Heta Nkama wa Wena ni Lava Rhandzaka Yehovha

Hi mhaka muni hi fanele kuheta nkama wa hina ni lava rhandzaka Yehovha? Hikusa vanhu lava hi hetaka nkama na vona vangahi pfuna kuyendla swa swinene kumbe kuhi kucetela kuyendla swobiha. (Swiv 13:20) Hi xikombiso, nkama lowu Hosi Yehowaxi a aheta nkama wa kuleha ni Muprista Lwenkulu Yoyada, ‘ayendle leswi lulameke amatihlweni ya Yehovha’. (2Tk 24:2) Loko Yoyada a fa, Yehowaxi a tshike Yehovha hi mhaka ya vanghanu vobiha. — 2Tk 24:17-19.

Aminkameni ya Vapostola, mupostola Pawulo a fanise bandla la Wukreste ni “ndlwini kumbe yindlo leyikulu”. A gama a fanisa swirho swa bandla ni ‘swibya’ kumbe swigotso swa la muntini. Hi tama hi li ‘swibya swotirha leswikulu swodzuneka’, ntsena loko hi bakanya wunghanu la le kusuhi ni munhu lweyi anga tsakisiki Yehovha, hambiloko a li xaka kumbe xirho xa bandla. (2Tm 2:20, 21) Hi mhaka leyo, hinga ya mahlweni hi yendla wunghanu ni lava rhandzaka Yehovha ni lavahi khutazaka kumu tirhela.

HLALELA VHIDIYO LELINGE DJONDZA KUBAKANYA VANGHANU VOBIHA, U GAMA U HLAMULA SWIVUTISO LESWI LANDZELAKA:

• Swinga yendlekisa kuyini kuheta nkama ni vanhu vobiha na hingaswi voni?

• Ka xikombiso lexi xa vhidiyo, i mpsini leswinga pfuna vamakwerhu vanharhu kutsema wunghanu ni vanhu vobiha?

• Hi wahi matshinya ya minawu lawa mangahi pfunaka kulanga vanghanu lavanene?