Wutomi A Li Tshamise Ku Yini Paradesi?

Yehovha a nyike Adamu na Evha swilo swa swinyingi swaswinene. Genesa 1:28

Yehovha a yendle wansati wa ku sungula Evha a gama a mu nyika Adamu leswaku a va nsati wa yena. — Genesa 2:21, 22.

Yehovha a va yendle na va li ni mimpimiso ni muzimbha wa ku hetiseka, va nga li na xivati ni xin’we.

Munti wa vona wa paradesi a wu li jardim la Edeni, ndhawu ya ku saseka swinene lani a ku ni minsinya leyi psalaka mihandzu ku tlhela ku va ni swiharhi swa ku hambanahambana.

Yehovha a a vulavula na vona ni ku va djondzisa. Loko a va mu yingisile, a va ta hanya hi masiku ni masiku aparadesi lani misaveni.

Xikwembu xi te: ‘U nga tshuki u dla’ handzu wa nsinya lowu. Genesa 2:16, 17

Yehovha a kombe Adamu na Evha nsinya wun’wani ajardim a gama a va byela swaku loko va dla handzu wa nsinya lowu va ta fa.

Ntsumi yin’wani yi djikele Xikwembu. Ntsumi yoleyo i Sathana.

Sathana a a nga swi lavi leswaku Adamu na Evha va yingisa Yehovha. Hi mhaka leyo, a tirhise nyoka leswaku yi byela Evha leswaku loko a dla handzu lowuyani a a nga ta fa, kambe a a ta fana ni Xikwembu. Ku vula ntiyiso wolawo a ku li mavunhwa. — Genesa 3:1-5.