3. Yehovha a lava swaku vanghanu va yena va yentxa yini?

Yehovha a rhandza vanhu hinkwavu, “kambe a ni wunghanu la likulu ni wa ku lulama.” (Swivuriso 3:32) Yehovha a lava swaku vanghanu va yena va tikarhata swaku va yentxa minchumu ya yinene. Van’wana va pimisa swaku a va nge tshuki va swi kotile ku yentxa leswi Xikwembu xi swi lavaka kambe Yehovha wa swi twisisa. Hinkwavu lava va mu rhandzaka hikakunene naswona va lavaka ku mu tsakisa, va nga swi kota ku va vanghanu va yena. — Tipisalema 147:11; Mintirho 10:34, 35.

Hinkwerhu ha swi lava ku va ni vanghanu va ku tshembeka, Yehovha na yena a nyimela swaku vanghanu va yena va va vanhu va ku tshembeka. Kambe leswo a swi vevuki ka misava leyi ya ku tala hi vanhu va ku kala va nga tshembeki. Hambileswo, hi mhaka muni swi li swinene ku tshembeka ka minchumu hinkwayu?

1. Hi mhaka muni swi li swa lisima ku tshembeka?

Loko hi tshembeka ka van’wana hi kombisa swaku ha mu rhandza Yehovha ni ku mu hlonipha. Pimisa hi leswi: Yehovha a tiva hinkwaswu leswi hi swi pimisaka ni leswi hi swi yentxaka. (Vaheberu 4:13) Yena wa swi vona loko hi langa ku tshembeka naswona leswo swa mu tsakisa. Rito la yena li li: “Yehovha a nyenya munhu wa wukanganyisi, kambe i munghanu wa mukulu wa lava va kululama.” — Swivuriso 3:32.

2. Hi nga swi kombisa ku yini swaku ha tshembeka siku ni siku?

Yehovha a li: “Vulavulani ntiyiso mun’wana ka mun’wanyana.” (Zakariya 8:16, 17) Swi vula yini leswo? Leswo swi vula ku kala hi nga hembi kumbe ku kala hi nga vulavuli ntiyiso hinkwawu ka maxaka ya hina, vakolega, vamakwerhu abandleni ni ka vanhu lava va tirhelaka mfumu. Vanhu va ku tshembeka a va yivi kumbe ku kanganyisa van’wana. (Lerha Swivuriso 24:28 na Vaefeza 4:28.) Naswona va hakela marhesa hinkwawu. (Varoma 13:5-7) Hi ku yentxa leswo ni swin’wana hi kombisa swaku ha “tshembeka ka minchumu hinkwayu.” — Vaheberu 13:18.

3. Ku tshembeka ku nga hi pfunisa ku yini?

Loko hi li vanhu va ku tshembeka vanhu va ta hi tshemba. Naswona swi ta yentxa swaku vamakwerhu abandleni va titwa na va chunsekile loko va li na hina ku fana ni loko va li ka ndjangu lowu nga ni lirhandzu funtshi hi ta va ni lipfalu la ku basa. Ku tshembeka ka hina ku ta tlhela ku “xongisa djondzo ya Muponisi wa hina, ku nga Xikwembu” ni ku yentxa swaku vanhu van’wana va lava ku tirhela Yehovha. — Tito 2:10.

DJONDZA SWIN’WANA

4. Loko hi tshembeka hi tsakisa Yehovha

Lerhani Tipisalema 44:21 na Malakiya 3:16, mi gama mi bula hi swivutiso leswi landzelaka:

• U vona swaku hi mhaka muni hi nga fanelanga hi tibyela swaku hi nga mu fihlela nchumu Yehovha?

• U pimisa swaku Yehovha a titwisa ku yini loko hi langa ku vulavula ntiyiso hambiloko swi karhata ku yentxa leswo?

5. Tshembeka minkama hinkwayu

VHIDIYO: Lexi xi hi Yendlaka hi tsaka — Lipfalu la ku basa (2:32)

Lerhani Vaheberu 13:18, mi gama mi bula hi leswaku hi nga swi kotisa ku yini ku tshembeka . . .

• ka ndjangu wa hina.

• ntirhweni kumbe xikola.

• ni ka swiyimu swin’wana.

6. Ku tshembeka swi pfuna hina

I ntiyiso swaku ku tshembeka swi nga ha hi vangela swikarhatu. Kambe minkama hinkwayu ku tshembeka i swa lisima. Lerhani Tipisalema 34:12-16, mi gama mi bula hi xivutiso lexi landzelaka:

• Ku tshembeka swi nga li yampsisisa ku yini wutomi la wena?

1. Loko vavanuna ni vavasati va tshembeka va tiyisa muchadu wa vona

2. Vatirhi va ku tshembeka va tshembiwa hi vatholi va vona

3. Loko vanhu va tshembeka lomu va tshamaka kona, swi yentxa swaku va tshembiwa hi varhangeli va mfumu

LESWI HI NGA SWI DJONDZA

Yehovha a lava swaku vanghanu va yena va tshembeka ka hinkwaswu leswi va swi vulaka ni leswi va swi yentxaka.

Ku kambela leswi hi nga swi djondza

• Hi nga swi kombisa ku yini swaku ha tshembeka?

• Hi mhaka muni hi nga fanelanga hi pimisa swaku hi nga mu fihlela nchumu Yehovha?

• Hi mhaka muni u lava ku tshembeka minkama hinkwayu?

LOKO U LAVA KU TIVA SWIN’WANA

Vapsali va nga va pfunisa ku yini vana va vona swaku va tshembeka?

Vulavula Ntiyiso (1:40)

Hi pfunekisa ku yini loko hi hetisisa leswi hi swi tshembisaka?

Yendla Leswi U Nga Swi Tshembisa, U Ta Yamukela Minkateko (9:09)

Vona swaku hi mhaka muni hi fanele hi hakela rhesa hambiloko hi vona swaku a li tirhisiwi kahle.

“Swibalo—Xana U Fanele U Swi Hakela?” (Murindzi wa 1 ka Setembro wa 2011 hi Xitsonga)

I mpsini swi nga pfuna wanuna lweyi a a nga tshembeki swaku a txintxa wutomi la yena a va munhu wa ku tshembeka?

“Ndzi Dyondze Leswaku Yehovha U Ni Tintswalo Naswona Wa Rivalela” (Murindzi wa 1 ka Maio wa 2015 hi Xitsonga)

2. Yehovha a titwisa ku yini hi vanghanu lava u va langaka?

Yehovha a langa kahle vanghanu va yena. Yena “i munghanu wa mukulu wa lava ku lulama.” (Swivuriso 3:32) Yehovha a titwisa ku yini loko hi langa vanghanu lava kalaka va nga mu rhandzi? Wa kwata swinene! (Lerha Yakobo 4:4.) Kambe loko hi fambela kule ni vanghanu lava va yentxaka swa ku biha, hi tlhela hi langa vanghanu lava rhandzaka Yehovha, swi ta mu tsakisa a tlhela a va munghanu wa hina. — Tipisalema 15:1-4.