Wukhongeli La Mavunhwa Li Hembela Xikwembu

Loko Xikwembu i li lirhandzu hi mhaka muni minchumu ya yinyingi ya ku biha yi yentxiwa hi wukhongeli, leli li vulaka swaku li gandzela Xikwembu? Phela a wukhongeli lelo i la mavunhwa, a li nyimeli Xikwembu naswona li chimisa vito la xona. Li swi yentxisa ku yini leswo? Xikwembu xi titwisa ku yini hi swona? Naswona xi ta yentxa yini hi mhaka leyo?

1. Wukhongeli la mavunhwa li xi hembelisa ku yini Xikwembu hi leswi li swi djondzisaka?

Wukhongeli la mavunhwa li “tshike ntiyiso wa Xikwembu hi mhaka ya mavunhwa.” (Varoma 1:25) Hi xikombiso, wukhongeli la linyingi a li va djondzisi vito la Xikwembu vanhu va lona, hambileswi Bibele li vulaka swaku Xikwembu xi lava swaku hi tirhisa vito la xona. (Varoma 10:13, 14) Vafundhisi van’wana va wukhongeli la mavunhwa, va vula swaku loko ku yentxeka minchumu ya ku biha i ku rhandza ka Xikwembu kambe leswo a hi ntiyiso, Xikwembu a xi yentxi minchumu ya ku biha. (Lerha Yakobo 1:13.) Leswi va swi djondzisaka swi yentxa swaku vanhu va nga xi rhandzi Xikwembu.

2. Wukhongeli la mavunhwa li li chimisisa ku yini vito la Xikwembu hi leswi li swi yentxaka?

Ku hambana na Yehovha wukhongeli la mavunhwa a li va hlayisi kahle vanhu. Bibele li vula swaku swidjoho swa lona “swi tale hintamu swi za swi ya fika ni le tilweni.” (Nhlawutelo 18:5) Ku sukela khale wukhongeli la mavunhwa li tipete ka politika, li seketele tinyimpi, li pfunisile li tlhela li pfumelela swaku vanhu va vanyingi va dlayiwa. Vafundhisi van’wana va wukhongeli va lava ku ganya, hi mhaka leyo va sindzisa vanhu swaku va va nyika male. Leswo swi kombisa swaku a va xi tivi Xikwembu, naswona a va faneleki ku vitaniwa vatirheli va xona. — Lerha 1 Yohani 4:8.

3. Xikwembu xi titwisa ku yini hi wukhongeli la mavunhwa?

Loko minchumu ya ku biha leyi yi yentxiwaka hi wukhongeli la mavunhwa yi ku kwatisa, u pimisa swaku Yehovha a titwisa ku yini? Yena wa va rhandza vanhu kambe a kwatisiwa hi leswi vafundhisi va wukhongeli va chimisaka vito la yena va tlhela va hlupha vanhu. Yena a tshembisa ku helisa wukhongeli la mavunhwa naswona ‘a li nge he tlheli li va kona.’ (Nhlawutelo 18:21) A ka ha choti kule swaku Xikwembu xi helisa wukhongeli hinkwalu la mavunhwa. — Nhlawutelo 18:8.

DJONDZA SWIN’WANA

4. Xikwembu a xi yamukeli wukhongeli hinkwalu

Vanhu va vanyingi va kholwa swaku wukhongeli li fana ni tindlela ta ku hambana leti hinkwatu ti yaka ka Xikwembu. Kambe leswo i ntiyiso? Lerhani Matewu 7:13, 14, mi gama mi bula hi xivutiso lexi landzelaka:

• Bibele li yi tlhamuselisa ku yini ndlela leyi yisaka ka wutomi la ku kala li nga heli?

Sixtirani VHIDIYO, mi gama mi bula hi xivutiso lexi landzelaka.

VHIDIYO: Xana Xikwembu Xi Yamukela Wukhongeli Hinkwalo? — Xiyenge (3:22)

• Ku nga va swaku Bibele la hlaya swaku ku ni wukhongeli la linyingi leli li tsakisaka Xikwembu?

5. Wukhongeli la mavunhwa a li kombisi lirhandzu la Xikwembu

Wukhongeli li chimise vito la Xikwembu hi tindlela ta tinyingi. Ndlela yin’wana ya ku biha hintamu i ku tipeta ka tinyimpi. Swaku u vona xikombiso, sixtirani VHIDIYO. Mi gama mi bula hi swivutiso leswi landzelaka.

VHIDIYO: Leswi Tikereke Ti Nga Swi Yentxa Ka Nyimpi Ya Wumbirhi Ya Misava (2:22)

• Tikereke ta tinyingi ti yentxe yini hi nkama wa Nyimpi ya Wumbirhi ya Misava?

• U titwisa ku yini hi leswi ti nga swi yentxa?

Lerhani Yohani 13:34, 35 na 17:16. Mi gama mi bula hi swivutiso leswi landzelaka:

• U pimisa swaku Yehovha a titwisa ku yini loko wukhongeli li tipeta ka tinyimpi?

• Wukhongeli la mavunhwa hi lona li vangaka minchumu ya yinyingi ya ku biha. Hi tini tindlela tin’wana leti kombisaka swaku a li li kombisi lirhandzu la Xikwembu?

6. Xikwembu xi lava ku pfuna vanhu swaku va huma ka wukhongeli la mavunhwa

Lerhani Nhlawutelo 18:4,a mi gama mi bula hi xivutiso lexi landzelaka:

• U titwisa ku yini hi ku tiva swaku Xikwembu xi lava ku ponisa hinkwavu lava kanganyisiwaka hi wukhongeli la mavunhwa?

7. Tama u djondza hi Xikwembu xa ntiyiso

U fanele u sola Xikwembu hi leswi yentxiwaka hi wukhongeli la mavunhwa? Pimisa hi n’wana lweyi a yalaka ku yingisa papayi wa yena, hi wugamu a suka kaya a tlhela a sungula ku va ni mahanyelo ya ku biha. Papayi wa yena a nga swi tsakeli leswi a swi yentxaka. Hi mhaka muni hi nga fanelanga hi mu sola papayi lweyi hi mhaka mahanyelo ya ku biha ya n’wana wa yena?

• Hi mhaka muni hi nga fanelanga hi sola Yehovha ni ku tshika ku djondza hi yena hi mhaka leswi swi yentxiwaka hi wukhongeli la mavunhwa?

LESWI HI NGA SWI DJONDZA

Wukhongeli la mavunhwa li chimise vito la Xikwembu hi mavunhwa lawa li ma djondzisaka ni minchumu ya ku biha leyi li yi yentxaka. Xikwembu xi ta li helisa wukhongeli la mavunhwa.

Ku kambela leswi hi nga swi djondza

• U titwisa ku yini hi leswi wukhongeli la mavunhwa li swi djondzisaka ni ku swi yentxa?

• Yehovha a titwisa ku yini hi wukhongeli la mavunhwa?

• Xikwembu xi ta yentxa yini hi wukhongeli la mavunhwa?

LOKO U LAVA KU TIVA SWIN’WANA

Vona minchumu yimbirhi leyi kombisaka swaku wukhongeli la mavunhwa a li yentxi ku rhandza ka Xikwembu.

“Xana Vukhongeri Bya Fana? Xana Hinkwabyo Bya Amukeleka Eka Xikwembu?” (Nhlokomhaka leyi nga ka site la jw.org hi Xitsonga)

Hi mhaka muni Yehovha a lava swaku hi tlhangana ni van’wana swaku hi mu gandzela?

“Xana I Swa Nkoka Ku Va Eka Vukhongeri Byo Karhi?” (Nhlokomhaka leyi nga ka site la jw.org hi Xitsonga)

Padre lweyi a nga sungula ku kanakana hi wukhongeli la yena, hambileswo a nga godolanga ku lava ku djondza hi Xikwembu.

“Lexi Endleke Muprista A Tshika Kereke Yakwe” (Khindlimuka! wa Fevereiro wa 2015 hi Xitsonga)

Ku ringana malembe ya manyingi wukhongeli li djondzisa mavunhwa hi Xikwembu lawa ma yentxaka vanhu va pimisa swaku xi ni mona. Twani ntiyiso hi 3 wa mavunhwa wolawo.

“Mavunwa Ya Leswaku A Swi Koteki Ku Rhandza Xikwembu” (Murindzi wa 1 ka Novembro wa 2013 hi Xitsonga)