XIYENGETELO A

Mintiyiso Leyi Hi Rhandzaka Ku Djondzisa Vanhu

Yesu a vule swaku vanhu va timbilu tatinene a va ta wu tiva ntiyiso loko va wu twa. (Yoh. 10:4, 27) Se loko hi vulavula ni vanhu hi lava ku va byela ntiyiso wa Bibele hi ndlela ya ku vevuka. Zama ku sungula mabulu na vona hi ku va vutisa leswi: “Indjhe a wu swi tiva swaku . . . ?” kumbe: “U tshama u swi twa swaku . . . ?” U gama u tirhisa ndzimana kumbe tindzimana leti tlhamuselaka ntiyiso lowu u vulavulaka hi wona. Phela loko hi byela vanhu ntiyiso wa Bibele hi ndlela ya ku vevuka, hi nga khumba timbilu ta vona naswona Xikwembu xi nga va pfuna swaku va tama va rhandza ntiyiso. — 1 Ko. 3:6, 7.

Vanhu lava nga paradesi na va li ka munti lowu nga kusuhi ni mati.

KA NKAMA LOWU TAKA

1. Swilo leswi yendlekaka swoswi ni mahanyelo ya vanhu swi kombisa swaku ku nga li khale minchumu yi ta txintxa. — Mat. 24:3, 7, 8; Luk. 21:10, 11; 2 Tm. 3:1-5.
2. Misava a yi nga ta helisiwa. — Ps. 104:5; Ekl. 1:4.
3. Misava hinkwayu yi ta va paradesi. — Esa. 35:1, 2; Nhl. 11:18.
4. Vanhu hinkwavu va ta va ni wutomi la kahle. — Esa. 33:24; 35:5, 6.
5. U nga hanya wutomi la ku kala li nga heli lani misaveni. — Ps. 37:29; Mat. 5:5.

NDJANGU

6. Wanuna a fanele “a rhandza nsati wa yena ku fana ni leswi a tirhandzisaka xiswona.” — Efe. 5:33; Kol. 3:19.
7. Wansati a fanele a mu hlonipha hintamu nuna wa yena. — Efe. 5:33; Kol. 3:18.
8. Nuna na nsati va fanele va tshembeka. — Mal. 2:16; Mat. 19:4-6, 9; Heb. 13:4.
9. Vana lava hloniphaka vapsali va vona swi ta va fambela kahle. — Swiv. 1:8, 9; Efe. 6:1-3.

XIKWEMBU

10. Xikwembu xi ni vito. — Ps. 83:18; Yer. 10:10.
11. Xikwembu xi vulavula na hina hi ku tirhisa Bibele. — 2 Tm. 3:16, 17; 2 Pe. 1:20, 21
12. Xikwembu a xi yendli swilo swa ku biha. — Det. 10:17; Min. 10:34, 35.
13. Xikwembu xi lava ku hi pfuna. — Ps. 46:1; 145:18, 19.

XIKHONGELO

14. Xikwembu xi lava swaku hi khongela ka xona. — Ps. 62:8; 65:2; 1 Pe. 5:7.
15. Bibele li hi djondzisa swaku hi fanele hi khongelisa ku yini. — Mat. 6:7-13; Luk. 11:1-4.
16. Hi fanele hi khongela nkama ni nkama. — Mat. 7:7, 8; 1 Tes. 5:17.

YESU

17. Yesu a a li mudjondzisi wamukulu funtshi leswi a nga swi djondzisa swa tirha nkama ni nkama. — Mat. 6:14, 15, 34; 7:12.
18. Yesu a vulavule hi swilo leswi hi swi vonaka swi yendleka namuntlha. — Mat. 24:3, 7, 8, 14; Luk. 21:10, 11.
19. Yesu i N’wana wa Xikwembu. — Mat. 16:16; Yoh. 3:16; 1 Yo. 4:15.
20. Yesu a hi Xikwembu xa matimba hinkwawu. — Yoh. 14:28; 1 Ko. 11:3.

MFUMU WA XIKWEMBU

21. Mfumu wa Xikwembu i wuhosi leli nga kona hikakunene amatilweni. — Dan. 2:44; 7:13, 14; Mat. 6:9,10; Nhl. 11:15.
22. Mfumu wa Xikwembu wu ta helisa mimfumu hinkwayu ya vanhu, wu gama wona wu sala wu fuma. — Ps. 2:7-9; Dan. 2:44.
23. Mfumu wa Xikwembu hi wona wu nga ta helisa swikarhatu hinkwaswu swa vanhu. — Ps. 37:10, 11; 46:9; Esa. 65:21-23.

Vapsali lava nga karhateka va tshame kusuhi ni n’wana wa vona lweyi a nga ka mubedu wa xibelhela.

KU HLUPHEKA

24. Xikwembu a hi xona xi yendlaka swaku hi hlupheka. — Det. 32:4; Yak. 1:13.
25. Sathana hi yena a fumaka misava leyi. — Luk. 4:5, 6; 1 Yo. 5:19.
26. Xikwembu xa vaviseka loko xi hi vona na hi hlupheka. — Ps. 34:17-19; Esa. 41:10, 13.
27. Ku nga li khale Xikwembu xi ta helisa ku hlupheka hinkwaku. — Esa. 65:17; Nhl. 21:3, 4.

LIFU

28. Lava nga fa a va tivi nchumu naswona a va hlupheki. — Ekl. 9:5; Yoh. 11:11-14.
29. Lava nga fa a va nge hi pfuni hi nchumu naswona a va nge hi yendleli nchumu xa ku biha. — Ps. 146:4; Ekl. 9:6, 10.
30. Lava nga fa va ta pfuxiwa. — Yob. 14:13-15; Yoh. 5:28, 29; Min. 24:15.
31. “Lifu a li nga ha ta va kona”. — Nhl. 21:3, 4; Esa. 25:8.

WUKHONGELI

32. A hi wukhongeli hinkwalu leli tsakisaka Xikwembu. — Yer. 7:11; Mat. 7:13, 14, 21-23.
33. Xikwembu xa va nyenya lava kanganyisaka. — Esa. 29:13; Mik. 3:11; Mar. 7:6-8.
34. Vanhu lava nga ka wukhongeli la ntiyiso va tiviwa hi lirhandzu. — Mik. 4:3; Yoh. 13:34, 35.