Mareferensiya ya Xibukwana xa Minhlanganu ya Mahanyelo ni Ntirho
5 KUYA KA 11 KA AGOSTO
XUMA XINGA KA RITO LA XIKWEMBU | 2 TIMOTIYA 1-4
“Xikwembu Axihinyikanga Moya wa Vutoya”
w09 15/5 tl. 15 par. 9
Vampsha Yendlani Nhluvuku wa N’wina wu Voneka
Leswaku Pawulo a pfuna Timotiya a tlhele amu khumbuza a ku: “Xikwembu axihinyikanga moya wa vutoya, kambe xihinyikile moya wa matimba, ni wa rirhandzu, ni wa kutikhoma [miyanakanyu yohluteka, NM].” (2 Tim. 1:7) Kuva ni “miyanakanyu yohluteka” swi patsa kupimisa hi ndlela leyinene. Swi patsa kuvona swilo hi ndlela ya kona kungali hi ndlela leyi hiyi lavaka. Vampsha van’wana vokala vanga wupfanga va kombise wutoya hi kupimisa leswaku vanga balekela swiyimo swa kukarhata hi kuyetlela kutlula mpimu kumbe kuhlalela televhizori, hi kudzaha mbangi kumbe kuphuza byala, kutshamela kuya mafexteni kumbe kuva ni mahanyela ya kubiha hi swa masangu. Vakreste va khumbuziwa ‘kutshika kusandza swa Xikwembu ni kunavela swa misava, kutani hihanya misaveni leyi hi kutikhoma [hi miyanakanyu yohluteka], ni kululama, ni vukhongeli’. — Tito 2:12.
w03 1/3 matl. 9-10 par. 7
‘Vana ni Xivindzi Utiya!’
Pawulo a tsalele Timotiya, a ku: ‘Xikwembu axihinyikanga moya wa vutoya, kambe xihinyikile moya wa matimba . . . Hikolaho, ungavi ni tingana kuveka vumboni hi tlhelo la Hosi ya hina’. (2 Timotiya 1:7, 8; Marka 8:38) Loko hi lerha marito lawo hinga tivutisa leswi: ‘Ni ni tingana hileswi ninga mboni? Nava byela vatirhikulorhi kumbe lava ni nghenaka na vona xikola leswaku ni mboni ya Yehovha, kumbe ni ringeta kutifihla? Ni ni tingana hileswi mahanyela ya mina ma hambaneke ni ya van’wana kumbe na tibuma hileswi ninga ni wuxaka na Yehovha?’ Loko munhu ava ni tingana ta kuchumayela mahungu ya kutsakisa, a fanele a khumbuka xitsundzuxo lexi Yehovha a nyikeke Yoxuwa lexinge: “Vana ni xivindzi utiya.” Unga khohlwi leswaku mavonela ya vatirhikulorhi kumbe ya lava u nghenaka na vona xikola ahi ya nchumu, kambe i ya Yehovha na Yesu Kreste ntsena lawa manga ya lisima. — Vagalatiya 1:10.
Lavetela Xuma xa Moya
w17.07 tl. 10 par. 13
Kulavetela Tshomba la Ntiyiso
Timotiya a ali wanuna wa kupfumela. Loko se a vule leswaku Timotiya i ‘nhenha kumbe sonchwa lelinene la Kreste Yesu’. Pawulo amu byele leswi: ‘Aku na nhenha leyi yiyaka yiyatirha swa le kaya kumbe kutinghenisa ka swa kuxavisa, hikuva kunavela ka yona lokukulu i kutsakisa lweyi ayirhambeke kuyalwa nyimpi yakona.’ (2 Tim. 2:3, 4) Valandzeli va Kreste namuntlha kupatsa ni vatirhi va nkama hinkwawu lava tlulaka um milhão va tirhisa xitsundzuxo xa Pawulo hikuya hilaha swiyimo swa vona swiva pfumelelaka hakona. Hi kuyala kuhlohloteliwa hi misava leyi va khumbuka tshinya leli la nawu: “Lweyi alombaka i xikarawa xa lweyi alombisaka.” (Swi. 22:7) Sathana wa tsaka loko hi heta nkama wa hina kumbe matimba ya hina leswaku ahi yendla swikarawa swa mabindzu. Swiboho swin’wana swingahi yendla hiva swikarawa swa mabindzu malembe yotala. Hi xikombiso van’wana va hamba swikweneti leswikulu leswaku va xava yindlo, kuhakela mawuniversidade, mimovha ya kudurha, mafesta ya muchado ya manyunyu. Kambe hina hi kombisa wutlhari loko hi wolovisa wutomi, hi kuhunguta swikweneti ni madexpeza. Hi ndlela leyo, hiva hi tshunxekile kuva swikarawa swa Xikwembu kungali swa misava leyi. — 1 Tim. 6:10.
w14 15/7 tl. 14 par. 10
Vanhu va Yehovha Vati ‘Hambanisa ni Leswo Homboloka’
Namuntlha, aswi tolovelekanga kuva ni lava va dukeke abandleni. Hambileswo loko hi kumana ni djondzo leyinga liki ya Bibele hi fanele hiyi bakanya hi kuhelela kunga na mhaka leswaku yi ta hi kwihi. Ahi wutlhari kutipeta ka mabulu ya vaduki, kungahava kubula na vona hi kukongoma, kutirhisa interneti kumbe ndlela yin’wana. Hambiloko xikongomelo kuli kupfuna munhu wa kona, mabulu wolawo matava manga fambisani ni nkongomiso wa Bibele. Phela leswi hinga vanhu va Yehovha hiva bakanya hi kuhelela lava dukeke.
12 KUYA KA 18 KA AGOSTO
XUMA XINGA KA RITO LA XIKWEMBU | TITO 1 – FILEMONI
“U Veka Madoda”
w14 15/11 matl. 28-29
Swivutiso swa Valerhi
Hambileswi Matsalwa manga hlamuseliki hi wuyenti ndlela leyi vamakwerhu vaxinuna ava vekiwa ha yona ankameni wolowo, hingaswi tiva leswaku aswi yendlisiwa kuyini. Loko Pawulo na Barnaba va tlhelela akaya ndzhaku ka liyendzo la vona losungula la wurhumiwa, ‘vavahlawulela vakulukumba kumbe madoda abandleni lin’wana ni lin’wana; kutani, hi kukhongela ni kutitsona swakudla, vavaveka mavokweni ya Hosi [Yehovha NM] leyi avapfumelile ka yona.’ (Mint. 14:23) Ndzhaku ka malembe nyana, Pawulo a tsalele mutirhikulorhi wa yena Tito a ku: ‘Mhaka leyiyendleke leswaku nikusiya le Kreta, aniyendlela leswaku usala uhetisa leswi aswahalava kululamisiwa, naswona uhlawula vakulukumba kumbe madoda ya bandleni doropeni lin’wana ni lin’wana. Tsundzuka leswi nikuleriseke swona.’ (Tito 1:5) Hilaha kufanaka, Timotiya, lweyi a yendzeke swinene na mupostola Pawulo, swi voneka ingi na yena a ani wutihlamuleli leli fanaka. (1 Tim. 5:22) Kutani swiyo dla leswaku vadjikelezi hi vona ava veka vamakwerhu lava, kungali vapostola ni vakulukumba va le Yerusalema.
Ntlawa Lowu Rhangelaka wa Timboni ta Yehovha wu cince ndlela leyi madoda ni vapfunisi va madoda ava fanele va vekiwa ha yona hi kulandza xikombiso xa le Bibeleni. Kusukela hi 1 ka Setembro wa 2014, madoda ni vapfunisi va madoda avata vekiwa hi ndlela leyi: Mudjikelezi mun’wana ni mun’wana a fanele a kambisisa hi wuyenti swibumabumelo swa xifundza xa yena. Loko a yendzela mabandla, a fanele a zama kuva tiva kahle vamakwerhu lava bumabumeliweke, loko swi koteka ata famba na vona ntirhweni wochumayela. Ndzhaku kobula hi swibumabumelo swoleswo ni ntlawa wa madoda, mudjikelezi a ni wutihlamuleli loveka madoda ni vapfunisi va madoda amabandleni ya le xifundzeni xa yena. Kuyendla swilo hi ndlela leyi swi fambisana swinene ni ndlela leyi madoda ni vapfunisi va madoda ava vekiwa ha yona ka minkama ya vapostola.
I vamani vanga ni wutihlamuleli la likulu amhakeni leyi? “Nandza wotshembeka ni wotlhariha” a ni wutihlamuleli la likulu lophamela va yindlu. (Mat. 24:45-47) Leswi swi patsa kuva va kambisisa Matsalwa, kukombela kupfuniwa hi moya wokwetsima leswaku wuva kongomisa kutirhisa matshinya ya minawu ya Bibele lawa ma kombisaka ndlela leyi bandla la wukreste li faneleke li hleleka hi yona amisaveni hinkwayu. Nandza wotshembeka ni wotlhariha hi yena a vekaka vadjikelezi ni swirho swa Comissão ya Filiyali. Hi tlhelo lin’wana betele lin’wana ni lin’wana na lona li fanele li tiyiseka leswaku kutirhisiwa kongomiso lowu nyikeliwaka. Ntlawa wun’wana ni wun’wana wa madoda wuni ntirho wa kuva wu kambisisa matsalwa hi wukheta, kuvona leswaku makwerhu lweyi a lavaka kuvekiwa wa faneleka hi kuya hi matsalwa kuva a tirhela bandla. Mudjikelezi mun’wana ni mun’wana a ni wutihlamuleli la likulu la kukambela hi wukheta ni hi xikhongelo swibumabumelo leswi yendliwaka hi madoda ivi a veka vamakwerhu lava fanelekaka.
Lavetela Xuma xa Moya
w89 15/5 tl. 31 par. 5
Swivutiso swa Valerhi
Swi tikomba Pawulo aanga pfumelelani ni xihlawuhlawu xa muhlovo kumbe ndhavuku wa vatshami va Kreta. Hinga tiyiseka hi mhaka leyo, hikusa Pawulo aaswi tiva leswaku a Kreta aku ni Vakreste lava Xikwembu axiva yamukela naswona axiva tote hi moya wokwetsima. (Mintirho 2:5, 11, 33) Akuli ni Vakreste va kuringana leswaku va vumba mabandla ka ‘xidoropana xin’wana ni xin’wana’. Hambileswi Vakreste volavo avali vanhu va kukala kuhetiseka, ha kholwa leswaku avanga na mavunhwa, makolo ni wulolo, hikusa loko ava tshame hi ndlela leyi Yehovha ina anga yanga mahlweni ava tsakela. (Vafilipiya 3:18, 19; Nhlavutelo 21:8) Kufana ni namuntlha amatikweni hinkwawu, na kona Kreta akuni vanhu va timbilu letinene lava ava khunguvanyeka hi mahanyelo yobiha ya vanhu naswona ava lunghekele kuyamukela mahungu yotsakisa. — Ezekiyele 9:4; fananisa ni Mintirho 13:48.
w08 15/10 tl. 31 par. 5
Tipontunkulu ta Mapapila Lama Yaka ka Tito, Filemoni ni ka Vaheveru
15, 16 — Hi Mhaka Muni Pawulo Anga Kombelanga Filemoni Kuva a Tshunxa Onezimo? Pawulo a alava kunamarhela ntirho wa yena wa “kupaluxa kumbe kuchumayela mfumu wa Xikwembu, ajondzisa ta hosi Yesu Kriste”. Hi mhaka leyo, a lange kunga ngheneli timhaka ta vanhu ta kufana ni mhaka ya wukarawa. — Mintirho 28:31.
19 KUYA KA 25 KA AGOSTO
XUMA XINGA KA RITO LA XIKWEMBU | VAHEVERU 1-3
‘Rhandza Kululama, Uvenga Wuhomboloki’
w14 15/2 tl. 5 par. 8
Dzunisani Kreste Hosi Leyi Vangamaka!
Yehovha a veke n’wana wa yena kuva hosi ya Mfumu wa Mesiya atilweni hi 1914. ‘Nhonga ya yena ya wuhosi i nhonga ya wuhosi ya wululami’. Xileswo hinga tiyiseka leswaku ka mfumu wa yena kutava ni wululami ni kukala xihlawuhlawu. Wulawuli leli lamu lumba hikusa ‘Xikwembu i xiluvelo xa yena’. Leswi vulaka leswaku Yehovha hi yena anga simeka mfumu lowu. Kutlula leswo xiluvelo xa Yesu xitava kona “hilaha kungaheliki”. Kutani awu tibumi hileswi u tirhelaka Yehovha hansi ka mfumu wa Hosi leyi vekiweke hi yena?
w14 15/2 matl. 4-5 par. 7
Dzunisani Kreste Hosi Leyi Vangamaka!
Lerha Tipisalema 45:6, 7. Leswi Yesu a rhandzaka wululami ni kunyenya xin’wana ni xin’wana lexinga susaka xindzhuti B’ava wa yena, Yehovha amu totile tani hi hosi ya mfumu wa Mesiya. Yesu a totiwe hi “mafurha ya kutsaka” kutlula ‘vanghanu va yena’, kunga tihosi ta Yudha ta lixaka la Davhida. Hi ndlela yihi? Hikusa Yesu a totiwe hi Yehovha hi yexe. Kutlula leswo, Yehovha amu totile leswaku ava Hosi ni Muprista Lwenkulu. (Pis. 2:2; Hev. 5:5, 6) Kuyengetela kolanu, Yesu anga totiwanga hi mafurha kambe hi moya lowokwetsima naswona mfumu wa yena ahi wa laha misaveni i wa le tilweni.
Lavetela Xuma xa Moya
it-2 tl. 382 par. 1
Xifaniso
Ingava leswaku minkama hinkwayu Yesu a tikombise a fana ni B’ava wa yena hi mpimu lowu heleleke?
N’wana wa Xikwembu wa mativula lweyi hi kufamba ka nkama a veke wanuna lweyi a vitaniwaka Yesu, i xifaniso xa B’ava wa yena. (2Ko 4:4) Tani hi leswi N’wana lweyi kunga yena Xikwembu xinga vulavula na yena loko xi ku: “Ahiyendle munhu hi xifaniso xa hina”, kufana loku ka N’wana ni B’ava wa yena, Mutumbuluxi kuve kona kusukela loko N’wana a tumbuluxiwile. (Gn 1:26; Yh 1:1-3; Ko 1:15, 16) Loko ali laha misaveni tani hi munhu wa kuhetiseka a kombise wumunhu la B’ava wa yena hilaha a akota hi kona ka xiyimo xa yena tani hi munhu, hi yona mhaka anga te: “lweyi anivoneke, avonile Tatana”. (Yh 14:9; 5:17, 19, 30, 36; 8:28, 38, 42) Kufana loku kuvoneke ngopfu nkama Yesu anga pfuxiwa tani hi xivumbiwa xa moya naswona a tlakusiwa ni kunyikiwa ‘vuhosi hinkwalu tilweni ni la misaveni’ hi B’ava wa yena, Yehovha Xikwembu. (1Pe 3:18; Mt 28:18) Leswi Xikwembu xinga veka Yesu ka xiyimo ‘xotlakuka swinene’, N’wana wa Xikwembu a kombise kuvangama ka B’ava wa yena hi ndlela leyikulu kutlula leyi anga kombisa hi yona na angese ta laha misaveni. (Flp 2:9; Hv 2:9) Swoswi hi yena lweyi “kukwetsima ka Xikwembu kutikombaka ka yena”. — Hv 1:2-4.
it-1 tl. 491 par. 2
Tilo
Marito ya Tipisalema 102:25, 26 ma tirha ka Yehovha Xikwembu, kambe swoswi mupostola Pawulo ama tirhisa ka Yesu Kreste. Leswi yendleka hikusa N’wana lweyi wa mun’we wa Xikwembu hi yena anga tirhisiwa kutumbuluxa swilo hinkwaswu. Pawulo a kombisa leswaku kuhambana ni swilo leswinga tumbuluxiwa, leswi Xikwembu loko xiswi lava, xingaswi ‘petsaka kufana ni xifunengelo’ ivi xiswi veka tlhelweni, Yesu a tshama hilaha kungaheliki. — Hv 1:1, 2, 8, 10-12; fananisa ni 1Pe 2:3.
26 KA AGOSTO KUYA KA 1 KA SETEMBRO
XUMA XINGA KA RITO LA XIKWEMBU | VAHEVERU 4-6
“Tikarhateli Kunghena Kuwiseni ka Xikwembu”
w11 15/7 matl. 24-25 mapar. 3-5
I Yini Kuhumula ka Xikwembu?
Kuni swivangelo swimbirhi leswi swihi yendlaka hi gimeta hi leswaku siku lawu 7 alingese hela hi nkama wa Yesu ni wa vapostola va yena. Kusungula, vona marito ya Yesu lawa ama byeleke vakaneti va yena lava avamu sola hi leswi a adaha vanhu hi Savata, kunga leswi vona avaswi teka kuli ntirho. Yesu a te: ‘Kufika swoswi, Tatana wa mina angasitshika kutirha, kutani na mina, kufana na yena, natirha.’ (Yoh. 5:16, 17) A alava kuvula yini? Yesu a alumbetiwa leswaku a yendla ntirho hi Savata. A hlamule xihehlo lexo hi kuvula a ku: “Tatana wa mina angasitshika kutirha”. Hi kukongoma Yesu a ava byela leswi: ‘Mina ni B’ava wa mina hi khomekile hi kuyendla ntirho wun’we. Leswi B’ava wa mina a taka na a tirha kuringana Savata ya yena ya magidigidi ya malembe, swa twala kuva na mina ni tirha hambi hi Savata.’ Hi ndlela yoleyo Yesu a yendle swi twisiseka leswaku, mayelana ni misava, Savata leyikulu ya kuhumula ka Xikwembu, kunga siku la wu 7, ayingese hela hi nkama wa yena.
Xivangelo xa wumbirhi hixi kuma ka mupostola Pawulo. Loko a vulavula hi marito ya Genesa 2:2, mayelana ni kuhumula ka Xikwembu, Pawulo hi kutirhisiwa hi moya lowokwetsima a tsale a ku: “Hina lava hipfumeleke, hi hina hinghenaka kuwiseni koloko”. (Hev. 4:3, 4, 6, 9) Kutani siku la wu 7 alingese hela amasikwini ya Pawulo. Se a siku leli a lahata leha kuringana nkama muni?
Leswaku hi hlamula xivutiso lexi hi fanele hi khumbuka xikongomelo xa siku la wu 7. Genesa 2:3 yixi hlamusela hi ndlela leyi: “Xikwembu xikatekisa siku la wu 7 ni kulivitana siku la kukwetsima”. Siku leli li ‘yendliwe leli kwetsimaka’ kumbe li vekiwa hi tlhelo hi Yehovha kuva a hetisisa xikongomelo xa yena. Xikongomelo xa kona hi leswaku amisaveni kuhanya vanhu lavaganta yingisa va tlhela va hlayisa misava ni swilo hinkwaswo leswinga ka yona. (Gen. 1:28) Yehovha na Yesu Kreste, “Hosi ya savata” ni swoswi vale kutirheni leswaku va hetisisa xikongomelo lexi. (Mat. 12:8) A siku la Xikwembu la kuhumula litaya mahlweni anze xikongomelo lexi xi hetiseka akuheleni ka 1.000 wa Malembe ya Kufuma ka Kreste.
w11 15/7 tl. 25 par. 6
I Yini Kuhumula ka Xikwembu?
Xikongomelo xa Xikwembu xi hlamuseliwe kahle ka Adamu na Evha, kambe vona va tsandzekile kufambisana na xona. Adamu na Evha hi vona va kusungula kukala vanga yingisi. Kusukela kolaho kuve ni vanhu va magidigidi lava yendlaka leswi fanaka. Hambihi vanhu lava Xikwembu axiva langile kunga vana va Israyele na vona hi makhambi yotala avaxi yingisanga. Hi ndlela leyo Pawulo a basopise Vakreste va minkama ya vapostola leswaku van’wana va vona avata wela ka ntlhamu lowu Vayisrayele vanga wela ka wona. A tsale aku: ‘Ahiringeteni hi matimba kunghena kuwiseni koloko, leswaku ni mun’we angawi hi kutiyalisa lokufanaka ni ka vona.’ (Hev. 4:11) Vona leswaku Pawulo a kombise kuyelana lokunga kona ka kukala kuyingisa ni kunga ngheni akuhumuleni ka Xikwembu. Se leswi swi lava kuvula yini? Loko hi ndlela yokarhi hi xandzukela xikongomelo xa Xikwembu, ingava leswaku hi tiveka khonbyeni la kuva hinga ngheni akuhumuleni ka xona? Nhlamulo ya xivutiso lexi i ya lisima, loko hi ya mahlweni hitayi kambela. Swoswi ahi rhangeni hi bula hi xikombiso xobiha xa Vayisrayele, xa leswaku i mhaka muni vanga nghenanga akuhumuleni ka Xikwembu.
w11 15/7 tl. 28 mapar. 16-17
I Yini Kuhumula ka Xikwembu?
Namuntlha, ahi vanyingi Vakreste lava avata lava kuyingisa Nawu wa Moxe leswaku va ponisiwa. Marito ya Pawulo lawa a huhuteliweke kuma tsalela Vaefesa mayi hlamusela kahle mhaka leyi: ‘Hikuva hi tona timpsalu ta Xikwembu leti timiponiseke, hikolaho ka kupfumela; kutani leswi aswihumi ka n’wina, kambe i nyiko ya Xikwembu. Aku na xotikulisa ha xona mhakeni leyi, hikuva aswihumi kutikarhateni ka n’wina.’ (Efe. 2:8, 9) Kutani ke, se Vakreste vanga nghenisa kuyini akuhumuleni ka Xikwembu? Yehovha a vekisile siku la wu 7 kunga siku la yena la kuhumula leswaku a hetisisa xikongomelo xa yena mayelana ni misava hi ndlela leyikulu. Hinga nghena kuhumuleni ka Yehovha kumbe kuhumula na yena hi kutirha hi kutshembeka nahi fambisana ni xikongomelo xa yena lexi yaka mahlweni xi paluxiwa hi nhlengeletanu ya yena.
Loko hingaswi tekeli nhlokweni switsundzuxo swa Bibele, leswi taka hi ka nandza wotshembeka, hi kuyendla swilo hi mayendlela ya hina, ahitava hinga fambisani ni xikongomelo xa Yehovha. Leswo swinga yendla hi lahlekeliwa hi wunghanu la hina na Yehovha. Ka nhlokomhaka leyi landzelaka hita vona swiyimo leswi talaka kuhumelela, leswinga khumbaka vanhu va Xikwembu. Hita tlhela hi vona ndlela leyi swiboho swa hina swingahi yendlaka hi nghena kumbe hinga ngheni akuhumuleni ka Xikwembu.
Lavetela Xuma xa Moya
w16.09 tl. 13
Swivutiso Swa Valerhi
I yini ‘rito la Xikwembu’ leli Vaheveru 4:12 yi vulaka leswaku ‘lahanya, naswona latirha’?
▪ Mongo wa tsalwa leli wu kombisa leswaku mupostola Pawulo a avulavula hi rungula leli yelanaka ni xikongomelo xa Xikwembu lexi kumekaka ka Bibele.
Vaheveru 4:12 se yi tirhisiwe makhambi yotala ka mabuku ya hina kukombisa leswaku Bibele laswi kota kucinca wutomi la vanhu, naswona ndzimana leyi yiswi hlamusela kahle. Hambileswo i swa lisima kukambisisa mongo wa Vaheveru 4:12. Pawulo a khutaza Vakreste lavanga Vaheveru leswaku va fambisana ni xikongomelo xa Xikwembu. Swinyingi swa swikongomelo swoleswo aswili ka matsalwa yokwetsima. Pawulo a tirhise Vayisrayele lavanga tshunxiwa aGibita tani hi xikombiso. Ina, vona avani ntshembo wa kunghena atikweni leli tshembisiweke “lelikhulukaka ntswamba ni wulombe”. Kolanu avatava ni kuhumula ka ntiyiso. — Ekso. 3:8; Det. 12:9, 10.
Lexi akuli xiyenge xa xikongomelo xa Xikwembu. Kambe Vayisrayele va womise tinhloko ta vona naswona ava kombisanga kupfumela, hi mhaka leyo votala va vona ava nghenanga akuhumuleni loku. (Tinhl. 14:30; Yoxu. 14:6-10) Hambileswo, Pawulo a vule leswaku akaha ni “xitshembiso xa kunghena kuwiseni ka Xikwembu”. (Hev. 3:16-19; 4:1) Kukombisa leswaku xitshembiso lexi xi sekeliwe amatsalweni, Pawulo a tirhise xiphemu xa Genesa 2:2 ni Tipisalema 95:11. Impela, swa voneka leswaku “xitshembiso” lexi i xiyenge xa xikongomelo xa Xikwembu. Phela, kufana ni Vakreste va Vaheveru, na hina hinga djondza hi xikongomelo lexi hi tlhela hi fambisana na xona.
Hakunene ha tsaka kutiva leswaku “xitshembiso xa kunghena kuwiseni ka Xikwembu xahali kona.” Ha tshemba leswaku swa koteka kunghena kuhumuleni ka Xikwembu, naswona se hi yendle swokarhi leswaku hi nghena. Kungali hi kulandza Nawu wa Moxe kumbe kuyendla leswinene ntsena. Kuhambana ni leswo hi kupfumela hiya mahlweni hi fambisana ni xikongomelo xa Xikwembu. Kuyengetela ka leswo vanhu va magidigidi amisaveni hinkwayu va djondza Bibele ni kutiva xikongomelo xa Xikwembu. Vanyingi va vona va cinca wutomi la vona ni kukombisa kupfumela, va tlhela va tsakamisiwa. Ndlela leyi wutomi la vona li khumbekaka hi yona yiswi veka livaleni leswaku ‘rito la Xikwembu lahanya, naswona latirha kumbe lini matimba’. Xikongomelo xa Xikwembu lexi paluxiwaka ka Bibele, xi cinca wutomi la hina, naswona xaha taya mahlweni xili khumba.
it-2 tl. 24 par. 4
Ntshembo
Ntshembo lowu wa wutomi lelinga heliki ka miri lowunga wonhakiki wa lava ‘vayaveliwaka kuvitaniwa ka le tilweni’ (Hv 3:1) wuni xisekelo lexi tiyeke, naswona wa tshembeka. Ntshembo lowu wu seketeliwa hi swilo swimbirhi leswi swinga kotekiki kuva Xikwembu xi hemba ka swona kunga xitshembiso ni xihlambanyu xa xona. Naswona ntshembo lowu wu le ka Kreste lweyi angani wutomi lelinga fiki atilweni. Hi mhaka leyo, kuvulavuliwa hi ntshembo lowu tani hi ‘nsoma ya hefemulo leyitiyeke ni kutshembeka; yinghena kuyafika ni le ndzeni ka nguvu ya xisirhelelo [kufana ni muprista lonkulu lweyi a anghena ka Ndhawu ya Kukwetshima Ngopfu hi Siku la Kukombela Kurivaleliwa ka Swidjoho]. Yesu anghenile kona kuva murhangeli hikolaho ka hina, yena lweyi avekiweke Muprista lwenkulu hilaha kungaheliki’, kufana na Melkisedeke. — Hv 6:17-20.