MAHANYELO YA HINA VAKRESTE
Vapsali — Pfunani Vana Va N’wina Swaku Va Va Ni Wutlharhi La Xikwembu
Leswi vapsali va nga swi yendlaka swaku va pfuna vana va vona swaku va va ni wutlharhi la Xikwembu, i ku yendla hinkwaswu leswi va nga swi kotaka swaku va pfuna vana va vona ku yingisela kahle loko va li mintlhanganwini. Leswi vatsongwani va swi vonaka, va swi twaka kumbe leswi va swi hlamulaka loko va li mintlhanganwini, swi nga va pfuna kuva va djondza minchumu ya lisima hi Yehovha ni ku va vanghanu va yena. (Dt 31:12, 13) Se loko ku li swaku u mupsali, i yini leswi u nga swi yendlaka swaku u pfuna n’wana wa wena swaku a pfuneka loko a li ka mintlhanganu?
Yendla hinkwaswu leswi u nga swi kotaka swaku u ya mintlhanganwini nkama ni nkama ka Yindlo ya Wugandzeli. — Ps 22:22
Tinyiki nkama wa ku tiyisana ni vamakwerhu ka Yindlo ya Wugandzeli na mintlhanganu yi nge se sungula ni loko yi helile. — Heb 10:25
Tiyiseka swaku hinkwavu ka ndjangu wa wena va na wona mabuku lawa ma nga ta djondziwa amintlhanganwini, ka telefoni kumbe hi phepha
Pfuna n’wana wa wena swaku a lunghiselela a nhlamulu hi marito ya yena. — Mt 21:15, 16
Vulavula kahle hi mintlhanganu ni hi leswi hi djondzisiwaka swona loko hi li mintlhanganwini
Pfuna vana va wena swaku va va kona loko ku yendliwa mintirho ya ku fana ni ku basisa Yindlo ya Wugandzeli ni ku bula ni vamakwerhu lava va nga guga
Ku pfuna vana va wena swaku va va vanghanu va Yehovha a hi matlangwana naswona minkama yin’wani swi nga ha ku godolisa. Kambe tiyiseka swaku Yehovha a ta ku pfuna. — Esa 40:29.
SIXTIRANI VHIDIYO LELI NGE: VAPSALI, TSHEMBANI SWAKU YEHOVHA A TA MI PFUNA, MI GAMA MI HLAMULA SWIVUTISO LESWI:
Ku va Zack na Leah va tshama na va karhalile swi va khumbise ku yini?
Hi mhaka muni vapsali va fanele va kombela ku pfuniwa hi Yehovha?
Zack na Leah va swi kombisise ku yini swaku a va tshemba swaku Yehovha a ta va pfuna?