Bibele Li Nga Ku Pfunisa Ku Yini?

Hinkwerhu hi ni swivutiso ka wutomi la hina leswi yelanaka ni ku hlupheka, lifu ni ku lava ku tiva leswi nga ta yentxeka ka nkama lowu taka. Hi tlhela hi karhateka hileswi yentxekaka siku ni siku, ku fana ni swaku hi ta dla yini ni swaku hi nga yentxa yini swaku hi tshama na hi tsakile ka ndjangu wa hina. Vanhu va vanyingi va tsumbule swaku Bibele li ni tinhlamulu ta swivutiso swa lisima a wuton’wini, handle ka leswo li ni minawu leyi nga pfunaka mindjangu swaku yi tshama na yi tsakile. I mani lweyi u vonaka swaku Bibele li nga mu pfuna?

1. Hi swini swivutiso leswi Bibele li swi hlamulaka?

Bibele li hlamula swivutiso swa lisima swa ku fana ni leswi: A wutomi li sungulise ku yini? Hi mhaka muni hi hanya? Hi mhaka muni vanhu va hlupheka? Ku yentxeka yini hi munhu loko a fa? Leswi vanhu va vanyingi va lavaka ku rhula, hi mhaka muni ku tale tinyimpi misaveni? Ku ta yentxeka yini hi misava? A swi bihanga ku tivutisa swivutiso swa ku fana ni leswi. Naswona vanhu va vanyingi va tsumbule swaku a tinhlamulu leti kumekaka ka Bibele ta twala.

2. A Bibele li nga hi pfunisa ku yini swaku hi tshama na hi tsakile siku ni siku?

Phela a minawu ya Bibele ya pfuna hikakunene. Hi xikombiso, yi pfuna mindjangu swaku yi va ni ku tsaka ka ntiyiso. Yi hi byela leswi hi nga swi yentxaka swaku hi hlula xitresi ni ku tsakela ntirho lowu hi wu yentxaka. A buku leli li ta ku pfuna swaku u vona leswi Bibele li swi vulaka hi mhaka leyi ni swin’wana. Hi wugamu swi nga yentxeka u ma kholwa marito lawa ma nge: “Matsalwa hinkwawu kumbe hinkwaswu swi nga ka Bibele swa . . . pfuna.” — 2 Timotiyu 3:16.

DJONDZA SWIN’WANA

Vona swaku Bibele li va pfunisa ku yini vanhu van’wana, naswona u nga yentxa yini swaku u tsakela ku li lerha, ni swaku hi mhaka muni swi li swa lisima kuva u kuma munhu lweyi a nga ta ku pfuna ku twisisa Bibele.

3. Bibele li nga hi komba ndlela

Bibele li fana ni gezi leli vonaka hintamu, li nga hi pfuna ku yentxa minchumu ya yinene ka wutomi la hina, li tlhela li hi byela leswi nga ta yentxeka ka nkama lowu taka.

Lerhani Tipisalema 119:105, mi gama mi bula hi swivutiso leswi landzelaka:

• Mutsali wa buku leli la tipisalema a a li vonisa ku yini Bibele?

• Wena u li vonisa ku yini Bibele?

4. Bibele li nga hlamula swivutiso swa hina hinkwaswu

VHIDIYO: U Nga Heleliwi Hi Ntshembo! (1:48)

• Hi ku ya hi vhidiyo, hi swini swivutiso leswi wansati lweyi a a li na swona?

• A ku djondza Bibele swi mu pfunise ku yini?

Bibele li hi byela swaku loko hi lava tinhlamulu ta swivutiso swa hina hi ta ti kuma. Lerhani Matewu 7:7, mi gama mi bula hi xivutiso lexi landzelaka:

• Hi swini swivutiso leswi u navelaka swaku Bibele li ku hlamula swona?

5. U nga swi tsakela ku lerha Bibele

VHIDIYO: Ku Lerha Bibele (2:05)

• Hi ku ya hi vhidiyo,hi mhaka muni tintombhi leti ni madjaha lawa a va nga swi rhandzi ku lerha?

• Hi mhaka muni se va swi rhandza ku lerha Bibele?

Leswi nga ka Bibele swa tiyisana naswona swi hi nyika ntshembo. Lerhani Varoma 15:4, mi gama mi bula hi xivutiso lexi landzelaka:

• Wa swi lava ku tiva ntshembo lowu Bibele li vulavulaka hi wona ni swaku wu nga ku pfunisa ku yini?

6. Vanhu van’wana va nga hi pfuna ku twisisa Bibele

Vanhu vanyingi va tsumbule swaku loko va bula ni van’wana hi Bibele va hantla va li twisisa. Lerhani Mintirho 8:26-31, mi gama mi bula hi xivutiso lexi landzelaka:

• I yini swi nga hi pfunaka ku twisisa Bibele? — Vonani tindzimana 30 ni 31.

LESWI HI NGA SWI DJONDZA

Bibele li hi nyika minawu leyi yi nga hi pfunaka siku ni siku, li hlamula swivutiso swa lisima leswi hi nga na swona, la hi tiyisa ni ku hi nyika ntshembo.

Ku kambela leswi hi nga swi djondza

• Bibele li nga hi pfuna ka yini?

• Hi swini swivutiso leswi Bibele li swi hlamulaka?

• A wu navela ku djondza yini ka Bibele?

LOKO U LAVA KU TIVA SWIN’WANA

Vona swaku minawu ya Bibele ya pfuna ni namuntlha.

“Leswi Bibele Li Swi Djondzisaka A Swi Hundzeliwi Hi Nkama” (Murindzi wa N.^o 1 wa 2018)

Wanuna mun’wana a a lwisana ni ku titwa na a nga pfuni nchumu ku sukela na a ha li mutsongo, vona swaku Bibele li mu pfunise ku yini.

Leswi Wutomi La Mina La Ku Tsakisa Li Nga Sungulisa Xiswona (2:53)

Vona minawu ya Bibele leyi nga ku pfunaka swaku u tsaka a ndjangwini wa wena.

“Swilo Swa 12 Leswi Nga Endlaka Leswaku Mindyangu Yi Tsaka” (Khindlimuka! wa N.^o 2 wa 2018 hi Xitsonga)

Vanhu va vanyingi va pimisa swaku i Xikwembu xi fumaka misava. Indje leswo i ntiyiso? Vona leswi Bibele li swi djondzisaka.

Hi Mhaka Muni U Fanele U Djondza Bibele — Vhidiyo Hinkwalu (3:14)

1. Loko Bibele li tsaliwe hi vanhu, hi mhaka muni hi vula swaku i Rito la Xikwembu?

A Bibele li tsaliwe hi 40 wa vavanuna, naswona ku hele 1.600 wa malembe na li tsaliwa. Buku la ku sungula li tsaliwe hi lembe la 1513 na Yesu a nga se ta misaveni. Kasi a la wugamu li tsaliwe hi lembe la 98 na Yesu se a tile misaveni. Leswi lava va nga tsala lona a va li varisi, vaphasi va tihlampfi, tihosi, swi kombisa swaku a va li vanhu va ku hambana. Hambileswo, Bibele hinkwalu la twanana. Hi mhaka muni li twanana? Hi mhaka hinkwalu li ta hi ka Xikwembu. (Lerha 1 Vatesalonika 2:13.) A vavanuna lava va nga li tsala a va nga tsali mimpimiso ya vona. Ku hambana ni leswo, “a va vulavula leswi taka hi ka Xikwembu na va kongomisiwa hi moya wa ku kwetsima.”a (2 Pedru 1:21) Hi ku tirhisa moya wa xona wa ku kwetsima, Xikwembu xi yentxe swaku vavanuna volavo va tsala mimpimiso ya xona ka Bibele. — 2 Timotiyu 3:16.