Xingheniso Xa Xiyenge 11

Ku sukela swoswi hi ta vona switoriya swa Matsalwa Ya Wukreste Ya Xigriki. Hi ta djondza swilo swa swinyingi hi Yesu, yena a psaliwe ka ndjangu lowu a wu tiveka hansi, lowu a wu tshama ka doropa lalitsongo. Yesu ni papayi wa yena a va li vakarpinteru naswona Yesu a a langiwe hi Yehovha leswaku a ta ponisa vanhu ni swaku a va Hosi Ya Mfumu Wa Xikwembu. Se loko u li papayi kumbe mamani pfuna n’wana wa wena ku twisisa swaku Yehovha a wu langise ku yini ndjangu wawunene leswaku Yesu a psaliwa ka wona. Mu pfuni leswaku a vona leswi Yehovha a nga mu vhikelisa xiswona Yesu leswaku a nga dlayiwi hi Hosi Heroda. Ni swaku a ku na nchumu lexi nga sivelaka Yehovha ku yendla nchumu xin’wani ni xin’wani lexi a xi lavaka. Hi ta djondza swaku Yehovha a mu pfunise ku yini Yohani leswaku a pfuna vanhu swaku va tilunghiselela ku fika ka Yesu. Kombisa swaku Yesu a a li nyika lisima wutlharhi la Yehovha hambileswi a a li jovhem.