Leswi U Nga Djondzaka Hi Swona

Wa Ti Tiva Tinsimu Ta Hina?

“Loko ni titwa ni nga pfuni nchumu, Yehovha wa ni tiyisa hi ku tirhisa tinsimu ta Broadcasting.” — Lorraine, wa Estados Unidos.

Tinsimu, ha ti tirhisa minkama hinkwayu ka ku gandzela Yehovha. (Kol. 3:16) Loko u ti tiva tinsimu leti, ti nga ku pfuna hambiloko u nga na buku ya tinsimu kumbe u nga na telefoni. Zama ku yendla leswi leswaku u ti tiva.

• Ma lerhi kahle marito ya tinsimu u tlhela u twisisa mongo wa tona. Swa vevuka ku khumbuka nchumu loko xi twisiseka ka wena. Se marito ya tinsimu ta hina ku patsa ni tinsimu ta Broadcasting ni leti nga yendleliwa swivanani, ta kumeka ka jw.org, lani ku nge: Bibliyoteka, u gama u ya deketa lani ku nge: Tinsimu.

• Tsala marito ya tinsimu hi voko ka papela. Loko u yendla leswo u ta hantla u ti khumbuka. — Det. 17:18.

• Ti ensayari hi rito la ku tlakuka. Lerha kumbe u ti yimbelela hi ku phindhaphindha.

• Tikambeli. Zama ku yimbelela na u nga zanga u txuvukile marito ya kona. U nga gama u txuvuka lani ma nga tsaliwa kona, u ta swi vona kumbe se wa ti tiva ke.