Ntukulu wa Pawulo A Ali Ni Xivindzi

Ahi djondze hi jaha leli poniseke wutomi la kokwana wa lona. Kokwana wa jaha leli akuli mupostola Pawulo. Vitu la jaha leli ahili tivi, kambe hi tiva leswaku li yendle swilo leswi kombiseke leswaku ali ni xivindzi. Waswi lava kutiva leswi liswi yendleke? —

Pawulo a ali jele aYerusalema. A khomiwe hi leswi a achumayela hi Yesu. Vanhu va timbilu tobiha avamu nyenya; kutani vayendla makungu vaku: ‘Ahi kombeleni murhangeli wa masonchwa leswaku masonchwa matisa Pawulo ka huvu ya wuyavanyisi, kutani hita tumbela ndleleni, loko a ndlula hitamu dlaya!’

Ntukulu wa Pawulo a tsumbuli rhengu lolelo. Xana a atayendla yini? Aye jele a ya byela Pawulo. Se Pawulo amu byele leswaku hi xihantla a afanele a ya byela murhangeli wa masonchwa. Xana swimu vevukelile ntukulu wa Pawulo kuva aya vulavula ni murhangeli? — Nikatsongo, hikusa murhangeli wa masonchwa a ali munhu wa lisima ngopfu. Kambe ntukulu wa Pawulo a kombise xivindzi hi ku ya vulavula ni murhangeli wa masonchwa.

Murhangeli wa masonchwa a yendle xokarhi; a rhume 500 wa masonchwa leswaku ma sirhelela Pawulo! Ava byele leswaku vamu teka vamu yisa aKhezariya wusiku lolelo. Xana wutomi la Pawulo li ponisiwili? — Ina, vavanuna va timbilu tobiha avamu yendlanga nchumu! Rhengu la vona la kubiha libe hansi.

Xana unga djondza yini ka rungula leli? — Na wena ungaswi kota kuva ni xivindzi kufana ni ntukulu wa Pawulo. Hi fanele hiva ni xivindzi loko hi vulavula ni vanhu hi Yehovha. Xana na wena u tava ni xivindzi naswona uta hambeta u vulavula hi Yehovha? — Loko u yendla leswo, ungaha ponisa wutomi la vanhu.