UNGAXI HLULISA KUYINI XITRESI?
Swa Koteka Kuhanya na Unga na Xitresi
Wutlharhi leli kumekaka ka Bibele lingaku pfuna kubaleka xitresi. I ntiyiso swaku ahingeswi koti kubaleka swilo hinkwaswu leswihi vangelaka xitresi kambe Mutumbuluxi wa hina angahi pfuna. Naswona a lange n’wana wa yena Yesu leswaku atahi pfuna. Amisaveni hinkwayu, Yesu ata yendla swilo swa kuhlamalisa hintamu kutlula leswi anga tshama aswi yendla khale na aha li laha misaveni. Hi xikombiso:
YESU ATA HANYISA VAVABYI HILAHA ANGA TSHAMA ASWI YENDLA.
‘Vatisa hinkwavu lavavabyaka hi mavabyi ya tinxakaxaka ni lava vaxanisekaka ngopfu . . . kutani Yesu avahanyisa.’ — MATEWU 4:24.
YESU ATA YENDLA LESWAKU VANHU HINKWAVU VAVA NI SWAKUDLA NI TIYINDLO.
“Vata yaka tiyindlo va tlhela va tshama ka tona, naswona vata byala masimu ya mawuvha va tlhela va dla mihandzu ya kona. Avange yaki leswaku kutshama mun’wana, hambi kubyala leswaku kudla van’wana.” — ESAYA 65:21, 22.
KUFUMA KA YESU KUTA YENDLA LESWAKU VANHU HINKWAVU VAVA NI KURHULA VA TLHELA VA TSHAMISEKA.
“Amasikwini ya yona, lweyi wa kululama switamu fambela kahle, naswona kutava ni kurhula ka kukala kunga heli. Yita fuma kusukela alwandle kuya fika ka lwandle lin’wana, kusukela ka nambu kuya fika awugamu ka misava. . . . Naswona valala va yona vata hluliwa.” — TIPISALEMA 72:7-9.
YESU ATA HELISA WUBIHI.
“Yona yita tsetsa vanhu va xiyimu xa le hansi ni swisiwana, yita ponisa wutomi la swisiwana. Vata ponisiwa ka kuxanisiwa ni ka wubihi, naswona ngati ya vona yita va ya lisima ka yona.” — TIPISALEMA 72:13, 14.
YESU ATA HELISA KUHLUPHEKA NI KUFA.
“Rifu aringahatava kona; hambi mali mahlomulu kumbe kurila kumbe kuvaviseka aswingahatava kona”. — NHLAVUTELO 21:4.