyisanaka.

1. Yehovha a lava swaku hi va ni wutomi la ku tshamisa ku yini?

Yehovha a lava swaku hi va ni wutomi la linene. Nkama a nga yentxa Adamu na Evha ku nga vanhu va ku sungula a va veke ka paradesi la ku saseka hintamu ku nga jaradi la Edeni. Se “Xikwembu xi va katekisa, xi ku ka vona: ‘Psalanani mi yandza; mi tata misava mi yi fuma’”. (Genesa 1:28) Yehovha a a lava swaku va va ni vana, va yentxa swaku misava hinkwayu yi va paradesi va tlhela va hlayisa swiharhi. Yehovha a a lava swaku vanhu hinkwavu va hanya wutomi la ku tsakisa na va nga vabyi naswona va nga fi.

Hambileswi minchumu yi kalaka yi nga fambisanga xileswi Xikwembu a xi swi lavisa xiswona,a leswi a xi swi lava a swi txintxanga. (Esaya 46:10, 11) Xikwembu xa ha swi lava swaku vanhu va hanya wutomi la ku kala li nga heli na va nga hlupheki. — Lerha Nhlawutelo 21:3, 4.

2. Hi nga swi kotisa ku yini ku hanya wutomi la ku tsakisa swoswi?

Yehovha a hi yentxe na hi lava “ku va vanghanu” va yena. Hi mhaka leyo, hi navela ku mu tiva ni ku mu tirhela. (Lerha Matewu 5:3-6.) A lava swaku hi va vanghanu va vakulu va yena, hi “famba ndleleni ya yena, [hi] mu rhandza,” hi tlhela hi mu tirhela “hi mbilu ya [hina] hinkwayu”. (Deteronoma 10:12; Tipisalema 25:14) Loko hi yentxa leswo hi nga tsaka hambiloko hi kumana ni swikarhatu. Ku tirhela Yehovha swi hi yentxa hi tsaka hi ku tiva swaku hi hanya hi ndlela leyi yi mu tsakisaka.

3. Yehovha a lava swaku hi va ni wutomi la ku tsakisa

Sixtirani VHIDIYO, mi gama mi bula hi xivutiso lexi landzelaka.

VHIDIYO: Hayini Xikwembu Xi Mahe Misava? — Xiyenge (1:41)

• Hi mhaka muni Xikwembu xi hi yentxele misava ya ku xonga?

Lerhani Eklesiasta 3:11, mi gama mi bula hi xivutiso lexi landzelaka:

• Ndzimana leyi yi ku djondzisa yini hi leswi Yehovha a a swi lava nkama a nga yentxa vanhu?

4. Leswi Yehovha a swi lavaka hi hina a swi txintxanga

Lerhani Tipisalema 37:11, 29 na Esaya 55:11, mi gama mi bula hi xivutiso lexi landzelaka:

• Hi swi tivisa ku yini swaku leswi Yehovha a a swi lava hi hina a swi txintxanga?

5. Ku tirhela Yehovha swi hi yentxa hi tiva swaku hi hanyela yini

VHIDIYO: Ni Djondze Swaku Wutomi Li Ni Xikongomelo (4:58)

• Terumi a pfunekise ku yini hi ku tiva swaku hi hanyela yini?

Lerhani Eklesiasta 12:13, mi gama mi bula hi xivutiso lexi landzelaka:

• Leswi Yehovha a nga hi yentxela minchumu ya yinyingi, hi nga yentxa yini swaku hi mu khensa?

LESWI HI NGA SWI DJONDZA

Yehovha a lava swaku hi hanya wutomi la ku kala li nga heli na hi nga hlupheki lani misaveni. Loko hi mu tirhela hi mbilu hinkwayu hi nga hanya wutomi la ku tsakisa hambi swoswi.

Ku kambela leswi hi nga swi djondza

• Xikwembu a xi lava yini nkama xi nga yentxa Adamu na Evha?

• Hi swi tivisa ku yini swaku leswi Xikwembu xi swi lavaka hi vanhu a swi txintxanga?

• U nga swi kotisa ku yini ku va ni wutomi la ku tsakisa?

LOKO U LAVA KU TIVA SWIN’WANA

Vona leswi swi hi kholwisaka swaku jardim la Edeni a li li kona hikakunene.

“Ntanga Wa Edeni—Xana A Ku Ri Kaya Ra Vanhu Ro Sungula?” (Murindzi wa 1 ka Janeiro wa 2011 hi Xitsonga)

Vona leswi swi hi kholwisaka swaku misava yi ta va kona hi masiku ni masiku.

“Xana Misava Leyi Yi Ta Herisiwa?” (Nhlokomhaka leyi nga ka site la jw.org hi Xitsonga)

Vona leswi Bibele li swi vulaka hi ku tiva xikongomelo xa wutomi.

“Hi Xihi Xikongomelo Xa Vutomi?” (Nhlokomhaka leyi nga ka site la jw.org hi Xitsonga)

Vona swaku wanuna lweyi a a pimisa swaku a ni hinkwaswu ka wutomi la yena a swi tsumbulise ku yini swaku a ku ni leswi a swi mu chotela.

Swoswi Na Swi Tiva Swaku Ni Hanyela Yini (3:55)

2. I vamani va nga ta fuma na Yesu?

Yesu a nga ta fuma yexe. Bibele li hi byela swaku vanhu va ‘tinxaka hinkwatu, tirimi hinkwatu, vanhu hinkwavu ni matiko hinkwawu . . . va ta fuma misava na yena.’ (Nhlawutelo 5:9, 10) I vanhu vangaki va nga ta fuma na Kreste? Ku sukela nkama lowu Yesu a nga ta lani misaveni, vanhu va ku tala va ve Vakreste. Kambe leswo swi vula leswaku Vakreste hinkwavu va ta fuma na yena? A swi vuli swona. Ntsena lava va 144.000 hi vona va nga ta fuma na Yesu atilweni. (Lerha Nhlawutelo 14:1-4.) Vakreste hinkwavu, va ta va vanhu va Xikwembu lani misaveni. — Tipisalema 37:29.

Mfumu wa Xikwembu se wa fuma atilweni naswona a ku choti kule swaku wu txintxa minchumu ya yinyingi lani misaveni. A hi voni swilo swa ku tala swa swinene leswi Mfumu wa Xikwembu wu nga ta swi yentxa.

1. Mfumu wa Xikwembu wu ta yentxa yini swaku ku va ni ku rhula ni ku lulama amisaveni?

Yesu Hosi ya Mfumu wa Xikwembu, a ta helisa vanhu hinkwavu lava yentxaka swilo swa ku biha ka nyimpi ya Armajedoni. (Nhlawutelo 16:14, 16) Se loko leswo swi yentxeka, ku ta hetiseka xitshembiso xa Bibele lexi nge: “Ku yo sala nkamanyana leswaku lava yentxaka swa ku biha va helisiwa.” (Tipisalema 37:10) Hi ku tirhisa Mfumu wa Xikwembu, Yesu a ta tisa ku rhula ni ku lulama amisaveni hinkwayu. — Lerhani Esaya 11:4.

2. Wutomi li ta tshamisa ku yini loko ku rhandza ka Xikwembu ku yentxeka amisaveni?

Tipimisi na u hanya ka misava leyi nga tala hi vanhu va vanene va ku lulama, hinkwavu va rhandza Yehovha ni vanhu van’wana. Phela hi swoleswo swi nga ta yentxeka ka Mfumu wa Xikwembu, hikusa “va ku lulama va ta tshama amisaveni, va ta hanya ka yona hi masiku ni masiku.” (Tipisalema 37:29) A nga kona a nga ta vabya naswona hinkwavu a va nga ha ta fa.

3. Mfumu wa Xikwembu wu ta yentxa yini loko se wu helise vanhu hinkwavu va ku biha?

Loko vanhu lava va yentxaka minchumu ya ku biha se va helisiwile, Yesu a ta fuma 1.000 wa malembe. Hi nkama wolowo, yena ni lava a nga ta fuma na vona va 144.000 va ta pfuna vanhu leswaku va va vanhu va ku hetiseka, va nga ha na xidjoho. Loko 1.000 wa malembe ma ta va helile misava hinkwayu yi ta va paradesi. Naswona vanhu hinkwavu va ta tshama na va tsakile, hikusa va ta yingisa minawu ya Yehovha. Se Yesu a ta gama a tlhelisa Mfumu ka Papayi wa yena Yehovha. Phela hi nkama wolowo, a vito la Yehovha li ta ‘kwetsimisiwa’ ku tlula minkama hinkwayu. (Matewu 6:9, 10) A swi nga ta kanakanisa swaku Yehovha i mufumi wa munene lweyi a nga ni mhaka ni vanhu, a ta helisa Sathana, madimoni ni vanhu hinkwavu lava nga ta langa ku kala va nga mu yingisi. (Nhlawutelo 20:7-10) Mfumu wa Xikwembu wu ta yentxa leswaku wutomi li tsakisa hi masiku ni masiku.

DJONDZA SWIN’WANA

4. Mfumu wa Xikwembu wu ta helisa mimfumu ya vanhu

“Munhu a fuma munhu mun’wana leswaku a mu yentxela swa ku biha.” (Eklesiasta 8:9) Yehovha a ta tirhisa Mfumu wa yena leswaku a helisa ku pfumala wululami.

Lerhani Daniyele 2:44 na 2 Vatesalonika 1:6-8, mi gama mi bula hi swivutiso leswi landzelaka:

• Yehovha na Yesu va ta yentxa yini hi mimfumu ya vanhu, ni hi vanhu hinkwavu lava va yi seketelaka?

• Leswi se u nga swi djondza hi Yehovha na Yesu, swi ku pfunisa ku yini kuva u tiyiseka swaku va ta yentxa swilo hi wululami?

5. Yesu i Hosi ya yinene

Leswi a nga ta va Hosi ya Mfumu wa Xikwembu, Yesu a ta yentxa minchumu ya yinyingi lani misaveni leswaku a pfuna vanhu. Sixtirani VHIDIYO leli kombisaka swaku Yesu wa swi lava ku pfuna vanhu naswona a ta tirhisa matimba lawa Xikwembu xi nga mu nyika swaku a yentxa leswo.

VHIDIYO: Yesu A Kombise Leswi Mfumu Wa Xikwembu Wu Nga Ta Swi Yendla (1:13)

Swilo hinkwaswu leswi Yesu a nga swi yentxa nkama na a li lani misaveni, a ku li xikombiso xa leswi Mfumu wa Xikwembu wu nga ta swi yentxa. Ka minkateko leyi nga kombisiwa lani, hi yini leyi u navelaka ku yi vona na yi yentxeka? Lerhani matsalwa lawa ma nga kombisiwa lawa ma vulavulaka hi minkateko leyi.

6. Mfumu wa Xikwembu wu ta hi yentxela swilo swa ku tsakisa

VHIDIYO: Swikombiso Swa Wumundzuku a Linene Leli Taka (4:39)

Lerhani Tipisalema 145:16, mi gama mi bula hi xivutiso lexi landzelaka:

• U titiwisa ku yini hi ku tiva leswaku Yehovha a ta “yenelisa ku navela ka xilo xin’wana ni xin’wana lexi hanyaka”?

LESWI HI NGA SWI DJONDZA

Mfumu wa Xikwembu wu ta yentxa leswi xona xi swi lavaka. Wu ta yentxa swaku misava leyi yi va paradesi leyi nga tala hi vanhu lava va nga ta tirhela Yehovha hi masiku ni masiku.

Ku kambela leswi hi nga swi djondza

• A Mfumu wa Xikwembu wu ta yentxa yini swaku wu kwetsimisa vito la Yehovha?

• Hi mhaka muni hi fanele hi kholwa leswaku Mfumu wa Xikwembu wu ta swi yentxa hinkwaswu leswi Bibele li swi tshembisaka?

• Ka minchumu ya yinyingi leyi Mfumu wa Xikwembu wu nga ta yi yentxa, hi yini leyi u tsakelaka ku yi vona?

LOKO U LAVA KU TIVA SWIN’WANA

Vona swaku i yini Armajedoni.

“I Yini Nyimpi Ya Armagedoni?” (Nhlokomhaka leyi nga ka site la jw.org hi Xitsonga)

Lerha hi leswi nga ta ta yentxeka ka 1.000 wa malembe ya ku fuma ka Yesu ni loko se ma helile.

“Xana Ku Ta Humelela Yini Hi Siku Ra Vuavanyisi?” (Murindzi wa 1 ka Setembro wa 2012 hi Xitsonga)

Vona leswi mindjangu yi nga swi yentxaka leswaku yi tivona na yi li paradesi.

Tivoni Na U Li Paradesi (1:50)

Ka nhlokomhaka leyi nge: “A Ndzi Ri Ni Swivutiso Swo Tala”, vona swaku munhu lweyi khale a a lwisana ni mfumu a ti kumise ku yini tinhlamulu leti a a ti lava.

“Bibele Yi Hundzula Vutomi Bya Vanhu” (Murindzi wa 1 ka Janeiro wa 2012 hi Xitsonga)