DJONDZO 20

Leswi Bandla Li Nga Tshamisa Xiswona

La Ku Imprimiriwa

Yehovha a hi Xikwembu xa mpfilumpfilu. (1 Vakorinto 14:33) Hi mhaka leyo, swa twala kuva vanhu va yena na vona va nga na mpfilumpfilu. Bandla la Wukreste li tshamise ku yini? Naswona hi nga Yentxa yini swaku hinkwaswu swi famba kahle?

1. I mani nhloko ya bandla?

‘Kreste i nhloko ya bandla’. (Vaefeza 5:23) A rhangela mintirho leyi yi yentxiwaka hi vanhu va Yehovha amisaveni hinkwayu na a li tilweni. Yesu a veke “mutirhi wa ku tshembeka ni wa ku tlhariha” kumbe Ntlawa lowu Rhangelaka, ku nga ntlawa wa wutsongo wa madoda lawa ma nga ni malembe na ma tirhela Yehovha. (Lerha Matewu 24:45-47.) Ku fana ni vapostolo ni madoda ya Jerusalema, a Ntlawa Lowu Rhangelaka wu nyikela nkongomiso ka mabandla ya misava hinkwayu. (Mintirho 15:2) Kambe vamakwerhu lava a hi varhangeli va nhlengeletanu. Va kambisisa Bibele kuva va tiva leswi Yehovha a lavaka va swi yentxa. Naswona hi ku swi rhandza va landza nkongomiso wa Yesu.

2. Hi wini ntirho wa madoda?

Madoda i vavanuna lava va nga ni wunghanu la ku tiya na Yehovha, naswona va tirhisa Bibele swaku va djondzisa ni ku tiyisa vanhu va yena. A va hakeliwi hi ku yentxa ntirho lowu, kambe va wu yentxa ‘hileswi va rhandzaka ku yentxa ku rhandza ka Xikwembu, funtshi a va yentxi leswo hi ku lava ku kuma xanchumu kambe hi ku swi rhandza.’ (1 Pedru 5:1, 2) Madoda ma pfuniwa hi vapfunisi va bandla, lava hi ku famba ka nkama na vona va nga ha fanelekaka ku va madoda.

Ntlawa Lowu Rhangelaka wu veka madoda man’wana swaku ma va vadjikelezi. Vona va pfuxela mabandla ya manyingi swaku va ma kongomisa ni ku ma tiyisa. Hi vona va vekaka madoda ni vapfunisi va bandla lava va fanelekaka hi ku ya hi Matsalwa. — 1 Timotiyu 3:1-10, 12; Tito 1:5-9.

3. Hi wini ntirho wa vamakwerhu hinkwavu abandleni?

Hinkwerhu abandleni hi ‘dzunisa vito la Yehovha’ hi ku hlamula ka mintlhanganu, hi tlhela hi va kona ka ntirho wa ku chumayela hilani hi nga kotaka hi kona. — Lerha Tipisalema 148:12, 13.

DJONDZA SWIN’WANA

Vona swaku Yesu i murhangeli wa ku tshamisa ku yini, madoda ma mu tekelelisa ku yini, naswona hi nga yentxa yini swaku hi mu yingisa hi tlhela hi tirhisana kahle ni madoda.

4. Yesu i murhangeli wa munene

Yesu wa hi rhamba. Lerhani Matewu 11:28-30, mi gama mi bula hi xivutiso lexi landzelaka:

Yesu a lava hi titwisa ku yini hi ndlela leyi a hi rhangelaka hi yona?

Madoda ma xi tekelelisa ku yini xikombiso xa Yesu? Sixtirani VHIDIYO.

VHIDIYO: Madoda Ma Pfune Vamakwerhu Nkama Ku Nga Humelela Ku Tsekatseka Ka Misava aNepal (4:56)

Bibele li swi kombisa kahle leswi madoda ma faneleke ma wu yentxisa xiswona ntirho wa wona.

Lerhani Esaya 32:2 na 1 Pedru 5:1-3, mi gama mi bula hi swivutiso leswi landzelaka:

U titwisa ku yini hi ku tiva swaku ku fana na Yesu, madoda ma lava swaku vamakwerhu va titwa kahle?
Hi tini tindlela tin’wana leti madoda ma tekelelaka Yesu hi tona?

5. Madoda ma va vekela xikombiso vamakwerhu

Yesu a lava swaku madoda ma wu vonisa ku yini ntirho wa wona? Sixtirani VHIDIYO.

VHIDIYO: Madoda Hi Wona Ma Rhangelaka (7:39)

Yesu a nyikele minawu ka lava va rhangelaka bandla. Lerhani Matewu 23:8-12, mi gama mi bula hi xivutiso lexi landzelaka:

Hi kwini ku hambana ka minawu leyi Bibele li yi nyikaka madoda ni leswi varhangeli va wukhongeli va swi yentxaka?

A. Mafoto: Doda na li yentxa djondzo ya lona ya Bibele ni ku pfuna ndjangu wa lona swaku wu yentxa leswi fanaka. 1. Li rhanga hi ku khongela na li nge se sungula ku djondza Bibele. 2. Li djondzisa n’wana wa lona wa xisati Bibele na li pfuniwa hi nsati wa lona.

B. Doda leli ni nsati wa lona va pfuxela makwerhu wa bandla la vona lweyi a vabyaka axibelhele.

Madoda ma zama ku tiyisa wunghanu la wona na Yehovha, ni ku pfuna mindjangu ya wona swaku yi yentxa leswi fanaka
Madoda ma ni mhaka ni vamakwerhu hinkwavu bandleni
Madoda ma chumayela nkama ni nkama
Madoda ma djondzisa naswona ma pfunisa ka ku basisa yindlo ya wugandzeli ni mintirho yin’wana

6. Hi nga swi kota ku tirhisana kahle ni madoda

Bibele li hi byela nchumu wa lisima lowu wu hi yentxaka hi lava ku tirhisana kahle ni madoda. Lerhani Vaheberu 13:17, mi gama mi bula hi swivutiso leswi landzelaka:

Hi mhaka muni Bibele li hi byela swaku hi fanele hi yingisa hi tlhela hi tiveka hansi ka lava va rhangelaka? Wena u swi vonisa ku yini?

Lerhani Luka 16:10, mi gama mi bula hi xivutiso lexi landzelaka:

Hi mhaka muni swi li swa lisima kuva minkama hinkwayu hi yingisa madoda, hambi ka minchumu ya yitsongo?

VAN’WANA VA LI: “Xikwembu u nga xi gandzela hambi u nga li ka nhlengeletanu ya wukhongeli.”

Hi mhaka muni swi li swinene ku gandzela Xikwembu xikan’we ni vanhu van’wana lava va xi gandzelaka?

LESWI HI NGA SWI DJONDZA

Yesu i nhloko ya bandla, naswona madoda ma kongomisiwa hi yena. Ha tsaka hi ku tirhisana ni madoda, hikusa ma hi rhangela kahle naswona ma hi djondzisa hi xikombiso xa wona.