DJONDZO 02

Bibele Li Hi Nyika Ntshembo

La Ku Imprimiriwa

Amisaveni hinkwayu vanhu va kumana ni swikarhatu. Hi mhaka leyo, van’wana va tshama na va kwatile, va vilela ni ku twa ku vava. Swi tshama swi ku yentxekela swa ku fana ni leswo? Swi nga yentxeka u li ku hluphekeni hi mhaka ya mavabyi, kumbe hi mhaka ku feliwa hi munhu lweyi u mu rhandzaka hintamu. Minkama yin’wana u nga ha tivutisa leswi: ‘Indje minchumu yi ta yampsa siku lin’wana?’ Phela u ta tsaka hi ku tiva nhlamulu ya Bibele.

1. Hi wini ntshembo lowu Bibele li hi nyikaka wona?

Bibele li tlhamusela swaku hi mhaka muni misava yi tale hi swikarhatu, li tlhela li hi nyika mahungu ya ku tsakisa. Lona li vula swaku a ku choti kule leswaku minchumu hinkwayu leyi karhataka vanhu yi helisiwa. A switshembiso swa Bibele swi nga ku “nyika wumundzuku ni ntshembo.” (Lerha Yeremiya 29:11, 12.) Funtshi switshembiso swa Bibele swa hi pfuna ku lwisana ni swikarhatu leswi hi nga na swona namuntlha, hi tlhela hi vona minchumu hi ndlela ya yinene, ku tlula leswo, swi hi pfuna ku tshama na hi tsakile swoswi ni ka nkama lowu taka.

2. Bibele li li ku ta yentxeka yini ka nkama lowu taka?

Bibele li vula swaku siku lin’wana “lifu a li nga ha ta va kona, hambi ku keta, ku rila ni ku twa ku vava a swi nge he vi kona.” (Lerha Nhlawutelo 21:4.) Minchumu leyi yi hi yentxaka hi hlupheka namuntlha ya ku fana ni wusiwana, wukanganyisi, mavabyi ni lifu swi ta helisiwa. Bibele li tshembisa swaku vanhu va ta tsaka hi ku hanya wutomi la ku kala li nga heli ka misava leyi nga paradesi.

3. I yini swi nga ku kholwisaka swaku leswi Bibele li swi tshembisaka swi ta yentxeka?

A vanhu va navela swaku minchumu ya yinene yi yentxeka, kambe a va tiyiseki swaku leswi va swi navelaka swi ta yentxeka hikakunene. Leswo swi hambanile ni leswi Bibele li swi tshembisaka. U nga kholwa swaku leswi Bibele li swi vulaka swi ta yentxeka hikakunene loko u “kambisisa kahle Matsalwa.” (Mintirho 17:11) Ku djondza Bibele swi ta ku pfuna ku vona swaku leswi lona li vulaka swaku swi ta yentxeka ka nkama lowu taka i ntiyiso kumbe a hi ntiyiso.

DJONDZA SWIN’WANA

Vona swin’wana leswi Bibele li tshembisaka swaku swi ta yentxeka ka nkama lowu taka. Tlhela u vona swaku leswi Bibele li swi tshembisaka swi va pfunisa ku yini vanhu namuntlha.

Mafoto: Hi le ndzhaku ku kombisiwa swilo leswi yendlekelaka vanhu namuntlha. A phambheni ku kombisiwa wutomi leli Bibele li hi tshembisaka lona. Mafoto ya ku fana ni lawa ma tlhela ma kombisiwa hansi.

4. Bibele li tshembisa swaku hi nga hanya wutomi la ku kala li nga heli na ku nga na ku hlupheka

Vona swin’wana leswi Bibele li swi tshembisaka. Hi xini xitshembiso lexi u nga xi rhandza hintamu? Naswona hi mhaka muni u lange xona?

Lerhani tindzimana leti nga tlhelweni ka switshembiso hinkwaswu, mi gama mi bula hi swivutiso leswi landzelaka:

U vona swaku leswi kombisiwaka lani ka Bibele swa ku nyika ntshembo? Indje ku ni lweyi swi nga mu pfunaka kaya ka wena kumbe munghanu wa wena?

Tivoni na u hanya ka misava

YA KU KALA YI NGA NA MUNHU LWEYI . . .	HINKWAVU . . .
a twaka ku vava, a hluphekaka hi mhaka ku guga kumbe ku feliwa. — Esaya 25:8.	va ta vona vanhu lava va va rhandzaka na va pfuxiwa swaku va hanya lani misaveni. — Yohani 5:28, 29.
a vabyaka kumbe ku limala.— Esaya 33:24; 35:5, 6.	a va nga ta vabya naswona va ta va ni matimba. — Yobo 33:25.
a kanganyisiwaka. — Esaya 32:16, 17.	va ta va ni swakudla swa swinyingi, tiyindlo ta tinene, ni mintirho leyi yi nga ta va tsakisa.— Tipisalema 72:16; Esaya 65:21, 22.
a hluphekaka hi mhaka ya tinyimpi. — Tipisalema 46:9.	va ta hanya hi ku rhula. — Tipisalema 37:11.
a karhatekaka hi mhaka ku titwa na a nga pfuni nchumu, kumbe ku khumbukela swilo swa ku biha.— Esaya 65:17.	va ta hanya wutomi la ku kala li nga heli na va tsakile. — Tipisalema 37:29.

Xifanyatani lexi a xi vabya xi kahle naswona xi barasarane ni mamani wa xona.

Wanuna lweyi a a gugile, a tlhele a va jovhem naswona a chovha karinya leli nga tala hi matsavu.

5. Leswi Bibele li swi tshembisaka swi nga txintxa wutomi la wena

Vanhu va vanyingi va karhateka va tlhela va kwata hi ku vona swikarhatu leswi nga kona amisaveni. Van’wana va yentxa hinkwaswu leswi va nga swi kotaka swaku va yampsisa minchumu. Vona swaku xitshembiso xa Bibele xa ku minchumu yi ta yampsa xi va pfunisa ku yini. Sixtirani VHIDIYO, mi gama mi bula hi swivutiso leswi landzelaka.

VHIDIYO: A Ni Lava Ku Helisa Xikheto (4:07)

Mafoto: Mafoto lawa ma fambisanaka ni vhidiyo leli nge ‘A Ni Lava Ku Helisa Xikheto’ 1. Rafika na a tshovela algodão nkama na wa ha li mutsongo ni vanhu va muhlovo wa yena. 2. Ka ku sungula Rafika a nga ya ka kongresu la Timboni ta Yehovha a tsake hintamu hi ku vona valungu ni valandi na va li xikan’we.

Ka vhidiyo i mpsini leswi a swi karhata Rafika?
Leswi a swi karhata Rafika a swi helanga. Hambileswo, Bibele li mu pfunise ku yini Rafika?

Switshembiso swa Bibele swi nga hi pfuna ku lwisana ni ku godola hi tlhela hi kota ku lwisana ni swikarhatu swa hina. Lerhani Swivuriso 17:22 ni Varoma 12:12, mi gama mi bula hi swivutiso leswi landzelaka:

Switshembiso swa Bibele swi nga yampsisa wutomi la wena? Hi mhaka muni u pimisa leswo?

VAN’WANA VA LI: “Leswi Bibele li swi tshembisaka i swinene hintamu lakakuva swa karhata ku swi kholwa.”

Hi mhaka muni u vona swaku i swa lisima ku tiva ntiyiso hi mhaka leyi?

LESWI HI NGA SWI DJONDZA

Bibele li hi nyika ntshembo naswona leswi li djondzisaka swaku swi ta yentxeka ka nkama lowu taka swa tsakisa, swi tlhela swi hi pfuna ku hlula swikarhatu swa hina.

Ku kambela leswi hi nga swi djondza

Hi mhaka muni vanhu va lava ntshembo?
Bibele li tshembisa swaku ku ta yentxeka yini ka nkama lowu taka?
Switshembiso swa Bibele swi nga li yampsisisa ku yini wutomi la wena?

Ni hete djondzo leyi hi diya:

Zama ku yentxa leswi

Lerha tindzimana ta Bibele ta djondzo leyi swaku u swi tiva ku yampsa leswi Bibele li swi tshembisaka.

Swin’wana:

Swin’wana leswi u nga swi fikelelaka

LOKO U LAVA KU TIVA SWIN’WANA

Vona swin’wana hi matimba lawa xitshembiso xi nga na wona.

“Xana U Nga Wu Kuma Kwihi Ntshembo Wa Xiviri?” (Khindlimuka! wa 08 ka Maio wa 2004 hi Xitsonga)

Vona swaku ntshembo wu nga va pfunisa ku yini lava va nga ni mavabyi ya ku kala ma nga daheki.

“Bibele Li Nga Ku Pfuna Loko U Ni Mavabyi Ya Ku Kala Ma Nga Daheki?” (Nhlokomhaka leyi nga ka site la jw.org)

Loko u vona lisimu leli, tipimisi na u ni ndjangu wa wena na mi hanya mi tsakile ka paradesi leli Bibele li li tshembisaka.

Pimisa Hi Minkateko Ya Nkama Lowu Taka (3:37)

Vona leswi wutomi la wanuna mun’wana li nga txintxisa xiswona loko a djondza hi switshembiso swa Bibele swa nkama lowu taka.

“A Na Ha Swi Lavi Ku Txintxa Misava” (Murindzi wa 1 ka Julho wa 2013)