BIBLIYOTEKA KA INTERNETI la Watchtower
Watchtower
BIBLIYOTEKA KA INTERNETI
xiChangana (Moçambique)
  • BIBELE
  • MABUKU
  • MINTLHANGANU
  • lfb djondzo 76 páj. 180-páj. 181 par. 4
  • Yesu A Hlongole Vaxavisi Atempeleni

Aku na vhidiyu lihlawuliweke.

Hivaleli, aswikotekanga kuchaya vhidiyu.

  • Yesu A Hlongole Vaxavisi Atempeleni
  • Djondza Ka Switoriya Swa Bibele
Djondza Ka Switoriya Swa Bibele
lfb djondzo 76 páj. 180-páj. 181 par. 4
Yesu a tirhisa a magoda leswaku a hlongola a swifuyu atempeleni a tlhela a wisetela a mimeza ya vaxavisi

XITORIYA 76

Yesu A Hlongole Vaxavisi Atempeleni

Loko se ku hundze tiwhetinyana Yesu na a tsakamisiwile a ye aYerusalema. Vanhu va vanyingi a va li koseniyani leswaku va tlangela a Paxkwa. Ka Paxkwa vanhu va vanyingi a va tolovela ku ya tempeleni leswaku va ya nyikela magandzelo hi ku tirhisa swifuyu. Vanhu van’wani a va tolovela ku teka swifuyu swa vona leswaku va ya swi nyikela swi va magandzelo, kambe van’wani a va tolovela ku xava swifuyu loko se va fike aYerusalema.

Nkama lowu Yesu a nga fika atempeleni a kume vanhu lava a va xavisa tihomu, tinyempfu ni swituvani. Vanhu lavayani a va nga yelanga ku ya gandzela Yehovha kambe a va yele ku ya xavisa minchumu ntsena. Se wa swi tiva leswi Yesu a nga fika a swi yendla? Yena a teke magoda a ma patsanisa, a gama a ma tirhisa leswaku a hlongola tihomu ni tinyempfu leti a ti li tempeleni. Se a game a wisa mimeza ya lava a va xavisa ni ku tlhela a hangalasa male ya vona yi wa hansi. Yesu a game a byela vavanuna lava a va xavisa swituvani a ku:

— Susani swilo hinkwaswu leswi lani, kaya ka Papayi wa mina a hi ndhawu ya ku xavisa swilo.

A vanhu atempeleni va hlamale hintamu hi swilo leswi Yesu a nga swi yendla. Vadjondzisiwa va Yesu va khumbuke wuprofeta lin’wani leli a li vulavula hi Mesiya li ku:

— Mina ni ta hisekela yindlo ya Yehovha.

Loko se ku hundze 3 wa malembe, Yesu a tlhelele atempeleni a fika a kuma swaku vaxavisi a va tlhele va sungula ku xavisa se a fika a va hlongola. Yena a a lava leswaku vanhu hinkwavu va hlonipha kaya ka Papayi wa yena.

“A mi nge swi koti ku tirhela Xikwembu ni ku tirhela Ku Ganya hi nkama wun’we.” — Luka 16:13

Hi yihi nhlamulu ya wena? I mpsini leswi Yesu a nga swi yendla loko a vona vanhu na va xavisa swifuyu atempeleni? Hi mhaka muni a yendle leswo?

Matewu 21:12, 13; Marka 11:15-17; Luka 19:45, 46; Yohani 2:13-17; Tipisalema 69:9

    Mabuku ya xiChangana (2003-2025)
    Huma
    Nghena
    • xiChangana (Moçambique)
    • Rhumela
    • Hlawula
    • Copyright © 2025 Watch Tower Bible and Tract Society of Pennsylvania
    • Minawu ya Matirhiselo
    • Nawu wa Xihundla
    • Seta Swa Xihundla
    • JW.ORG
    • Nghena
    Rhumela